དཀར་ཆག་ཡིག་ཚགས། དཔེ་ཚོགས།

༧སྐྱབས་རྗེ་རྒྱལ་བ་སྨན་རི་བའི་བརྟན་བཞུགས་ཤིས་རྩོམ་ཕྱོགས་བསྒྲིགས།

༧སྐྱབས་རྗེ་རྒྱལ་བ་སྨན་རི་བའི་བརྟན་བཞུགས་ཤིས་རྩོམ་ཕྱོགས་བསྒྲིགས།

སྔོན་གླེང་གཏམ་ཐུང་།

    དེ་ཡང་སྟོང་ལོ་བཅུ་དྲུག་ལོར་རྗེ་བླ་མ་རྒྱལ་བ་སྨན་རིའི་ཁྲི་འཛིན་སོ་གསུམ་པ་མཆོག་ལ་མཎྚལ་བརྟན་བཞུགས་འདེགས་འབུལ་གྱི་ཉིན་མོ་དེ་ནི་འགྲོ་བ་སྤྱི་དང་ཡང་སྒོས་རི་བོ་ཧི་མ་ལའི་ཕྱི་ནང་གི་བོན་འབངས་སྐྱེ་བོ་མ་ལུས་དགའ་འགུ་སྤྲོ་གསུམ་དགོས་པའི་དུས་ཚོད་བཟང་པོ་ཞིག་ཅི་ལ་མིན་ཨང་།  སྐབས་དེ་ནི་ཁོ་བོར་མཚོན་པའི་ཁུལ་ན་ལོ་རྒྱུས་ཀྱི་ཐེབ་དེར་ངོས་སུ་བཀོད་འོས་པའི་གནས་རིམ་གལ་བོ་ཆེ་བ་ཞིག་ལ་སྣང་ཡོད། འདས་སོང་གི་མི་རབས་སྔ་མ་རྣམས་ཀྱིས་ཀྱང་གྱེར་བསྟན་རྗེས་འཇུག་གི་མི་རབས་ཕྱི་མ་དག་གིས་ཡིད་དུ་བཅག་ངེས་པའི་གཞི་རྟེན་ཞིག་གི་དོད་དུ་ད་རེས་འཛམ་གླིང་ཤར་ནུབ་ན་བཞུགས་པའི་བོན་འབངས་དང་དེ་མ་ཡིན་པའི་རིས་མེད་སྨྱུག་ཐོག་པ་ཉིས་བརྒྱ་ལྷག་གི་ཕྱག་བརྒྱུད་ནས་ཕེབས་པའི་སྙན་ཚིག་ངག་གི་མཆོད་སྤྲིན་འདི་ཉིད་ཕྱོགས་གཅིག་ཏུ་དྲིལ་རྒྱུའི་ལས་སུ་ཞུགས་པའི་ཁུལ་བྱས་ཡིན་ལ་གཤམ་ནས་དེ་འབྲེལ་གྱི་དགོས་ངེས་སྐོར་གྱི་གཏམ་རེ་ཟུང་ཞུ་རྒྱུར།

ཞིབ་ཏུ་ཀློག ༧སྐྱབས་རྗེ་རྒྱལ་བ་སྨན་རི་བའི་བརྟན་བཞུགས་ཤིས་རྩོམ་ཕྱོགས་བསྒྲིགས།

དབྱིན་དེབ་སྟེང་གི1882ལོའི་དམུ་གཤེན་གདན་ས་རི་རྒྱལ་དགོན་གྱི་སྐོར།

དབྱིན་དེབ་སྟེང་གི1882ལོའི་དམུ་གཤེན་གདན་ས་རི་རྒྱལ་དགོན་གྱི་སྐོར།

རྩོམ་པ་པོ། ཅོག་རོ་གཡུང་དྲུང་འགྱུར་མེད་ཀྱིས་བསྒྱུར།

དབྱིན་དེབ“ལྷ་ས་དང་བོད་དབུས་ཀྱི་འགྲུལ་བཞུད”ནང་འཁོད་པའི1882ལོའི་དམུ་གཤེན་གདན་ས་རི་རྒྱལ་དགོན་གྱི་སྐོར།

༼ལྷ་ས་དང་བོད་དབུས་འགྲུལ་བཞུད།༽ 《The journey of Lhasa and central Tibet 》རྩོམ་པ་པོ། ཤརཏ་ཅནྡྲ Sarat Chandra das

སྔོན་འགྲོའི་གསལ་བཤད།

     གྲགས་ཅན་གྱི་བོད་རིག་པའི་མཁས་པ་དང་སྔོན་དབྱིན་གཞུང་ཆེན་མོའི་གསང་ཉུལ་བ་ཤརཏ་ཅནྡྲ་Sarat Chandra dasནི་སྟེས་དབང་ལྟ་བུས་ནད་གཞིས་རྐྱེན་པས་1874ལོར་རྒྱ་གར་བྱང་ཕྱོགས་ཀྱི་རི་གྲོང་རྡོ་རྗེ་གླིང་གི་ཐི་ཡ་སློབ་གྲྭའི་འགན་འཛིན་པའི་གོ་སྐབས་ཐོབ། ཁོའི་ཐོག་མའི་བསམ་ཚུལ་ལ་བསིལ་ཞིང་གཙང་བའི་རྡོ་རྗེ་གླིང་གི་མཁའ་རླུང་གིས་རང་ཉིད་ཀྱི་ནད་གཞི་གསོ་བར་ཕན་ཆེ་ངེས་སྙམ། སྐབས་དེར་དབྱིན་གཞུང་གིས་ཤར་ཕྱོགས་ཡུལ་གྲུ་ཁ་ཤས་ལ་བཙན་འཛུལ་དང་མི་སེར་སྤེལ་གྱི་ཡོད། བོད་ལ་མཚོན་ན་ཡང་སྐབས་དེར་དབྱིན་ཇིས་རྒྱ་གར་བརྒྱུད་ནས་ཧི་མ་ལ་ཡའི་ཁུལ་དུ་བཙན་འཛུལ་བྱ་རྒྱུའི་སྟ་གོན་གྲ་སྒྲིག་བྱེད་དང་བྱེད་བཞིན་ཡོད། རྡོ་རྗེ་གླིང་གི་ཐི་ཡ་སློབ་གྲྭ་དེ་ཡང་གཙོ་བོ་གསང་ཉུལ་བྱ་བ་གནད་དུ་ཟུང་བ་ཞིག་ཡིན་སྐད།

ཞིབ་ཏུ་ཀློག དབྱིན་དེབ་སྟེང་གི1882ལོའི་དམུ་གཤེན་གདན་ས་རི་རྒྱལ་དགོན་གྱི་སྐོར།

གཏམ་ཤུལ་དགའ་ཐང་འབུམ་པ་ཆེ་ནས་རྙེད་པའི་བོན་གྱི་གནའ་དཔེའི་ཞིབ་འཇུག

བོན་དང་དམངས་ཁྲོད་དད་མོས་སྐོར་གྱི་ཞིབ་འཇུག་དཔེ་ཚོགས་ལས་ཞིབ་འཇུག་པ་ལྕགས་མོ་མཚོའི་བརྩམས་དེབ་གཏམ་ཤུལ་དགའ་ཐང་འབུམ་པ་ཆེ་ནས་རྙེད་པའི་བོན་གྱི་གནའ་དཔེའི་ཞིབ་འཇུག

ནང་དོན་གནད་བསྡུས། དེབ་འདིར་གཙོ་བོ་ལེའུ་ལྔ་རུ་བགོས་ཡོད་ཅིང་། ལེའུ་དང་པོའི་ནང་དུ་ཡིག་རྙིང་སྤྱིའི་གནས་ཚུལ་ངོ་སྤྲོད་བྱེད་སྐབས་རྙེད་སའི་ཡུལ་གྱི་གནས་ཚུལ་དང་ཡིག་རྙིང་རང་སྟེང་གི་གནས་ཚུལ་གསལ་བོར་བརྗོད་ཡོད་དེ། དང་པོ་ཡུལ་ཁམས་མཚོ་སྨད་རྫོང་གི་གནས་ཚུལ་དང་གནའ་དེང་གི་འབོད་སྲོལ། གནས་དེའི་ཡུལ་མིའི་དད་མོས་དང་། མཐའ་འཁོར་གྱི་དགོན་སྡེ་སོགས་ཀྱི་གནས་ཚུལ་བྲིས་ཡོད། གཉིས་པ་དགའ་ཐང་འབུམ་པ་ཆེའི་མཆོད་རྟེན་གྱི་གནས་ཚུལ་གླེང་སྐབས་མཆོད་རྟེན་བཞེངས་མཁན་སུ་ཡིན་མིན་གྱི་སྐོར་དང་། མཆོད་རྟེན་དེ་དང་སྨྲ་བོ་ལྕོག་དགོན་འདབས་སུ་ཡོད་པའི་མཆོད་རྟེན་དེ་གཉིས་ཀྱི་བཞེངས་ལུགས་མི་འདྲ་ཚུལ་སོགས་བྲིས་ཡོད། གསུམ་པ་ཡིག་རྙིང་སྤྱིའི་ཕྱི་ཚུལ་གྱི་རྣམ་པ་སྟེ་དཔེ་ཆའི་རྣམ་པ་དང་ཡིག་གཟུགས། བརྡ་རྟགས། དབུ་མེད་དབུ་ཅན་གཉིས་འདྲེས་ནས་དབུ་ཅན་དུ་ཕབ་པའི་སྐབས་སུ་བྱུང་བའི་ཡིག་སྐྱོན་སོགས་བྲིས་ཡོད། ལེའུ་གཉིས་པའི་ནང་དུ་གཙོ་བོ་འདིར་བརྗོད་བྱར་གྱུར་པའི་གནག་རབས་སོགས་ཀྱི་རབས་ནི་གནག་པ་བཅའ་བའི་སྒྲུང་སོགས་རབས་མི་མཐུན་པ་བཞིས་གྲུབ་པ་དང་། རྣེལ་དྲི་འདུལ་ཐབས་སོགས་ཞེས་པའི་རབས་དེ་ནི་གྲི་བོན་ར་ལྗགས་སྤྱི་རྒྱལ་གྱིས་བརྩམས་པའི་གྲི་འདུལ་གསེར་གྱི་ཡང་ཞུན་བྱ་བའི་ཤིང་དཔར་མ་དེའི་ཆོ་གའི་ནང་དོན་དང་བསྡུར་ནས་གྲི་འདུལ་གྱི་ཆོ་ག་དེ་ཡིག་རྙིང་དང་འབྲེལ་ནས་དཔྱད་བསྡུར་བྱས་ཡོད་པར་མ་ཟད།ཡིག་རྙིང་ཁྲོད་ཀྱི་རྣེལ་གྲི་བྱ་བ་ནི་གྲི་སྣ་བཅུ་གསུམ་གྲས་ཀྱི་རྣིལ་གྲི་བྱ་བ་ཡིན་ཏེ། དེ་ནི་མའི་མངལ་ལས་བྱུང་བའི་གྲི་ཞིག་ཡིན། ཤ་རུ་ཤུལ་སྟོན་གྱི་རབས་ནི་གོང་གི་རྣིལ་གྲིའི་ཆོ་གའི་ནང་ཚན་ཞིག་ཡིན་ཏེ། གྲི་འདུལ་སྐབས་གྲི་བོའི་བླ་འགུགས་པ་དང་། གྲི་བོའི་བླ་དེ་ནམ་རྒྱུན་ཤ་བའི་རྭ་ཅོའི་སྟེང་དུ་འཕོ་བར་བྱེད་པས། ཤ་རུ་ཤུལ་སྟོན་གྱི་རབས་འདིའི་ནང་དུ་གྲི་བོའི་བླ་དེ་ཤ་བཅུ་རུའི་གོང་དུ་བསྡད་པ་གྲི་ ཞིབ་ཏུ་ཀློག གཏམ་ཤུལ་དགའ་ཐང་འབུམ་པ་ཆེ་ནས་རྙེད་པའི་བོན་གྱི་གནའ་དཔེའི་ཞིབ་འཇུག

2017ལོའི་《རྒྱལ་མོ་རྔུལ་ཆུ་》འདོན་ཐེངས་གསུམ་པ་འགྲེམ་སྤེལ་གནང་འདུག

ཀློག་པ་པོར་སྤྲིངས་པའི་ཞུ་མཆིད། 

—-གཡུང་དྲུང་བོན་བཤད་སྒྲུབ་སློབ་གླིང་ཁག་ལ་ཆེད་དུ་སྒྲོན་པའི་ཁ་བཏགས་ཡུག་གཅིག

རྩོམ་པ་པོ། «རྒྱལ་མོ་རྔུལ་ཆུ»རྩོམ་སྒྲིག་ཚོ་ཆུང་།   རྩོམ་ཁུངས། རེབ་གོང་བོན་མང་དྲ་བ།

     དགོན་སྡེའི་སློབ་གསོའི་ཁོར་ཡུག་གིས་བསྐྱེད་པའི་སྦྱངས་རྩོམ་ཆེད་བསྒྲིགས་ཐོག་མ«རྒྱལ་མོ་རྔུལ་ཆུ»དེབ་གཟུགས་འདི་ནི། ཡུལ་རོང་བཞི་ཤོད་ཆེན་བཅོ་བརྒྱད་ཀྱི་སའི་སྙིང་པོ་ཉམས་དགའ་བ། ཆུ་ཆེན་ལྗོངས་ཀྱི་བསྟི་གནས་ཕུན་སུམ་འཚོགས་པ། ཁྲོ་སྐྱབས་མཚོ་སྟེང་དགོན་རྒྱལ་རོང་བཤད་སྒྲུབ་སློབ་གླིང་གིས་བོད་རབ་རྒྱན་མེ་མོ་བྱ་ལོ་སྟེ་སྟོང་ལོ་བཅུ་བདུན་ལོར་གཙོ་སྒྲིག་གནང་བའི་ཚོད་ལྟའི་སྦྱངས་རྩོམ་གྱི་དེབ་ཕྲེང་གསུམ་པ་དེ་ཡིན་ལ།  ཐེངས་འདིར་སྦྱངས་རྩོམ་སྡུད་བསྐུར་གྱི་བྱ་བར་ཐུགས་སྐྱོང་དང་རྒྱབ་སྐྱོར་གནང་མཁན་གྱི་སློབ་གླིང་ནི། རྒྱ་ཞིག་འབྲུག་གྲགས་དགོན་ཞང་བོད་ནང་བསྟན་རིག་གནས་སློབ་གླིང་། ཤར་རྫའི་བཤད་སྒྲུབ་སློབ་གླིང་། རྟོགས་ལྡན་དགོན་ཞང་ཞུང་རྫོགས་ཆེན་སློབ་གླིང་། རྫ་ཁྲོ་ཚངས་དགོན་ནང་བསྟན་ལྔ་རིག་སློབ་གླིང་། སྣང་ཞིག་དགོན་གཡུང་དྲུང་བོན་གྱི་བཤད་སྒྲུབ་སློབ་གླིང་། རྒྱལ་རོང་ལྔ་རིག་ཆེས་མཐོའི་སློབ་གླིང་། རྒྱལ་རོང་བཤད་སྒྲུབ་སློབ་གླིང་སོགས་ཡིན་པ་དང་། དེར་མ་ཟད་རང་རེའི་རྒྱལ་རོང་བཤད་སྒྲུབ་སློབ་གླིང་གསར་འཛུགས་བྱེད་པོ་རྒྱལ་རོང་སྐྱབས་རྗེ་ལི་ཤུ་སྤྲུལ་སྐུ་ཚང་དང་དཔོན་སློབ་ཤེས་རབ་གྲགས་པ་ལགས། ཚོགས་གཙོ་དམུ་རིགས་བསྟན་འཛིན་དབང་གྲགས། དྲུང་ཡིག་ཆེ་མོ་ལྷ་བུ་བློ་བཟང་། ཚོགས་གཞོན་ས་ཁའི་བློ་ལྡན་བཅས་ཡིན་ཞིང་། ཐ་སྙད་པ་ས་ཁའི་བློ་ལྡན་ལགས་ཀྱིས་ཞུ་གཏུག་གཏན་འབེབས་གནང་།

   མ་འོངས་དུས་ཀྱི་ཆ་ལ་ཡང་དཔལ་སྨན་རི་བཤད་སྒྲུབ་སློབ་གླིང་གཙོར་བཅས་གཙང་སྨན་རིའི་བཤད་སྒྲུབ་སློབ་གླིང་དང་ཁྲི་བརྟན་ནོར་བུའི་རྩེའི་བཤད་སྒྲུབ་སློབ་གླིང་། གཡུང་དྲུང་གླིང་བཤད་སྒྲུབ་སློབ་གླིང་། རྩེ་དྲུག་དགོན་བཤད་སྒྲུབ་སློབ་གླིང་། ཀོ་དགོན་བཤད་སྒྲུབ་སློབ་གླིང་། སྟེང་ཆེན་དགོན་བཤད་སྒྲུབ་སློབ་གླིང་། ཆབ་མདོ་དགོན་བཤད་སྒྲུབ་གླིང་། ཤར་སྐྱང་ཚང་དགོན་བཤད་སྒྲུབ་སློབ་གླིང་། ཁྲོམ་ཚང་དགོན་བཤད་སྒྲུབ་སློབ་གླིང་། རྩེ་དབུས་དགོན་གཡས་རུའི་ཆེས་མཐོའི་སློབ་གླིང་། ལུང་དཀར་དགོན་བཤད་སྒྲུབ་སློབ་གླིང་། སྤུ་བླ་དགོན་བཤད་སྒྲུབ་སློབ་གླིང་། ཁྱུང་མོ་དགོན་བཤད་སྒྲུབ་སློབ་གླིང་། གཡུང་དྲུང་དཔལ་རི་དགོན་བཤད་སྒྲུབ་སློབ་གླིང་། དྭངས་ར་གཡུ་བུན་དགོན་བཤད་སྒྲུབ་སློབ་གླིང་། ཀླུ་ཕུག་དགོན་བཤད་སྒྲུབ་སློབ་གླིང་། རི་ཁྲོད་དགོན་བཤད་སྒྲུབ་སློབ་ ཞིབ་ཏུ་ཀློག 2017ལོའི་《རྒྱལ་མོ་རྔུལ་ཆུ་》འདོན་ཐེངས་གསུམ་པ་འགྲེམ་སྤེལ་གནང་འདུག

ཞང་བོད་ལོ་རྒྱུས་ཕྱོགས་བསྒྲིགས་དཔེ་དེབ་ལེགས་འགྲུབ་བྱུང་བ།

སྣང་མཐའ་བསྟན་འཛིན་ཉི་མ་ལགས་ཀྱིས་ཕྱོགས་བསྒྲིགས་བྱས་པས་ཞང་བོད་ལོ་རྒྱུས་དཔེ་དེབ་ལེགས་འགྲུབ་བྱུང་ཡོད་པ།སྔོན་གླེང་གི་གཏམ།

སྔ་དར་བསྟན་པའི་འབྱུང་གནས་གྲུབ་མཐའ་ཐམས་ཅད་ཀྱི་ཡང་རྩེ་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་འདི་ཉིད(སྤྱི་ལོ་༢༠༡༦བར)རྩ་བའི་ཆ་ནས་མི་ལོ(༡༨༠༣༤)ལྷག་གི་ལོ་རྒྱུས་ལྡན་པར་མ་ཟད། ཐུན་མོང་དང་ཐུན་མོང་མ་ཡིན་པའི་ཁྱད་བོན་སྤངས་བསྒྱུར་གྲོལ་གསུམ་མམ་མདོ་སྔགས་སེམས་གསུམ་གྱི་གཞུང་ལུགས་དང་ཐུན་མོང་རིག་གནས་བཅས་བགྲང་ལས་འདས་ནའང༌། དུས་རབས་མང་པོ་ཞིག་གི་རིང་ལ་གཡུང་དྲུང་གི་བོན་རིན་པོ་ཆེ་དར་ནུབ་གྲངས་མང་བྱུང་རྐྱེན་ཞང་བོད་ཀྱི་རིག་གཞུང་ཐེངས་དུ་མ་ཉམས་རྒུད་ཆེས་ཆེར་བྱུང་སྟེ། དེང་སྐབས་བོན་གྱི་དཔེ་རྒྱུན་འགའ་ཤིན་ཏུ་དཀོན་པོར་སོང་བ་སྟེ། དཔེར་ན་ཤ་རིའི་སྒྲ་མདོ་ལྟ་བུའི་རིགས་མཐོང་ཡུལ་དུ་དཀོན་པ་ལྟ་བུ་མང་ངོ༌། །ཡིན་ལུགས་ལྟར་བཤད་ན་ཞང་བོད་ལོ་རྒྱུས་ཀྱི་མགོ་ཁུངས་འཚོལ་བ་ལ་བོན་གྱི་དཔེ་ཚོགས་འདི་ལྟ་བུ་ཤིན་ཏུ་ནས་མཁོ་གལ་ཆེ་བ་དང༌། རང་རེའི་སྤྱི་ཚོགས་ཁྲོད་ཞང་བོད་ཀྱི་ལོ་རྒྱུས་དཔེ་ཚོགས་ཅུང་དཀོན་པའི་རྐྱེན་གྱིས་རིས་སུ་མ་ཆད་པའི་དོན་གཉེར་ཅན་དག་ལ་དཔེ་ཆ་མ་རེག་པའི་གནས་ཚུལ་ཐོན་དང་འཐོན་བཞིན་པའི་དཀའ་ཁག་སེལ་བ། གཞན་ཡང་བསམ་བཞིན་དང་བསམ་བཞིན་མ་ཡིན་པའི་སྒོ་ནས་གཡུང་དྲུང་བོན་གྱི་ཆོས་ལུགས་ལ་དོན་དངོས་དང་མི་འཚམ་པའི་སྒྲོ་བཏགས་དུ་མར་བྱས་ཏེ་ཤེས་འདོད་ཅན་མང་པོ་ཞིག་ལོག་ལམ་དུ་ཁྲིད་པར་མ་ཟད་མཁས་དབང་གི་ཆོ་ལོ་འཆང་བ་འགའ་ཞིག་གིས་ཀྱང་དེ་ལྟར་བྱས་པས་གཡུང་དྲུང་བོན་ལུགས་འཛིན་པ་དག་ལ་སེམས་སུ་ནག་ཐིག་ཆེན་པོ་ཕབ་ཅིང་མི་རིགས་ནང་ཁུལ་གྱི་མཐུན་ལམ་ལ་གཏོར་བརླག་ཚབས་ཆེན་བཏང་དང་གཏོང་བཞིན་པའི་ཛ་དྲག་གི་གནས་སྟངས་འདི་དག་སེལ་བའི་ཆེད་དུ། ཁོ་བོས་དཀའ་ཁག་ལ་མ་འཛེམས་ ཞིབ་ཏུ་ཀློག ཞང་བོད་ལོ་རྒྱུས་ཕྱོགས་བསྒྲིགས་དཔེ་དེབ་ལེགས་འགྲུབ་བྱུང་བ།

《ཞང་བོད་ལོ་རྒྱུས་ཕྱོགས་བསྒྲིགས།》དཔེ་སྐྲུན་འགྲེམ་སྤེལ་བྱས།

དཔེ་དེབ་ངོ་སྤྲོད།

ཞང་བོད་ལོ་རྒྱུས་ཕྱོགས་བསྒྲིགས་ཞེས་པའི་དཔེ་ཆ་འདི་རྔ་བ་སྣང་ཞིག་དགོན་ཆེན་གྱི་དགེ་སློང་སྣང་མཐའ་བསྟན་འཛིན་ཉི་མས་ལོ་ངོ་དུ་མར་དཀའ་སྤྱད་འབད་འབུངས་ཚད་མེད་བྱས་ཏེ་བོན་གྱི་ལོ་རྒྱུས་དང་རིག་གནས་སྐོར་གྱི་ཡིག་ཆ་རྩ་ཆེན་ཁག་ཅིག་བདམས་བསྒྲིགས་བྱས་མཐར། ངེད་སི་ཁྲོན་མི་རིགས་དཔེ་སྐྲུན་ཁང་ལ་དཔེ་སྐྲུན་གྱི་ལས་བཅོལ་བ་ལྟར། ང་ཚོས་ཀྱང་བོད་ཀྱི་ཤེས་རིག་སྤྱིའི་འཕེལ་རྒྱས་དང་བྱེ་བྲག་རྒྱ་ཆེའི་བོད་རིག་པར་ཞིབ་འཇུག་གནང་མཁན་ཡོངས་ལ་ཚད་ལྡན་དཔྱད་གཞིའི་ཡིག་ཆ་མཁོ་སྤྲོད་གནང་བ་དང་། སྒོས་སུ་བོན་གྱི་ལོ་རྒྱུས་དང་ཤེས་རིག་སྐོར་གྱི་རྩ་ཆེའི་དཔེ་རྙིང་དག་ཕྱོགས་བསྒྲིགས་བྱས་མེད་པར་མ་ཟད། འདིའི་ནང་གི་ཡིག་ཆ་ཕལ་ཆེར་གྱི་དཔེ་རྒྱུན་དཀོན་པས་བོན་གྱི་ཤེས་རིག་ལ་དགའ་དད་ཆེ་བའི་དཔྱོད་ལྡན་མང་ཆེ་བའི་ལག་སོན་བྱུང་མེད་སྟབས། ལོ་ངོ་གཉིས་ལྷག་གི་དུས་ཚོད་སྤྱད་ནས་དག་བསྒྲིགས་དང་ཞུ་དག་གིས་དཔེ་སྐྲུན་བྱས་པ་ཡིན།   སྤྱིར་བཏང་ཞང་བོད་ཀྱི་ལོ་རྒྱུས་དང་རིག་གནས་ནི་གངས་ཅན་བོད་ཀྱི་ཤེས་རིག་དར་བའི་འཕེལ་རིམ་ཁྲོད་ཁུངས་རིང་ཞིང་ནང་དོན་གྱི་གཏིང་ཟབ་ལ། རྒྱལ་ཁབ་ཕྱི་ནང་གི་མཁས་པ་དང་ཞིབ་འཇུག་པ་རྣམས་ཀྱིས་ ཞིབ་ཏུ་ཀློག 《ཞང་བོད་ལོ་རྒྱུས་ཕྱོགས་བསྒྲིགས།》དཔེ་སྐྲུན་འགྲེམ་སྤེལ་བྱས།

བགྲེས་པོའི་འབེལ་གཏམ་འདོན་ཐེངས་(བཅུ་བདུན་)པ་དཔར་སྐྲུན་ལེགས་གྲུབ་བྱུང་།

བགྲེས་པོའི་སྔོན་གླེང་གཤེན་ངག་ཚིག་གསུམ།

    འཛམ་བུ་གླིང་པ་རྣམས་ཕན་ཚུན་ཁ་ཐག་ཇེ་ཉེ་ནས་ཇེ་ཉེར་ཕྱིན་ཏེ་ཤར་གྱི་ཆོས་རིག་གི་འོད་སྣང་ནུབ་ཀྱི་ཕྱོགས་སུ་འཚེར་ཞིང་། ནུབ་ཀྱི་ཚན་རིག་གི་དཔལ་ཡོན་ཤར་གྱི་ཕྱོགས་སུ་ཁྱབ་ནས་ཕན་ཚུན་འདྲེས་རྙོག་ཏུ་འགྲོ་བཞིན་པར་ལྷགས་གཤིས། འགྱུར་ལྡོག་འདྲེས་མའི་སྨུག་རླངས་དེ་དག་གི་ཁྲོད་དུ་ལོ་རྒྱུས་ཀྱི་ཕུགས་ཐག་རིང་བའི་སྐད་ཡིག་གིས་མཚོན་པའི་ཤེས་རིག་མང་པོ་ཞིག་ལ་གནོད་འཚེ་ཤིན་ཏུ་རྒོད་བཞིན་པའི་སྒང་ཡིན་པར་མ་ཟད། ཐ་ན་སྲོག་དབུགས་ཀྱང་ཆད་པའི་ཉེན་ཁ་སླེབས་ཏེ་འཇིག་རྟེན་འདི་ནས་ཞལ་མི་གྱེས་པའི་ངེས་བརྟན་ཡང་མེད་སྟབས། དེ་དག་གཅེས་སྲུང་གི་ལས་ལ་འབུང་རྒྱུ་ནི་དེ་བས་ཀྱང་གལ་འགངས་ཆེ།

ལྷག་དོན་དུ་གངས་རིའི་རང་སྐད་དངོས་ཀྱང་ཕུགས་ཀྱི་གྲོལ་ཁུངས་ཐོག་མར་སྲིད་པ་ཞང་ཞུང་སྨར་གྱི་སྐད་ལས་བཙས་ཤིང་། བར་དུ་མཐོ་སྒང་བསིལ་མོའི་ལྗོངས་སུ་ཚེ་སྲོག་གི་རྟེན་བཅས།མཐའ་ ཞིབ་ཏུ་ཀློག བགྲེས་པོའི་འབེལ་གཏམ་འདོན་ཐེངས་(བཅུ་བདུན་)པ་དཔར་སྐྲུན་ལེགས་གྲུབ་བྱུང་།

«བོན་སྒོ»འདོན་ཐེངས་27པ་གསར་ཐོན།

སྔོན་གླེང་གཡུང་དྲུང་གཏེར་མཛོད།

    “ཞང་བོད་”ཅེས་པའི་མིང་ཚིག་སྦྲགས་མ་འདི་ཉིད་བཀོལ་སྤྱོད་བྱས་ན་ད་ནི་བོད་མི་རེ་ཟུང་གི་ཆབ་སྲིད་ཀྱི་འཁྱེར་སོ་ལ་ཕོག་ཐུག་འགྲོ་བ་དང༌། ཞིབ་འཇུག་པ་རྒན་གྲས་རེ་འགའི་སྒེར་གྱི་ལྟོ་ཕོར་ལའང་རྡོག་ཐོ་ཐེབས་པའི་མངོན་རྟགས་འཆར་བས། ཞང་བོད་ཀྱི་མི་རིགས་དང་དེའི་ཆོས་རིག་གི་ལས་དབང་ནི་འབུར་འཇོམས་པའི་མགོ་གནོན་དང་གཉའ་གཅོག་ལས་ད་དུང་ཡང་ཡོངས་སུ་ཐར་མེད་པར་ཁུམས།

བོད་རིགས་ལ་རེའི་སྲིད་ཕྱོགས་ཀྱི་ལྟ་ཚུལ་ནི་དམིགས་བསལ་བ་ཞིག་སྟེ། ཁོ་ཚོས་བོད་མི་ཡོད་ཚད་རྐོ་ཕོར་གཅིག་ལས་དཔར་བའི་ཚ་ཚ་ལྟ་བུ་ཡིན་དགོས་པར་འདོད། སྲིད་ཕྱོགས་ཀྱི་འཛིན་སྟངས་ཚད་འཛིན་ཅན་དེའི་ར་སྐོར་ནང་“ཞང་བོད་”ཅེས་པ་ལྟ་བུ་ནི་མི་རིགས་དུམ་བུར་གཏོང་བར་ཉེན་ཚབས་ཆེ་བའི་མིང་ཚིག་སྐྱོན་ཅན་ཏེ། སྤྱི་དམངས་ལ་བསྒྲག་པར་རན་འཚམ་དུ་མི་བླ་བར་ལྟ། ཁོ་བོས་རྒྱུན་པར་“ཞང་བོད་”ཅེས་སུ་བཀོལ་བར་བརྟེན་ཐེངས་གཅིག་མཁས་པའི་འདུ་ཚོགས་ཤིག་ཏུ་གཞན་ཕྱོགས་ཀྱི་མཁས་པ་ལ་རེས་ཆེད་དམིགས་ཀྱིས་དཔྱས་བཏགས་ནས་གཤེ་བཀྱོན་སྟིང་གསུམ་ངང་སྡིགས་ཀྱང་མྱོང༌། སྔ་རྟིང་བར་གསུམ་གང་དུ་བརྟགས་ཀྱང་མདོ་མེད་ཀྱི་དབང་འཛིན་པ་རེ་འགས་རང་རེའི་ཆོས་རིག་ཕལ་མོ་ཆེ་རྣམས་དཀར་ནག་རྒྱ་ཡི་ནལ་དྭར་བསྙད་པའང་གཟི་བརྗིད་དུ་ ཞིབ་ཏུ་ཀློག «བོན་སྒོ»འདོན་ཐེངས་27པ་གསར་ཐོན།

མར་ནང་ཚང་ཁྲི་གཡུང་དྲུང་གི་དཔེ་དེབ་ལྔ་པ་<<རེག་ཟིག་སྐྱ་བོ།>>དཔར་བསྐྲུན་ལེགས་གྲུབ་བྱུང་ཡོད།

མར་ནང་ཚང་ཁྲི་གཡུང་དྲུང་གི་དཔེ་དེབ་ལྔ་པ་<<རེག་ཟིག་སྐྱ་བོ།>>དཔར་བསྐྲུན་ལེགས་གྲུབ་བྱུང་ཡོད།

     ཞང་བོད་མཐོ་སྒང་གི་རྩོམ་རིགས་ཤེས་བྱའི་བླ་ཡིད་སེམས་གསུམ་ལ་འཕེལ་འགྲིབ་དང་ཉམ་གུད་སྣ་ཚོགས་ཞིག་བྱུང་ཡོད་ན་ཡང་། ད་ཆར་ཤར་ལྷོ་ནུབ་བྱང་གང་ནས་བལྟས་ཀྱང་ཡར་རྒྱས་ཀྱི་རྣམ་པ་གང་འཚམ་ཞིག་འབྱུང་བཞིན་པ་ཚང་མས་ཤེས་གསལ་ལྟར་རེད། དེས་ན་འུ་ཅག་གིས་གནས་ལུགས་ཞིག་དང་ཕུགས་བསམ་ཞིག་ཡིད་ལ་བཅིངས་ཏེ་ཆེས་རྒྱ་ཆེ་ཞིང་གཏིང་ཟབ་པའི་ཞང་བོད་ཀྱི་རྩོམ་རིག་ཤེས་བྱའི་རྣམ་པ་ཡར་རྒྱས་སུ་གཏོང་བར་རྩོམ་པ་པོ་ཚད་ལྡན་མང་ཙམ་བསྐྱེད་བསྲིང་བྱ་ཐུབ་དགོས་པ་བརྗོད་ག་ལ་དགོས། ཆེས་ཡིད་དགའ་འོས་པ་ཞིག་ཏུ་འདས་པའི་ལོ་གྲངས་ཉུང་ཤས་ནང་དུའང་ཞང་བོད་རྩོམ་རིགས་ཀྱི་ལྡིང་ཆའི་ཐོག་རྩོམ་པ་པོ་གང་འཚམས་ཞིག་འཚར་ལོངས་བྱུང་ཡོད་ཅིང་། དེའི་ནང་ནས་གཡུང་དྲུང་བོན་གྱི་༧གདན་ས་ཆེན་པོ་དཔལ་ལྡན་སྨན་རིའི་གླིང་ནས་མདོ་སྔགས་རྫོགས་གསུམ་གྱི་གཞུང་ལུགས་ལ་ཐོས་བསམ་སྒོམ་གསུམ་གྱི་ཡུ་བ་རབ་ཏུ་བརྟན་ཅིང་། འཆད་རྩོད་རྩོམ་གསུམ་གྱི་མེ་ཏོག་རྣམ་པར་བཞད་པ་དང་། བོད་ཕྱི་ནང་ཀུན་ནས་གཟུར་གནས་ཤེས་ཡོན་པ་མང་པོས་གདེངས་འཇོག་ཚད་མཐོར་སླེབས་ཡོད་པའི་གྲས་ནས་གཅིག་ནི་མར་ནང་ཚང་ཁྲི་གཡུང་དྲུང་ལགས་རེད་ཅེས་བརྗོད་ཀྱང་མི་ཆོག་པ་མེད།

   ཀློག་མཁན་མང་ཆེ་བས་མཁྱེན་གསལ་ལྟར་འདས་པའི་ལོ་ཤས་ནང་ཁོང་གིས་སྔ་གཞུག་ཏུ་<<གདུང་ཚོར་ནག་པོ།>>དང་།<<ས་མཐའི་སེམས་པ་དམར་པོ།>><<ཁྱུང་མོ་དགོན་པའི་གདན་རབས།>><<བརྡ་སྤྲོད་གཟི་མིག་དགུ་པ་>>སོགས་བྲིས་ཤིང་དེབ་དེ་དག་ལ་བོད་ཕྱི་ནང་གཉིས་ནས་ཤེས་ལྡན་པ་མང་པོས་དགའ་བསུ་ཚད་མཐོ་ཐོབ་པ་དང་དཔེ་དེབ་འགའ་ཞིག་བསྐྱར་དཔར་བྱ་དགོས་པའང་བྱུང་ཡོད། ཞིབ་ཏུ་ཀློག མར་ནང་ཚང་ཁྲི་གཡུང་དྲུང་གི་དཔེ་དེབ་ལྔ་པ་< <རེག་ཟིག་སྐྱ་བོ།>>དཔར་བསྐྲུན་ལེགས་གྲུབ་བྱུང་ཡོད།

སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།

སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།

རྩོམ་པ་པོ། དགེ་བཤེས་བློ་གྲོས་རྒྱལ་མཚན། རྩོམ་ཁུངས། ཧི་མ་ལ་ཡའི་བོན།

1ccc4bf17f550f6e1a8ce4f99e3ecf8c

   བསིལ་ལྡན་ཁ་བ་རི་བའི་ལྗོངས་སུ་སྐུ་ཡི་སྐྱེ་བ་བཞེས་ཅིང་ཤེས་རིག་ནོར་བུའི་མཛོད་ལ་ལོངས་སུ་སྤྱོད་པའི་བསྟན་དང་འགྲོ་བའི་དོན་མཛད་སུ་དང་གང་ན་བཞུགས་པ་རྣམས་ལ་ཞུ་གསོལ། འུ་ཅག་བོད་མི་རིགས་ཀུན་གྱི་ཕྱི་མོ་གྲུབ་མཐའ་ཡོངས་ཀྱི་རྗེ་བོ་སངས་རྒྱས་གཡུང་ དྲུང་བོན་གྱི་བསྟན་པ་རིན་པོ་ཆེ་འདི་ལ་སྲིད་ཞུ་འམ་གུས་བཀུར་རེ་དམིགས་ཏེ། ངེད་༼   སྤ་ཚང་དགོན་དཔེ་ཚོགས་༽ཞེས་པ། སྤ་ཉི་མ་འབུམ་གསལ། མཁས་དབང་གཡུང་དྲུང་འབྲུག་གྲགསགཏེར་ཆེན་ཡེ་ཤེས་གཡུང་དྲུང་།རྟོན་ལྡན་ཤེས་རབ་ཕུན་ཚོགས་བཅས་གསུང་འབུམ་ཕྱོགས་སྒྲིག་བྱེད་བཞིན་ལགས་པས། དགོན་རི་ཁྲོད་སྤྱི་ལ་གང་ནུས་དཔེ་སྦྱིན་ཞུ་འཆར་ཡོད་ནའང་སྤྱིར་སྒེར་ཡོངས་སུ་ཐུགས་འདོད་བསྐང་ནུས་ཞན་སྟབས་ལྷག་བསམ་ཅན་སུ་དང་གང་ལ་མཁོ་ཚེ་དེ་ལུགས་ཀྱི་ བསླུ་ཉོ་གནང་བའི་རེ་བ་ཡོད་ལ། དཔེ་རྙིང་ལག་སོན་བྱུང་རིགས་གཤམ་གྱི་ཨང་མིང་བཀོད་བཞིན་གཟིགས་དཔྱད་དང་གལ་སྲིད་འཚོལ་བསྡུ་ཁོངས་སུ་མ་གཏོགས་པའི་ཕྱག་དཔེ་ཡོད་ཚེ་གང་མགྱོགས་གཡར་གནང་མཛད་པའི་རེ་བ་སྟོང་གིས་འབོད་པ་ཡིན།

ཞིབ་ཏུ་ཀློག སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།