བརྡ་སྤྲོད་ཉི་ཤུ་བདུན་པ་ཞེས་བྱ་བའི་གཞུང་བཞུགས་པ་ལགས་སོ།།

༄༅།། ཞང་ཞུང་སྐད་དུ།། ཕྱོ་ཉིལ་ནི་བཅུ་སྣིས་བྷ་དཱ་ཡ།། བོད་སྐད་དུ་བརྡ་སྤྲོད་ཉི་ཤུ་བདུན་པ་ཞེས་བྱ་བ།། ཕུན་ཚོགས་ཡོན་ཏན་ལྷུན་ལ་རྫོགས།། བླ་མ་སངས་རྒྱས་རྟེན་གསུམ་དང༌།། ཕྱོགས་བཅུའི་གཤེན་རབ་ཐམས་ཅད་ལ།། སྒོ་གསུམ་གུས་པས་ཕྱག་འཚལ་ལོ།།
ལེའུ་དང་པོ། ཡི་གེའི་སྦྱོར་གཞི་ངེས་བཟུང་དང་རྣམ་གྲངས་བསྟན་པ།།                                                                           

འཕྲུལ་གྱི་ཡེ་གེའི་དོན་བསྟན་པས།། སྨྲ་བའི་ངག་ཀུན་གསལ་མཛད་པ།། ཐབས་ཀྱི་མཆོག་དང་ཤེས་རབ་ཕུལ།། མིང་ཚིག་གང་ཡང་སྦྱོར་བའི་གཞི།། ཡིག་སྦྱོར་ལག་ལེན་བསྟན་པར་བྱ།། ཡི་གེའི་འདུ་བྱེད་ཁམས་གསུམ་འཁོར།། དོན་ལ་སྦྱོར་བའི་མཚན་ཉིད་འཛིན།། ངོ་བོ་འཕྲུལ་ཡིག་བཞི་བཅུའོ།། དཔའ་བོ་འབྲུ་ལྔ་ལས་འབྱུང་བའི།། འབྱུང་ཆེན་རིམ་པ་ཀྵ་ཀ་ཁ།། ག་ང་ཧ་ཨ་ཨཾ་བརྒྱད་པོ།། ནམ་མཁའི་ཁམས་ཡིན་ཨཱོྃ་ལས་བྱུང༌།། འོག་མ་རྣམས་ཀྱང་དེ་བཞིན་དེ།། ཨེ་ཎ་ར་བྷི་ཥྚ་བརྒྱད་པོ།། ས་ཁམས་ཡིན་ཏེ་སྲུཾ་ལས་བྱུང༌།། ཨུ་པ་ཟ་འ་ཨཿབརྒྱད་པོ།། ཆུ་ཡི་ཁམས་ཡིན་ཁཾ་ལས་བྱུང༌།། ཨི་ཙ་ཡ་ཤ་ཞ་བརྒྱད་པོ།། རླུང་གི་ཁམས་ཡིན་ཨཾ་ལས་བྱུང༌།། དེ་དག་འབྱུང་ཆུང་སྡེ་ལྔ་རུ།། དབྱེ་བའི་རིམ་པ་ཀྵ་ཨེ་ཨོ།། ཨུ་ཨི་ཨཾ་ཨཿ དང་བརྒྱད།། རླུང་གི་སྡེ་ཡིན་ཆེན་པོའོ།། ཀ་ཅ་ཏ་པ་ཙ་ཞ་ར།། ཧ་བརྒྱད་ས་སྡེ་དྲག་པོའོ།། ཁ་ཆ་ཐ་པ་ཚ་ཟ་ལ།། ཨ་བརྒྱད་ཆུ་སྡེ་འབྲིང་པོའོ།། ག་ཇ་ད་བ་ཛ་འ་ཤ།། བྷི་བརྒྱད་མེ་སྡེ་ཞན་པའོ།། ང་ཉ་ན་མ་ལྔ་ཡ་ས།། མྷིང་བརྒྱད་མཁའ་སྡེ་རྔུབ་པའོ།། འབྱུང་ཁུངས་སྡེ་ཚན་བརྒྱད་པོ་ལ།། ཡི་གེ་ལྔ་ལྔར་ཕྱེ་བ་ལས།། དང་པོ་ཀྵ་ཀ་ལ་སོགས་ལྔ།། མགྲིན་པའི་གནས་ལས་སྐྱེ་བ་ཡིན།། འོག་མ་བདུན་ཡང་དེ་བཞིན་ཏེ།། ཨེ་ཨོ་