བྱང་ཆུབ་སྒྲུབ་ཐབས་ལེགས་བཤད་ལམ་གྱི་རིམ་པའི་གཞུང་ཞེས་བྱ་བ་བཞུགས་སོ།
|
པ་རྣམས།། བྱེ་ཐང་ཕྱིན་ན་སྡུག་བསྔལ་མྱོང༌།། དེ་བཞིན་ཚེ་འདིའི་བདེ་སྒྲུབ་པ།། འདི་ནས་ཚེ་འཕོས་སྡུག་བསྔལ་མྱོང༌།། སྲིན་བུ་དག་ལ་སྤུག་སྐྱེས་པ།། དེས་ནི་རང་སྲོག་གཅོད་པར་བྱེད།། སེམས་ཅན་ཉོན་མོངས་རང་ལ་སྡང༌།། དེས་ནི་འཁོར་བར་འཁྱམས་པར་བྱེད།། མི་གཙང་པ་ཡི་ཁྲོམ་ནང་དུ།། དྲི་ཞིམ་བྲོ་བ་མེད་བཞིན་དུ།། འཁོར་བའི་གནས་སུ་འཁྱམས་གྱུར་ན།། དེ་ལ་བདེ་བ་གཏན་མེད་དོ།། ཙན་དན་སོལ་བའི་ཞུགས་ནང་དུ།། སྲེག་ན་བཟོད་གླགས་མེད་བཞིན་དུ།། ངན་སོང་གསུམ་གྱི་སྡུག་བསྔལ་ལ།། སྤྱོད་དགོས་བྱུང་ན་བཟོད་གླགས་མེད།། དགྲ་ཡི་འཇིགས་པ་ཡོད་ཤེས་ན།། རང་གིས་དཔུང་དང་གོ་ཆ་སྒྲུབ།། དེ་བཞིན་ཉེས་དམིགས་ཡོད་ཤེས་ན།། དམ་པ་ལ་བརྟེན་དགེ་བ་སྒྲུབ།། དོན་བཞི་བ་འཁོར་བའི་ཉེས་དམིགས་བསྟན་པ།སྲོག་གི་གཉེན་པོ་བཙན་དུག་དེ།། ངོ་ཤེས་པ་ཡི་མི་དེས་འཛེམ།། སྡིག་བྱས་དེ་ཡི་སྐྱོན་ཤེས་ན།། ཕྲ་ཞིང་ཕྲ་བ་དག་ལའང་འཛེམ།། ལྕགས་རྡོ་འཕྲད་པ་སྤྲ་བའི་མེས།། ནགས་ཚལ་ཆེན་པོ་སྲེག་པར་བྱེད།། གཟུང་འཛིན་འཕྲད་པ་སྦྱོར་བའི་སྡིག། ཆུང་ཡང་ཆེན་པོའི་སྡུག་བསྔལ་སྐྱེད།། ཞིང་བཟང་དག་ལ་ནས་བཏབ་ན།། འབྲས་བུ་སྲན་མ་འབྱུང་མི་སྲིད།། སྡིག་སྤོང་དགེ་བའི་རྒྱུ་སྤྱོད་ན།། འབྲས་བུ་སྡུག་བསྔལ་འབྱུང་མི་སྲིད།། དངུལ་དཀར་ཤེལ་སྒོང་མེ་ལོང་ལ།། གཡའ་དང་དྲི་མ་མེད་བཞིན་དུ།། བྱང་ཆུབ་སེམས་ཀྱིས་ཟིན་པ་ཡི།། དགེ་བ་སྤྱོད་ལ་དྲི་མ་མེད།། དོན་ལྔ་བ་རྒྱུ་འབྲས་བསྟན་པའོ། ངང་བ་དང་ནི་རུས་སྦལ་གྱིས།། ཆུ་ལས་འོ་མ་འབྱེད་པ་ལྟར།། སྐྱེས་བུ་དད་པ་དང་ལྡན་པ།། དེས་ནི་དགེ་ སྡིག་འབྱེད་པར་བྱེད།། མ་ཕྱིར་བུ་དང་དགུན་གཞུའི་རྒྱུད།། ཆུ་བོའི་རྒྱུན་དང་སྲོག་ཆད་མི།། དེ་བཞིན་མོས་པ་ཡི་ཆད་དང༌།། རྒྱུན་རིང་ཕྱིར་མི་ལྡོག་པར་བྱེད།། དོན་དྲུག་པ་དད་པ་བསྟན་པའོ། ཁས་དམན་པོ་ལདགྲ་བྱུང་ན།། རྗེ་དཔོན་མྱུར་དུ་འཚོལ་བ་བཞིན།། འཁོར་བའི་འཇིགས་པ་སྐྱོབ་འདོད་ན།། རིན་ཆེན་གསུམ་ལ་སྐྱབས་ཚོལ་ཅིག། ནོར་བུ་རིན་ཆེན་མཆོད་བྱས་ན།། གང་གིས་མཆོད་ལ་དགོས་འདོད་འབྱུང༌།། ཡུལ་མཆོག་དེ་ལ་མཆོད་བྱས་ན།། གང་གིས་མཆོད་པ་ཐུགས་རྗེས་འཛིན།། འཇིག་རྟེན་ནད་རྣམས་ཞི་བ་ལ།། སྨན་རྣམས་བསྟེན་པར་བྱེད་བཞིན་དུ།། སྲིད་པའི་མཚོ་ལ་བྱིང་བ་ལས།། མྱུར་དུ་སྒྲོལ་མཛད་སྐྱབས་གནས་བསྟེན།། དོན་བདུན་པ་སྐྱབས་འགྲོ་བསྟན་པའོ། སྨན་མཆོག་རྣམ་པར་རྒྱལ་བ་དེ།། ནད་རྣམས་ཀུན་ལ་སྙོམས་སུ་འགྲོ།། བྱང་ཆུབ་སེམས་བསྐྱེད་བསླབ་པ་དེ།། ཉོན་མོངས་ཀུན་གྱི་གཉེན་པོར་འགྲོ།། འཁར་བ་འཆང་དང་གསེར་ཉོ་གཉིས།། ཁྱད་པར་ཆེ་བ་ཇི་བཞིན་དུ།། བདག་དོན་བས་ཀྱང་གཞན་གྱི་དོན།། སེམས་བསྐྱེད་དགེ་སྤྱོད་ཁྱད་པར་ཆེ།། ཇི་སྲིད་རྒྱ་
|
