|
ནི། ག་ད་ཆུའོ། བ་སའོ། མ་ནམ་མཁའོ། འ་མེའོ།
ཨི་ལྡན་གྱི་རྐྱེན་ནི། ཀྱི་གི་གྱི་ཡི་འི་དང་། ཀྱིས་གིས་གྱིས་ཡིས་འིས་སོ། ཨུ་ཡིག་གི་རྐྱེན་ནི་སུ་རུ་དུ་ཏུ་ར་ན་ལ། ཨེ་ཡིག་གི་རྐྱེན་ནི་སྟེ་ཏེ་དེའོ། ཨོ་ཡིག་གི་རྐྱེན་ནི་གོ་ངོ་དོ་ནོ་བོ་མོ་འོ་རོ་ལོ་སོ་ཏོ་རྣམས་རྫོགས་ཚིག་གོ ཞར་བྱུང་གམ་ངམ་དམ་ནམ་བམ་མམ་འམ་རམ་ལམ་སམ་ཏམ་རྣམ་པར་བརྟག་པ་ཅན་ནོ། ཨ་ཡིག་གི་རྐྱེན་ནས་ལས་གཉིས་འབྱུང་ཁུངས་དགར་སྡུད་ལྷག་བཅས་སོ། ཀྱང་ཡང་འང་ཚིག་རྒྱན་གཉིས་དང་སྡུད་པའོ། ཅི་རིགས་པའི་རྐྱེན་ནི། ཅིང་ཤིང་ཞིང་། ཅིག་ཤིག་ཞིག ཅེས་ཤེས་ཞེས། ཅེ་ན་ཤེ་ན་ཞེ་ནའོ། བདག་སྒྲ་ནི་པ་བ་མ། པུ་བུ་མུ། པོ་བོ་མོའོ། དགག་སྒྲ་ནི་མ་མིའོ། ཕྲད་རང་དབང་ཅན་ལས། བོད་པ་ཀྱེ་ཀྭའོ། དགག་བསྣན་ཙིག་སྐད་ནི། སྤྱི་ཁྱབ་སྒྲ་གང་སུ་ཅི་ཇི་འབྱེད་སྡུད་ཚེ་སྐབས་རྒྱུ་མཚན་གདམས་ངག་ལ་འཇུག་པའོ། དེ་དག་འཇུག་ཚུལ་ཞིབ་པ་གཞུང་འགྲེལ་ལ་གསལ་ལོ། ། བཀྲ་ཤིས། །
བདེ་གཤེགས་གསུང་གི་ངོ་བོ་ཉིད། ། རྗེ་བཙུན་ཕྱྭ་ལ་གུས་བཏུད་ནས། ། མགོན་ཁྱོད་མཁྱེན་བརྩེའི་འོད་དཀར་གྱིས། ། བདག་བློའི་ཀུད་མུད་རྒྱས་པར་མཛོད། ། བོད་ཀྱི་བརྡ་ལ་མཀས་འདོད་ཀྱི། ། བློ་གསལ་རྣམས་ལ་ཕན་བྱའི་ཕྱིར། ། ཕྲད་དང་རྣམ་དབྱེ་ཡི་ཚུལ་ནི། ། གོ་སླ་ཉུང་ངུར་བཤད་པར་བྱ། ། ཨི་ཡིག་གི་ནི་རྐྱེན་རྣམས་ནི། ། ཀྱི་གི་གྱི་ཡི་འི་དང་ལྔ། ། རྗེས་འཇུག་མཐའ་དང་མཐུན་ལུགས་བཤད། ། ད་བ་ས་ཀྱི་ག་ང་གི། ། ན་མ་ར་ལ་བཞི་བོར་གྱི། ། འ་མཐའ་ཅན་དང་མཐའི་རྟེན་མེད། ། ཕྲད་ཀྱི་སྦྱོར་བ་གཅིག་པའི་ཕྱིར། ། ཚིག་བཅད་ཚང་ན་འི་སྦྱོར་ཞིང་། ། ཚིག་རྐང་མ་ཚང་ཡི་ཐོབ་བོ། ། དེ་ནི་དྲུག་པ་འབྲེལ་སྒྲ་སྟེ། ། སྐབས་འགར་ཚིག་རྒྱན་གཉིས་ལའང་འཇུག ། དེ་ལྔ་ལ་ནི་ས་མཐའ་སྦྱར། ། རྣམ་དབྱེ་གསུམ་པ་བྱེད་པའི་སྒྲ། ། སྐབས་འགར་རྒྱུ་མཚན་ལའང་འཇུག ། ཨུ་ཡིག་རྐྱེན་ནི་ཏུ་དུ་རུ། ། སུ་ར་ན་ལ་དང་བཅས་པ། ། ག་བ་ད་དྲག་ཅན་མཐར་ཏུ། ། ང་ད་ན་མ་ར་ལ་དུ། ། འ་མཐའ་ཅན་དང་མཐའ་རྟེན་མེད།། ཀུན་ལ་ཚིག་རྐང་ཚང་ན་ར། ། ཚིག་རྐང་མ་ཚང་རུ་ཐོབ་བོ། ། ས་མཐར་སུ་སྦྱར་ན་ལ་གཉིས། ། རཇེས་འཇུག་ཡི་གེར་ལྟོས་པ་མེད། ། དེ་དག་རནམ་དབྱེ་གང་ཞེ་ན། ། གཉིས་པ་ལས་དང་བཞི་བ་ཆེད། ། བདུན་པ་གནས་གཞིའམ་རྟེན་གནས། ། ཚེ་སྐབས་དང་ནི་དེ་ཉིད་དོ། ། ཨེ་ཡིག་རྐྱེན་ནི་སྟེ་ཏེ་དེ། ། ག་ད་བ་མ་འ་མཐར་སྟེ། ། ན་ར་ལ་ས་བཞི་བོར་ཏེ། ། ད་དེ་དེ་དག་ལྷག་བཅས་ཡིན། ། དེ་ནི་ཐ་སྙད་དབང་དུ་གསུམ། ། འདས་དང་ལྷག་བཅས་རྣམ་གྲངས་བརྗོད། ། དངོས་པོའི་དབང་དུ་བཞི་ཡིན་ཏེ། ། བདག་གི་བ་དང་ཕ་རོལ་པོ། ། གསང་བའི་དངོས་དང་དེ་ཉིད་དང་། ། དུས་
|
