བོད་ཀྱི་ཡི་གེའི་བྱུང་ཁུངས་ལ་ཞིབ་མོར་དཔྱད་པ།
|
མི་གཅིག་པ་གཉིས་ཀྱིས་དབྱངས་གསལ་འདྲ་མཚུངས་ཀྱི་ཡི་གེ་ཞིག་བཀོལ་ཐབས་མེད་ཅེས་པ་དང་གཉིས། སྲོང་བཙན་སྔོན་ནམ་རྗེས་སུ་ཞང་ཡིག་ཆོས་སྲིད་གཉིས་ཀར་བཀོལ་སྤྱོད་བྱས་མིན་ཐད་དཔྱད་མ་བཟོད་པ་དང་གསུམ། ཞང་ཞུང་གི་མི་རིགས་མ་ཉམས་ན་ཞང་ཡིག་ནུབ་མི་སྲིད་ཅེས་བཤད་པ་དང་བཞི་བོ་རེ་རེའི་ཐད་ཞིབ་འཇུག་ཅུང་བྱས་ན་འདི་ལྟར། (༡) ཡི་གེ་སངས་རྒྱས་ཀྱིས་མཛད་པར་ཁོ་བོ་ཡིད་ཆེས་ཡོད་དེ། གོང་དུ་དྲངས་པའི་ལུང་དང་སངས་རྒྱས་རྗེས་འབྲང་གི་མཁས་པ་དག་གིས་ཀྱང་ཡི་གེ་བཟོས་གྲུབ་པ་མངོན་སུམ་ལགས་ཕྱིར་རིགས་པས་ཀྱང་གྲུབ་བོ། (༢) མི་རིགས་མི་གཅིག་པའི་ཡི་གེ་འདྲ་མཚུངས་ཡིན་མི་རུང་བ་རང་གི་ཁས་ལེན་ལ་འགལ་བ་ལས་སྐྱོན་མེད་དེ། ཡི་གེ་ཐོན་མིས་བཟོས་པ་ལྟར་བྱས་ན་ཡང་། ཡི་གེ་དྲུག་མ་གཏོགས་རྒྱ་གར་གྱི་དབྱངས་གསལ་དཔེར་བླངས་ནས་འདྲ་མཚུངས་སུ་བཅོས་པར་ཁྱོད་འཐད་པའི་ཕྱིར། འོན་ཀྱང་མི་རིགས་མི་གཅིག་པ་དུ་མས་ཡིག་རིགས་གཅིག་སྲིད་ཕྱོགས་སུ་བཀོལ་བཞིན་པ་ད་ལྟ་མངོན་གསལ་ལོ། (༣) སྲོང་བཙན་སྔོན་ལ་ཞང་བོད་ཡིག་རིགས་རྣམས་ཆོས་སྲིད་གཉིས་ཀར་བཀོལ་ཡོད་པར་མ་ཟད། ཞང་ཞུང་བས་བོད་ཀྱི་སྐད་ཡིག་དང་བོད་པས་ཞང་ཡིག་ཀྱང་བཀོལ་ཡོད་པ་ནི། སྒྲ་བསྒྱུར་མཁས་པ་དུ་མས་ཞང་བོད་སྐད་གཉིས་ཤན་སྦྱར་གྱི་གཞུང་མང་དུ་ཡོད་ལ། ད་ལྟ་བོན་གྱི་བཀའ་འགྱུར་དཔེ་རྙིང་པོད་༡༦༠ཙམ་ཡོད་པའི་དབུ་དུམ་ནང་སྲིད་མཛོད་ཕུགས་ཆེན་མོར་བལྟས་པ་ཙམ་གྱིས་ཀྱང་ཤེས་ཏེ། ད་ལྟ་ཞང་ཞུང་གི་སྐད་ཡིག་མཐོང་ཐོས་མི་ཐུབ་པ་ག་ལ་ཡིན། (༤) མི་རིགས་མ་ཉམས་ན་སྐད་ཡིག་ཉམས་རྒྱུ་ཡོད་སྲིད་དེ། དཔེར་ན། ད་ལྟ་སོག་པོའི་མི་རིགས་ཁོ་ནར་ངེས་ན་ཡང་། སོག་ཡིག་ཕར་ཞོག སོག་སྐད་ཀྱང་གཏན་ནས་མི་ཤེས་པ་ཡོད་པ་འདི་ཡང་། འཁྲུགས་རྐྱེན་དང་སྤྱི་ཚོགས་ཀྱི་རྣམ་པ་འགྱུར་བས་ཡིན་ཏེ། མདོར་བཤད་ན། འདུས་བྱས་སོ་ན་མི་གནས་པའི་རང་གཤིས་ལགས་སོ། མི་རིགས་འགྱུར་ན་ཡང་དེ་ལྟར་ཡིན་ཏེ། དང་པོ་བོད་རིགས་ཧོས་རིགས་སུ་གྱུར་བ་ཕྱོགས་ཀུན་ཏུ་མང་བས་དུས་རབས་གཅིག་ཙམ་ན་བོད་ཡིག་མི་ཤེས་ཤིང་བོད་སྐད་ཤེས་པ་དང་། ཡུན་རིང་ན་བོད་སྐད་ཀྱང་མི་ཤེས་ཤིང་། དང་པོ་བོད་རིགས་ཡིན་པ་བཤད་ཤེས་པ་ཙམ་མོ། ། ཡང་ཤོག་ངོས་༡༤༢ན་བཙན་པོའི་རྒྱལ་རབས་དུས་སུ་ཆོས་སྲིད་གཉིས་ཀར་བཀོལ་མྱོང་བའི་ཡི་གེ་མེད་པ་མངོན་སུམ་གྱིས་གྲུབ། ཅེས་དང་། བོན་གྱི་བསྟན་བཅོས་ཞང་སྐད་ལས་བོད་སྐད་དུ་བསྒྱུར་མྱོང་མེད་པ་རྗེས་སུ་དཔོག ཅེས་པར། བསྐྱར་ཟློས་མི་བྱ་སྟེ། གོང་དུ་བཤད་པས་མངོན་སུམ་རྗེས་དཔག་གི་ཚད་མའི་རིག་པ་ནམ་མཁའི་མེ་ཏོག་གི་སྤུན་ཟླར་གྱུར་ཟིན་ཏོ། ཡང་དེའི་ཤོག་ངོས་༡༤༣ན། པདྨ་བཀའ་ཐང་གི་ལུང་དྲངས་པ་སོགས་བོན་པོས་ཁས་མི་ལེན་ཏེ། བན་དེ་ནང་ནའང་བྲག་སྒོ་རབ་འབྱམས་པ་སོགས་ཀྱིས་བཀའ་ཐང་སྐྱོན་བརྒྱ་མ་ཞེས་སློབ་དཔོན་པདྨའི་གསུང་ཁོ་ན་མིན་ངེས་ལ། ཕྱིས་སུ་གང་ཟག་གི་འདོད་དབང་གིས་བཅོས་བསླད་མང་བས་ཡིད་རྟོན་མི་བྱེད་ཟེར་རོ། འོ་ན་པད་འབྱུང་གསུང་ལ་བསླད་བཏབ་པར་དགོས་པ་ཡོད་དམ་ཞེ་ན། ཡོད་དེ། མཁན་པོ་བྷོ་ངྷི་ས་ཏྭའི་ཐུགས་བཞེད་རྒྱལ་པོས་དང་དུ་བླངས་ནའང་། སྔར་རང་གི་རྒྱལ་ཁབ་ནང་ན་ནང་ཆོས་བོན་དར་ཡོད་པའི་དབང་གིས། རྒྱ་གར་གྱི་ཆོས་དར་བ་ལ་འགལ་རྐྱེན་མང་དུ་བྱུང་བས་རྒྱལ་བློན་མཁན་གསུམ་བཀའ་བགྲོས་ཏེ། བོན་ནི་ནང་བ་མིན་ཚུལ་དང་ངན་སྨྲ་བསྐུར་འདེབས་མང་དུ་བྱས་ནས་བསྒྲགས་ཅི་ཐུབ་དང་། རྒྱ་གར་གྱི་ཆོས་འདི་ནང་བ་ཡིན་ཞེས་ཆེ་བ་བརྗོད་ཅི་ཐུབ་བྱས་པ་ལུང་རིགས་དུ་མས་དཔྱད་སླ། འོ་ན་སློབ་དཔོན་པདྨས་དེ་འདྲར་མ་གསུངས་སམ་ཞེ་ན། སློབ་དཔོན་གྱིས་གཡུང་དྲུང་གི་བོན་ལ་བསྐུར་བ་བཏབས་པ་ཅི་ཡང་མེད་དེ། བླ་ཆེན་དྲན་པའི་སྲས་ཡིན་པ་དང་། རྒྱ་གར་གྱི་ཆོས་དར་བའི་དུས་ལ་བབ་པར་གཟིགས་པ་དང་། ཆོས་དར་ན་ཡང་བོན་མི་ནུབ་པར་མཁྱེན་པ་དང་། བོན་ལ་དག་ཐེར་མཛད་དེ། ལོག་པའི་བོན་དང་འདྲེས་པ་ཐམས་ཅད་བསྣུབས། ཡང་དག་པ་གཡུང་དྲུང་གི་བོན་གཏེར་དུ་སྦས། སྐྱེ་འཆི་དང་འབྱུང་བཞི་རང་དབང་ཐོབ་པ་རྣམས་ཞིང་གཞན་དུ་གཤེགས་པར་མཛད། བོན་ཆུང་རྣམས་ཡུལ་གཞན་དུ་སྤྱུགས། བོད་ཀྱི་བརྟན་མ་བཅུ་གཉིས་དང་བོན་བསྟན་སྐྱོང་བར་ཞལ་གྱིས་བཞེས་པའི་མཐུ་ཆེན་ཡུལ་ལྷ་རྣམས་ཐུགས་ཁྲོས་ཏེ། རྒྱལ་པོར་བསྙུངས་གཞི་བྱུང་བར། སྟོང་རྒྱུང་མཐུ་ཆེན་སོགས་ཀྱིས་སྲིད་པའི་བརྔན་བསང་ཆེན་མོ་མཛད་ནས་ཅུང་ཙམ་བཞུགས་དགོས་བྱུང་། སློབ་དཔོན་མདྨས་ཀྱང་ཐུབ་པའི་ཆོས་ལ་རྒྱུ་བོན་མེད་ན་ཡང་། བོན་ལུགས་དང་མཐུན་པར་གཏོ་མདོས་ཀྱང་འགའ་རེ་གསུངས། སློབ་དཔོན་དྲན་པ་ནམ་མཁའ་ཡང་སྲས་པད་འབྱུང་གི་ཐུགས་དགོངས་ལྟར། དགོས་པའི་དབང་གིས་ནན་དུ་བན་དེའི་ཆོས་ལ་ཞུགས་པའི་ཚུལ་གྱིས་རྗེ་འབངས་ཉེར་ལྔའི་ནང་དུ་བཞུགས་པ་སོགས་བསྟན་འགྲོའི་དོན་ལ་ཐུགས་བསྐྱེད་ཆེན་པོ་གནང་མཐར། ཡུལ་མདོ་སྣད་རེབ་གོང་དུ་བྱོན་ནས་གྲུབ་གནས་དང་དགོན་སྡེ་བྱིན་རླབས་མཛད། ཁྱད་པར་ཨ་བ་ངོས་བཟང་གི་དགོན་པ་བཏབས་ནས་སློབ་ཚོགས་བསྐྱངས་བས་སྒྲུབ་སྡེ་མང་དུ་འཕེལ། གྲུབ་རིགས་དུ་མ་བྱོན། བོན་བསྟན་སྒྲུབ་སྡེའི་སྲོལ་ད་ལྟའི་བར་མ་ཉམས་པར་གནས་ཞེས་སོ། འདི་ཡང་དྲན་པ་ཡབ་སྲས་ཀྱི་མཛད་རྗེས་བླ་ན་མེད་པའོ། ། དེའི་ཕྱིར་བོན་ལུགས་ལ། ཐུགས་ཀྱི་བསྟན་པའི་བདག་པོ་བོན་སྟོན་དྲན་པ་ནམ་མཁའ་ཡིན་ལ། ཐུགས་བསྟན་མི་ནུབ་པའི་དོན་དུ་སྤྲུལ་བའི་སྲས་པད་འབྱུང་ལ་མི་དད་པ་མེད་དེ། བན་དེ་རྣམས་ཀྱང་རྗེ་འབངས་ཉེར་ལྔའི་གྲལ་དུ་བཞུགས་པའི་དྲན་པ་ནམ་མཁའ་ལ་མི་དད་མཁན་ཡོད་མི་རུང་ངོ་། འོ་ན་བོན་པོ་ཡོད་ཚད་པད་འབྱུང་ལ་དད་པ་བྱེད་ཚུལ་གཅིག་གམ་ཞེ་ན། བོན་རྙིང་མ་བ་རྣམས་ཀྱིས་རྒྱལ་བློན་མཁན་གསུམ་གྱིས་ཕྱིའི་རྒྱལ་ཁབ་ནས་འོངས་པའི་ཆོས་ལ་ཐུགས་དད་གནང་རོགས་མཛད་པ་དང་། བོན་ལ་སྡང་བ་རྣམས་ཚར་གཅོད་མཛད་པ་མ་གནང་བར་མི་དགའ་བའི་ཕྱོགས་ཡོད་ཀྱང་ལོག་ལྟ་མི་བྱེད་ལ། བོན་གསར་མ་བ་རྣམས་ཀྱིས་སློབ་དཔོན་པདྨས་བོན་བསྟན་རྩ་བ་ནས་བསྣུབས་པ་མ་གནང་བར་དག་ཐེར་མཛད་པས། ད་ལྟ་བོན་མ་ཉམས་པར་གནས་པ་འདི་སྟོང་རྒྱུང་དྲན་པ་སོགས་ཀྱི་བཀའ་དྲིན་ཡིན་པ་སྨོན་མ་དགོས་ལ་སློབ་དཔོན་པདྨའི་མཛད་རྗེས་སུའང་རྟོགས་ཐུབ་པས། དྲན་པ་ཡབ་སྲས་གསུམ་ཞེས་གཙོ་བོར་འཛིན་པ་འདིས་སྐྱོན་རྟོག་གི་ལོག་འཁྲུལ་ཐམས་ཅད་སེལ་ནུས་སོ། ། ཡང་«ཀྲུང་གོའི་བོད་ཀྱི་ཤེས་རིག» ༡༩༨༩ ལོའི་དེབ་༢པའི་ཐོག བྱམས་པ་སྒྲོལ་མ་ཟེར་བས་བྲིས་པའི་ཤོག་ངོས་༡༡༦ན། འདྲེན་བྱེད་ཀྱི་ཡུལ་དུ་མངོན་སུམ་མཐོང་རྒྱུ་ཡོད་ན་ཅིས་མ་ཆོག་ཅེས་བྲིས་པ་དེ་ཡང་། མི་རྣམས་ཀྱིས་མ་མཐོང་ཟེར་རམ་ཁོ་མོས་མ་མཐོང་ཟེར། དང་པོ་ཡིན་ན། བོན་པོ་རྣམས་ཀྱིས་ད་ལྟ་ཞང་སྐད་ཀྱིས་འདོན་བཞིན་པའི་གླེགས་བམ་དང་། ལྷ་ཁང་ |
<< མདོ་སྨད་བྱང་བརྒྱུད་དུ་བོན་བསྟན་དར་ཚུལ་རགས་ཙམ་བརྗོད་པ་ཕན་བྱེད་སྨན་གྱི་རིལ་བུ།འབྱུང་འདུས་ལུས་ཀྱི་དཀར་ཆག >>
དཔྱད་གཏམ་ཡོངས་ལ་གཟིགས་པ།
