བོན་ལུགས་དང་འབྲེལ་ནས་བོད་ཀྱི་རིག་གནས་ཀྱི་ཐོག་མའི་བྱུངས་ཁུངས་ལ་དཔྱད་པ།
|
གནས་དར་སྤེལ་མཛད། མ་འོང་བ་ན་བོད་ཡུལ་དུ་འབྲས་བུའི་བོན་དར་བའི་ཐུགས་སྨོན་གནང་བས། གཉའ་ཁྲི་བཙད་པོ་བྱོན་སྐབས་བོད་ཤེས་པ་ཅན་བཅུ་གཉིས་ཡོད་པ་ དང༌། གཤེན་ནམ་མཁའ་སྣང་བ་མདོག་ཅན་དབུ་བླར་བྱོན་ནས་འབྲས་བུའི་བོན་གསང་སྔགས་སྤྱི་སྤུངས་སྐོར་གསུམ་སོགས་དར་བ་ཡིན་ནོ། བོད་ཤེས་པ་ཅན་བཅུ་གཉིས་ཞེས་པའང༌། ཤེས་བྱ་རིག་པའི་གནས་ཡོན་ཏན་སྣ་ཁ་མི་གཅིག་པའི་སྐོར་བཅུ་གཉིས་ལ་བཤད་པ་ཡིན་ཏེ། བཤད་ཚུལ་ལ་ལར་རྫི་བོ་མི་བཅུ་གཉིས་ཀྱིས་ཞེས་པ་ལྟར་སྣང་ཡང༌། དེ་ཙམ་མིན་ཏེ། ཐོག་མར་རྫི་བོ་རྣམས་ཀྱིས་མཐོང་ན་ཡང༌། རྒྱལ་བོར་བཀུར་མཁན་ནི། སྐབས་དེའི་ཡུལ་གྱི་མི་ཤེས་པ་ཡོན་ཏན་པ། དབང་ཐང་ཅན། བློ་རིག་ལྡན་པ་རྣམས་ཀྱིས་གྲོས་བྱས་ནས། ཡུལ་ཁམས་ཀྱི་རྒྱལ་བོར་མངའ་གསོལ་བ་ལ་གྲོས་འཆམ་བྱུང་བ་ཡིན་ནོ། དེས་ན་སྟོན་པ་གཤེན་རབ་མ་བྱོན་གོང་དུ། བོད་ལ་བཟོ་རིག་མེད་དམ་ཞེ་ན། བཟོ་རིག་པའི་གཞུང་ལུགས་མེད་ལ། བཟོ་རིག་ཙམ་ནི། དཔེར་ན་བསྐལ་བ་དང་པོའི་མི་རྣམས་ཀྱིས། ཐོག་མར་འདུག་གནས་ཆར་སྐྱོབ་གད་སྐྱིབ་བྲག་ཕུག་སོགས་བཙལ་ཤེས་པ་ནས། རྩི་ཤིང་གི་སྐྱིལ་བུ་སོགས་ཡིད་ལ་ཤར། དེ་ནས་རིམ་བཞིན་ཤེས་པ་ཇེ་གསལ། ལག་པ་ཇེ་བདེ་བྱུང་བས། སྡོད་གནས་སུ་ཁང་བ་ལས་ཤེས་ཤིང༌། ཟས་གོས་སོགས་འཚོ་བ་རོལ་ཇེ་ཤེས། དེ་ནས་ལོ་རྒྱུས་རྣམས་སུ། མངའ་མཛད་རྣམས་ཀྱིས་རིམ་བཞིན་དབང་བསྒྱུར་ཚེ། ཚུར་གནོད་པ་བྱས་ན་ལན་སྤྲོད་ཤེས་པ་བྱུང་བས། མཚོན་ཆ་མདའ་གཞུ། སྟ་རེ་དང་དགྲ་སྟ། མདུང་དང་སྒྱོག་རྡོ། གྲི་དང་ཆུ་གྲི། ཞགས་པ་དང་འུར་རྡོ་འཕེན་པ༌། གོ་ཆ་ཕུབ་ཆུང༌། རྩེ་གསུམ་སོགས། ཤིང་དང་རུས་པ་རྡོ་དང་ཟགས་ལྕགས་ སོགས་ཀྱིས་རིམ་བཞིན་ལས་ཤེས་པ་བྱུང༌། རི་དྭགས་དང་ཡུང་དྭགས་བཀོལ་ཤེས་ཤིང༌། དེའི་ཤ་ཁྲག་ལ་བཟའ་བཏུང༌། པགས་པ་ལ་གྱོན་ཆས། རུས་པ་ལ་ཅ་ལག་བཟོ་ཤེས་པ་བྱུང་བ་བོན་ལུགས་ཀྱི་ལོ་རྒྱུས་སྔ་མ་རྣམས་དང༌། གཞན་བཀའ་ཐང་སྡེ་ལྔ། ལྡེའུ་ཆོས་འབྱུང༌། མཁས་པའི་དགའ་སྟོན་སོགས་ཞལ་མཐུན། སྟོན་པ་བྱོན་ནས་བཟོ་རིག་གི་གཞུང་ལུགས་ངེས་ཅན་ཡོད་པས་ལྷ་ཁང་བཞེངས་པའང་དཀྱིལ་འཁོར་གྱི་གཞལ་ཡས་ཁང་ལྟར་རྒྱ་ཆེ་ཆུང་ཚད་དང་ལྡན་པ་མཚན་ཉིད་ཚང་བ་ཡིན་པས། མཛད་པ་བཅུ་གཉིས་ཀྱི་ནང་དུ། ཆོ་ག་ཆེན་པོ་བཅུ་གཉིས་ཀྱི་དཀྱིལ་འཁོར་ཐམས་ཅད་བཞེངས་པ་དང༌། ན་བཟའ་ཕྱག་ཆ་རྒྱན་ཆས་མཆོད་རྫས་རོལ་མོའི་བྱེ་བྲག་ཇི་སྙེད་པ་ཞིག་བཟོ་བསྐྲུན་མཛད། དེ་རྗེས་བོད་ཀྱི་རྒྱལ་བོ་རྣམས་ཀྱིས་ཀྱང༌། མཁར་ཕྱིང་བ་སྟག་རྩེ། སྐུ་མཁར་ཡུམ་བུ་བླ་སྒང༌། གསས་ཁང་ཁོ་མ་ནེའུ་ཆུང༌། གསས་མཁར་ཁོ་མ་ཡང་རྩེ། གསས་ཁང་དམུ་ར་དགུ་ཁྱུད། གསས་ཁང་གཡུང་དྲུང་ལྷ་རྩེ། གསས་ཁང་ཁོ་མ་རུ་རིང༌། ས་ལེ་བྱེ་ཚང༌། སལེ་ལྗོན་ཕྱུག སལེ་བིང་ |
