སྣང་ཞིག་དགོན་ཆེན་ལ་ཕུལ་བའི་ཞུ་ཡིག།

བཞིན་མ་རྟོགས་པར། ། བཞི་བའི་བདེ་བ་བདུད་ཀྱིས་འཕྲོག་པར་བརྩམས། ། དང་པོའི་རྦ་རླབས་དྲག་ཏུ་འཁྲུགས་པ་འདི། ། གཉིས་པ་ལས་ཉོན་ཆུ་སྲིན་འབྱུང་གནས་གཤིས། ། གསུམ་པ་མངོན་དུ་བྱ་བར་རིང་ན་ཡང་། ། བཞི་བར་བགྲོད་ པའི་ལམ་སྣ་ཁྱེད་ལ་རེ། ། དང་པོའི་མུན་པ་ཟུང་གིས་སྒྲིབ་པ་དག། གཉིས་པ་གསུམ་གྱི་རླུང་གིས་གཡེང་བའི་མཐར། ། གསུམ་པ་སྲིད་བར་མར་འཁྱམས་དགོས་ཚེ། ། བཞི་གསུམ་འཁོར་ལོའི་ཁ་ལོ་ཁྱེད་ཀྱིས་སྒྱུར། ། ཆུང་ངུའི་དུས་ནས་མཁས་པའི་བྱ་བ་ལ། ། གང་གའི་རྒྱུན་ལྟའི་བརྩོན་པ་མ་བྱས་པས། ། བགྲང་བྱ་རྒན་པོའི་གྲལ་མགོར་བསྙེགས་ན་ཡང་། ། རྣམ་དཔྱོད་བྱིས་པ་ཆུང་ངུའི་ཁྱུ་ན་བླུན། ། འོན་ཀྱང་དམུ་དབང་སྲས་པོའི་བསྟན་པའི་དོན། ། ནམ་ཡང་ཡིད་ལ་བྱེད་ཅིང་འབད་ན་ཡང་། ། ཆགས་ལྡན་ནོར་ལ་སྲེད་ལྟར་རེ་བ་ནི། ། མཁའ་དབྱིངས་པདྨོའི་རྗེས་སུ་བསྙེགས་འདིས་ངལ། ། ཁས་དམན་དགྲ་ལ་འཐབ་ན་མགོན་དང་དཔུང་། ། མེད་ན་མི་འདོད་རང་མགོར་འབབ་པ་ལས། ། བཀའ་མཆིད་སྲུང་མདུད་སྒོར་བཅས་སྦྲང་རྩིའི་ཆར། ། སྙིམ་པའི་མཐིལ་དུ་བསྩལ་བ་སྤྱི་བོར་བཞག། སྙིང་ལ་བརྣག་པའི་དུཿཁ་བསལ་བར་བྱས། ། ད་དུང་ལྷ་སྔགས་ཏིང་འཛིན་ཟབ་མོའི་མཚོན། ། སྙིང་རྗེ་འཕྲུལ་འཁོར་ལྡན་པའི་གུར་ཁང་དཀྱིལ། ། བདག་སོགས་སྲུང་བྱ་ནམ་ཡང་མི་འདོར་བར། ། མཁྱེན་ཞེས་ཞུ་བ་བཅོས་མིན་སྙིང་ནས་སོ། ། སླར་ཡང་ཚངས་པའི་སྲས་མོའི་པི་ཝང་ལ། ། འགྲན་པའི་སྙན་ཚིག་གཡས་འཁྱིལ་དུང་གི་སྒྲ། ། སྒྲ་འཛིན་བུ་མོ་མྱོས་བྱེད་བདུད་རྩི་ཡང་། ། ཡང་ཡང་སྩོལ་དང་སྙིང་ལ་སྨན་པར་ངེས། ། དེ་ལྟའི་ཞུ་དེབ་མཆོད་པའི་སྤྲིན། ། ཚོགས་ཀྱི་ཞིང་དུ་ཕུལ་བའི་དགེས། ། ཚེ་རབས་ཀུན་ཏུ་སྐྱབས་ཀྱི་ཕུལ། ། ཡུན་རིང་བསྟན་པ་བདག་གྱུར་ཅིག། །།