དཀར་ཆག་ཚགས་ཉར: དགོན་སྡེ་གསས་ཁང་།

ཤོག་ལྔ་ལམ་ལྷ་དགོན་གཡུང་དྲུང་གཏམས་བྲག་གླིང་།

ཤོག་ལྔ་ལམ་ལྷ་དགོན་གཡུང་དྲུང་གཏམས་བྲག་གླིང་གི་ཕྱི་ཡི་རྣམ་པ།

ཤོག་ལྔ་ལམ་ལྷ་དགོན་ནི་བོད་ལྗོངས་ཆབ་མདོ་ལྷོ་རོང་རྫོང་ནགས་ལྕོག་ཤང་ས་དམར་གྲོང་ཚོའི་གཡས་ཟུར་གྱི་བྲག་སྟེང་དུ་ཆགས་ཡོད། ཕྱི་ཡི་དབྱིབས་གཟུགས་ལ་བལྟས་ཚེ་རྒྱལ་པོས་དར་ཕྱར་འདྲ་ཡིན་པ་འབོད་སྲོལ་ཡོད། དགོན་པའི་ཆགས་གནས་སུ་རྒྱ་མཚོའི་ངོས་ལས་མཐོ་ཚད་རྨིད་༣༦༠༠་ཙམ་ཡིན་ཞིང་ལྷོ་རོང་རྫོང་ནས་བར་ཐག་སྤྱི་ལེ་༩༠་ཙམ་ཟིན་ཡོད། དགོན་འདིའི་གནས་ཡིག་དང་ངག་རྒྱུན་བཀའ་རྟགས་རང་བྱོན་སོགས་ལ་གཞིགས་ནས་བཤད་ན་དང་ཐོག་བོན་གྱི་སྟོན་པ་གཤེན་རབ་མི་བོ་ཆེ་ཀོང་པོ་བོན་རི་ལ་བདུད་བཏུལ་བར་ཕེབས་སྐབས་གནས་འདིར་རྫུ་འཕྲུལ་གྱིས་ཞབས་བཅགས་ཏེ་ལྷ་སྲིན་གདུག་པ་ཅན་དམ་ལ་བཏགས་ཏེ་སྲིན་མོ་བཏུལ་བ་དང་གནས་རི་གླང་ཆེན་འགྱིང་རི་གནས་སྒོ་ཕྱེས་ནས་གནས་སྲུང་གཡུང་དྲུང་གཉེན་ལྕམ་བརྐོས། གནས་འདི་ནི་ཞི་བ་ལྟར་ན་ཀུན་བཟང་རྒྱལ་བ་འདུས་པ། དྲག་པོ་ལྟར་ན་ཡི་དམ་དབལ་གསས་རྔམ་པ་ཡིན་པར་བཞེད། གཤེན་རབ་ཀྱི་ཞབས་རྗེས་དང་ཕྱག་རྗེས། ཡིད་ཀྱི་ཁྱེའུ་ཆུང་གི་ཞབས་རྗེས། སྲིན་མོ་དམ་ལ་བཏགས་པའི་དབུ་རྗེས། བཅས་ཕ་བོང་གི་སྟེང་འོལ་ཚོད་ཙམ་མ་ཡིན་པར་ཝ་ལེར་མཐོང་ཆོས་སུ་གྲུབ། མུ་མཐུད་ཀློག ཤོག་ལྔ་ལམ་ལྷ་དགོན་གཡུང་དྲུང་གཏམས་བྲག་གླིང་།

མཚོ་སྔོན་པོའི་མཐའ་འཁོར་གྱི་བོན་སྔགས།

རྩོམ་པ་པོ། སྟོང་སྐོར་ཚེ་རིང་ཐར་གྱིས་བརྩམས་ཤིང་རྒྱ་ཕྱུག་བསོད་ནམས་ཚེ་བརྟན་གྱིས་བསྒྱུར། རྩོམ་ཁུངས། རེབ་གོང་བོན་མང་དྲ་ཚིགས།

 དཔྱད་རྩོམ་འདིའི་དབྱིན་ཡིག་གི་མ་རྩོམ་ནི་ཁེམ་སྦི་རེ་ལྗི་གཙུག་ལག་སློབ་གྲྭ་ཆེན་མོ་དང་ཡེའོ་གཙུག་ལག་སློབ་གྲྭ་ཆེན་མོ་གཉིས་ཀྱིས་མཉམ་སྒྲུབ་བྱས་པའི་བོད་རིག་པ་ཞིབ་འཇུག(Revued’ Eudes Tibetaines)ཅེས་པའི་དྲ་བའི་ལོ་ཕྱེད་དེབ་ཏུ་འཁོད་ཅིང་http://himalaya.socanth.cam.ac.uk/ collections/journals/ret/pdf/re_15_14.pdf)སྤྱི་ལོ༡༩༩༨ལོའི་ཟླ་བདུན་པའི་ཚེས་ཉེར་ལྔ་ནས་སོ་གཅིག་བར་ཨ་རིའི་ཨིན་ཊཱི་ཡ་མངའ་སྡེའི་སློབ་ཆེན་དུ་འཚོགས་པའི་རྒྱལ་སྤྱིའི་བོད་རིག་པའི་ཚོགས་འདུ་ཐེངས་བརྒྱད་པའི་སྟེང་ཐོག་མར་སྒྲོག་སྦྱངས་བྱས།
མཚོ་སྔོན་ནི་བོན་བསྟན་དར་རྒྱས་ཤིན་ཏུ་ཆེ་བའི་ས་ཁུལ་ཞིག་སྟེ། རེབ་གོང་གི་ས་ཁུལ་ཁ་ཤས་ནི་བོན་བསྟན་གྱི་ལྟེ་གནས་གཙོ་བོ་ཡིན་ལ། དེ་མིན་ཁྲི་ཀའི་སྟོང་ཆེ་དང་སེར་བརྒྱ། འབའ་རྫོང་གི་སེ་བཟའ། མུ་གེ་ཐང་གི་འབྲོག་རུ། བ་ཡན་གྱི་ཤར་སྟེང་དང་དོ་ཤེས། རྡོ་སྦིས་ཀྱི་བོན་ཚང་མ། ཆབ་ཆའི་དུང་དཀར། ཆབ་ཆ་ནུབ་ཁུལ་གྱི་ཆོས་རྗེའི་སྟོང་སྐོར་དང་མཚོ་སྔོན་པོའི་བྱང་ཁུལ་གྱི་བོན་བརྒྱ་བཅས་ཡོད། ཨ་མདོའི་ས་ཁུལ་གང་སར་གནའ་རབས་བོན་གྱི་རྗེས་ཤུལ་མང་པོ་ཡོད་པར་མ་ཟད། ཐ་ན་ཐུབ་པའི་བསྟན་པ་ཤུགས་ཆེར་དར་བའི་ས་ཁུལ་དུའང་ཡོད་ལ། དུས་རབས་བཅུ་བའི་སྐབས་ཀྱི་བསྟན་པ་ཕྱི་དར་གྱི་ལོ་རྒྱུས་ནང་ཡང་ཐིམ་ནས་ཡོད།

མུ་མཐུད་ཀློག མཚོ་སྔོན་པོའི་མཐའ་འཁོར་གྱི་བོན་སྔགས།

བབ་བཟོ་མདའ་ཆེན་དགོན།

རྩོམ་པ་པོ། དགའ་བཟོད་པ་རྒྱ་མཚོ།

e78cf177b3cd9e33edd6cb3807840cfb

བབ་བཟོ་མདའ་ཆེན་དགོན་གཡུང་དྲུང་བཤད་སྒྲུབ་དར་རྒྱས་གླིང་ནི།སི་ཁྲོན་ཞིང་ཆེན་རྔ་བ་ཁུལ་མཛོད་དགེ་རྫོང་བབ་བཟོ་ཞང་གི་ཁོངས་སུ་གཏོགས་ཤིང་། རྫོང་ཐོག་ནས་ཤར་ཕྱོགས་སུ་གཞུང་ལམ་སྤྱི་ལེ་བརྒྱད་ཅུ་ཙམ་གྱི་ས་འཕན་ཆུའི་སྟོད་རྒྱུད་དུ་གྲོང་ལས་རྒྱང་གྲགས་གཉིས་ཙམ་ཆད་པའི་དབེན་གནས་ཉམས་དགའ་བའི་སར་ཆགས་ཡོད།
དགོན་པ་འདིའི་ཆོས་ལུགས་གྲུབ་མཐའ་ནི། རྣམ་འདྲེན་བརྒྱད་པ་དམུ་རིགས་རྒྱལ་པོའི་སྲས་ཀུན་ལས་རྣམ་པར་རྒྱལ་བའི་སྟོན་པ་གཤེན་རབ་མི་བོ་ཆེས་སྲོལ་བཏོད་པའི་སངས་རྒྱས་གཡུང་དྲུང་བོན་གྱི་རང་ལུགས་ཡིན་ལ།གདན་ས་འདི་དང་པོ་བྱིན་གྱི་རླབས་པའི་བླ་མ་ནི་གྲུབ་ཆེན་བརྒྱད་བཅུའི་ནང་ཚན་གྲུབ་ཐོབ་ཆེན་པོ་གྱིམ་བུ་ལན་ཚཱ་ཞེས་པའི་སངས་རྒྱས་དངོས་སུ་བྱུང་བ་དེས་སྣང་རྩེ་བྲག་དཀར་ནས་བྱིན་གྱི་རླབས་གནས་ཆེན་པོ་སྣང་རྩེ་བྲག་དཀར་གནས་སྒོ་ཕྱེ། དེ་ནས་བོན་གྱི་བསྟན་པའི་དབུ་བརྙེས། དགོན་པ་ཐོག་མར་ཕྱག་འདེབས་གནང་མཁན་ནི། མདོ་སྨད་འཕགས་པ་རྣམ་གསུམ་གྱི་ཡ་ཀྱལ་གྲུབ་ཆེན་སྐྱང་འཕགས་མུ་ལ་དྲུང་མུའམ་ནམ་མཁའ་གཡུང་དྲུང་རིན་པོ་ཆེ་མཆོག་ཡིན། ཁོང་ཉིད་སྐུ་འཁྲུངས་ཡུལ་ནི། མདོ་སྨད་འཕན་ཆུའི་ཡུལ་སྒུར་བའི་ཐང་ཞིང་གཡུང་དྲུང་གླིང་གི་སྐྱང་རྩེ་ཚང་དུ། རབ་བྱུང་དང་པོའི་ལྕགས་སྤྲེལ(༨༠༨༠)ལོའམ་ལྕགས་བྱ(༡༠༨༡)ལོ་གང་རུང་དུ་ཡབ་འབུམ་སྐྱབས་ཀྱི་སྲས་སུ་འཁྲུངས། དགོན་པ་འདེབས་པའི་དུས་ནི། སྐྱང་འཕགས་ཆེན་པོ་དགུང་ལོ་ཉེར་བཞིའི་དུས་ཏེ་རབ་བྱུང་གཉིས་པའི་ཆུ་ལུག(༡༡༠༣)ལོའམ་ཤིང་སྤྲེལ(༡༡༠༤)ལོ་གང་རུང་དུ་ཁེལ། མུ་མཐུད་ཀློག བབ་བཟོ་མདའ་ཆེན་དགོན།

སྤྱི་རྟིང་ཀུན་ཁྱབ་གཡུང་དྲུང་བདུད་འདུལ་གླིང་།

007༄༅།། དེ་ཡང་སྤུ་རྒྱལ་ལྷ་སྲས་དར་མས་དབུས་སུ་བསྟན་པ་བསྣུབས་པའི་དུས་དེར་དབུས་ས་ག་གདོང་དྲུག་ནས་བྲོས་བྱོལ་དུ་ཕེབས་པའི་རེབ་གོང་གྲུབ་ཐོབ་རྣམ་གསུམ་ལས་སྤྱི་སྟོན་འཁོར་ལོས་བསྒྱུར་རྒྱལ་གྱི་གདུང་རྒྱུད་འཕེལ་ནས་སྒྲུབ་སྡེའི་གཞི་བཟུང་བའི་ཐོག་མ་ནི་རེབ་གོང་ཤར་ཕྱོགས་སྟག་མོ་ཉལ་བ་འདྲ་བའི་རི་རྒྱུད་ཀྱི་སྒང་དུ་ཆགས་པའི་སྤྱི་ཁ་གསུམ་གྱི་གསས་མཁར་རིག་འཛིན་འདུ་གནས་སྒར་ཡིན་ལ། ཕྱིས་སུ་ཡུལ་དུས་ཀྱི་དབང་གིས་ཁྱུང་ཆེན་རི་བོའམ་བཀྲ་ཤིས་ཀུན་ཁྱབ་རི་བོའི་སྟེང་དུ་གནས་སྤར་ཏེ་གསང་སྔགས་ཀྱི་སྒྲུབ་སྡེ་དེ་དགོན་སྡེའི་ཚུལ་དུ་ཆགས་པ་ནས་མཚན་ལ་ཀུན་ མུ་མཐུད་ཀློག སྤྱི་རྟིང་ཀུན་ཁྱབ་གཡུང་དྲུང་བདུད་འདུལ་གླིང་།

ཨུ་རུ་སུའི་བོན་ཚོགས་དང་གསོ་རིག་འབུམ་བཞིའི་སློབ་གྲྭ།

༧སྨན་རིའི་དགེ་བཤེས་གསོ་བྱེད་རིན་ཆེན་བསྟན་འཛིན་ལགས་ནས་ཨུ་རུ་སུ་ཡི་གྲོང་ཁྱེར་ཨང་གཉིས་པ་སང་སི་པིས་ཊ་སི་སྦུར་གི་ཟེར་བའི་ཉེ་འདབས་མཐའ་ཡི་རྒྱ་མཚོའི་འགྲམ་དུ་གཡུང་དྲུང་བོན་གྱི་དགོན་པ་གསང་སྔགས་གཡུང་དྲུང་བདུད་འདུལ་གླིང་དང་གསོ་རིག་འབུམ་བཞིའི་སློབ་གྲྭ་ཞང་བོད་གསོ་རིག་བདེ་ཕན་སློབ་གླིང་བཅས་གསར་བསྐྲུན་གནང་བའི་བརྒྱུད་རིམ་དང་དེའི་གནས་ཚུལ་མདོར་བསྡུས།

03

བཀའ་དྲིན་མཚུངས་ཟླ་བྲལ་བའི་དྲིན་ཅན་རྩ་བའི་བླ་མ་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་སོ་གསུམ་པ་དཔོན་གསས་བླ་མ་རིན་པོ་ཆེ། མཚན་དངོས་ནས་སྨོས་ན་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་ནས་བཀའ་སློབ་ཟབ་མོ་ཡང་ནས་ཡང་དུ་གསུང་གསལ་ལྟར། རང་རེ་ཁྱིམ་སྤངས་རབ་ཏུ་བྱུང་བ་རྣམས་ཀྱི་དམིག་ཡུལ་གཙོ་བོ་ནི་ཚེ་འདི་ཕྱི་གཉིས་ཀྱི་ནང་ནས་ཕྱི་མ་གཙོ་བོར་བཟུང་དགོས་པ་དང་། མུ་མཐུད་ཀློག ཨུ་རུ་སུའི་བོན་ཚོགས་དང་གསོ་རིག་འབུམ་བཞིའི་སློབ་གྲྭ།

བོན་གཞིས་བཙུན་དགོན་རདྣ་སྨན་གླིང་།

2233བོན་གཞིས་ཐོབ་རྒྱལ་གསར་པར་གནས་ཆགས་པའི་བཙུན་དགོན་རདྣ་སྨན་གླིང་འདི་ནི་ནི་ཕྱི་ལོ་ ༢༠༠༡ ལོའི་ཕྱི་ཟླ་ ༤ ཚེས་ ༡༡ ཉིན་༧སྐྱབས་རྗེ་༧སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་གིས་ཕྱག་བཏབས་གནང་བ་ཞིག་རེད།
བཙུན་དགོན་འདི་ནི་བོན་གྱི་གདན་ས་ཆེན་པོ་༧དཔལ་ལྡན་སྨན་རིའི་གླིང་གི་ལྷོ་ངོས་སུ་སྤྱི་ལེ་ ༣ ལྷག་ཡོད་པའི་གཙང་ཆུའི་ཕར་ངོས་སུ། ཐང་ཤིང་གི་སྡོང་པོ་དང་། སེ་འབྲུ། སྟར་ཁ་ལ་སོགས་རང་བྱུང་གི་སྐྱེད་མོས་ཚུལ་གྱིས་ཕྱོགས་ཀུན་ནས་མཛེས་པའི་ཁོར་ཡུག་ཡིད་དུ་འོང་བའི་གནས་སུ་བཙུན་དགོན་རདྣ་སྨན་གླིང་གི་བཀོད་པ་ཁྲ་ཆིལ་ལེར་ཆགས་ཡོད་ཅིང་། དབུས་སུ་གཙུག་ལག་ཁང་ཐོག་བརྩེགས་གསུམ་ཅན་དེའི་ཐོག་བརྩེགས་དང་པོའི་ནང་རྟེན་གཙོ་བོར་ཡུམ་ཆེན་ས་ཏྲིག་ཨེར་སངས་སམ་ཤེས་རབ་བྱམས་མའི་སྐུ་ཚད་མཐོ་བརྗིད་དང་ལྡན་པ་ཞིག་བཞེངས་ཡོད། མུ་མཐུད་ཀློག བོན་གཞིས་བཙུན་དགོན་རདྣ་སྨན་གླིང་།

གསས་ཁང་རྒྱལ་བསྟན་ཡེ་ཤེས་རྒྱ་མཚོའི་གླིང་གསར་དུ་བཞེངས་པ།

ངོ་མོ་ཡེ་ཤེས་མཚོ་རྒྱལ་གྱི་གསས་ཁང་རྒྱལ་བསྟན་ཡེ་ཤེས་རྒྱ་མཚོའི་གླིང་གསར་དུ་བཞེངས་པའི་རྣམ་བཤད་རིག་འཛིན་དགྱེས་པའི་དགའ་སྟོན།

དྲུང་མུ་གྱེར།

   དེ་ཡང་བྱིན་རླབས་ཀྱི་དྲོད་མ་ཡལ་ཞིང་སྒྲུབ་བརྒྱུད་ཀྱི་མདངས་མ་ཤོར་བའི་ངོ་མོ་རྒྱལ་བསྟན་ཡེ་ཤེས་རྒྱ་མཚོའི་གླིང་ཞེས་པའི་སྒྲུབ་སྡེ་འདི་ནི་སྤྱི་ལོ་དུས་རབས་དགུ་བར་རེབ་གོང་བོན་མང་ཕུར་ ཐོགས་སྟོང་དང་དགུ་བརྒྱས་ཁོང་གི་སྙིང་དང་། དཔྲལ་བའི་མིག་ཏུ་འཛིན་པའི་གྲུབ་ཐོབ་རྣམ་གསུམ་ཞེས་མཚན་སྙན་གྱི་བ་དན་སྲིད་པའི་རྩེ་མོར་བསྒྲེངས་བ་ལས་སྤུན་འབྲིང་བོ་ངོ་མོ་ཡེ་ཤེས་མཚོ་རྒྱལ་ཞེས་སུ་འབོད་པ་སྦས་པའི་རྣལ་འབྱོར་བ་ཆེན་མོ་དེ་ཡིས་ཤར་གྱི་རི་བོའི་གཡས་ཟུར་དཀོན་མོ་ཉིན་དུ་བཏབ་སྟེ་ད་བར་དུ་ལོ་ངོ་ཆིག་སྟོང་ལྷག་གི་ལོ་རྒྱུས་ཡོད་པ་དང་། དགོན་སྡེ་དེ་ནས། མདོ་སྔགས་རྫོགས་གསུམ་ལ་རྩལ་རྫོགས་པའི་སློབ་ཚོགས་མང་པོ་ལེགས་པར་བསྐྱངས་བའི་རྒྱུན་བསྲིངས་ནས་བདེ་དགེ་ལེགས་ཚོགས་ཀྱི་དཔྱིད་དཔལ་རབ་ཏུ་རྒྱས་ནའང་། མུ་མཐུད་ཀློག གསས་ཁང་རྒྱལ་བསྟན་ཡེ་ཤེས་རྒྱ་མཚོའི་གླིང་གསར་དུ་བཞེངས་པ།

རེབ་གོང་བོན་མང་ཕུར་ཐོགས་སྟོང་དང་དགུ་བརྒྱའི་བྱུང་རབས་ངོ་སྤྲོད་བསྡུས་པ་བདེན་གཏམ་སྐྱེས་ལྔའི་སྙན་དབྱངས།

རྩོམ་པ་པོ།  ཁྲི་བདེ་མཆོག

དེ་ཡང་མདོ་སྨད་ས་ཡི་ཐིག་ལེར་བོན་གཤེན་རྔ་གཤང་ཐོགས་པའི་གསང་སྔགས་རིག་པ་འཛིན་པའི་སྒྲུབ་སྡེ་རེབ་གོང་བོན་མང་ཕུར་ཐོགས་སྟོང་དང་དགུ་བརྒྱའི་བྱུང་རབས་ངོ་སྤྲོད་མདོར་བསྡུས་སུ་ཞུ་བ་ལ་ས་བཅད་རྣམ་པ་བཞི་ལས།

 

༡ ༽ རེབ་གོང་བོན་མང་གི་ས་གནས་ངོས་འཛིན་གྱི་སྐོར།

IMG_3272རེབ་གོང་བོན་མང་ནི་གངས་ཅན་ཁ་བའི་ལྗོངས་ལ་མདོ་དབུས་ཁམས་གསུམ་དུ་ཕྱེས་པའི་ནང་ཚུན་མདོ་སྨད་ཨ་མདོའི་ཡུལ་དུ་མཚོ་ཆེན་ཁྲི་ཤོར་རྒྱལ་མོ་དང་རྨ་ཆེན་གངས་རིའི་ཉེ་འགྲམ། དེང་སང་མཚོ་སྔོན་གྱི་སྲིད་འཛིན་མངའ་སྡེའི་ལྟེ་གནས་གནའ་མཁར་ཟི་ལིང་ནས་ཤར་ཕྱོགས་སུ་སྤྱི་ལེ་གཉིས་བརྒྱ་བསྐྱོད་པའི་མཚམས་སུ་རེབ་གོང་རིག་པ་འབྱུང་བའི་གྲོང་ཁྱེར་ཞེས་མཁས་པ་དང་གྲུབ་པ་རྒྱུན་མ་ཆད་པར་བྱོན་པའི་གནས་མཆོག གྲོང་ཁྱེར་གྱི་མཐའ་སྐོར་ན་གྲུབ་གནས་ཁྱད་པར་ཅན་བརྒྱད་ཡོད་ཅིང་། གྲོང་ཁྱེར་གྱི་ཉེ་འཁྲིས་གཡས་གཡོན་དུ་བོན་མང་གི་གྲོང་སྡེ་ཚོ་བ་རྣམས་ཡོད་ལ། དེ་དང་ལྷན་དུ་སྒྲུབ་སྡེའི་གནས་གཞིའི་གསས་ཁང་བཅོ་བརྒྱད་ཀྱང་ཕྱོགས་སོ་སོ་ན་ཡོད། དེ་ལ་ཡང་སྟོད་ཕྱོགས་ན་སྤྱི་རྟིང་ཨརྒ་སྟེང་དུ་ཐེག་ཆེན་བོན་འཁོར་ལྷུན་གྲུབ་གླིང་དང་གད་པ་སྐྱ་བོ་ན་གསང་སྔགས་རིག་འཛིན་དར་རྒྱས་གླིང་། གདོང་མགོ་ཚང་ན་ཐེག་ཆེན་སྨིན་གྲོལ་རྒྱ་མཚོའི་གླིང་ཡོད། དེ་གསུམ་ལ་སྤྱི་ཁ་གསུམ་ཟེར་ལ་གྲུབ་ཆེན་འཁོར་ལོ་བསྒྱུར་རྒྱལ་གྱི་གདན་ས་དང་བརྒྱུད་འཛིན་ཡིན། དུས་སྔ་མོར་མཁར་ཞོལ་དགོན་པ་ཡོད་ལ། དེང་སང་དེའི་ཚབས་སུ་བཀྲ་ཤིས་ཀུན་ཁྱབ་གཡུང་དྲུང་གླིང་ཡོད།ངོ་མོ་ན་རྒྱལ་བསྟན་ཡེ་ཤེས་རྒྱ་མཚོའི་ མུ་མཐུད་ཀློག རེབ་གོང་བོན་མང་ཕུར་ཐོགས་སྟོང་དང་དགུ་བརྒྱའི་བྱུང་རབས་ངོ་སྤྲོད་བསྡུས་པ་བདེན་གཏམ་སྐྱེས་ལྔའི་སྙན་དབྱངས།

སྲིད་རྒྱལ་དགོན་ཆེན།

     དེ་ཡང་བསྟན་པ་ཕྱི་དར་དུས་སུ་ཀོང་ཡུལ་འདིར་གཡུང་དྲུང་བོན་ལ་སྤྱོད་པ་གཅིག་ཀྱང་མེད་པ་དང་མཐའ་ན་ཐུགས་སྤྲུལ་བོན་རི་ཆེན་པོའང་གང་ཡིན་མི་ཤེས་པའི་དུས་སུ་རྟོགས་ལྡན་རི་པ་འབྲུག་གསས་མཆོག་ཀོང་པོར་ཕེབས་ནས་གནས་མཆོག་བོན་རིའི་གནས་སྒོ་ཕྱེས་ཏེ་སྲིད་རྒྱལ་དགོན་ཆེན་འདི་ཉིད་བཏབ་མཛད་ནས་སངས་རྒྱས་གཡུང་དྲུང་བོན་གྱི་བསྟན་པ་རྒྱ་ཆེར་སྤེལ། རིག་གསར་རྗེས་སྤྱི་ལོ༡༩༨༢ལོ་ནས་རྣལ་འབྱོར་བ་ཆེན་པོ་ནོར་སྐྱབས་རིན་པོ་ཆེའམ་གཞན་ཕན་བརྩོན་འགྲུས་དང་མཁས་གྲུབ་ཉི་མ་རིན་པོ་ཆེ་རྣམ་གཉིས་ཀྱིས་ཐུགས་འགན་བཞེས་ཏེ་ཉམས་གསོ་མཛད། མུ་མཐུད་ཀློག སྲིད་རྒྱལ་དགོན་ཆེན།

ལྷ་རི་གྱང་ཐོ་དགོན།

ལྷ་རི་གྱང་ཐོ་དགོན།

     ༄༅།།བོད་ཀྱི་ལོ་རྒྱུས་དེབ་ཐེར་གང་ཞིག་ཡིན་རུང་བོད་ཀྱི་བཙན་པོ་དང་པོ་ལྷ་རི་གྱང་ཐོའི་རྩེར་ཕེབས་ཞེས་པ་མ་འཁོད་པ་གཅིག་ཀྱང་མེད་མོད། འོན་ཀྱང་ལྷ་རི་གྱང་ཐོ་ཡང་སྙིང་གང་དུ་ཡོད་མེད་ངོས་འཛིན་ཐད་གསལ་པོ་རང་མེད་པ་མ་ཟད། རིས་ཅན་འགས་ཡར་ལུང་རྒྱུད་དུ་ཡོད་པའི་ཕྱོགས་བཤད་བཞིན་འདུག ཡིན་ནའང་སངས་རྒྱས་གཡུང་དྲུང་བོན་གྱི་གྲུབ་མཐའ་འཛིན་པ་རྣམས་ཀྱིས་ལྷ་རི་གྱང་ཐོའི་རི་བོ་དེ་ས་ཁུལ་གང་དུ་ཡོད་པ་དང་རི་བོ་གང་ཡིན་པའི་སྐོར་ཡིད་ལ་གསལ་ལེར་ཤེས་ཀྱི་ཡོད་པས་འདིར་མང་པོ་ཞུ་མི་དགོས། མུ་མཐུད་ཀློག ལྷ་རི་གྱང་ཐོ་དགོན།