ཁྲིད་ཡིག་དམར་མོ་མཛུབ་ཚུགས་ལས་སྔོན་འགྲོའི་ཚིག་བཤད་དད་པའི་འཇུག་ངོགས་ཞེས་བྱ་བ་བཞུགས།།

ཉིད་ཡེ་ཤེས་རྟོགས།། ངང་ཉིད་བྱིན་རླབས་དོན་གཉིས་ལྷུན་གྲུབ་གསོལ།། དཔལ་ལྡན་རྩ་བའི་བླ་མ་རིན་པོ་ཆེ།། བདག་གི་སྙིང་ག་པདྨོའི་ཟེའུ་འབྲུ་ལ།།བྱང་ཆུབ་བར་དུ་འབྲལ་མེད་བཞུགས་ནས་ཀྱང༌།། བཀའ་དྲིན་ཆེན་པོས་རྗེས་སུ་གཟུང་བར་འཚལ།། དཔལ་ལྡན་བླ་མ་ཁྱེད་སྐུ་ཅི་འདྲ་བ།། འཁོར་དང་སྐུ་ཚེ་ཚད་དང་ཞིང་ཁམས་སོགས།། ཁྱེད་ཀྱི་མཚན་མཆོག་བཟང་བོ་ཅི་འདྲ་བ།། དེ་འདྲ་ཁོ་ནར་བདག་སོགས་འགྱུར་བར་ཤོག། ཁྱེད་ལ་བསྟོད་ཅིང་གསོལ་བ་བཏབ་པའི་མཐུས།། བདག་སོགས་གང་དུ་གནས་པའི་ས་ཕྱོགས་སུ།། ནད་གདོན་དབུལ་ཕོངས་འཐབ་རྩོད་ཞི་བ་དང༌།། བོན་དང་བཀྲ་ཤིས་འཕེལ་བར་མཛད་དུ་གསོལ།། །། འདི་སྐབས་ཆོས་དྲུག་འཕོ་བ་སྦྱང་ན་ལེགས། ཁྲིད་གཞུང་དུ་སྔོན་འགྲོ་མདོར་བསྡུས་ཙམ་ལས་མེད་ཀྱང༌། ཚིགས་བཤད་འདི་རྒྱས་པར་བཀྲོལ་ནས་འཆད་པར་གྱིས་དང༌། དོན་གྱི་གནད་ཐམས་ཅད་འདི་ལ་མ་འདུས་པ་མེད་པས། སྔོན་འགྲོའི་ཁྲིད་མགོ་ཐོན་པ་ཡིན་ནོ། འདི་ཡང་ཀུན་གྲོལ་གྲགས་པ་ཆེ་བ་ཅན་གྱིས་བགྱིས་པ་དགེ་ལེགས་སུ་གྱུར་ཅིག། །། མངྒ་ལཾ།།