བོན་བརྒྱ་བསྟན་པའི་ཉི་མ།
བསྟན་པའི་ཉི་མ། ༡༩༦༧ ལོར་ཀོས་ནན་རྫོང་སུམ་མདོ་ཤང་རྒྱ་ལྡང་སྡེ་བ་རུ་སྐྱེས། ༡༩༧༦ ལོ་ནས་གཡང་དཀར་གྱི་སུག་རྗེས་བསྙེགས་བཞིན་དབྱངས་གསལ་གྱི་སྦྱོར་ཀློག་ཁུ་བོའི་མདུན་ནས་བསླབས། ༡༩༨༠ལོར་རེབ་གོང་རྫོང་ཆུ་ཁོག་ཤང་སྨན་རི་བཤད་སྒྲུབ་སྨིན་གྲོལ་གླིང་ངམ་རེབ་གོང་བོན་བརྒྱ་དགོན་ནས་རབ་ཏུ་བྱུང་སྟེ་བོན་གྱི་མཁས་དབང་དུ་མའི་མདུན་ནས་སློབ་སྦྱོང་བྱས་པས། བོད་ཀྱི་རིག་གནས་ལྔའི་གླེགས་བམ་གྱི་ཉིན་སྲིབ་བར་ནས་བོད་དང་བོན་གྱི་རིག་གནས་ཀྱི་སློབ་གསོ་མྱོང་བའི་སྐལ་བ་ཐོབ། ༡༩༩༩ལོ་ནས་བསྟུད་མར་ལོ་ངོ་དགུའི་རིང་ལ་བོན་བརྒྱ་དགོན་དོ་དམ་ཨུ་ཡོན་ལྷན་ཁང་དང་དགོན་པའི་དགེ་རྒན་གྱི་བྱ་བའི་འགན་གཅིག་ལྕོགས་སུ་བཞེས། ༢༠༠༨ལོ་ནས་རེབ་གོང་བོན་བརྒྱ་དགོན་གྱི་མཁན་པོའི་ཁྲི་ལ་བཞུགས་ཏེ་བོན་གྱི་རིག་གནས་འཛིན་སྐྱོང་སྤེལ་གསུམ་གྱི་ཐབས་ལ་བརྩོན་བཞིན་བདོག། |
དཔྱད་གཏམ་ཡོངས་ལ་གཟིགས་པ།
