ཆོས་སྲིད་ཟུང་འབྲེལ་དང་འདྲེས་མའི་འགལ་འབྲེལ་ཕན་གནོད་ཇི་ལྟར་བྱུང་ཚུལ་གྱི་ལོ་རྒྱུས་རགས་ཙམ་དཔྱད་པ།

ཤྲི་ཧན་ལ་བུ་ བཅུ་ཡོད་པའི་ཆེ་བ་བསྟན་འཛིན་ཏཱ་ལའི་ཧན་ཡིན་དེའི་བུ་ལྷ་བཟང་རེད༽སྤྱི་ལོ ༡༧༠༥ ལོར་བོད་ཀྱི་རིག་གནས་པ་མི་དབང་སྡེ་སྲིད་སངས་རྒྱས་རྒྱ་མཚོ་དགུང་ལོ་ང་གསུམ་ཐོག་ལྷ་བཟང་བཟའ་མི་གཉིས་ཀྱིས་དབུ་བཅད་ནས་བཀྲོངས། བོད་མི་བཞི་བརྒྱ་བསད། སོག་པོ་ལྷ་བཟང་གིས་ལོ་བཅུ་གསུམ་ལ་བོད་རྒྱལ་བོ་བྱས། ལི་བཟང་གི་སྡོང་ཟླ་རྒྱབ་བརྟན་དང་བཅས་པས་རྒྱལ་བ་ཚངས་དབྱངས་རྒྱ་མཚོ་ཁྲི་ཐོག་ནས་ཕབ། སྤྱི་ལོ ༡༧༡༧ ལོར། ཇུན་གར་དམག་བོད་དུ་ཐོན་ནས་་བཟང་བསད། སྤྱི་ལོ ༡༧༡༨ ལོར། ཇུན་གར་དམག་གིས་རྡོ་རྗེ་བྲག་དགོན་པ་དང༌། སྨིན་གླིང་སོགས་རྙིང་མའི་དགོན་པ་མང་པོ་དང༌། གསས་མདའ་བོན་དགོན་སོགས་བོན་པོ་འི་དགོན་པ་མང་པོ་རྩ་མེད་དུ་བཏང། གོང་མ་ཁང་ཞིས་རྒྱལ་བོས་གསན་ནས། སྤྱི་ལོ ༡༧༢༠ ལོར། གོང་མས་མངགས་པའི་ཁྲི་དམག་མང་པོ་བོད་དུ་འབྱོར་སྐབས། ཇུན་གར་དམག་དང་བཅས་པ་འདུག་མ་ཕོད་པར་རང་ཡུལ་དུ་ལོག སྟག་རྩེ་བ་སྡེ་སྲིད་དུ་བསྐོས་པ་གོང་མས་ཁྲིམས་ཀྱིས་བསད། སྤྱི་ལོ ༡༧༢༡ ལོར་མངའ་རིས་སྐོར་གསུམ་གྱི་གཙོ་བོ་ཁང་ཆེན་ནེ་བསོད་ནམས་རྒྱལ་བོ་སྲིད་ཁྲིར་བཞག  པེ་སི་ང་ཕོད་པ་རྡོ་རྗེ་རྒྱལ་བོ་དང༌། གུང་ལུམ་པ་བཀྲ་ཤིས་རྒྱལ་བོ། སྦྱར་ར་བ་བློ་གྲོས་རྒྱལ་བོ་ཕོ་ལྷ་བསོད་ནམས་སྟོབས་རྒྱལ་རྣམས་བློན་པོར་བསྐོས་ཀྱང་ཡུན་མ་རིང་བར་རྒྱལ་བློན་ནང་མ་མཐུན། གོང་མ་ཁང་ཞིས་སྲས་ཡུང་ཀྲང་རྒྱལ་བོ་གོང་མའི་ཁྲིར་བཞུགས་སྐབས། ཀུ་ཤྲི་བསྟན་འཛིན་ཆོས་རྒྱལ་གྱི་གདུང་རྒྱུད། ཆིན་ཝང་བློ་བཟང་བསྟན་འཛིན་གྱིས་གོང་མར་རྒོལ་བའི་ཟིང་འཁྲུགས་བསླངས། གོང་མས་ཨ་ས་ཁན་ཨམ་འབམ་ཟེར་བ་འཁོར་སྟོང་དམག་གཉིས་བཅས་བོད་དུ་མངགས། ཚེ་ཏན་ཞབས་དྲུང་གི་བསྟན་རྩིས་ལས། ལོ་འདིར་ཉན་གོང་ཡོའི་དམག་མཚོ་སྔོན་དུ་ཐོན། ཆུ་བཟང་བློ་བཟང་བསྟན་པའི་རྒྱལ་མཚན་སོགས་སེར་མོ་བདུན་བརྒྱ་བཀྲོངས། བྱང་གི་དགོན་ཆེན་མང་པ་མེ་ལ་བསྲེག་ཅེས་བཤད། སྤྱི་ལོ་༡༧༢༧ ལོར། བོད་རྒྱལ་ཁང་ཆེན་ནེ་བསོད་ནམས་རྒྱལ་བོ་ནི་བློན་པོ་ང་ལུམ་སྦྱར་གསུམ་གྱིས་དམར་བསོད་བྱས། སྤྱི་ལོ ༡༧༢༨ ལོ་ནས། ཕོ་ལྷ་བ་བསོད་ནམས་སྟོབས་རྒྱས་བོད་ཀྱི་རྒྱལ་བོར་བཞག་ནས་གོང་མས་མངགས་པའི་ཨམ་འབམ་དང་གཉིས་ཀས་ལོ་ཉི་ཤུ་ཙམ་ལ་བོད་ཀྱི་སྲིད་དབང་བཟུང༌། སྤྱི་ལོ ༡༧༣༣ ལོར། ཀརྨ་བྱང་ཆུབ་རྡོ་རྗེ་དང་ཞྭ་དམར་བ་དཔལ་ཆེན་ཆོས་ཀྱི་དོན་གྲུབ་གཉིས་འདས་ཞེས་སི་ཏུའི་རང་རྣམ་དུ་བཤདལ། བསྟན་རྩིས་ཀུན་བཏུས་ལས། ཞྭ་དམར་ནག་གཉིས་ནི་རྙིང་མ་ལ་དགའ་བའི་ལྷ་སྲས་བཅུ་བདུན་པས་གདན་འདྲེན་པ་ན་ཐུའུ་བཀན་ཆོས་ཀྱི་རྒྱ་མཚོས་མངོན་སྤྱོད་མཛད་པས། གཅིག་ཟི་ལིང་དང་གཅིག་ཞིས་ཨན་ནས་གྲོངས་ཞེས་ཆོས་ཀྱི་རྒྱ་མཚོའི་རང་རྣམ་དུ་ཡོད་