དཔའ་བོ་འབྲུ་ལྔ་ལས་འཕྲུལ་ཡིག་བཞི་བཅུ་བྱུང་ཚུལ་བསྟན་པ།
|
ཀྱི་དབང་དུ་འདས་མ་འོངས། ། ཨོ་ཡིག་གི་ནི་རཀྱེན་བཅུ་གཅིག ། གོ་ངོ་དོ་ནོ་བོ་མོ་འོ། ། རོ་ལོ་སོ་དང་ཏོ་རྣམས་ཏེ། ། རྗེས་འཇུག་རང་རང་ཡོད་རྗེས་སུ། ། རང་རང་ཨོ་ལྡན་སྦྱོར་བ་དང་། ། ད་དྲག་ཅན་ལ་ཏོ་སྦྱོར་རོ། ། དེ་ནི་སླར་སྡུའམ་རྫོགས་ཚིག ། ཨཾ་རྐྱེན་གམ་ངམ་དམ་ནམ་བམ། ། མམ་འམ་རམ་ལམ་སམ་ཏམ་བཅས། ། བཅུ་གཅིག་རྣམ་པར་བརྟག་པ་ཅན། ། དྲི་བ་ཐེ་ཚོམ་གདམ་ང་དང་། ། འབྱེད་སྡུད་ལའང་སྐབས་འགར་འཇུག ། རྗེས་འཇུག་མཐའ་དང་མཐུན་ལུགས་ནི། ། རྫོགས་ཚིག་སྐབས་དང་འདྲ་བར་ཤེས། ། ཨང་ཡིག་རྐྱེན་ནི་ཀྱང་ཡང་འང་། ། ག་ད་བ་ས་ད་དྲག་ཅན། ། རྗེས་སུ་ཀྱང་དང་ང་འ་ན། ། མ་ར་ལར་ཡང་མཐའ་རྟེན་མེད། ། འང་དང་ཚིག་རྐང་མ་ཚང་ཡང་། ། དེ་ནི་ཚིག་རྒྱན་མཐུན་མི་མཐུན། ། སྡུད་པ་རྣམས་སུ་ཤེས་པར་བྱ། ། པ་བ་གཉིས་ཀྱི་ཐོབ་ཚུལ་ནི། ། ག་ད་ན་བ་མ་ས་དང་། ། ད་དྲག་ཅན་ལ་པ་སྦྱོར་ཞིང་། ། ང་འ་ར་ལ་མཐའ་མེད་མཐར། ། བ་ཕྱེད་ཝར་འབོད་རྣམས་ལ་བ། ། དེ་མིན་གཞན་ལ་པ་སྦྱོར་རོ། ། དེ་དག་བདག་པོའི་སྒྲ་རུ་འགྱུར། ། ཅི་རིགས་རྐྱེན་ནི་འདི་ལྟར་ཏེ། ། ཅིང་ཤིང་ཞིང་གསུམ་འཕྲོ་མཐུད་ཡིན། ། ཅེས་ཤེས་ཞེས་གསུམ་བརྗོད་པའི་ཚིག ། སྔོན་མ་དེ་ཡི་ངེས་བཟུང་ཡིན། ། དེ་དང་འདྲ་བའི་ཚིག་ཕྲད་ནི། ། ཅེ་ན་ཞེ་ན་ཤེ་ན་དང་། ། ཅེ་འོ་ཞེ་འོ་ཤེ་འོ་རྣམས། ། ལན་དང་བཅས་པའི་སྒྲ་རུ་འགྱུར། ། ཅིག་ཞིག་ཤིག་ནི་བསྐུལ་ཚིག་གམ། ། གསལ་བྱེད་ཡིན་ནི་དེ་རྣམས་ནི། ། རྗེས་འཇུག་མཐའ་དང་མཐུན་ལུགས་ནི། ། ག་ད་བ་མཐར་ཅིང་སོགས་སྦྱོར། ། ང་ན་མ་འ་ར་ལ་དང་། ། མཐའ་རྟེན་སྤངས་རྗེས་ཞིང་སོགས་སྦྱོར། ། ས་མཐར་ཤིང་ཤེས་སོགས་ལྔ་སྦྱོར། ། མ་དང་མི་ནི་མིང་གང་གི། ། ཐོག་མར་སྦྱར་བ་དགག་པ་སྟེ། ། མ་ནི་འདས་དང་མ་འོངས་དང་། ། མི་ནི་ད་ལྟ་བ་ཡིན་ནོ། ། པུ་བུ་འུ་དང་པོ་བོ་འོ། ། བདག་པོའི་སྒྲ་དང་ཆ་མཐུན་ཡིན། ། ག་མཐར་པུ་དང་གཞན་རྣམས་བུ། ། འུ་ནི་མཐའ་རྟེན་མེད་ལའོ། ། པོ་ནི་ག་ང་ད་ན་བ། ། མ་ར་ལ་སའི་མཐའ་རུ་སྦྱར། ། བོ་དང་འོ་ནི་ལེན་མེད་དང་། ། འ་ཡིག་རྗེས་སུ་ཐོབ་པ་སྟེ། ། གསལ་འགྱུར་འ་ནི་ཀུན་གྱིས་དོར། ། བདག་པོའི་དངོས་སྒྲ་པོ་འདི་ཉིད། ། རྗེས་འཇུག་མཐའ་ལ་ལྟོས་པ་མེད། ། ཀྱེ་དང་ཀྭ་ནི་བོད་པའི་བརྡ། ། མིང་དང་ཚིག་གི་ཐོག་མཐར་འཇུག ། ཀྱི་ནི་ཡུལ་མཆོག་རྣམས་ལ་ཐོབ། ། ཀྭ་ནི་མཆོག་མིན་རྣམས་ལའོ། ། གང་སུ་ཅི་ཇི་སྤྱི་ཁྱབ་སྒྲ།། སྙེས་སྲིད་ལྟར་བཞིན་སྐད་ལ་ཇི། ། ཞིག་སྟེ་སླར་སྒྲ་ཕྱིར་ལ་ཅི། ། ཞིག་དང་ཅི་དང་ཇི་ཡང་རུང་། ། གང་སུ་ཅི་གསུམ་མིང་གང་གི། ། ཐོག་མཐའ་ཀུན་ཏུ་འབྱུང་བ་ཡིན། ། ཇི་ནི་ཐོག་མ་ཁོ་ནའོ། ། གང་དང་ཅི་ནི་དངོས་ཀུན་ལ། ། འཇུག་ཅིང་སུ་ནི་གང་ཟག་ལའོ། ། ནི་ཞེས་ཚིག་ |
