རེབ་གོང་བོན་མང་དྲ་ཚིགས་ངོ་སྤྲོད།

རེབ་གོང་བོན་མང་དྲ་ཚིགས་ནི་ཉིས་སྟོང་བརྒྱད་ལོར་རེབ་གོང་བོན་མང་ཞིབ་འཇུག་ཚོགས་པས་གཙོ་སྒྲུབ་འགན་ལེན་བྱས་ཏེ་བཟོས་པའི་བོད་རིག་པའི་དྲ་གནས་གསར་པ་ཞིག་ཡིན། དྲ་ཚིགས་འདིར་ནང་བསྟན་ཆོས་ལུགས་གྲུབ་མཐའ་ཁག་ལས་བོད་རང་ས་ནས་རྩ་བ་ཚུགས་ཤིང་རྩེ་མོ་རྒྱས་ཏེ། ལོ་རྒྱུས་ཀྱི་དུས་ཡུན་ཤིནཏུ་རིང་བོར་ཕྱིན་པའི་གཡུང་དྲུང་བོན་གྱི་རིག་གནས་སྤྱི་དང༌། ཁྱད་པར་དུ་མདོ་སྨད་བྱང་རྒྱུད་ཨག་ཏ་རོང་ངམ་ཡོངས་གྲགས་སུ་རེབ་གོང་རིག་པ་འབྱུང་བའི་གྲོང་ཁྱེར་དུ་འབོད་པའི་ཆར། རྒྱལ་གཤེན་བསྟན་པའི་བརྒྱུད་འཛིན་བོན་མང་ཕུར་ཐོགས་སྟོང་དང་དགུ་བརྒྱའི་སྒྲུབ་སྡེའི་བྱུང་རིམ་གཙོ་བྱས་པའི་ལོ་རྒྱུས་ཀྱི་སྐོར་དང༌། བཅའ་ག་ཕྱག་ལེན་གྱི་རིམ་པ། གསུང་རབ་དཔེ་ཚོགས་ངོ་སྤྲོད།པར་རིས་དང་རོལ་དབྱངས་སྣ་ཚོགས།དཔྱད་གླེང་དང་རྩོམ་རིག་རིག་གནས། འཕྲིན་གསར་དང་སྐད་འཇོག་ས་བཅས་སྡེ་ཚན་ཆེན་པོ་དགུ་རུ་བཀོད་སྒྲིག་བྱས་ཡོད། ངེད་ཚོགས་པས་དྲ་ཚིགས་འདི་གསར་དུ་སྒྲུབ་པའི་དམིགས་ཡུལ་ནི། ཆོས་ལུགས་གྲུབ་མཐའི་ཆགས་སྡང་དང་ཕྱོགས་ཞེན་གྱི་ལྟ་བ་ཡོངས་སུ་སྤངས་ཏེ་རང་གི་ཡབ་མེས་ནས་བརྒྱུད་པའི་རིག་གནས་འདི་ཀུན་ལ་ངོ་སྤྲོད་པ་དང༌།རྒྱལ་ཁབ་ཕྱི་ནང་གི་བོད་རིག་པར་ཞིབ་འཇུག་བྱེད་མཁན་ ཡོངས་ལ་དཔྱད་གཞིའི་རྒྱུ་ཆ་མཁོ་འདོན་བྱེད་པ། དེ་མིན་གསར་སྐྱེས་གཞོན་རབས་པ་རྣམས་ལ་རང་གི་རིག་གནས་ལ་ངོས་འཛིན་དང་ཤེས་རྟོགས་གསར་བ་འབྱུང་བའི་ཆེད་དུ་ལགས་སོ།།

热贡本教网微信公众平台二维码
ངེད་དྲ་བའི་འཕྲིན་སྟེགས་རྩ་གཉིས་ཨང་།

དཔྱད་མཆན་སྤེལ།

ཡིག་ཟམ་ས་གནས་ཀུན་པོར་མི་བསྒྲགས། རྟགས * ཅན་ངེས་པར་དུ་བླུགས་དགོས།