|
རྣམ་དཀར་གྱི་དགེ་བ་ཀུན་ཏུ་སྤྱོད་པའི་སྟོབས་དང༌། སླད་ཕྱིན་སྲོག་ལ་ཐུག་ཀྱང་སྡིག་པ་མི་བྱེད་པ་དམ་བཅའ་བརྟན་པོའི་སྟོབས་དང་བཞི་ཡི་སྒོ་ནས་བཤགས་དགོས་ཏེ། ལུང་ལས།“ཉམས་པའི་རྩ་ལྟུང་སྟོབས་བཞིས་ཚངས་པར་བཤགས།། ཉེས་བྱས་དག་ན་སངས་རྒྱས་དགོངས་པ་འཆར།།”ཞེས་གསུངས་པས་སོ། བཤགས་པའི་ཐབས་ལ་ཕྱི་འདུལ་འཛིན་པ་རྣམས་ལ་གསོ་སྦྱོང་དེ་འདུལ་ཁྲིམས་ཀྱི་ག་དར་བཤགས་བྱེད་གཙོ་བོ་ཡིན་པས་དེ་ཉིད་གཙོར་ཆེ་ལ། ནང་གསང་སྔགས་ཀྱི་ལུགས་ལ་རྩ་ལག་གི་དམ་ཚིག་ཉམས་ན་བཤགས་ཐབས་ཟབ་མོ་ཚོགས་འཁོར་བསྐོར་རྒྱུ་གནད་ཆེ། ལྷག་ཏུ་དེང་སྐབས་ གསང་སྔགས་དར་ལ་མ་སྨིན་པའི་དུས་འདིར་སྐྱ་སེར་ཕལ་ཆེར་དབང་སྒོར་ཞུགས་ཏེ་ཁས་ལེན་དམ་བཅའ་མང་ལ། དམ་ཚིག་སྲུང་མཁན་ཉུང་བས་ཚོགས་འཁོར་གཏོང་རྒྱུ་ཤིན་ཏུ་གནད་ཆེ་སྟེ། གསང་འདིས་དོན་རྒྱུད་ལས། བཤགས་རྟེན་ཟབ་མོ་ཚོགས་ཀྱི་འཁོར་ལོ་བཏེགས་ཞེས་གསུངས་སོ། འགྲོ་བ་ཐུན་མོང་ལ་བཤགས་ཐབས་འཇུག་བདེ་ཕན་ཆེ་འོག་གི་སྒྲིབ་སྦྱོང་སྐོར་བཞི་དང༌། བཤགས་པའི་ཚིག་བཤད་འདི་དག་ཡིན།
བཞི་བ། བོན་སྤྱོད་སྒྲིབ་སྦྱོང་སྐོར་བཞི།
ས་ལེ་འོད་དང༌། མ་ཏྲི། དུ་ཏྲི་སུ་གསུམ་ལ་སྙིང་བོ་རྣམ་གསུམ་ཟེར་ཞིང་དེའི་སྟེང་ཡིག་བརྒྱ་བསྣན་པས་སྒྲིབ་སྦྱོང་སྐོར་བཞི་ཟེར་བས་ཡོན་ཏན་གྱི་ཆ་ནས་ས་ལེ་འོད་ལ་གསལ་བ་དགུ་འཛབ་དང༌། མ་ཏྲི་ལ་བཟླས་ཆོག་རིན་ཆེན་སྒྲོན་མ། དུ་ཏྲི་སུ་ལ་ངན་སོང་དོང་སྤྲུག་གི་སྙིང་བོ། ཡིག་བརྒྱ་ལ་བཤགས་པའི་རྒྱལ་བོ་ཞེས་ཀྱང་བརྗོད། སྙིང་བོ་རྣམ་གསུམ་དེ་གཞི་ལམ་འབྲས་གསུམ་གྱི་དབང་དུ་བྱས་ན། ཐོབ་བྱ་འབྲས་བུའི་སྒོ་ནས་སྐུ་གསུམ་གྱི་སྙིང་བོ་དང༌། ཐོབ་བྱེད་ལམ་གྱི་སྒོ་ནས་མདོ་སྔགས་སེམས་གསུམ་གྱི་ཡང་སྙིང༌། སྦྱང་བྱ་གཞི་ཡི་སྒོ་ནས་ལུས་ངག་ཡིད་གསུམ་གྱི་སྒྲིབ་པ་སྦྱོང་བྱེད་དུ་བསྔགས་པའོ། སྤྱིར་བོན་སྒོ་རྒྱས་པ་བློ་ཡིས་མ་ལྕོགས་ཚེ་སྟོན་པས་འགྲོ་བ་ཐུན་མོང་གི་འཇུག་སྒོར་བོན་སྒོ་ཚང་མའི་འདུས་དོན་ཕན་ཆེ་འཇུག་བདེ་རུ་དགོངས་ནས་གསུངས་ཏེ། འདི་དག་བོན་ ཐམས་ཅད་ཀྱི་སྙིང་བོ་ལུས་ལ་བཏགས་ན་བཏགས་ཆོག་དང༌། ངག་ཏུ་བཟླས་ན་བཟླས་ཆོག ཡིད་ལ་དྲན་ན་དྲན་ཆོག སྒྲ་ཙམ་ཐོས་ན་ཐོས་ཆོག བཀའ་རྣམས་འདུས་པའི་ཡང་སྙིང༌། བོན་རྣམས་ཀུན་གྱི་ཡང་བཅུད་ཡིན་ཞེས་ལུང་ལས་གསལ་བར་བཤད་ལ། རྒྱུན་དུ་མ་བརྗེད་ཡི་དམ་བྱས་ཏེ་བཟླས་ན། ཕྱི་ནང་གི་བར་ཆད་ཞི་ཞིང་སྒོ་གསུམ་གྱི་སྡིག་སྒྲིབ་ཐམས་ཅད་བྱང་བར་འགྱུར་ཏེ། སྙིང་བོ་བརྒྱ་ཡིས་ལུས་ཀྱི་སྒྲིབ་པ་བྱང་བ་དང༌། སྟོང་གིས་ངག་གི་སྒྲིབ་པ་བྱང༌། ཁྲི་ཡིས་ཡིད་ཀྱི་སྒྲིབ་པ་བྱང༌། འབུམ་གྱིས་ཉོན་མོངས་སྒྲིབ་པ་བྱང༌། ས་ཡས་ས་རེ་ནོན་ཏེ་ཤེས་སྒྲིབ་བྱང༌། བྱེ་བས་བདག་གཞན་དོན་
|
