བྱང་ཆུབ་སྒྲུབ་ཐབས་ལེགས་བཤད་ལམ་གྱི་རིམ་པའི་གཞུང་ཞེས་བྱ་བ་བཞུགས་སོ།
|
མཚོ་མ་ཟད་བར།། དེ་སྲིད་ཆུ་བོ་མི་འཛད་བཞིན།། ཇི་སྲིད་འཁོར་བ་མ་སྟོངས་བར།། དེ་སྲིད་བྱང་སེམས་མི་འཛད་དོ།། དོན་བརྒྱད་པ་སེམས་བསྐྱེད་བསྟན་པའོ།། ས་བོན་ཡོད་ཀྱང་ཞིང་མེད་ན།། དེ་ཡིས་འབྲས་བུ་མི་སྨིན་བཞིན།། སངས་རྒྱས་གཞི་ལ་རྩེ་གཅིག་གི། ཏིང་འཛིན་མེད་ན་སངས་མི་རྒྱ།། ཤིང་རྐྱང་ཟམ་ལ་འགྲོ་བ་དང༌།། རྒྱལ་བོའི་ཁྲིམས་ལ་གནས་པ་བཞིན།། ཤེས་པ་བསྒྲིམ་གློད་ཆ་སྙོམས་པའི།། ཐབས་ལ་མཁས་དང་བཙའ་བར་བྱ།། རི་གཟར་ཆུ་དང་ཆུ་དལ་འབབ།། རྒྱ་མཚོ་རླུང་གིས་མ་བསྐྱོད་ལྟར།། སྔར་བས་རགས་དང་རང་སར་ཞི།། གཡོ་བ་མེད་ཉམས་རིམ་གྱིས་འབྱུང༌།། ལྗོན་ཤིང་རྩ་ནས་བཅད་བྱས་ན།། ལོ་འབྲས་ཤུགས་ཀྱིས་ཆོད་པ་བཞིན།། ཉོན་མོངས་རྩ་བ་བྱང་ཆུབ་སེམས།། སྐྱེ་མེད་ཕྱིར་ན་གཟུང་འཛིན་གྲོལ།། དོན་དགུ་བ་ཞི་གནས་བསྟན་པའོ།། ཉི་མ་ཤར་ན་མུན་པའི་ཚོགས།། བྲོས་ས་མེད་དེ་རང་བཞིན་སངས།། བདག་མེད་རྟོགས་ན་འདི་ལྟར་གྱི།། སྣང་བ་མ་སྤངས་རང་བཞིན་གྲོལ།། བུར་རམ་མངར་བའི་རོ་གཟུགས་དང༌།། མར་དང་སྣུམ་པའི་བྱེ་བྲག་བཞིན།། ཀུན་རྫོབ་བོན་ཅན་དོན་བོན་ཉིད།། རྟོགས་པའི་སྣང་ངོར་དབྱེར་མེད་དོ།། ཐག་སྦྲུལ་སྨིག་ལ་ཆུར་མཐོང་དང།། ཟླ་བ་གཉིས་འཛིན་ཇི་བཞིན་དུ།། ཤེས་རབ་དམིགས་མེད་སོ་སྐྱེ་ཡིས།། མི་བདེན་འཁྲུལ་བ་བདེན་པར་འཛིན།། མེ་ལོང་ནང་གི་གཟུགས་བརྙན་དེ།། ལྟར་སྣང་ཙམ་སྟེ་དོན་ལ་མེད།། དེ་བཞིན་འདི་ལྟར་སྣང་བ་ཡང༌།། ལྟར་སྣང་ཙམ་ཡིན་རང་བཞིན་མེད།། ཆུ་ཤེལ་ཆུ་དང་འཕྲད་པ་ན།། དབྱེ་བས་མི་ཕྱེད་འདྲེས པ་མེད།། མཚན་མར་སྣང་དང་ཡང་དག་དོན།། དབྱེ་བས་མི་ཕྱེད་འདྲེས་པ་མེད།། རིང་པོ་དང་ནི་ཐུང་ངུ་གཉིས།། ཕ་རི་ཚུ་རི་ལྟོས་འཇོག་བཞིན།། གཟུང་འཛིན་ལ་བལྟོས་བདག་མེད་བཏགས།། འཁོར་བ་ལ་ལྟོས་མྱང་འདས་བཏགས།། མདའ་འཕང་དང་ནི་བྱ་འཕུར་རྗེས།། དེ་ནི་ཡེ་ནས་ཡོད་མ་ཡིན།། བདེན་པ་མཐོང་ན་འཁོར་བའི་བོན།། དེ་ནི་ཡེ་ནས་ཡོད་མ་ཡིན།། པདྨོ་འདམ་ནས་སྐྱེས་ན་ཡང༌།། དེ་ནི་དྲི་མས་མ་གོས་ལྟར།། བདག་མེད་རྟོགས་པའི་གང་ཟག་དེ།། འཁོར་བའི་དྲི་མས་གོས་པ་མེད།། ཁྱུང་ཆེན་གཟི་བརྗིད་མཐོང་ཙམ་ན།། ཀླུ་རྣམས་ཟིལ་གྱིས་རྣོན་པ་བཞིན།། ཐེག་པ་ཆེན་པོའི་དོན་རྟོགས་ན།། ཐེག་དམན་པ་རྣམས་ཟིལ་གྱིས་གནོན།། ཁ་ལེ་སྟོང་འབྱམས་སྨོན་ལམཤིང༌།། དེ་ལ་སྨོན་ལམ་བཏབ་བཞིན་འབྱུང༌།། དེ་བཞིན་ཐེག་ཆེན་སྐྱེས་བུ་ལ།། བདག་དང་གཞན་དོན་གཉིས་ཀ་འབྱུང༌།། དོན་བཅུ་བ་བདག་མེད་ཀྱི་ཤེས་རབ་བསྟན་པའོ།། ཀྱེ་མ་སྙིགས་དུས་འདིར་སྐྱེས་པས།། ཁྲི་གཙུག་བསྟན་ལ་གཤེ་བ་ཚོར།། དེ་ནི་བུ་ཚས་ཕ་ཁུ་ཡི།། རིགས་རྒྱུད་ངན་པར་བཤད་དང་མཚུངས།། མཁས་སྒྲོགས་གཟུང་འཛིན་ཉོན་མོངས་རགས།། བཀའ་ཡི་མཚན་ཉིད་དེ་ཨེ་ཡིན།། མར་ |
