|
དང་པོ་ནས་བདུན་པའི་བར། སྦྱོར་བ་མཚམས་མེད་སྦྱང་བ་ཡི། །ལོ་པཎ་དབུ་དགུ་མཆོད་པའི་རྟེན། །༡ སྨེ་བ་མཚམས་མེད་དབུ་བརྒྱད་དེ།༢ གཉེན་པོ་མཚམས་མེད་དབུ་བདུན་འབྱང་།༣ སྒྲོལ་བ་དག་ནི་དབུ་ལྔ་ལ།༤ གཅད་པ་མཚམས་མེད་དབུ་བཞི་སྟེ།༥ དེ་ལ་ཉེ་བ་དབུ་གསུམ་སྦྱང་།༦ ལྗི་བ་དབུ་གཉིས་དག་གིས་འབྱང་།༧
བརྒྱད་ནས་བཅུ་བར་གསུམ་ནི། ལོག་པ་བརྒྱད་དང་འཁྲུལ་བ་དགུ །མི་དགེ་བཅུ་བོ་སྦྱོང་བྱེད་པ། །ཁྲི་གདན་བརྒྱད་དགུ་བདུན་མཆོད་པའི་རྟེན། །
བཅུ་གཅིག་ནས་བཅོ་ལྔའི་བར་ལྔ་ནི། དུག་ལྔ་ཉོན་མོངས་འདུལ་བ་ཡི། །བྱམས་པ་སྒྲིབ་སེལ་སྦྱིན་པ་སོགས། །ཡེ་ཤེས་ཚོགས་ཆེན་ཞི་བ་ལྡན། །
བཅུ་དྲུག་ནས་བཅུ་དགུའི་བར་ནི། སྲོག་གཅོད་པ་དང་མ་བྱིན་བླང་། མི་ཚངས་སྤྱོད་དང་རྫུན་གྱུར་བ། དེ་དག་སྦྱོང་བྱེད་མཆོད་པའི་རྟེན། །
ཉི་ཤུ་ནས་ཉེར་བཞིའི་བར་ནི། ཟས་གོས་གྲོགས་དང་ཁྲི་གདན་བཞི། །དེ་དག་སྦྱོང་བ་མཆོད་པའི་རྟེན། །
ལྔ་བ། ཚོགས་གཉིས་ཡོངས་རྫོགས་མཆོད་རྟེན་ཉེར་བཞི།
དང་པོ། གསང་བ་གཏིང་རྫོགས་གྲུབ་པ་ཡི། །གཡུང་དྲུང་ལྷ་རྩེ་མཆོད་པའི་རྟེན། །
གཉིས་པ། གསང་བ་གཏིང་རྫོགས་སྤྲུལ་བའི་མཁར། །ལི་ལི་བང་བང་མཆོད་པའི་རྟེན། །
གསུམ་པ། གསང་བ་གཏིང་རྫོགས་སྤྲུལ་བའི་གནས། །ཁྲི་བརྩེགས་རྒྱལ་འདུས་མཆོད་པའི་རྟེན། །
བཞི་བ། ལྟུང་བ་ལྷ་ཡི་སྡུག་བསྔལ་སེལ། །ལོ་པཎ་དགུ་བརྩེགས་མཆོད་པའི་རྟེན། །
ལྔ་བ། ལྷ་མིན་འཐབ་རྩོད་སྒྲིབ་སྦྱང་བའི། །རྒྱལ་བ་རྩེ་དགུ་མཆོད་པའི་རྟེན། །
དྲུག་པ། གླིང་བཞི་སྐོས་དང་ཁ་དོག་གསལ། །ལོ་པཎ་དབུ་ལྔ་མཆོད་པའི་རྟེན། །
བདུན་པ། པད་མའི་སྙིང་པོ་ཆུ་ཟླ་འོད། །དགའ་མཛེས་པད་མ་མཆོད་པའི་རྟེན། །
བརྒྱད་པ། ཨུ་དུག་སྒྲ་དང་རྣོ་ངར་འཇིལ། །སྒྲ་སྙན་བསིལ་མོ་མཆོད་པའི་རྟེན། །
དགུ་བ། ཁྲོ་གཏུམ་གསད་བཅད་གདུག་པ་འཇིལ། །བདུད་འདུལ་སྒྲ་སྙན་མཆོད་པའི་རྟེན། །
བཅུ་བ། མི་བདེ་སྡུག་བསྔལ་ཉོན་མོངས་འཇིལ། །དགའ་རབ་དབང་ལྡན་མཆོད་པའི་རྟེན། །
བཅུ་གཅིག སྦྱིན་པ་ཚོགས་ཆེན་རབ་རྫོགས་པས། །སྒོ་བརྒྱད་དབུ་མང་མཆོད་པའི་རྟེན། །
བཅུ་གཉིས། ཚུལ་ཁྲིམས་འཆལ་བ་མེད་པ་ཡི། །ལྷ་རྩེ་གསང་བ་མཆོད་པའི་རྟེན། །
བཅུ་གསུམ། བཟོད་ཐོབ་བྱུང་ཚོར་མེད་པ་ཡི། །ཁྲི་མང་ལྷ་རྩེ་མཆོད་པའི་རྟེན། །
བཅུ་བཞི། བརྩོན་འགྲུས་མྱུར་མགྱོགས་ལྡན་པ་ཡི། །དཀའ་བ་རྣམ་བརྩེ་མཆོད་པའི་རྟེན། །
བཅོ་ལྔ། བསམ་གཏན་འགྱུར་ལྡོག་མེད་པ་ཡི། །མི་འགྱུར་གཡུང་དྲུང་མཆོད་པའི་རྟེན། །
བཅུ་དྲུག ཐོགས་མེད་སྟོབས་ཤུགས་ལྡན་པ་ཡི། །རྒྱལ་བ་ཁྲི་གླིང་མཆོད་པའི་རྟེན། །
བཅུ་བདུན། སྙིང་རྗེ་བདག་ཕྱོགས་མེད་པ་ཡི། །ཚད་མེད་ཡོངས་འདུལ་མཆོད་པའི་རྟེན། །
བཅོ་བརྒྱད། སྨོན་ལམ་རེ་དྭོགས་མེད་པ་ཡི། །ཡིད་བཞིན་འབྱུང་གནས་མཆོད་པའི་རྟེན། །
བཅུ་དགུ། ཐབས་མཆོག་རྨོངས་པ་མེད་པ་ཡི། །དབང་བསྒྱུར་འཁོར་ལོ་མཆོད་པའི་རྟེན། །
ཉི་ཤུ། ཤེས་རབ་དོན་ལ་འཁྲུལ་མེད་པའི། །ཡེ་ཤེས་རྩེ་གླིང་མཆོད་པའི་རྟེན། །
ཉེར་གཅིག་ནས་ཉེར་བཞིའི་བར། བྱམས་པ་འཕྲལ་གླིང་ཤེལ་མདོག་ལྗང་། ། ཞེས་པ་དཀར། ཀུན་སྣང་འཕྲུལ་གླིང་ཤེལ་མདོག་ལྗང་། ཞེས་པ་ལྗང་ཁུ། ཡིད་བཞིན་འཕྲུལ་གླིང་ཤེལ་གླིང་ཟངས་འོད་འབར། །ཞེས་པ་དམར་པོ། རྒྱན་རྫོགས་འཕྲུལ་གླིང་གསེར་མདོག་སེར། ། ཞེས་པ་སེར་པོ།
དྲུག་པ། བཀྲ་ཤིས་བསྐྱེད་པའི་མཆོད་རྟེན་ཉེར་བཞི།
དང་པོ། འཇིག་རྟེན་ཞིང་ཁམས་བདེ་ལེགས་བསྐྱེད། །བཀྲ་ཤིས་སྒོ་མང་མཆོད་པའི་རྟེན། །
གཉིས་པ། མི་ཕྱྭ་ལྡན་ཞིང་ཚེ་བསྲིང་བའི། །བཀྲ་ཤིས་དབུ་མང་མཆོད་པའི་རྟེན། །
གསུམ་པ། གཡེན་ཁམས་སྐྱོང་ཞིང་བྱིན་ལེགས་པའི། །དཔལ་ཁྱུད་འཁོར་མོ་མཆོད་པའི་རྟེན། །
བཞི་བ། དཔལ་ཁ་བསྐྱེད་ཅིང་ཕྱྭ་རྒྱས་པའི། །ཕྱྭ་ར་ཁྱུད་མོ་མཆོད་པའི་རྟེན། །
ལྔ་བ། རིགས་རྒྱུད་སྤེལ་ཞིང་དམུ་ཐག་འཛིན། །གཡུང་དྲུང་དཔལ་བསྐྱེད་མཆོད་པའི་རྟེན། །
དྲུག་པ། བསོད་ནམས་འཕེལ་ཞིང་ཕུན་ཚོགས་པའི། །བསོད་ནམས་ལོངས་སྤྱོད་མཆོད་པའི་རྟེན།
བདུན་པ། ཤར་གླིང་ཉི་མའི་འོད་སྐྱོང་བའི། །བཀྲ་ཤིས་ཁྲི་སྐོས་མཆོད་པའི་རྟེན། །
བརྒྱད་པ། བྱང་གླིང་བཀྲ་ཤིས་རྫས་བརྒྱད་སྐྱོང་། །བཀྲ་ཤིས་ལྷན་པོ་མཆོད་པའི་རྟེན། །
དགུ་བ། ནུབ་གླིང་ཟླ་བའི་ཟེར་ལྡན་པའི། །བཀྲ་ཤིས་འོད་འབར་མཆོད་པའི་རྟེན། །
བཅུ་བ། ལྷོ་གླིང་རིན་ཆེན་ནོར་སྐྱོང་བའི། །བཀྲ་ཤིས་ཟླ་བརྒྱད་མཆོད་པའི་རྟེན། །
བཅུ་གཅིག ལྷོ་ཤར་བསོད་ནམས་ཚོགས་སྐྱོང་བའི། །མཛེས་པ་མངོན་གྱུར་མཆོད་པའི་རྟེན། །
བཅུ་གཉིས། བྱང་ཤར་དཔལ་གྱི་འཁོར་སྐྱོང་བའི། །དཔལ་ཐོག་གསུམ་པོ་མཆོད་པའི་རྟེན། །
བཅུ་གསུམ། བྱང་ནུབ་སྐར་མའི་འོད་སྐྱོང་བའི། །བྲག་བཙན་གླིང་བཀྲ་མཆོད་པའི་རྟེན། །
བཅུ་བཞི། ལྷོ་ནུབ་ཕྱྭ་གཡང་ཚོགས་སྐྱོང་བའི། །དམུ་ཞག་འཁྱིལ་མོ་མཆོད་པའི་རྟེན། །
བཅོ་ལྔ། སྟེང་ཕྱོགས་འཇིག་རྟེན་དགའ་བདེ་བསྐྱེད། །ཚངས་པ་ལྷ་རྩེ་མཆོད་པའི་རྟེན། །
བཅུ་དྲུག འོག་ཕྱོགས་བསོད་ནམས་ལྷུན་པོའི་རྟེན། །བཀྲ་ཤིས་གླིང་བརྟན་མཆོད་པའི་རྟེན། །
བཅུ་བདུན། བདུད་ཀྱི་ཁ་གནོན་ཁྲམ་ཁ་བསྒྱུར། །ཟོ་བོ་ལྕགས་རྩེ་མཆོད་པའི་རྟེན། །
བཅོ་བརྒྱད། བཙན་གྱི་ཁ་གནོན་རྒྱུག་ལམ་གཅོད། །ཟངས་གླིང་མེལ་ཚེ་མཆོད་པའི་རྟེན། །
བཅུ་དགུ། དམུ་ཡི་ཁ་གནོན་དལ་ཡམས་བསྒྱུར། །ཁྲོ་བརྒྱད་རྩེ་བཞི་དམུ་བདུད་མཆོད་པའི་རྟེན། །
ཉི་ཤུ། མ་མོའི་ཁ་གནོན་མ་ཡམས་བཏུལ། །དགུ་ར་ཆུད་འདུལ་མཆོད་པའི་རྟེན། །
ཉེར་གཅིག དལ་ཁ་གཅོད་ཅིང་རིམ་ཁ་བསྒྱུར། །འོད་ཟེར་གླིང་བརྩེགས་མཆོད་པའི་རྟེན། །
ཉེར་གཉིས། ཟེར་ཁ་སྐྱོང་ཞིང་ཆོ་དགུ་གཅོད། །ཁྲི་ནེ་བེང་ཐོག་མཆོད་པའི་རྟེན། །
ཉེར་གསུམ། སྐོས་དྲུག་སྐྱོང་ཞིང་གཟེད་ཁ་བསྒྱུར། །ཟོ་བོ་བཙན་ཐོག་མཆོད་པའི་རྟེན། །
འདིར་ཉེར་བཞི་བ་མ་ཚང་བ་ལྟ་བུ་འདུག་གོ །
དཔོན་སློབ་བསྟན་འཛིན་རྣམ་དག་རིན་པོ་ཆེའི་གསུང་འབུམ་པོད་ལྔ་བ་ལས་བཏུས། |
