མདའ་དང་འཕང་ལས་འཕྲོས་པའི་གསལ་བཤད།

།
གྲུབ་མཐའི་ཞེན་གྱིས་བརླམས་པའི་ཚིག་གོག་བཅས། །
སྨག་རུམ་འཐིབས་སར་མདའ་རྩལ་འགྲན་བཞིན་གྱུར། །

འཛམ་གླིང་ཀུན་ཏུ་དྲ་རྒྱས་ཁེངས་དུས་འདིར། །
ཞིབ་ཅིང་ཕྲ་བའི་དོན་ལ་དཔྱད་པ་ལ། །
ཚན་རིག་བློ་ཡི་འོད་སྣང་སྒྲིབ་མི་རུང༌། །
དེ་ཉིད་ཁྱད་གསོད་རྗེས་ལུས་ངོ་བོར་གྱུར། །

རྣམ་དཀར་དགེ་དོན་སྒྲུབ་ལ་འབད་པའི་ཚེ། །
ཀུན་སློང་ཡང་དག་དགོས་པར་རྒྱལ་བས་གསུངས། །
ཚུལ་གོས་མནབས་ཏེ་དགོན་གྲྭར་འཇུག་དུས་སུ། །
ཀུན་སློང་དེ་ཉིད་དེ་བས་གཅེས་པར་འཚལ། །

རྩོམ་ཡིག་འདི་《བོན་སྒོ་》འདོན་ཐེངས་ཉེར་གཅིག་པ་ལས་བཤུས་པ་ཡིན།