ཁྲིད་ཡིག་དམར་མོ་མཛུབ་ཚུགས་ལས་སྔོན་འགྲོའི་ཚིག་བཤད་དད་པའི་འཇུག་ངོགས་ཞེས་བྱ་བ་བཞུགས།།
|
ཅད་སངས་རྒྱས་ས་ལ་འགོད་པར་ཤོག། །། བཅུ་གཉིས་མཎྜལ་འབུལ་བ་ནི། བདག་གཞན་ལུས་ངག་ཡིད་གསུམ་དགེ་ཚོགས་བཅས།། རིན་ཆེན་མཎྜལ་ཀུན་བཟང་མཆོད་པའི་སྤྲིན།། བློ་ཡིས་བླངས་ནས་དཀོན་མཆོག་གསུམ་ལ་འབུལ།། ཐུགས་རྗེས་བཞེས་ནས་བདག་ལ་བྱིན་གྱིས་རློབས།། སྟོང་གསུམ་རིན་ཆེན་མཛེས་པའི་མཎྜལ་ལ།། རི་རབ་གླིང་བཞི་ཉི་ཟླས་བརྒྱན་པ་འདི།། བླ་མ་དཀོན་མཆོག་སྤྲུལ་བའི་སྐུ་ལ་འབུལ།། བསོད་ནམས་རྒྱུ་ཡི་ཚོགས་ཆེན་རྫོགས་པར་ཤོག། རང་ལུས་ཕུང་ཁམས་སྐྱེ་མཆེད་མཎྜལ་ལ།། དོན་སྙིང་དབང་བོ་ལྔ་ཡིས་བརྒྱན་པ་འདི།། བླ་མ་དཀོན་མཆོག་རྫོགས་པའི་སྐུ་ལ་འབུལ།། འབྲས་བུ་ཡེ་ཤེས་ཚོགས་ཆེན་རྫོགས་པར་ཤོག། སེམས་ཉིད་སྐྱེ་མེད་དོན་གྱི་མཎྜལ་ལ།། སེམས་འབྱུང་འགག་པ་མེད་པས་བརྒྱན་པ་འདི།། བླ་མ་དཀོན་མཆོག་བོན་གྱི་སྐུ་ལ་འབུལ།། ཚོགས་གཉིས་ཟུང་འཇུག་དོན་གཉིས་རྫོགས་པར་ཤོག། མཉེས་བྱེད་མཎྜལ་བཟང་པོ་འདི་ཕུལ་བས།། བྱང་ཆུབ་ལམ་ལ་བར་ཆད་མི་འབྱུང་ཞིང༌།། སྲིད་པར་མི་འཁྲུལ་ཞི་བར་མི་གནས་ཤིང༌།། ནམ་མཁའི་མཐའ་མཉམ་འགྲོ་རྣམས་སྒྲོལ་བར་ཤོག། དཔལ་ལྡན་བླ་མའི་སྐུ་ཚེ་བརྟན་པ་དང༌།། མཁའ་མཉམ་ཡོངས་ལ་བདེ་སྐྱིད་འབྱུང་བ་དང༌།། བདག་གཞན་མ་ལུས་ཚོགས་བསགས་སྒྲིབ་སྦྱང་ནས།། མྱུར་དུ་སངས་རྒྱས་ཐོབ་པར་བྱིན་གྱིས་རློབས།། བདག་སོགས་སྐྱེ་བ་ཀུན་ཏུ་ཡང་དག་པའི།། འབྲལ་མེད་ཐེག་མཆོག་དཔལ་ལ་ལོངས་སྤྱོད་ཅིང༌།། ས་ལམ་ཡོན་ཏན་མ་ལུས་རབ་རྫོགས་ནས།། སྐུ་གསུམ་མངོན་གྱུར་བཀྲ་ཤིས་ཐོབ་པར་ཤོག། བཅུ་གཉིས་པ་བླ་མའི་རྣལ་འབྱོར་ནི། རང་གི་སྤྱི་གཙུག་ཉི་ཟླ་པདྨའི་སྟེང།། སངས་རྒྱས་ཀུན་དངོས་དྲིན་ཅན་བླ་མ་ནི།། ཕྱི་ནང་གསང་བའི་ཆ་ལུགས་རྣམ་པར་བརྗིད།། བདག་ལ་མཁྱེན་དགོངས་བརྩེ་བས་གཟིགས་པར་མོས།། སྐྱེ་མེད་ཁྱབ་བདལ་ཆེན་པོའི་ཕོ་བྲང་ན།། བླ་མ་བོན་གྱི་སྐུ་ལ་གསོལ་བ་འདེབས། ། གཏི་མུག་མུན་སེལ་མེ་ལོང་ཡེ་ཤེས་རྟོགས།། བོན་སྐུའི་བྱིན་རླབས་ཀ་ནས་དག་པར་གསོལ།། འགག་མེད་རང་གསལ་དག་པའི་ཕོ་བྲང་ན།། བླ་མ་རྫོགས་པའི་སྐུ་ལ་གསོལ་བ་འདེབས།། ཞེ་སྡང་མེ་གསོད་སྟོང་ཉིད་ཡེ་ཤེས་རྟོགས།། རྫོགས་སྐུའི་བྱིན་རླབས་ལྷུན་གྱིས་གྲུབ་པར་གསོལ།། མ་ངེས་འགྲོ་བ་འདུལ་བའི་ཕོ་བྲང་ན།། བླ་མ་སྤྲུལ་བའི་སྐུ་ལ་གསོལ་བ་འདེབས།། འདོད་ཆགས་མཚོ་སྐེམ་སོ་སོར་ཡེ་ཤེས་རྟོགས།། སྤྲུལ་སྐུའི་བྱིན་རླབས་གང་ཤར་རང་གྲོལ་གསོལ།། མ་བཅོས་ལྷུན་གྲུབ་བདལ་བའི་ཕོ་བྲང་ན།། བླ་མ་མངོན་བྱང་སྐུ་ལ་གསོལ་བ་འདེབས།། ང་རྒྱལ་རི་སྙིལ་བྱ་གྲུབ་ཡེ་ཤེས་རྟོགས།། མངོན་བྱང་བྱིན་རླབས་འཁོར་འདས་དབྱེར་མེད་གསོལ།། དབྱིངས་རིག་ཡེ་ཤེས་གསལ་བའི་ཕོ་བྲང་ན།། བླ་མ་ངོ་བོ་ཉིད་སྐུར་གསོལ་བ་འདེབས།། ཕྲག་དོག་རླུང་ཞི་མཉམ་
|
