༄༅། །ཁྲི་སྲོང་དང་དེ་ལས་འཕྲོས་པའི་བོད་ཀྱི་ལོ་རྒྱུས་ཀྱི་གྲུ་ཟུར་འགའ།
|
འགའ་རེར་ཁྲི་སྲོང་ནི་བོན་གྱི་རྫོགས་ཆེན་ཀྱི་གནས་ལུགས་བསྐྱངས་པའི་བོད་རྗེ་ཞིག་ཡིན་ཡང་རྗེས་སུ་པད་འབྱུང་སོགས་ཀྱིས་དེ་ལས་བསྒྱུར་བ་བཤད་ཡོད། དེ་ལྟར་ཡིན་ན་རྒྱ་གར་པ་ཁོ་ཚོས་རྒྱ་གར་གྱི་ཆོས་འདི་རྒྱལ་པོ་ཞིག་གིས་སྤྱད་ན་ལོ་སྟོང་ཐུབ་པ་དང༌། ཕྱི་མ་ཡང་ལྷ་རུ་སྐྱེ་ཐུབ་ཅེས་པའི་ཚིག་ཅིག་གསུངས་མྱོང་བ་དང༌། རྒྱལ་པོ་རང་གིས་ཏག་ཏག་བོན་གྱི་རྫོགས་ཆེན་གྱི་གནས་ལུགས་བསྐྱངས་ནས་ལྟ་བའི་ངོར་འཇོག་མ་ཐུབ་པར་ཐང་ཆད་པའི་སྐབས་དེ་ཞིག་དང་བསྟུན། རྒྱ་གར་པ་ཁོ་ཚོས་རྒྱ་གར་གྱི་ཆོས་འདི་དེ་ལས་སློབ་རྒྱུ་སླ་མོ་ཡིན་ཚུལ་སོགས་ཀྱིས་ཁོའི་རང་ནོར་ཤོར་ཞིང་རང་ལྟ་བསྐྱངས་མ་ཐུབ་པའི་རྒྱུ་རྐྱེན་ཞིག་ཀྱང་དེ་རུ་འདུག དེས་ན་འུ་ཚོའི་མྱི་རབས་སྔོན་མ་ནས་མཁས་པ་མང་པོ་ཞིག་གི་རང་འདོད་དང་ཆོས་ལུགས་ཕྱོགས་ཞེན་གྱིས་བཅོས་པའི་རྫུན་གཏམ་གནམ་སས་མི་ཁེབས་པའི་ཆོས་འབྱུང་གླེགས་བམ་དེ་དག་གིས་མྱི་རིགས་ཤིག་གི་འཕེལ་ཕྱོགས་དང་བཀའ་དྲིན་ཅན་གྱི་ཡབ་མྱེས་མང་པོ་ཞིག་དང་དེ་དག་གིས་བསྐྱེད་པའི་ཤེས་རིག་མང་པོ་ཞིག་མྱི་གཞན་པ་ཞིག་དང་ཕྱི་རྒྱལ་ཞིག་ནས་ཡོང་བ་ཡིན་ཞེས་རྡོག་བརྫིས་བཏང་བ་དག་གིས་ང་ཚོ་ཅི་འདྲ་ཉམ་ང་བའི་གནས་སུ་ལྟུང་ཨང༌། དེའི་ཕྱིར་ང་ཚོས་དཔྱད་གཞིར་རུང་བའི་ཡ་ཐོག་ཞང་བོད་རིག་གཞུང་དག་ལ་རྒྱུས་ལོན་ཡང་དག་པ་རེ་དང་།ལྷག་པར་གཟུ་བོར་གནས་ཤིང་ཕྱོགས་ཞེན་གྱིས་མ་བསླད་པའི་བོད་ཀྱི་རྒྱལ་རབས་ལོ་རྒྱུས་དག་ལ་བལྟས་ཏེ་ཡ་ཐོག་བོད་ཀྱི་འཇིག་རྟེན་དང་དེའི་ཤེས་རིག་གི་འབྱུང་ཁུངས་གསལ་བོ་ཞིག་བཙལ་འཚོལ་བྱ་རྒྱུ་ཆེས་གལ་ཆེ་བའི་བྱ་ལས་ཤིག་མ་ཡིན་ནམ། “མྱི་སེམས་འདྲ་མིན་སྣ་ཚོགས། །སེམས་ལ་མི་འཆར་དགུ་འཆར།” རལ་གྲི་ཁོ་བོན་པོ་རེད་ཁོས་འདི་ལྟར་བཤད་ནི་རེད་ཅེས་འདོད་པ་ཡོད་མོད། དེ་ཡང་ཁྱོད་ཀྱི་རྣམ་རྟོག་ཙམ་ལས། ངས་ནི་གོང་གསལ་དེ་དག་ལོ་རྒྱུས་དང་རིག་གཞུང་དེབ་ཐེར་མང་པོ་བཀླགས་ནས་དེའི་བར་ནས་རྙེད་པའི་བདེན་པ་རེ་གཉིས་དཔྱད་གཞིར་བཞག་པ་ཙམ་ཡིན། |
<< ༄༅། །བོད་རྒྱལ་ཐོག་མ་རྗེ་གཉའ་ཁྲི་བཙན་པོའི་དུས་སུ་བོད་ཡིག་དང་འབྲེལ་བར་བོད་དུ་མདོ་སྔགས་སེམས་གསུམ་གྱི་བསྟན་པ་དར་ཚུལ་ཟུར་ཙམ་བཤད་པ།༄༅། ། བོན་བསྟན་བྱུང་འཕེལ་ཉུང་བསྡུས། >>
དཔྱད་གཏམ་ཡོངས་ལ་གཟིགས་པ།
