སངས་རྒྱས་བོན་གྱི་འཇུག་སྒོ་ཐོག་མ་སྔོན་འགྲོའི་བསགས་སྦྱོང་གི་སྙིང་དོན་སྐོར་བཞུགས་སོ།
|
དཔག་རམ་སྭ་ཧཱ། བསྭོ་དམུ་ར་ཏ་ཧན་ཝེར་ནི་བྲུཾ་ཧྲུན། དམུ་ཏྲེ་དམུ་ཏྲེ་དམུ་ར་དམུ་ཏྲེ། མུ་ཡེ་མུ་ཡེ་ཧ་ར་མུ་ཡེ། མུ་སྤྲོས་མུ་སྤྲོས་ཝེར་རོ་མུ་སྤྲོས། མུ་ནི་གྱེར་ཏོ་ཡེ་ཁྱབ་ཁར་རོ། སྤྲོས་བདལ་ཧྲི་ཧྲོ། ཝེར་ནི་ཝེར་རོ། ཤུད་ལ་ཝེར་རོ་ན་ཧུ་ཏ་ཀ། ཤུདྡྷོ་ཤུདྡྷོ་དུ་ཤུདྡྷོ་ཡ། ས་ལེ་ས་ལེ་ཏྲི་ས་ལེ་ཡ། སང་ངེ་སང་ངེ་སུ་སང་ངེ་ཡ། དམུ་ར་ཏ་ཧན་ཁྲི་རྩེ་དྲུང་མུ། ཧ་ཧ་བྲུཾ་བྲུཾ། ཧོ་ཧོ་ལམ་ལམ། ཧཱུྃ་ཧཱུྃ་ཕཊཿཕཊཿཞེས་བརྒྱ་སྟོང་ཁྲི་འབུམ་གང་འགྲུབ་བགྲངས་ལ་སྔགས་ཀྱི་འབྲུ་དོན་ནི། བསྭོ་ནི་སྔགས་ཀྱི་མགོ་འདྲེན་སྐུ་གསུམ་དང་སྐུ་གསུང་ཐུགས་ཀྱི་སྙིང་བོ་ཡིན་ཏེ། བ་ནི་བོན་སྐུ་ཐུགས་ཀྱི་སྙིང་བོ། ས་ནི་རྫོགས་སྐུ་སྐུའི་སྙིང་བོ། ན་རོ་སྤྲུལ་སྐུ་གསུང་གི་སྙིང་པོའོ།། དམུ་ར་ཏ་ཧན་ནི་ཕྱོགས་བཅུའི་གཤེན་ཀྱི་སྙིང་བོ། ཝེར་ནི་བྲུཾ་ཧྲུན་རྒྱལ་བ་གཞལ་ཡས་སུ་བཞུགས་པ་སྟེ་རྟེན་དང་བརྟེན་པའི་སྙིང་བོ། དམུ་ཏྲེ་དམུ་ཏྲེ་ནི་སྣང་བཅས་དང་སྣང་མེད་ཀྱི་བོན་སྐུ་རྣམ་གཉིས་དོན། དམུ་ར་དམུ་ཏྲེ་ནི་དབྱིངས་ཤེས་ཀྱི་བོན་སྐུ། མུ་ཡེ་མུ་ཡེ་ནི་ཞི་བ་དང་ཁྲོ་བོ་སྟེ་ལོངས་སྐུ་རྣམ་གཉིས་ཀྱི་དོན། ཝེར་རོ་མུ་སྤྲོས་ནི་རྒྱལ་བ་སྤྲུལ་སྐུའི་སྙིང་བོ། མུ་ནི་གྱེར་ཏོ་ནི་ཇི་ལྟ་བ་དང་ཇི་སྙེད་མཁྱེན་པའི་ཡེ་ཤེས། ཡེ་ཁྱབ་ཁར་རོ་ནི་འདུལ་ཞིང་ལ་འོད་ཟེར་འགྱེད་པའི་དོན། སྤྲོས་བདལ་ཧྲི་ཧྲོ་ནི་གདུལ་བྱར་རིག་ཤེས་བསྐྱེད་པའི་དོན། ཝེར་ནི་ཝེར་རོ་ནི་རྒོལ་ངན་བདུད་ལས་རྣམ་པར་རྒྱལ་བའི་དོན། ཤུད་ལ་ཝེར་རོ་ནི་བགེགས་ལས་རྣམ་པར་རྒྱལ་བའི་དོན། ན་ཧུ་ཏ་ཀ་ནི་སྡིག་པ་ཐམས་ཅད་སྦྱང་བྱའི་སྙིང་བོ། ཤུདྡྷོ་ཤུདྡྷོ་ནི་དག་པ་དག་པ་སྟེ་སྦྱོང་བྱེད་ཀྱི་སྙིང་བོ། དུ་ཤུདྡྷོ་ཡ་ནི་ཞེ་སྡང་དག་པར་གྱིས། ས་ལེ་ས་ལེ་ནི་ཡེ་ཤེས་གསལ་བ། ཏྲི་ས་ལེ་ཡ་ནི་འདོད་ཆགས་ཡེ་ཤེས་སུ་གསལ་བར་གྱིས། སང་ངེ་སང་ངེ་ནི་ཚངས་པར་མཛོད་ཚངས་པར་མཛོད། སུ་སང་ངེ་ཡ་ནི་གཏི་མུག་ཚངས་ཤིང་དག་པར་གྱིས། དམུ་ར་ཏ་ཧན་ནི་རྫོགས་པའི་སངས་རྒྱས་དང་གཤེན་རབ་མི་བོའི་སྙིང་བོ། ཁྲི་རྩེ་དྲུང་མུ་ནི། འབྲས་བུ་གཡུང་དྲུང་གི་དོན། ཧ་ཧ་ནི་ཐབས་དང་ཤེས་རབ། བྲུཾ་བྲུཾ་ནི་ཞིང་ཁམས་དང་གཞལ་ཡས་ཀྱི་དོན། ཧོ་ཧོ་ནི་སྐུ་བསྐྱེད་ཀྱི་སྙིང་བོ། ལམ་ལམ་ནི་འགྲོ་དོན་ཕྱོགས་མེད་ཀྱི་དོན།ཧཱུཾ་ཧཱུཾ་ནི་ཐུགས་རྗེ་ཆེན་པོའི་དོན། ཕཊ་ཕཊ་ནི་ཐུགས་རྗེ་དྲག་སྐུལ་གྱི་དོན་ཡིན་ནོ། དེས་ན་ཡིག་བརྒྱ་འདི་ཕྱི་སོ་ཐར་གྱི་སྡོམ་པ་འགལ་བ་དང༌། ནང་བྱང་སེམས་ཀྱི་བསླབ་པ་འགལ་བ། གསང་བ་སྔགས་ཀྱི་དམ་ཚིག་ཉམས་པ་ལ་སོགས་སྡིག་པ་མི་དགེའི་ལས་ཐམས་ཅད་དག་བྱེད་བཤགས་པའི་རྒྱལ་བོ་ཡིག་བརྒྱ་ཕན་ཡོན་ཆེ་བ། སྟོན་པ་སངས་
|
