ཟླ་རེའི་ཚགས་ཉར ཟླ་བཞི་བ། 2017

2017ལོའི་《རྒྱལ་མོ་རྔུལ་ཆུ་》འདོན་ཐེངས་གསུམ་པ་འགྲེམ་སྤེལ་གནང་འདུག

ཀློག་པ་པོར་སྤྲིངས་པའི་ཞུ་མཆིད། 

—-གཡུང་དྲུང་བོན་བཤད་སྒྲུབ་སློབ་གླིང་ཁག་ལ་ཆེད་དུ་སྒྲོན་པའི་ཁ་བཏགས་ཡུག་གཅིག

རྩོམ་པ་པོ། «རྒྱལ་མོ་རྔུལ་ཆུ»རྩོམ་སྒྲིག་ཚོ་ཆུང་།   རྩོམ་ཁུངས། རེབ་གོང་བོན་མང་དྲ་བ།

     དགོན་སྡེའི་སློབ་གསོའི་ཁོར་ཡུག་གིས་བསྐྱེད་པའི་སྦྱངས་རྩོམ་ཆེད་བསྒྲིགས་ཐོག་མ«རྒྱལ་མོ་རྔུལ་ཆུ»དེབ་གཟུགས་འདི་ནི། ཡུལ་རོང་བཞི་ཤོད་ཆེན་བཅོ་བརྒྱད་ཀྱི་སའི་སྙིང་པོ་ཉམས་དགའ་བ། ཆུ་ཆེན་ལྗོངས་ཀྱི་བསྟི་གནས་ཕུན་སུམ་འཚོགས་པ། ཁྲོ་སྐྱབས་མཚོ་སྟེང་དགོན་རྒྱལ་རོང་བཤད་སྒྲུབ་སློབ་གླིང་གིས་བོད་རབ་རྒྱན་མེ་མོ་བྱ་ལོ་སྟེ་སྟོང་ལོ་བཅུ་བདུན་ལོར་གཙོ་སྒྲིག་གནང་བའི་ཚོད་ལྟའི་སྦྱངས་རྩོམ་གྱི་དེབ་ཕྲེང་གསུམ་པ་དེ་ཡིན་ལ།  ཐེངས་འདིར་སྦྱངས་རྩོམ་སྡུད་བསྐུར་གྱི་བྱ་བར་ཐུགས་སྐྱོང་དང་རྒྱབ་སྐྱོར་གནང་མཁན་གྱི་སློབ་གླིང་ནི། རྒྱ་ཞིག་འབྲུག་གྲགས་དགོན་ཞང་བོད་ནང་བསྟན་རིག་གནས་སློབ་གླིང་། ཤར་རྫའི་བཤད་སྒྲུབ་སློབ་གླིང་། རྟོགས་ལྡན་དགོན་ཞང་ཞུང་རྫོགས་ཆེན་སློབ་གླིང་། རྫ་ཁྲོ་ཚངས་དགོན་ནང་བསྟན་ལྔ་རིག་སློབ་གླིང་། སྣང་ཞིག་དགོན་གཡུང་དྲུང་བོན་གྱི་བཤད་སྒྲུབ་སློབ་གླིང་། རྒྱལ་རོང་ལྔ་རིག་ཆེས་མཐོའི་སློབ་གླིང་། རྒྱལ་རོང་བཤད་སྒྲུབ་སློབ་གླིང་སོགས་ཡིན་པ་དང་། དེར་མ་ཟད་རང་རེའི་རྒྱལ་རོང་བཤད་སྒྲུབ་སློབ་གླིང་གསར་འཛུགས་བྱེད་པོ་རྒྱལ་རོང་སྐྱབས་རྗེ་ལི་ཤུ་སྤྲུལ་སྐུ་ཚང་དང་དཔོན་སློབ་ཤེས་རབ་གྲགས་པ་ལགས། ཚོགས་གཙོ་དམུ་རིགས་བསྟན་འཛིན་དབང་གྲགས། དྲུང་ཡིག་ཆེ་མོ་ལྷ་བུ་བློ་བཟང་། ཚོགས་གཞོན་ས་ཁའི་བློ་ལྡན་བཅས་ཡིན་ཞིང་། ཐ་སྙད་པ་ས་ཁའི་བློ་ལྡན་ལགས་ཀྱིས་ཞུ་གཏུག་གཏན་འབེབས་གནང་།

   མ་འོངས་དུས་ཀྱི་ཆ་ལ་ཡང་དཔལ་སྨན་རི་བཤད་སྒྲུབ་སློབ་གླིང་གཙོར་བཅས་གཙང་སྨན་རིའི་བཤད་སྒྲུབ་སློབ་གླིང་དང་ཁྲི་བརྟན་ནོར་བུའི་རྩེའི་བཤད་སྒྲུབ་སློབ་གླིང་། གཡུང་དྲུང་གླིང་བཤད་སྒྲུབ་སློབ་གླིང་། རྩེ་དྲུག་དགོན་བཤད་སྒྲུབ་སློབ་གླིང་། ཀོ་དགོན་བཤད་སྒྲུབ་སློབ་གླིང་། སྟེང་ཆེན་དགོན་བཤད་སྒྲུབ་སློབ་གླིང་། ཆབ་མདོ་དགོན་བཤད་སྒྲུབ་གླིང་། ཤར་སྐྱང་ཚང་དགོན་བཤད་སྒྲུབ་སློབ་གླིང་། ཁྲོམ་ཚང་དགོན་བཤད་སྒྲུབ་སློབ་གླིང་། རྩེ་དབུས་དགོན་གཡས་རུའི་ཆེས་མཐོའི་སློབ་གླིང་། ལུང་དཀར་དགོན་བཤད་སྒྲུབ་སློབ་གླིང་། སྤུ་བླ་དགོན་བཤད་སྒྲུབ་སློབ་གླིང་། ཁྱུང་མོ་དགོན་བཤད་སྒྲུབ་སློབ་གླིང་། གཡུང་དྲུང་དཔལ་རི་དགོན་བཤད་སྒྲུབ་སློབ་གླིང་། དྭངས་ར་གཡུ་བུན་དགོན་བཤད་སྒྲུབ་སློབ་གླིང་། ཀླུ་ཕུག་དགོན་བཤད་སྒྲུབ་སློབ་གླིང་། རི་ཁྲོད་དགོན་བཤད་སྒྲུབ་སློབ་ ཞིབ་ཏུ་ཀློག 2017ལོའི་《རྒྱལ་མོ་རྔུལ་ཆུ་》འདོན་ཐེངས་གསུམ་པ་འགྲེམ་སྤེལ་གནང་འདུག

སྐྱང་སྤྲུལ་ནམ་མཁའ་བསྟན་འཛིན་རིན་པོ་ཆེ་མཆོག་གིས་མ་ཏྲིའི་དབང་མཆོག་བསྐུར་བའི་གསལ་བརྡ།

༄༅།།མདོ་སྨད་དུང་དཀར་དགོན་དུ་མ་ཏྲིའི་དབང་མཆོག་བསྐུར་གྲབས་ཀྱི་བརྡ་ཐོ་བཞུགས།

བོད་མེ་བྱ་ལོ་སྟེ་སྤྱི་ལོ༢༠༡༧ལོའི་ལུགས་གསར་ཏེ་སྤྱི་ཟླ༥པའི་ཚེས༣ནས་༤དང་། ཞིང་རྩིས་ཏེ་ཧོར་ཟླ༤པའི་ཚེས༨ནས༩ཡི་ཉིན་གཉིས་ཀྱི་རིང་ལ་མདོ་སྨད་མཚོ་ལྷོ་ཁུལ་གུང་ཧོ་རྫོང་ཨུར་ལྟེའུ་ཡུལ་ཚོའི་བོན་གྱི་འདུལ་དགོན་སྨིན་གྲོལ་དུང་དཀར་གླིང་དུ་བྱང་རྒྱུད་བསྟན་པའི་གསལ་བྱེད་དམ་པ་༧སྐྱང་སྤྲུལ་ནམ་མཁའ་བསྟན་འཛིན་རིན་པོ་ཆེ་མཆོག་གིས་བོན་སྡེའི་དགེ་སྒྲུབ་དྲ་ཚོམས་ཆེན་མོ༼ མ་ཏྲི་དུང་སྒྲུབ་གླིང་༽གིས་མ་ཏྲི་དུང་བསྒྲུབས་ཀྱི་ཚོགས་ཆེན་གྲུབ་པའི་དགེ་བསྔོ་དང་འབྲེལ་ནས་མ་ཏྲིའི་དབང་རྒྱ་ཆེར་གནང་རྒྱུ་ཡིན་པས། ཐག་ཉེ་རྒྱང་ན་ཡོད་པའི་དད་ལྡན་སེར་སྐྱ་ཕོ་མོ་རིས་སུ་མ་ཆད་ ཞིབ་ཏུ་ཀློག སྐྱང་སྤྲུལ་ནམ་མཁའ་བསྟན་འཛིན་རིན་པོ་ཆེ་མཆོག་གིས་མ་ཏྲིའི་དབང་མཆོག་བསྐུར་བའི་གསལ་བརྡ།

ཀུན་འཁོར་ལྷ་གཤེན་མཆོད་པའི་དབྱངས།

— «སྙན་གཞུང་ཤེལ་གྱི་མེ་ལོང»གི་རྩོམ་རྒྱུགས་ཕུལ་བའི་སྐོར།

དེ་ཡང་རྒྱལ་རོང་བཤད་སྒྲུབ་སློབ་གླིང་གི་འཛིན་གྲྭ་གོང་མས་བཏོན་པའི་སྒྲ་ཡི་ཀུན་བཟང་འཁོར་ལོ་ལྷ་གཤེན་མཆོད་པའི་དབྱངས་ཞེས་པ་འདི་ནི། ཞང་བོད་ཀྱི་གྲུབ་སྒྱུར་ཆེན་པོ་གཙང་གཤེན་པི་ཝང་ཅན་པ་ཞེས་སྨྲ་དབང་ཚོགས་པའི་སྤྱི་བོའི་གཙུག་རྒྱན་གྱི་ཅོད་པན་མཐོན་པོར་ཞབས་ཀྱི་པདྨོ་ངལ་གསོ་ཐོབ་པའི་བདག་ཉིད་ཅན་གང་ལ་མཚོ་བྱུང་ཚངས་པའི་བུ་མོས་སྤྱིར་གཡུང་དྲུང་གི་བོན་རིན་པོ་ཆེ་འཕེལ་རྒྱས་བྱ་བའི་དོན་དུ་འམ་སྒོས་སུ་ཀོས་ཐག་པའི་འགྲོ་བ་རྣམས་མངོན་མཐོ་དང་ངེས་ལེགས་ཀྱི་སར་བཀྲི་བ་ལ་ཡུན་རིང་བོར་གནས་ཕྱིར་དུ་དངོས་སུ་སྩལ་གནང་བྱུང་བའི་སྙན་གཞུང་ཧྲག་བསྡུས་རྒྱན་གསུམ་གསལ་བ་ཤེལ་གྱི་མེ་ལོང་གི་གཞུང་ལས།  ཐུན་མིན་སྒྲ་རྒྱན་རིག་པའི་ལེ་ཚན་མཐར་ཕྱིན་པའི་དཔེ་བརྗོད་དམ་ཁྱད་པར་དུ་རྒྱན་གསུམ་གྱི་གཞུང་ལ་བློ་སྦྱོང་ཐོབ་པའི་རྩོམ་རྒྱུགས་སུ་ཕུལ་བའི་ཐོག་མའི་ཞབས་རྗེས་ཤིག་གམ་རང་མཉམ་གྲྭ་བཙུན་སློབ་གཉེར་བ་རྣམས་ལ་བཏེགས་ཤིང་སྙན་གཞུང་དུ་འཇུག་པའི་བཞུད་ལམ་ཁྲོད་ཀྱི་ལེགས་སྐྱེས་ཆུང་ཆུང་ཞིག་ཀྱང་ལགས་ཞེས་རྒྱལ་རོང་བཤད་སྒྲུབ་སློབ་གླིང་གི«རྒྱལ་མོ་རྔུལ་ཆུ»རྩོམ་སྒྲིག་ཚན་ཆུང་གིས་སྤྱི་ཟླ་བཞི་བའི་ཚེས་མགོར་མཚམས་སྦྱོར་དུ་སྤེལ་བའོ།། ཞིབ་ཏུ་ཀློག ཀུན་འཁོར་ལྷ་གཤེན་མཆོད་པའི་དབྱངས།

《རྒྱལ་མོ་རྔུལ་ཆུའི་》རྩོམ་བརྡ།

བོན་གྱི་བཤད་སྒྲུབ་སློབ་གླིང་ཁག་ལ་བཏོན་པའི་རྩོམ་བསྡུའི་ཞུ་ཐོ།

«རྒྱལ་མོ་རྔུལ་ཆུ»རྩོམ་སྒྲིག་པས།

རྒྱལ་ཕྱི་ནང་གི་བོན་གྱི་བཤད་སྒྲུབ་སློབ་གླིང་ཁག་ན་བཞུགས་པའི་བློ་གསར་དད་བརྩོན་ཅན་གྱི་སྙུག་ཐོགས་ མཁན་རྣམ་པ་ལགས།ཁྱེད་ཅག་གིས་ང་ཚོ་ཐུན་མོང་ལ་དབང་བའི་གྲྭ་གཞོན་སྦྱངས་རྩོམ་ཆེད་བསྒྲིགས་ཀྱི་ལོ་དེབ་སྔ་གྲས་«རྒྱལ་མོ་རྔུལ་ཆུ»ཡི་སྟེང་དུ་ཕྱག་རྩོམ་གྱི་རིགས་ཅི་ཡོད་གཤམ་གྱི་གློག་རྡུལ་ཡིག་ཟམ་གྱི་ཁ་བྱང་ལྟར་དུ་ཧི་གཟུགས་ཀྱི་ཡིག་གཟུགས་སུ་གཏག་ནས་«རྒྱལ་མོ་རྔུལ་ཆུ»རྩོམ་སྒྲིག་ཁང་ལ་བསྐུར་གནང་མཛད་རྒྱུ་འམ། འབྲེལ་གནས་ཀྱི་ཁ་པར་དུ་འཕྲིན་ཡིག་གི་ལམ་ནས་བསྐུར་དགོས་རྒྱུ་དང་། ཡང་ན་རང་རང་སོ་སོའི་སློབ་གླིང་གི་རྐང་འཛིན་སློབ་སྟོན་པའི་ཕྱག་ཏུ་ངེས་འཕྲོད་བྱ་བར་ཐུགས་འཇགས་དགོངས་རྒྱུ་བཅས་ཐེངས་འདིའི་རྩོམ་སྒྲིག་པས་རེ་འདུན་ལྔ་ཞུ་བར་བྱ་སྟེ།

༡  ༽ སློབ་གླིང་སོ་སོར་བཞུགས་ཡོད་པའི་དགེ་རྒན་ཆེན་མོ་བ་རྣམ་པས་ཐུགས་ཀྱི་བུ་སློབ་དག་ལ་རྩོམ་བསྐུལ་བྱས་ཏེ་རང་གཞན་གཉིས་ཀར་ཕན་སེམས་བསྐྱང་རྒྱུའི་རེ་བ་དང་།

༢  ༽སློབ་ཞུགས་ཀྱི་གྲྭ་གཞོན་བསམ་བློ་བ་ལྷན་རྒྱས་ནས་ཀྱང་ལུས་མི་འདྲ་བའི་ཕྱག་རྩོམ་གྱི་རིགས་ཅི་ཡོད་འདི་གར་ལྷུགས་སྩོལ་གནང་རྒྱུའི་རེ་བ་དང་།

༣  ༽དགོན་སྡེའི་སྦྱངས་རྩོམ་ཆེད་བསྒྲིགས་ཀྱི་ཞིང་ས་ལྟ་བུའི་«རྒྱལ་མོ་རྔུལ་ཆུ»ནི་ཐུན་མོང་གི་ཆུ་བོ་ཞིག་ཡིན་པའི་འདུ་ཤེས་བཟུང་བའི་སྒོ་ནས་སློབ་གླིང་སོ་སོ་ཡིས་ཕྱག་རྩོམ་བཅུ་ལས་མི་ཉུང་བ་བསྐུར་བའི་རེ་འདུན་དང་། ཞིབ་ཏུ་ཀློག 《རྒྱལ་མོ་རྔུལ་ཆུའི་》རྩོམ་བརྡ།