ཁྲིད་ཡིག་དམར་མོ་མཛུབ་ཚུགས་ལས་སྔོན་འགྲོའི་ཚིག་བཤད་དད་པའི་འཇུག་ངོགས་ཞེས་བྱ་བ་བཞུགས།།
|
མོས་སྡིག་ལ་སྤྱོད་པ་དང༌།། ལྟ་བ་ལོག་པ་མུ་སྟེགས་རྟག་ཆད་ཅན།། ཐེག་དམན་གྲོགས་ལ་མི་བརྟེན་བསླབ་བྱའི་ངོས།། འགྲོ་བའི་དོན་དུ་བྱང་ཆུབ་སེམས་བསྐྱེད་དོ།། དེ་ལྟར་སེམས་བསྐྱེད་བསླབ་བྱ་ཉམས་མེད་ཀྱིས།། མི་དགེ་སྡིག་ཚོགས་དྲི་མས་ཡོངས་དབེན་པར།། ལུས་སྲོག་ཕྱིར་ཡང་སྡོམ་པ་མི་གཏོང་ཞིང༌།། དོན་གཉིས་མཐར་ཕྱིན་སངས་རྒྱས་འགྲུབ་པར་ཤོག། བཅུ་བ་བཤགས་སྦྱང་བྱ་བ་ནི། མཁའ་མཉམ་འགྲོ་ལ་སྙིང་རྗེ་དཔག་མེད་བསྐྱེད།། ཀུན་ཀྱང་སྡུག་བསྔལ་རྒྱུ་དང་ཡོངས་སུ་བྲལ།། སྡུག་བསྔལ་མེད་པའི་བདེ་བ་ཀུན་དང་ལྡན།། ཆགས་སྡང་མེད་པའི་བཏང་སྙོམས་གནས་གྱུར་ཅིག། སྒོམ་པ་རྟེན་གྱི་སྟོབས་ནི། ཕྱི་ནང་ཐམས་ཅད་སྟོང་བ་ཉིད་ཀྱི་ངང༌།། བདག་མདུན་མཁའ་ལ་པད་ཉི་ཟླ་བའི་སྟེང༌།། སེམས་དཔའ་ཆེན་པོ་སྐུ་མདོག་དཀར་ལ་འཚེར།། ཐུགས་ཀར་པད་ཟླའི་སྟེང་དུ་ཨཱོྃ་དཀར་པོ། ། ཡིག་བརྒྱའི་སྔགས་ཀྱིས་བསྐོར་ལས་འོད་དང་ཟེར།། རབ་སྤྲོས་བདག་སོགས་མཁའ་མཉམ་སྡིག་སྒྲིབ་རྣམས།། བ་མོ་ཇི་མའི་འོད་ཀྱིས་བཅོམ་པ་ལྟར།། སོང་ནས་སངས་རྒྱས་ས་ལ་འཁོད་པར་དམིགས།། བཟླས་པ་སྙིང་བོའི་སྟོབས་ནི། བསྭོ་དམུ་ར་ཏ་ཧན་ཝེར་ནི་བྷྲུཾ་ཧྲུན། མུ་ཏྲེ་མུ་ཏྲེ་དམུ་ར་མུ་ཏྲེ། མུ་ཡེ་མུ་ཡེ་ཧ་ར་མུ་ཡེ། མུ་སྤྲོས་མུ་སྤྲོས་ཝེར་རོ་མུ་སྤྲོས། མུ་ནི་གྱེར་ཏོ་ཡེ་ཁྱབ་ཁར་རོ། སྤྲོས་བདལ་ཧྲི་ཧྲོ། ཝེར་ནི་ཝེར་ལོ། ཤུད་ལ་ཝེར་རོ། ན་ཧུ་ཏ་ཀ། ཤུདྡྷོ་ཤུདྡྷོ་དུ་ཤུདྡྷོ་ཡ། ས་ལེ་ས་ལེ་ཏྲི་ས་ལེ་ཡ། སང་ངེ་སང་ངེ་སུ་སང་ངེ་ཡ། དམུ་ར་ཏ་ཧན། ཁྲི་ཙེ་དྲུང་མུ། ཧ་ཧ་བྷྲུཾ་བྷྲུཾ། ཧོ་ཧོ་ལམ་ལམ། ཧཱུཾཧཱུཾ་ཕཊཿཕཊཿ འགྱོད་བཤགས་ཚིག་གི་སྟོབས་ནི། བདག་ནི་ཉོན་མོངས་དུག་ལྔའི་དབང་གྱུར་བས།། སྡིག་བཅུ་ལ་སོགས་མི་དགེ་ཅི་བགྱིས་པ།། སྐྱབས་གནས་དམ་པ་ཁྱོད་ཀྱི་མདུན་དྲུང་དུ།། མཐོལ་བཤགས་ཕུལ་ནས་ཚངས་པའི་དངོས་གྲུབ་སྩོལ།། མགོན་པོ་ཁྱོད་ནི་སངས་རྒྱས་སྤྱི་ཡི་གཟུགས།། མཁྱེན་བརྩེ་ནུས་པའི་བདག་ཉིད་རིན་པོ་ཆེ།། བདག་གི་སྒྲིབ་གཉིས་ལས་གྱུར་བག་ཆགས་རྣམས།། མཐོལ་བཤགས་ཕུལ་ནས་ཚངས་པའི་དངོས་གྲུབ་སྩོལ།། ཚེ་རབས་ཐོག་མ་དཔག་ཏུ་མེད་པ་ནས།། ད་ལྟའི་ལུས་འདི་བླངས་པ་ཡན་ཆད་དུ།། ཉེས་ལྟུང་ཉམས་པའི་དྲི་མ་ཅི་མཆིས་པ།། མཐོལ་བཤགས་ཕུལ་ནས་ཚངས་པའི་དངོས་གྲུབ་སྩོལ།། བསགས་བྱས་ལས་གསུམ་གྱིས་བསྡུས་མི་དགེའི་ཚོགས།། གང་ཡང་བདག་བློ་རྨོངས་པའི་ཉེས་སྐྱོན་གྱིས།། བླང་དོར་གནས་ལ་མཁྱེན་པའི་སྤྱན་དཀྱིས་ཐུང༌།། མཐོལ་བཤགས་ཕུལ་ནས་ཚངས་པའི་དངོས་གྲུབ་སྩོལ།། སྡོམ་སེམས་སྨོན་ལམ་གྱི་སྟོབས་ནི། དུས་གསུམ་བསགས་པའི་རྣམ་དཀར་དགེ་བ་འདིས།། བདག་ནི་སེམས་དཔའ་ཆེན་པོའི་སྐུར་གྲུབ་ནས།། མཁའ་མཉམ་འགྲོ་བ་གཅིག་ཀྱང་མ་ལུས་པ།། ཐམས་
|
