དཀར་ཆག་ཡིག་ཚགས། འཕྲིན་གསར།

ཤར་རྫའི་རྒྱལ་ཚབ་འཇིགས་མེད་དབང་ཕྱུག་ནས་ཐུགས་གསོའི་འཚམས་འཕྲིན།

      ༄༅།།ཁམས་གསུམ་འགྲོ་བའི་སྒྲོན་མེ་གྱེར་སྟོན་སྲོག་གི་ཀ་ཆེན་འཛམ་གླིང་བོན་གྱི་གཙུག་རྒྱན་དམ་པ་རྗེ་སྨན་རི་བའི་ཁྲི་འཛིན་སོ་གསུམ་པ་མཆོག་རེ་ཞིག་གདུལ་བྱ་རྟག་འཛིན་བ་རྣམས་སུན་ཕྱུང་བའི་ཕྱིར་དུ་དགུང་གྲངས ༨༩ བཞེས་མཐར། བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་བླ་བྲང་འོད་གསལ་འབར་བ་རུ། སྤྱི་ལོ་ ༢༠༡༧ལོའི་ཟླ་བ ༩ པའི་ཚེས ༡༤ཉིན་སྐུ་གཡོ་མེད་ཆ་ལུགས་ལྔ་ལྡན་ངང་ནས་དགོངས་པ་ཀ་དག་བོན་དབྱིངས་སུ་གཟིམ་སོང་བའི་ཚུལ་མཛད་པ་ལ་རྗེས་འཇུག་ང་ཚོ་བཟོད་པའི་གླགས་མི་རྙེད་པའི་སྐྱོ་གདུང་དང་ཡིད་ཕམ་ངང་ཧད་དེ་ལུས་བཞིན་དཔལ་ཤར་རྫ་བའི་རི་ཁྲོད་གོང་འོག་བར་གསུམ་ནས་ཉིན་གསུམ་ཙམ་ལ་གདུང་མཆོད་རྒྱས་འབུལ་ཞུས་པ་དང་གཞུག་ནས་འབུལ་རྩིས་ཡིན་པ་དང་། དེ་བཞིན་དུ་སྐྱབས་མཆོག་གང་གི་སྐྱབས་འོག་པ་ངེད་ཅག་ཤུལ་ལུས་པ་སེར་སྐྱ་ཡོངས་ནས་རྣམ་དཀར་དགེ་བའི་ཕྱོགས་སུ་ཅི་ནུས་དང་རྒྱལ་བ་སྨན་རི་བའི་བསྟན་པ་ཡུན་དུ་གནས་པའི་བྱ་བ་ལ་འབད་བརྩོན་གནང་རོགས་ཞེས་ཤར་རྫའི་རི་སུལ་ནས་ཨ་འཇིགས་ནས་གསོལ་བ་རྩེ་གཅིག་ཏུ་བཏབ་སྟེ་ཕུལ།

གདུང་མཆོད་འབོད་བསྐུལ།

ད་ལན་རྒྱལ་བསྟན་ཡོངས་རྫོགས་ཀྱི་མངའ་བདག་སྨན་རིའི་ཁྲི་འཛིན་རིན་པོ་ནང་དབྱིངས་ཀ་དག་གི་གྲོང་དུ་འཇུག་པ་ལགས་ན། འུ་ཅག་རིས་མེད་ཀྱི་དད་འདུན་པ་ཡོངས་ཀྱིས་རྗེ་བླ་མའི་གདུང་མཆོད་ལ་དམིགས་ནས་སོ་སོའི་འབྱོར་ནུས་གང་ཡོད་ཀྱིས་དགེ་བསྒྲུབ་སྡིག་སྤང་གང་ཐུབ་བྱེད་ ཞིབ་ཏུ་ཀློག གདུང་མཆོད་འབོད་བསྐུལ།

རེབ་གོང་བོན་མང་འདུས་སྤྱི་ནས་དགོངས་རྫོགས་གདུང་མཆོད་ཕུལ་བ།

༄༅། །འཛམ་གླིང་བོན་འབངས་ཡོངས་རྫོགས་ཀྱི་དབུ་ཁྲིད༧ཞྭ་དཀར་བསྟན་པའི་གཙུག་རྒྱན༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ༧སྐྱབས་རྗེ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་ནི། རྒྱལ་བ་གཤེན་གྱི་འབྱུང་ལྡན༣༠༡བོད་ས་མོ་སྦྲུལ་གྱི་ལོ་ཕྱི་ལོ༡༩༢༩ཧོར་ཟླ་ལྔ་པའི་ཚེས་བཅོ་ལྔ་ཉིན་མདོ་སྨད་ཤར་ཁོག་ཏུ་ལྗོངས་ལྡོང་ཚང་ཞེས་པའི་དུད་ཁྱིམ་ཆེན་པོ་དེར་ཡབ་ལྗོངས་ལྡོང་རྒྱལ་ལོ་དང་ཡུམ་བར་རོང་བཟའ་མཚོ་མོ་གཉིས་ཀྱི་སྲས་སུ་འཁྲུངས།

ཕྱི་ལོ༢༠༡༧ཟླ༩ཚེས༡༤ཉིན་གྱི་ཕྱི་དྲོའི་ཆུ་ཚོད་དྲུག་དང་སྐར་མ་ཉེར་ལྔའི་སྟེང་བོན་གྱི་གདན་ས་ཆེན་མོ༧དཔལ་གཤེན་བསྟན་སྨན་རིའི་གླིང་གི་བླ་བྲང་དུ་ཐུགས་དམ་གཡོ་བ་མེད་པའི་ངང་ནས་དགོངས་པ་བོན་དབྱིངས་སུ་ཐིམ་སོང་བའི་ཡིད་སྐྱོ་བའི་གནས་ཚུལ་འདི་ཐོས་འཕྲལ། རེབ་གོང་བོན་མང་འདུས་སྤྱི་ནས་ཀྱང་གཞུང་གི་བཀོད་སྒྲིག་ལྟར་ཚེས་བཅུ་དྲུག་ཉིན་ནས་རང་རང་གི་གསས་ཁང་སོ་སོ་ནས་དགོངས་རྫོགས་ཀྱི་གདུང་མཆོད་ལ་ཚེ་དབང་དང་ཞི་ཁྲོ་སོགས་ཀྱི་ཚོགས་འཁོར་རྒྱ་ཆེར་བསྐོར་བ་དང་། སྒྲུབ་སྡེ་སོ་སོའི་དགེ་བསྙེན་མ་རྣམས་ཀྱིས་ཀྱང་བསྙེན་གནས་ཡན་ལག་བརྒྱད་པའི་སྡོམ་པ་ལ་གནས་ཅི་ཐུབ་ཀྱིས་དགེ་སྒྲུབ་ཚོགས་བསགས་ཀྱི་ལས་ལ་འབད་བཞིན་པ་མ་ཟད། མར་མེ་སྟོང་ཕྲག་དུ་མས་མཆོད་པ་རྒྱ་ཆེར་ཕུལ་ནས་གདུང་སེམས་མཉམ་བསྐྱེད་དང་བཅས་དགེ་སྒྲུབ་ཁས་བླངས་སོགས་ཀྱི་གདུང་མཆོད་རྒྱ་ཆེར་སྤེལ་བའོ།། ཞིབ་ཏུ་ཀློག རེབ་གོང་བོན་མང་འདུས་སྤྱི་ནས་དགོངས་རྫོགས་གདུང་མཆོད་ཕུལ་བ།

བསྐལ་ཁུག་གི་སྟོན་པ་སྨན་རི་བར་གདུང་མཆོད་འབུལ་བ།

བསྐལ་ཁུག་གི་སྟོན་པ་སྨན་རི་བར་གདུང་མཆོད་འབུལ་བ།

རྫ་སྟེང་ཆེན་དགོན་མ་ལག་བུ་གསུམ་ནས།

                                        མྱ་ངན་དང་བཅས་ཞུ་བ།

བསྐལ་ཁུག་རྒུད་པ་མཐའ་དག་སེལ་བའི་གཉེན་གཅིག་དུས་ཀྱི་གཉན་འཕྲང་བརྒལ་བའི་དཔའ་བོ་རྒྱལ་བསྟན་ཉམས་པ་གསོ་བའི་སྨན་མཆོག་ལས་ཅན་འཁོར་བའི་འདམ་ལས་འདྲེན་པའི་ལམ་བུ་ཁམས་གསུམ་གྱི་བླ་ན་འཕགས་ཤིང་སྲིད་པ་གསུམ་གྱི་མཁའ་ལ་མངོན་པར་མཛེས་པའི་བོད་སྲིད་པའི་མི་ཆེན་དམ་པ་བོན་འགྲོ་བའི་སྐྱབས་མཆོག་བླ་མེད་སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་འདི་ལྟར་སྣང་སྲིད་ཀྱི་སྒྱུ་མའི་རོལ་རྩལ་ཐམས་ཅད་ངང་གིས་ཡལ་ནས་ནང་དབྱིངས་ཀ་དག་གི་གྲོང་ཆེ་ཆེན་པོར་བསྡུས་པའི་དུས་འདིར། བོན་འབངས་དང་རིས་མེད་ཀྱི་དད་འདུན་པ་ཡོངས་ནས་གདུང་མཆོད་དང་དགོངས་རྫོགས་ལ་བརྩོན་བཞིན་པའི་སྐབས་ལགས་ན། ངེད་རྫ་སྟེང་ཆེན་དགོན་དཔལ་གཤེན་བསྟན་མདོ་སྔགས་བསྟན་རྒྱས་གླིང་དང་། ཟེར་འཕྲོ་དགོན།  བོན་པོ་དགོན་བཅས་དགོན་མ་ལག་བུ་གསུམ་གྱིས་དབྲ་སྟོན་ཉེར་སྟོན་ཉེར་གཉིས་པ་ཚུལ་ཁྲིམས་དྲི་མེད་རྣམ་རྒྱལ་མཆོག་གི་བཀའ་དགོངས་གཞིར་བཟུང་སྟེ་སེར་སྐྱ་ཡོངས་རྫོགས་གནས་གཅིག་ཏུ་འཛོམས་ནས་ཚོགས་དང་མཆོད་པ་རྒྱ་ཆེན་པོས་དགོངས་རྫོགས་དང་གདུང་མཆོད་ཞུས་པ། ཞིབ་ཏུ་ཀློག བསྐལ་ཁུག་གི་སྟོན་པ་སྨན་རི་བར་གདུང་མཆོད་འབུལ་བ།

མདོ་སྨད་རྩེ་ཞིག་དགོན་དུ་མཁན་རིན་པོ་ཆེའི་གདུང་མཆོད་ལ་འཚོགས་པ།

རྩོམ་པ་པོ། རྩེ་འོད་སྣང་།     རྩོམ་ཁུངས། རེབ་གོང་བོན་མང་དྲ་བ།

རྒྱལ་བའི་མཛད་པ་འཁྲུལ་མེད་སྐྱོང་བའི་ལུང་རྟོགས་བསྟན་པའི་འོད་དཀར་པོ།།
རྒྱལ་བ་སྨན་རིའི་ཁྲི་འཛིན་སོ་གསུམ་བོན་འབངས་ཡོངས་ཀྱི་སྐྱབས་གཅིག་པུ།།
རྒྱལ་བ་གོང་མའི་མཛད་ལུགས་ཇི་བཞིན་མི་རྟག་དགོངས་པ་རྫོགས་ཚུལ་བསྟན།།
རྒྱལ་བ་ཉིད་དང་དབྱེར་མེད་གནས་པའི་སྐུ་མཆོག་ཁྱེད་ཀྱིས་རྗེས་བཟུང་མཛོད།།

དེ་ཡང་གཤེན་གྱི་འབྱུང་ལྡན་༣༠༡གི་ནང་ཚུན་སྤྱི་ལོ་༢༠༡༧ལོའི་ཟླ་༩ཚེས་༡༤ཉིན་བྱེས་ཀྱི་གདན་ས་ཆེན་མོ་དཔལ་ལྡན་སྨན་རིའི་བླ་བྲང་དུ་སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་ཐུགས་ཀློང་གཡོ་མེད་ཀྱིས་ངང་ནས་རེ་ཞིག་དགོངས་པ་རྫོགས་པའི་ཚུལ་མཛད་པ་ལགས་ན། ངེད་རྩེ་ཞིག་དགོན་གྱི་དད་འབངས་སེར་སྐྱ་ཀུན་གྱིས་རྩེ་ཞིག་ཚང་༧ཤེས་རབ་བསྟན་པའི་ཟླ་བ་མཆོག་གི་ཐུགས་བཀོད་ཇི་བཞིན།ཉིན་གསུམ་གྱི་རིང་ལ་གྲྭ་ཚང་འདུས་པ་རྒྱ་མཚོས་མཉམ་མེད་བླ་མའི་སྒྲུབ་གཞུང་གི་དཀྱིལ་འཁོར་ཞལ་ཕྱེས་ཐོག་བསྟོད་པ་རྣམ་རྒྱལ་ཁང་བཟང་དང་བླ་མའི་རྣལ་འབྱོར་མཁན་རིན་པོ་ཆེའི་གསོལ་འདེབས་སོགས་དབྱངས་ལ་བཏེགས་ཤིང་སེར་སྐྱ་ཀུན་གྱིས་གདུང་སེམས་མཉམ་བསྐྱེད་ངང་ངན་སོང་སྐྱེ་སྒོ་གཅོད་པའི་མདོ་ ཞིབ་ཏུ་ཀློག མདོ་སྨད་རྩེ་ཞིག་དགོན་དུ་མཁན་རིན་པོ་ཆེའི་གདུང་མཆོད་ལ་འཚོགས་པ།

མདོ་སྨད་རེབ་གོང་བོན་བརྒྱ་སྨན་རི་བཤད་སྒྲུབ་སྨིན་གྲོལ་གླིང་ནས་རྒྱལ་བ་སྨན་རི་ཚང་ལ་ཕུལ་བའི་གདུང་མཆོད།

མདོ་སྨད་རེབ་གོང་བོན་བརྒྱ་དགོན་པ་ནས་རྒྱལ་བ་སྨན་རི་ཚང་ལ་ཕུལ་བའི་གདུང་མཆོད་དད་པ་རྒྱ་མཚོའི་རླབས་འཕྲེང་།

རྩོམ་པ་པོ།  བོན་ནག་ཚང་ཡེ་ཤེས་བློ་གྲོས།    རྩོམ་ཁུངས།  རེབ་གོང་བོན་མང་དྲ་བ།

 

ཨེ་མ་ཧོ།
རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།།
མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།།
ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།།
ལུང་རྟོགས་བསྟན་པའི་ཉི་མར་གསོལ་བ་འདེབས།།

དེ་ཡང་ཇི་སྐད་དུ། དཀར་པོ་སུམ་སྦྱོར་ལས། བླ་མ་སངས་རྒྱས་བླ་མ་བོན།། དེ་བཞིན་བླ་མ་སེམས་དཔའ་སྟེ།། ཀུན་གྱི་བྱེད་པོ་བླ་མ་ཡིན།། ཞེས་གསུངས་པའི་ང་ཚོའི་བླ་མ་དམ་པ། ང་ཚོ་བོན་འབངས་ཡོངས་ཀྱི་སྐྱབས་དང་དཔུང་གཉེན་གཅིག་པུ་རྒྱལ་བ་སྨན་རི་ཚང་གི་གསེར་ཞལ་ཉི་མ་གཞོན་ནུ་ནུབ་རིའི་ཕག་ཏུ་ཡིབ་པས་ང་ཚོ་བོན་འབངས་ཡོངས་སྡུག་བསྔལ་གྱི་མཚོ་ངོགས་སུ་སྐྱོམས་ན་ཡང་དྲིན་ལྡན་བླ་མ་དམ་པས་རྟག་འཛིན་ཅན་སུན་འབྱིན་པའི་ཕྱིར་དུ་མཛད་བསྟོད་ལས།རྒྱལ་བའི་མཆོག་ལ་སྐྱེ་འཆི་མི་མངའ་ཡང་།། རྟག་པར་འཛིན་རྣམ་སུན་ཕྱུང་དགེ་བསྐུལ་ཕྱིར།། མི་རྟག་ཚུལ་བསྟན་དགོངས་པ་མྱ་ངན་འདས།། བདེ་ཆེན་དབྱིངས་གཤེགས་མཛད་ལ་ཕྱག་འཚལ་ལོ།། ཞེས་གསུང་བ་བཞིན་ཁ་སང་ཕྱི་དྲོའི་ཆུ་ཚོད་དྲུག་པའི་སྟེང་རྗེ་བླ་མ་དགོངས་པ་བོན་དབྱིངས་སུ་གཤེགས་པ་ཐོས་ནས་དེ་རིང་ང་ཚོ་བོན་བརྒྱ་དགོན་པའི་བླ་གྲྭ་ཡོངས་ཀྱིས་བླ་མ་ཚེ་དབང་རིག་འཛིན་གྱི་ཚོགས་འཁོར་རྒྱ་ཆེན་པོ་ཕུལ་བ་ནི་ལྟ་བ་ཁྱུང་ཆེན་ལས། སེར་སྣ་མེད་པའི་ལོངས་སྤྱོད་ ཞིབ་ཏུ་ཀློག མདོ་སྨད་རེབ་གོང་བོན་བརྒྱ་སྨན་རི་བཤད་སྒྲུབ་སྨིན་གྲོལ་གླིང་ནས་རྒྱལ་བ་སྨན་རི་ཚང་ལ་ཕུལ་བའི་གདུང་མཆོད།

གསལ་བརྡ།

༄༅། །རྒྱ་ཆེའི་དད་ལྡན་རྣམས་ཀྱི་སྙན་ལམ་དུ་ཞུ་རྒྱུར།

མཁྱེན་ཆུབ་བཞིན་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་༣༣པ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་དགོངས་པ་གཞན་དོན་དུ་གཤེགས་ཏེ་ད་ལྟ་ཐུགས་དམ་གཡོ་མེད་བོན་གྱི་སྐུ་རུ་བཞུགས་པའི་སྐུ་གདུང་མཐོང་གྲོལ་རིན་པོ་ཆེ་ལ་མཇལ་བར་མོས་པའི་གང་གི་འཁོར་འབངས་རྣམས་ལ་ཕྱི་ལོ་ ༢༠༡༧ ཟླ་ ༩ ཚེས་༡༦ ཉིན་ནས་ཕྱི་ཟླ་ ༡༠ ཚེས་ ༢ ཉིན་སྐུ་གདུང་ཞུགས་འབུལ་ཞུ་བའི་བར་མཇལ་ཁའི་དུས་ཚོད་ཞུས་པ་ལགས་ན་དེ་ལུགས་དགོངས་འཇགས་འཚལ། ཞིབ་ཏུ་ཀློག གསལ་བརྡ།

སྨན་རིའི་ཁྲི་འཛིན་སོ་གསུམ་མཆོག་དགོངས་པ་བོན་དབྱིངས་སུ་ཐིམ་པར་དགོན་སྡེ་དང་ཚོགས་ཁག་སོ་སོ་ནས་བསྐུར་བའི་མྱ་ངན་ཞུ་ཡིག(01)

ཞིབ་ཏུ་ཀློག སྨན་རིའི་ཁྲི་འཛིན་སོ་གསུམ་མཆོག་དགོངས་པ་བོན་དབྱིངས་སུ་ཐིམ་པར་དགོན་སྡེ་དང་ཚོགས་ཁག་སོ་སོ་ནས་བསྐུར་བའི་མྱ་ངན་ཞུ་ཡིག(01)

ཡིད་སྐྱོ་བའི་གནས་ཚུལ།

དེ་རིང་ཕྱི་ལོ་༢༠༡༧ཟླ་༩ཚེས་༡༤ཕྱི་དྲོའི་ཆུ་ཚོད་དྲུག་དང་སྐར་མ་༢༥སྟེང་འཛམ་གླིང་བོན་འབངས་ཡོངས་རྫོགས་ཀྱི་དབུ་ཁྲིད་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་བླ་བྲང་དུ་ཐུགས་དམ་གཡོ་བ་མེད་པའི་ངང་ནས་དགོངས་པ་བོན་དབྱིངས་སུ་ཐིམ་སོང་བའི་ཡིད་སྐྱོ་བའི་ ཞིབ་ཏུ་ཀློག ཡིད་སྐྱོ་བའི་གནས་ཚུལ།

ཞིབ་འཇུག་པ་དག་ལ་ཕུལ་བའི་དཔྱད་རྩོམ་བསྡུ་བའི་གསལ་བརྡ།

«དཔྱོད་ལྡན་མཆོད་པའི་མེ་ཏོག»གི་དཔྱད་རྩོམ་བསྡུ་བའི་བརྡ་ཐོ། 

 ཞང་བོད་ཀྱི་ཤེས་རིག་ལ་ཐུགས་བཞེས་ཟབ་པའི་དཔྱོད་ལྡན་ལྷན་རྒྱས་ཀྱི་སྤྱན་སྔ་རུ་ཞུ་དོན།

བོད་ཀྱི་ཆེད་མཁས་མི་སྣའི་ཁྲོད་གངས་ལྗོངས་སྲོལ་རྒྱུན་ཤེས་རིག་གི་འབབ་ཁུངས་དེ་སྲིད་པ་བོན་གྱི་ཤེས་རིག་འབའ་ཞིག་ལ་རག་ལས་ཡོད་པར་གཞིགས་པ་དང་དུས་མཚུངས་སུ་བོན་རིག་པ་ལ་མཉམ་འཇོག་དང་རྟོག་ཞིབ་བྱས་ཡོད་པ་ནི་གོར་མ་ཆག

ད་ལྟ་ད་དུང་ཡང་མུ་མཐུད་དུ་རྩད་གཅོད་བདེན་འཚོལ་གྱི་ལམ་ནས་རྩ་བའི་ཤེས་རིག་ཅིག་གི་བླ་སྲོག་ངོ་མ་དེ་སྔོག་འདོན་བྱེད་བཞིན་པའི་སྒང་འདིར། ཞང་བོད་ཤེས་རིག་ཞིབ་འཇུག་དེབ«དཔྱོད་ལྡན་མཆོད་པའི་མེ་ཏོག»འདོན་ཐེངས12པ་ནི་སྔར་བས་ཀྱང་གསོན་ཤུགས་རྒྱས་པ་དང་བསྟུན་ནས་ཁྱེད་ཅག་གི་བློ་དཔྱོད་ལས་ཐོན་ཞིང་གནའ་བོའི་ཤེས་རིག་གི་དྲི་ངད་མ་ཡལ་བའི་ལེགས་བརྗོད་དཔྱད་རྩོམ་ ཞིབ་ཏུ་ཀློག ཞིབ་འཇུག་པ་དག་ལ་ཕུལ་བའི་དཔྱད་རྩོམ་བསྡུ་བའི་གསལ་བརྡ།