འཛམ་གླིང་མཐའ་དབུས་ཀྱི་རྣམ་བཞག་ཉེར་མཁོའི་སྣང་བ་ཞེས་བྱ་བ་བཞུགས་སོ།།

ཁྱད་པར་དུ་སྟོན་པས་ཞབས་ཀྱིས་བཅགས་པའི་གནས་རྣམས་སུ་སྔོན་ཡང་བསྟན་པ་ཅི་རིགས་སུ་བྱུང་ལ་ད་དུང་ཡང་བསྟན་པ་འཕེལ་འགྲིབ་ཅི་རིགས་བྱུང་ཡང་དོན་དུ་ཚེ་ལོ་བཅུ་པ་ལ་ཐུག་གི་བར་དུ་བསྟན་པའི་རྒྱུན་ཡུན་རིང་དུ་གནས་པ་ཡིན་ནོ། དེ་ལྟར་འཛམ་གླིང་གཅིག་ལའང་རྒྱལ་བའི་བསྟན་པ་ཡོད་མེད་ཀྱི་ཚུལ་སྣ་ཚོགས་སུ་ཡོད་པས་རང་རེ་བསྟན་པ་རིན་པོ་ཆེ་ཡོད་ཡུལ་དབུས་སུ་སྐྱེས་པའི་ཚུལ་ངོ་ཤེས་ནས་སླན་ཆད་ནས་ཀྱང་རྒྱལ་བའི་བསྟན་པ་དང་མཇལ་བ་ལ་དོན་ཡོད་པར་བྱའོ་ཞེས་ཀྱང་རྗེས་སུ་གདམས་ཏེ་སྨྲས་པའོ།།
མཆོག་དམན་སྐལ་བའི་ཁྱད་པར་མི་འདྲ་བ། །ཞིང་ཁམས་གཅིག་ལའང་ཁྱད་པར་སྣ་ཚོགས་ཚུལ། །རིང་ནས་ལས་དང་སྨོན་ལམ་ལ་བརྟེན་ནས། །ཆུ་མཚོར་རྒྱུ་སྐར་བཞིན་དུ་སོ་སོར་སྣང༌། །དེ་ལྟར་འཛམ་གླིང་དབུས་མཐའི་ཁྱད་པར་རྣམས། །སྙིང་པོར་བསྡུས་ཏེ་གཏམ་དུ་གླེང་བའི་མཐུས། །ལས་སྣང་སྤྱོད་ཡུལ་ཡིད་ལ་ངེས་ནས་ཀྱང༌། །བག་ཡོད་སེམས་ལ་དྲན་པའི་མཐུ་ཐོབ་ཤོག། ཅེས་པ་འདི་ནི་བོད་དུ་བྱུང་བའི་ཡིག་ཆ་སྔ་ཕྱི་འགའ་ཞིག་ལ་གཞི་བྱས་ནས་འོལ་ཚོད་ཀྱིས་མ་བསླད་པར་འཛམ་གླིང་ཡུལ་གྱི་ལོ་རྒྱུས་ལ་མཐོང་རྒྱ་ཆེ་བ་བལ་པོའི་བླ་མ་བསྟན་འཛིན་རྒྱལ་མཚན་སོགས་ཀྱི་ངག་རྒྱུན་ཁུངས་མ་སྣ་ཚོགས་ལ་བརྟེན་ནས། བྲག་སྟེང་རྒྱལ་པོ་ཉི་མ་དབང་ལྡན་གྱི་ཕྱག་མཛོད་ཆེན་མོ་བསོད་ནམས་ཕུན་ཚོགས་ཀྱི་ཐུགས་བཞེད་སྐོང་བའི་སླད་དུ་ལོ་རྒྱུས་ལ་དགའ་བ་ཁོད་སྤུངས་དབྲ་ཞིག་བཙུན་པས་མདོ་ཙམ་ཞིག་བྲིས་པའོ།། །།

རེབ་གོང་བོན་མང་དྲ་ཚིགས།

བློ་འདྲི་ས།
བོན་བརྒྱ་དགེ་ལེགས་ལྷུན་གྲུབ་རྒྱ་མཚོ། སྐྱང་སྤྲུལ་ནམ་མཁའ་བསྟན་འཛིན།

ཞིབ་རྒྱས་འདིར་གཟིགས >>

འབྲེལ་ཡོད་རྩོམ་ཡིག