ཁྱུང་དཀར་བ་ཀུན་བཟང་ཚེ་རིང་།
ཁྱུང༌བཟང་། དངོས་མིང་ལ་ཀུན་བཟང་ཚེ་རིང་ཟེར། 1974ལོའི་ཟླ3པར་རེབ་གོང་སྨད་པ་ཁྱུང་བོ་རུ་ལྟེ་ཁྲག་འཕོས། རང་ལོ་བརྒྱད་པ་ནས་བཟུང་ཁྱུང་བོ་སློབ་གྲྭ་སོགས་རིམ་པར་འགྲིམས་ཏེ་སློབ་གྲྭའི་སློབ་གསོ་མྱངས། 1995ལོའི་ཟླ་བདུན་པར་རྨ་ལྷོ་དགེ་ཐོན་སློབ་གྲྭ་ནས་སློབ་མཐར་ཕྱིན་ཏེ། ཕ་ཡུལ་ཁྱུང་བོ་རུ་དགེ་རྒན་གྱི་བྱ་བ་བསྒྲུབས། 1998ལོའི་ཟླ9པར་མཚོ་སྔོན་དགེ་ཐོན་སློབ་ཆེན་དུ་ཞུགས་ནས་ཟབ་སྦྱོང་བྱས། 2002ལོའི་ཟླ9བ་ནས་ད་ལྟའི་བར་དུ་རེབ་གོང་མི་རིགས་བཅའ་སྡོད་སློབ་གྲྭ་རུ་དགེ་རྒན་གྱི་ལས་ཀ་གཉེར་དང་གཉེར་བཞིན་པ་ལགས་ཤིང༌། ཕོ་ལོ་བཅུ་བདུན་ནས་རྩོམ་ཡིག་འབྲི་སྦྱོང་གི་ལས་ལ་ཞུགས་ཏེ། ཞིང་ཆེན་ཕྱི་ནང་གི་གཞུང་སྒེར་དུས་དེབ་དང་ཚགས་པར་སོགས་སུ་ལྷུག་རྩོམ་དང་སྙན་ངག འབོལ་རྩོམ་གྱིས་གཙོས་པའི་བརྩམས་ཆོས་སུམ་བརྒྱར་ཉེ་བ་བཀོད་མྱོང་བ་དང༌། ཞིང་ཆེན་རིམ་པའི་བྱ་དགའ་ཡང་ཐེངས་ལྔ་དྲུག་ཙམ་ཐོབ་མྱོང༌།
|
