མཁན་ཆེན་ཤེས་རབ་དགོངས་རྒྱལ་གྱི་རྣམ་ཐར་མདོར་བསྡུས།

བཀའ་དབང་ཟབ་མོ་མན་ངག་ལག་ལེན་དང་བཅས་པ་རྒྱས་པར་གནང༌། ཞལ་གདམས་མང་དུ་གསུངས་ནས་དགུང་ལོ་ང་ལྔའི་སྟེང་འཇིག་རྟེན་འདི་ཡི་འགྲོ་དོན་རྫོགས་ཏེ། དགོངས་པ་ གཞན་ལ་གཏོད་པའི་དུས་སུ་བབས་པར་གཟིགས་ནས། རྗེ་མཉམ་མེད་བླ་མའི་ནང་སྒྲུབ་ལྟར་ཚོགས་ཀྱི་འཁོར་ལོ་རྒྱས་པར་ཕུལ། དེའི་ཚེ་ནམ་མཁའ་ནས་འཇའ་ཚོན་སྣ་ལྔ་ཤར་ཏེ་ངོ་མཚར་གྱི་རྟགས་དང་བཅས་དགོངས་པ་བོན་ཉིད་ཀྱི་དབྱིངས་སུ་སྙོམས་པར་བཞུགས་སོ།། སྨྲས་པ། སྐྱེས་ སྦྱངས་གཉིས་ཀྱི་ཡོན་ཏན་མཐུ་དམན་པས།། རྟོགས་བརྗོད་ཚུལ་བཞིན་བརྗོད་ལ་རྔོ་མ་ཐོགས།། བརྗོད་བྱ་དོན་དང་མི་ལྡན་ལྷག་ཆད་རྣམས།། རྗེ་བཙུན་བླ་མའི་སྤྱན་སྔར་བཟོད་པར་གསོལ།། རྒྱལ་ཀུན་འདུས་ཞལ་མཆོག་གཟིགས་བླ་མ་ཡིས།། ཕྱོགས་མཚམས་སྤྲུལ་བའི་ཟློས་གར་གང་བསྒྱུར་བ།། ཇི་ལྟར་གཞལ་བའི་ངོ་མཚར་ཟབ་དོན་ཀུན།། མདོ་སྔགས་བསྟན་པའི་རྒྱན་དུ་མཛེས་གྱུར་ཅིག། དེ་ཡི་དགེ་བས་ཚེ་རབས་ཐམས་ཅད་དུ།། ཀུན་གཟིགས་བླ་མས་མཉེས་བཞིན་རྗེས་བཟུང་ནས།། འབྲལ་མེད་སྤྱི་བོའི་རྒྱན་དུ་ལེགས་བསྟེན་ཏེ།། གསང་གསུམ་བྱིན་རླབས་རྒྱུད་ལ་འཇུག་པར་ཤོག། །།