སྨན་རི་བའི་སྐུ་གདུང་རིན་པོ་ཆེ་ཞུགས་འབུལ་གྱི་མཛད་རིམ་གནས་བསྡུས།

ཁ་སང་ཞོགས་པའི་ཆུ་ཚོད་༦།༠༠པ་ཙམ་ལ་༧ས་གསུམ་ན་འགྲན་པའི་ཟླ་བོ་མ་མཆིས་པ་རྗེ་རྒྱལ་བ་སངས་རྒྱས་སྨན་རི་བའི་ཁྲི་འཛིན་སོ་གསུམ་པ་མཆོག་རེ་ཞིག་དགོངས་པ་བོན་དབྱིངས་སུ་ཐིམ་པའི་རྒྱལ་སྲས་གཡུང་དྲུང་སེམས་དཔའི་སྐུ་གདུང་རིན་པོ་ཆེ་ཞུགས་འབུལ་གྱི་མཆོད་སྤྲིན་རྒྱ་ཆེན་ཞུས་པ།

༢༠༡༧ ཟླ་ ༡༠ ཚེས་ ༡ ཉིན་གྱི་དགོང་མོའི་ཆུ་ཚོད་བཅུ་པ་ནས་ནམ་སྨད་ཆུ་ཚོད་གསུམ་པའི་བར་བླ་སྤྲུལ་དགེ་བཤེས་རྣམས་ཀྱིས་༧རྒྱལ་བ་སྨན་རིའི་བླ་བྲང་དུ་རིག་འཛིན་འདུས་པའི་ཚོགས་འཁོར་རྒྱས་འབུལ་ཞུས་པ།

ཕྱོགས་མཐའ་ཁག་ནས་ཕེབས་པའི་སེར་སྐྱ་མི་མང་ཡོངས་ནས་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེའི་གསོལ་འདེབས་དབྱངས་སུ་གྱེར་ནས་སྨན་རིའི་བླ་བྲང་དང་གཙུག་ལག་ཁང་ལ་ཕྱག་སྐོར་བྱས།

ཞོགས་པའི་ཆུ་ཚོད་༦།༠༠པ་ཙམ་ནས་བླ་སྤྲུལ་དགེ་འདུན་འདུས་པ་རྒྱ་མཚོ་དང་དད་ལྡན་མང་ཚོགས་ཡོངས་ནས་སེར་འཕྲེང་སྒྲིག་སྟེ་སྐུ་གདུང་རིན་པོ་ཆེ་གདུང་ཁང་དུ་སྤྱན་འདྲེན་ཞུས་པ།

༧སྐྱབས་རྗེ་སྨན་རིའི་དཔོན་སློབ་རིན་པོ་ཆེ་མཆོག་དང་། ཁྲི་བརྟན་ནོར་བུའི་མཁན་རིན་པོ་ཆེ་བསྟན་པ་གཡུང་དྲུང་། སྨན་རིའི་བཤད་སྒྲུབ་མཁན་སློབ་རྣམ་གཉིས། ཁྲི་བརྟན་ནོར་བུ་རྩེའི་སྒྲུབ་གྲྭ་མཁན་རིན་པོ་ཆེ། ཁྲི་བརྟན་ནོར་བུ་རྩེའི་བཤད་སྒྲུབ་མཁན་སློབ་རྣམ་གཉིས། དེ་བཞིན་བླ་སྤྲུལ་དགེ་བཤེས་རྣམས་དང་དགེ་འདུན་མང་ཚོགས་ཡོངས་ནས་ཀུན་རིག་ལས་བཞི་རྒྱུན་ལྔ་ལས་མེ་སྤར་གྱི་ཆོ་ག་སོགས་གསུངས་ནས་སྐུ་གདུང་རིན་པོ་ཆེ་ཞུགས་འབུལ་ཞུས་པ།

༧སྐྱབས་རྗེ་༧རྒྱལ་བ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་ནས་སྐུ་གསུམ་མེ་ལྷ་བསྒྲོན་འབུལ་ཞུས་པ།

དེ་ནས་ཕྱོགས་མཐའ་ཁག་ནས་ཆེད་དུ་ཕེབས་པའི་སྐུ་མགྲོན་རྣམས་བཞུགས་གྲལ་དུ་འཁོད་པ་དང་། གྲྭ་ཚང་འདུས་མང་ཡོངས་ནས་བདེན་ཚིག་སྨོན་ལམ་གསུངས་ཤིང་མང་ཇ་རྒྱས་འབུལ་ཞུས།

པར་པ། གྱེར་ནག་ཚང་།                              གཡུང་དྲུང་བོན་དྲ་བ་ལས་དྲངས། 

 

དཔྱད་མཆན་སྤེལ།

ཡིག་ཟམ་ས་གནས་ཀུན་པོར་མི་བསྒྲགས། རྟགས * ཅན་ངེས་པར་དུ་བླུགས་དགོས།