ཟླ་རེའི་ཚགས་ཉར ཟླ་བདུན་པ། 2017

བོན་གྱི་ཀླུ་འབུམ་དཀར་ནག་ཁྲ་གསུམ་གྱི་མ་དཔེ་ཁག་མི་འདྲ་བ་ལྔ་ལ་དཔྱད་པ།

རྩོམ་པ་པོ། ཁྲི་བདེ་མཆོག 

སྔོན་གླེང་།

 དུས་རབས་ཉི་ཤུ་དང་ཉེར་གཅིག་པའི་ནང་བོད་ཀྱི་ཤེས་རིག་ལོ་རྒྱུས་ཕྱོགས་ལ་ཞིབ་འཇུག་གི་ལྟ་བ་ཚད་ངེས་ཅན་ཞིག་ཏུ་སླེབས་ནས་ལྷ་སྒྲུང་དང་རྟོག་སྒྲུང་གི་རྣམ་པ་ལྟ་བུ་མ་ཡིན་པར་དངོས་མཐོང་ལག་ཟིན་ཡོད་པ་ཚན་རིག་པའི་ཞིབ་འཇུག་དང་མཐུན་པའི་ལམ་སྲོལ་བཟང་པོ་ཞིག་བཏོད་ཡོད་པ་འདི་ནི་ཤིན་ཏུ་དགའ་གུས་བསྔགས་བརྗོད་ཞུ་དགོས་པའི་གནས་ཞིག་རེད། དེང་གི་དུས་ན་བོད་ཀྱི་གནའ་བོའི་རིག་གཞུང་ལ་ཞིབ་འཇུག་གནང་མཁན་གྱི་གཞོན་རབས་ཀྱི་ཚོགས་སྡེ་ཡང་ཟླ་བ་ཡར་ངོ་བཞིན་དུ་འཕེལ་རྒྱས་ཆེན་པོ་འགྲོ་བཞིན་ཡོད་པ་དགའ་སྤོབས་སྐྱེས་འོས་པའི་ལྟོས་བཟང་ཞིག་ཀྱང་རེད་བསམ་བྱུང་། དེས་ན་ཞང་བོད་ཀྱི་གནའ་བོའི་རིག་གནས་ཡུལ་སྲོལ་ལ་ཞིབ་འཇུག་བྱེད་པར་མདོ་དབུས་མཐོ་སྒང་ནས་བྱུང་བའི་ས་སྐྱེས་རྡོ་སྐྱེས་ཀྱི་བོན་པོའི་རིག་གཞུང་ལ་འཇིག་རྟེན་དང་འཇིག་རྟེན་ལས་འདས་པའི་རིག་གནས་ཕུན་སུམ་ཚོགས་པ་ཞིག་མཆིས་པས་དཔེར་ན་ཚེ་འདིའི་ཁྱིམ་ཐབ་བག་མ་གཏོང་ལེན་ཚེ་འགུགས་གཡང་བླན་སོགས་ ཞིབ་ཏུ་ཀློག བོན་གྱི་ཀླུ་འབུམ་དཀར་ནག་ཁྲ་གསུམ་གྱི་མ་དཔེ་ཁག་མི་འདྲ་བ་ལྔ་ལ་དཔྱད་པ།

མདོ་སྨད་རེབ་གོང་ལོ་རྒྱུས་ཀྱི་འཁྲུལ་སེལ།

མདོ་སྨད་རེབ་གོང་ལོ་རྒྱུས་ཀྱི་འཁྲུལ་བ་ཀུན་སེལ་རྨོངས་མུན་འཇོམས་པའི་ཤེས་རབ་འོད་ཀྱི་སྣང་བ།

 

—–མདོ་སྨད་རེབ་གོང་ལོ་རྒྱུས་ཆེན་མོ་ངོ་མཚར་གཏམ་གྱི་བང་མཛོད་ནང་གི་ནོར་འཁྲུལ་རེ་འགའ་ཟུར་དུ་གླེང་བ།

རྩོམ་པ་པོ།   བོན་ནག་ཚང་ཡེ་ཤེས་བློ་གྲོས།

 

ཐོག་མའི་རབས་བཤད།

ལོ་རྒྱུས་སྨྲ་བ་ཞིག་ཡིན་ན་རང་གི་གྲུབ་མཐའ་ལ་ནང་བྱན་ཆུབ་པ་ཙམ་གྱིས་མི་ཆོག་པར་གྲུབ་མཐའ་སྤྱི་དང་མིའི་རིགས་ཀྱི་ཤེས་རིག་ལ་དཔྱོད་པའི་བློ་མིག་ཡངས་ཤིང་མིའི་རིགས་ལ་ཕན་སེམས་ཀྱི་བརྩེ་བ་ངོ་མ་དེ་འཛོམ་ཚེ། དེ་ནི། དད་སྣང་གི་ཀློང་ན་བཞུགས་པའི་དམ་པ་དེ་ཡིན་ཆོག རྒྱུ་མཚན། བོན་གྱི་མཁས་གྲུབ་ཆེན་པོ་རྗེ་བཙུན་མཉམ་མེད་ཤེས་རབ་རྒྱལ་མཚན་མཆོག་གིས་མཛད་པའི་ཚད་མ་རྣམ་འབྱེད་འཕྲུལ་གྱི་སྒྲོན་མེ་རང་འགྲེལ་ལས། རང་ལྟ་ལ་མི་ཆགས་གཞན་ལྟ་ལ་མི་སྡང་བའི་སྒོ་ནས། གྲུབ་མཐའི་རྣམ་བཞག་བྱེད་པ་ནི་ཤེས་རབ་བསྐྱེད་པའི་རྒྱུ་དང་། དག་སྣང་སྦྱང་བའི་ཐབས་ཁྱད་པར་ཅན་ཡིན་པས། དམ་པའི་ལུགས་སུ་འདོད་དོ།། ཅེས་པ་འདི་ནི་ང་ཚོ་ཐུན་མོང་ལ་དབང་བའི་ལེགས་བཤད་ཅིག་ཏུ་སེམས། ཡིན་ན་ཡང་། མདོ་སྨད་རེབ་གོང་ལོ་རྒྱུས་ཆེན་མོ་ངོ་མཚར་གཏམ་གྱི་བང་མཛོད་ཅེས་བྱ་བ་ནི་རེབ་གོང་བ་འཇིགས་མེད་བསམ་འགྲུབ་ཀྱིས་བྲིས་པ་ཞིག་རེད། འདིའི་ནང་དུ་ཡུལ་རེབ་གོང་གཞུང་གི་གྲུབ་མཐའ་ཐམས་ཅད་ཀྱི་བྱུང་ཁུངས་དང་ཚོ་བའི་རུས་རྒྱུད་ཆད་སྟངས་སོགས་ཞིབ་འབྲི་བྱས་ཡོད་ན་ཡང་། རང་ཉིད་འཁྲུལ་བར་སོང་བ་མིན་ན་དཔྱོད་པའི་ཤེས་རབ་ཀྱིས་མ་འདང་ས་མང་པོ་ཞིག་སྣང་བར་འདུག ངས་འདི་ནས་བརྗོད་འདོད་པ་ནི་འཇིགས་བསམ་གྱིས་བྲིས་པའི་ཡུལ་རེབ་གོང་གཞུང་ལ་བོན་གྱི་གྲུབ་མཐའ་དུས་ནམ་ཞིག་ལ་བྱུང་བ་དང་བོན་སྡེ་ཚོ་ཁག་གི་རུས་རྒྱུད་ཀྱི་འཁྱོགས་གཟུགས་སྐོར་གླེང་འདོད་པ་དེ་ཡིན་ནོ།། ཞིབ་ཏུ་ཀློག མདོ་སྨད་རེབ་གོང་ལོ་རྒྱུས་ཀྱི་འཁྲུལ་སེལ།

རྩེ་དྲུག“དམྱལ་འཆམ་ངན་འགྲོའི་སྒོ་གཅོད”དམ་ཞི་ཁྲོའི་ཁྲིད་ཆེན་གྱི་གར་འཆམ།

རྩེ་དྲུག་“དམྱལ་འཆམ་ངན་འགྲོའི་སྒོ་གཅོད་དམ་”ཞི་ཁྲོའི་ཁྲིད་ཆེན་གྱི་གར་འཆམ་ནི།

ཞང་ཞུང་སྒོ་པའི་ལྟེ་གནས་ཁྱུང་པོ་རྩེ་དྲུག་དགོན་སུམ་པ་གླང་གི་གྱིམ་ཤོད་ཤེལ་ལེ་རྒྱ་སྐར་གླིང་གི་ལོ་འཁོར་བཅུ་གཉིས་རེར་ཐེངས་རེ་འཚོགས་པའི་སྲོལ་རྒྱུན་གྱི་དུས་ཆེན་གལ་ཆེན་ཞིག་ཡིན་ལ། འདི་ནི་ལོ་རྒྱུས་ཀྱི་ཕུགས་ཐག་རིང་ཞིང་གནས་ལུགས་ཀྱི་གཏན་ཚིགས་ཟབ་པའི་ཞང་བོད་ཤེས་རིག་གི་ཉིང་བཅུད་དེ།  ཞི་ཁྲོ་དམ་པ་རིགས་བརྒྱའི་གཞུང་ལུགས་ལ་ཕུགས་བཅོལ་ཞིང་། ལས་འབྲས་ཀྱི་རྣམ་བཞག་འབུར་དུ་དོད་པར་བསྟན་པའི་ཆོས་ལུགས་ཀྱི་གར་འཆམ་ཆེ་ཤོས་ཤིག་ཡིན།  དེ་ཡང་ཁྲོ་བོ་གཙོ་མཆོག་མཁའ་འགྱིང་གི་སྤྲུལ་པ་གཤིན་རྗེ་ཆོས་ཀྱི་རྒྱལ་པོས་ཕྱག་ན་ཁྲམ་ཤིང་དང་མེ་ལོང་བསྣམས་ཏེ་དགེ་སྡིག་ལས་ཀྱི་ཤན་འབྱེད་དམ་ལས་དཔོན་བྱེད་པ་དང་། ཁྲོ་གསས་མཁའ་འགྱིང་གི་སྤྲུལ་པ་ལས་མཁན་སེང་གེའི་མགོ་ཅན་གྱིས་གསལ་བའི་མེ་ལོང་ལ་ལྟ་བ། ཞིབ་ཏུ་ཀློག རྩེ་དྲུག“དམྱལ་འཆམ་ངན་འགྲོའི་སྒོ་གཅོད”དམ་ཞི་ཁྲོའི་ཁྲིད་ཆེན་གྱི་གར་འཆམ།

ཁྱུང་པོ་རི་བོ་རྩེ་དྲུག་དགོན་གྱི་དམྱལ་འཆམ་ཆེན་མོའི་གནས་བསྡུས།

ཁྱུང་པོ་རི་བོ་རྩེ་དྲུག་དགོན་གྱི་དམྱལ་འཆམ་ཆེན་མོའི་གནས་བསྡུས།

༧ཞང་ཞུང་སྒོ་པའི་ལྟེ་གནས་ཁྱུང་པོ་༧རི་བོ་རྩེ་དྲུག་དགོན་སུམ་པ་གླང་གི་གྱིམ་ཤོད་ཤེལ་ལེ་རྒྱ་སྐར་གླིང་དུ་དམྱལ་འཆམ་ངན་འགྲོའི་སྒོ་གཅོད་དང་ཁྲོ་བོའི་སྨན་སྒྲུབ་ཆེན་མོ། ཞང་བོད་རིག་གཞུང་འཆད་རྩོད་ཆེན་མོ་བཅས་མཛད་སྒོ་ཆེན་མོ་ཁག་གསུམ་ཞག་ཉེར་གཉིས་ཀྱི་རིང་དུ་སྤེལ་བ་སྟེ། ཞིབ་ཏུ་ཀློག ཁྱུང་པོ་རི་བོ་རྩེ་དྲུག་དགོན་གྱི་དམྱལ་འཆམ་ཆེན་མོའི་གནས་བསྡུས།

ཤོན་ནི་ཞང་ཞུང་གཅིག་པུ་མ་ཡིན་པར་མདོ་སྨད་ཡུལ་དུ་དར་ཁྱབ་ཆེ་བའི་བདེན་རྟགས་གསར་དུ་རྙེད་པ།

རྩོམ་པ་པོ། བོན་ནག་ཚང་ཡེ་ཤེས་བློ་གྲོས།

ཤོན་ནི་ཐོག་མར་ཞང་ཞུང་གི་ཡུལ་དུ་དར་ཁྱབ་ཆེ་བའི་བྲོ་ཡི་རྣམ་པ་ཞིག་ཡིན་ལ། ཡིན་པ་དེ་ཡང་བོན་གྱི་སྟོན་པ་གཤེན་རབ་མི་བོ་ཆེ་ཀུན་ལས་རྣམ་པར་རྒྱལ་བ་དེ་ཉིད་ཀྱི་མཛད་མདོ་སོགས་སུ་གསལ་བར་མ་ཟད་མཛད་མདོ་རྒྱས་པ་དྲི་མེད་གཟི་བརྗིད་པོད་གཉིས་པ་ལས། ལ་ལས་ནི་གར་བྱེད་དོ།། ལ་ལས་ནི་གླུ་དབྱངས་བསྒྱུར་རོ།། ལ་ལས་ནི་ཤོན་འཁྲ༷བ་བོ།། ལ་ལས་ནི་བྲོ་བརྡུང་ངོ༌།། ཞེས་གསལ་བར་བཀོད་ཡོད། ༼  གུ་གེ་མཁར་ཤུལ་གྱི་ཤོན་ལྡན་ལྡེབས་རིས  ༽

འཁྲབ་ཚིག་གི་ཐད་ནས་ཀྱང་ཡོངས་འཛིན་དཔོན་སློབ་བསྟན་འཛིན་རྣམ་དག་གིས་མཛད་པའི་སྔ་རབས་བོད་ཀྱི་བྱུང་བ་བརྗོད་པའི་འབེལ་གཏམ་ལུང་གི་སྙིང་པོ་ལས། ཤོན་རྩེད་མི་གྲངས་ཉི་ཤུ་ནས་བརྒྱ་སྐོར་བར་གང་ཡོད་ཚོ་གསུམ་དུ་བཅད་དེ་ལག་བསྣོལ་བསྒྲིལ་མ་ཟླུམ་སྐོར་ཕྱི་ནང་རིམ་པ་མི་མང་ན་གསུམ་དུ་བྱེད། ཤོན་དཔོན་དང་པོ་དེས་ལག་གཡས་ཀྱིས་༼དྷོ་རིང་༽ཞེས་གཡག་དཀར་པོའི་རྔ་མ་དངུལ་གྱི་ཡུ་བ་ཅན་ཞིག་འཕྱར་བསྐོར་བྱེད་བཞིན་བཞིན་རྔ་ཆེ་ཆུང་དང་། དུང་། དུང་ཆེན། སུར་སྣ་འཁར་རྔ། སྦུབ་ཆོལ་སོགས་ཀྱི་སྒྲ་དང་བཅས། ཁ་ནས་དབྱངས་དང་། རྐང་བས་འགྲོས་ཀྱིས་གཡས་སྐོར་དུ་བསྐྱོད་པའི་གསེབ་ཏུ་སད༼ལྷ༽ཆེས་ལྷ་རྟེན་དང་། ༼ཡུལ་ལྷ་དྲེགས་པ་ཅན་གྱི་རིགས་སོགས་སོ༽མཉམ་དུ་བགྲོད་ཅིང་། ངག་གི་གླུ་དབྱངས་ནི། བྷི་ལི་བྷེ་ཧོ་ན། ༼ལག་པ་འཐུད་ནས་འགྲོ༽ གྷོ་ལི་གྷོ་ཧོ་ན། ༼ཤོན་རྩེད་རོལ་ལ་ཕེབས༽ ཧ་ཡ་བྷེ་ཧོ་ན༽༼སྔོན་དུ་མགྱོགས་པར་སྐྱོད་ལ་ཕྱིར་གཤེགས༽ ཁ་གྷོ་གྷོ་རིང་འུང་དྷེན། ༼ལྷ་མཇལ་མི་ཚོ༽ ཁ་གྷོ་གྷོ་ཙུ་ལིད་པ་ལིད། ༼ལྷ་ཁང་ལིད་པ་འདིར་འཛོམས༽ ཟླུམ་པོ་གྷོ་རི་དུའི་དྷེན། ༼ལྷ་ཡི་དབུ་ཐོད་ཟླུམ་པོ་ཀླུབ༽ འདིས་མཚོན་ཏེ་ཞང་སྐད་འདྲེས་མའི་སྔར་གྱི་ཡུལ་ ཞིབ་ཏུ་ཀློག ཤོན་ནི་ཞང་ཞུང་གཅིག་པུ་མ་ཡིན་པར་མདོ་སྨད་ཡུལ་དུ་དར་ཁྱབ་ཆེ་བའི་བདེན་རྟགས་གསར་དུ་རྙེད་པ།

རྗེ་བོན་བརྒྱ་ཐམས་ཅད་མཁྱེན་པ་མཆོག་གིས་རིག་གསར་སྐབས་ཁྲི་མུན་ནས་བྲིས་པའི་ཕྱག་ཡིག་དངོས་བསྟར་མ།

རྗེ་བོན་བརྒྱ་ཐམས་ཅད་མཁྱེན་པ་མཆོག་གིས་རིག་གསར་སྐབས་ཁྲི་མུན་ནས་བྲིས་པའི་ཕྱག་ཡིག་དངོས་བསྟར་མ།

—- ཆོས་རྗེ་ཐར་ཤུལ་དགོན་པའི་བླ་མ་ཐར་ཤུལ་ཞབས་དྲུང་བློ་བཟང་མཁས་བཙུན་རྒྱ་མཚོས་འདོན་སྤྲོད་གནང་།

 

བོན་ནག་ཚང་ཡེ་ཤེས་བློ་གྲོས།

          དེ་རིང་ནི་སྤྱི་ཟླ་བདུན་པའི་ཚེས་བཅུ་དྲུག་ཡིན་ལ་ཉིན་གུང་ཆུ་ཚོད་གཅིག་གི་སྟེང་གྲོགས་པོ་བསོད་ནམས་བསྟན་འཛིན་དང་སྐྱིད་ཚང་གཡུང་དྲུང་། ངེད་གསུམ་ཆབ་ཆ་ཁུལ་ཐོག་ནས་གྲོགས་པོ་ཚོ་དང་ཞལ་གྱེས་ཏེ་ཆོས་རྗེ་ཐར་ཤུལ་དགོན་པ་རུ་ཆས། ཆུ་ཚོད་གསུམ་ཡས་མས་སུ་ཐར་ཤུལ་དགོན་པའི་བླ་མ་ཐར་ཤུལ་ཞབས་དྲུང་བློ་བཟང་མཁས་བཙུན་རྒྱ་མཚོ༼ད་ལོ་དགུང་ལོ་བརྒྱད་ཅུ་གྱ་གཅིག་ཡིན༽དང་ཞལ་མཇལ་ནས་རྗེ་བླ་མ་མཆོག་རིག་གསར་སྐབས་སུ་ཁྲི་མུན་དུ་བཞུགས་པའི་ཕྱི་ནང་གསང་གསུམ་གྱི་རྣམ་ཐར་མང་པོ་ཞིག་གི་གསུང་གླེང་མཛད་ཅིང་ཞོར་དུ་རྗེ་བླ་མ་མཆོག་གིས་ཁྲི་མུན་ནས་བྲིས་པའི་ཕྱག་ཡིག་འདི་རྣམས་མཁོ་འདོན་གནང་།

རྗེ་བོན་བརྒྱ་ཐམས་ཅད་མཁྱེན་པ།
ཐར་ཤུལ་ཞབས་དྲུང་བློ་བཟང་མཁས་བཙུན་རྒྱ་མཚོ།

ཞིབ་ཏུ་ཀློག རྗེ་བོན་བརྒྱ་ཐམས་ཅད་མཁྱེན་པ་མཆོག་གིས་རིག་གསར་སྐབས་ཁྲི་མུན་ནས་བྲིས་པའི་ཕྱག་ཡིག་དངོས་བསྟར་མ།

མི་རྟག་སྒྱུ་མའི་ཀློང་གི་རང་གཟུགས།

 

རྩོམ་པ་པོ།    ཁྲི་བློ་རྩེ།


འཇིག་རྟེན་ནི་སྟོང་བའི་ཁམས་རེད།།
སྣང་བ་ནི་སྒྱུ་མའི་གཟུགས་རེད།།
རྟག་སྣང་གི་མཐའ་ན་རྩེན་པའི།།
ཚོར་མེད་ཀྱི་ཀློང་ན་ལྷགས་ཡོད།།

ལྟ་བ་འདི་བློ་ལས་འདས་པ།།
རྒྱལ་བ་ཀུན་དགོངས་པ་མཐུན་ཀྱང་།།
བསམ་མེད་ཀྱི་སྨྱོན་པ་འགའ་ཡང་།།
ཁོ་བོ་དང་ལྷན་ཅིག་གནས་ཡོད།།

སྔོན་བསགས་ཀྱི་དགེ་བའི་ལས་དེས།།
དམ་པ་ཡི་དྲུང་དུ་བཞག་ཡོད།།
བརྩོན་སེམས་ཀྱི་དམ་བཅའ་ལྷོད་པས།།
ཤེས་རིག་གི་ཕ་མཐར་མ་སོན།།

གཞོན་ནུ་ཡི་བུམ་པའི་སྐུ་དེ།།
རང་སེམས་ལས་གཞན་ན་མེད་མོད།།
ཉོན་ཤེས་ཀྱི་ངོ་བོ་མཐུག་པས།།
ཀུན་བཟང་གི་རང་ཞལ་མ་མཐོང་།། ཞིབ་ཏུ་ཀློག མི་རྟག་སྒྱུ་མའི་ཀློང་གི་རང་གཟུགས།

བོན་བརྒྱ་དགོན་པའི་མེ་བྱ་ལོའི་རྒྱལ་ཡུམ་བྱམས་མའི་ཁྲི་མཆོད།

རེབ་གོང་བོན་བརྒྱ་དགོན་ཆེན་གྱི་བོད་མེ་བྱ་ལོའི་རྒྱལ་ཡུམ་བྱམས་མའི་ཁྲི་མཆོད་ཀྱི་རྣམ་པ་རགས་ཙམ་བརྗོད་པ་སྙན་དབང་གསོ་བའི་མགྲིན་གླུ།རྩོམ་པ་པོ།   རྩེ་སྐྱེས་གཡུང་དྲུང་འོད་ཟེར།

དེ་ཡང་བྱང་རྒྱུད་བོན་གྱི་བསྟན་པའི་བསྟི་གནས་ཆེན་པོ་རེབ་གོང་བོན་བརྒྱ་དགོན་ཆེན་གྱི་བྱམས་མའི་ཁྲི་མཆོད་ནི་ལོ་རེ་རེའི་དབྱར་ཟླ་ཐ་ཆུང་སྟེ་ཟླ་དྲུག་པའི་ཚེས་བརྒྱད་ཉིན་ཀུན་མཁྱེན་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་དཔལ་བཟང་པོ་མཆོག་མཁའ་སྤྱོད་ཀྱི་ཞིང་དུ་ཕེབས་པའི་དུས་ཆེན་ཁྱད་པར་ཅན་ལ་འཚོགས་བཞིན་ཡོད།


ཚེས་བདུན་གྱི་ཉིན་དགོན་འདི་ཉིད་ཀྱི་གྲྭ་ཚང་འདུས་པ་རྒྱ་མཚོ་ཞོགས་པའི་ཉི་རྩེ་དང་ལྷན་དུ་ཚོགས་ཆེན་འདུ་ཁང་དུ་འཛོམས་ཏེ་ཉིན་རྒྱུན་ཆགས་མེད་དུ་འདོན་བཞིན་པའི་བསྡུས་འདོན་བཏོན་རྗེས། ཕྱི་ཉིན་གྱི་ཁྲི་མཆོད་ཆེན་མོའི་ཆོ་ག་ལ་གྲ་སྒྲིག་གང་ལེགས་བྱེད་པར་འབད་དགོས་ཏེ། གྲྭ་བ་འགའ་རེ་འགའ་རེ་བྱས་ཏེ་ཕྱོགས་ཕྱོགས་སུ་བགོས་ནས་ལ་ལས་རྩམ་པ་བརྫི་བ། ལ་ལས་གཏོར་མ་བཅའ་བ་དང་ལ་ལས་མར་རྒྱན་བཟོ་བ། ལ་ལས་ལྷ་བཤོས་ལ་མར་ཁུ་སྐུད་པ། ཡང་ལ་ལས་མེ་ཏོག་ཙམ་པ་ཀ་བསྒྲིགས་པ་དང་ལ་ལས་སྤོས་དྲ་འཐེན་པ་སོགས་མཆོད་སྒྲིག་བྱེད་པའི་ལས་ལ་འབད་དགོས།

དེ་ནས་ཚེས་བརྒྱད་ཀྱི་ཉིན་སྟེ་ཞོགས་པའི་ཉི་རྩེ་དང་པོ་མཁའ་ལ་ཤར་ཙམ་ན། དུང་དཀར་ཆ་འབུད་ཀྱི་དབྱངས་འགྲོས་དང་བསྡོངས་ནས་རང་ཅག་ཀུན་ལ་སངས་རྒྱས་ལས་ཀྱང་བཀའ་དྲིན་རབ་ཏུ་ཆེ་བའི་མཚུངས་མེད་དཔལ་ལྡན་བླ་མ་བོན་བརྒྱ་ཐམས་ཅད་མཁྱེན་པ་མཆོག་གཙོས་ཡིད་སེམས་བོན་ལ་གཏད་ཅིང་ངུར་སྨྲིག་ལུས་ལ་མནབས་པའི་གྲྭ་ཚང་འདུས་པ་རྒྱ་མཚོ་ཚོགས་ཆེན་འདུ་ཁང་དུ་ཕེབས་ཏེ་རྒྱལ་ཡུམ་ཤེས་རབ་བྱམས་མའི་ཆོ་གའི་ཞལ་ཕྱེས་ཏེ་འདོན་ཆོག་གི་གཞི་བཟུང་། ཞིབ་ཏུ་ཀློག བོན་བརྒྱ་དགོན་པའི་མེ་བྱ་ལོའི་རྒྱལ་ཡུམ་བྱམས་མའི་ཁྲི་མཆོད།