བར་དོའི་ངོ་སྤྲོད་གསེར་གྱི་མེ་ལོང་བཞུགས། །
| ཤར་ཏེ། ས་རླུང་ལོག་པའི་ཁང་རྡིབ་དང་རི་སྙིལ་ལྟ་བུ་ཆུ་རླུང་ལོག་པའི་རྒྱ་མཚོ་ཆུ་ཆེན་དུ་བྱིང་བ། མེ་རླུང་ལོག་པའི་རི་ལུང་མེ་ཡིས་ཚིག་པ། རླུང་གི་རླུང་ལོག་པའི་རླུང་ནག་འཚུབ་མས་ཁྱེར་རོ་སྙམ་པའི་འཇིགས་པ་ཤར། དུག་གསུམ་ལས་བྱུང་བའི་གཡང་ཟ་དཀར་དམར་ནག་གསུམ་དུ་མཐོང་། གཞན་ཡང་ཚེ་འདིར་སྡིག་པ་གང་བསགས་ཀྱི་ལན་ཆགས་སྙེགས་པ། ཆར་མུན་དང་ལྷགས་པ་ཆེན་པོས་བཏབ། རྣག་ཁྲག་གི་སེར་བས་བརྡུང་བ་སོགས་སྡུག་བསྔལ་དཔག་མེད་འཆར་བ་སྟེ། རྒྱུད་ལས། ལྷ་འདྲེས་སྡང་བྱས་འཆི་བདག་བདུད་ཀྱིས་དེད། ལས་ཀྱི་གཤིན་རྗེས་ཁྲིད་ནས་དགེ་སྡིག་བརྩི། ཞེས་གསུངས་སོ། དེའང་ཡར་མར་ཟར་ཐལ་མ་གཏོགས་ཚེ་འདས་ཕལ་ཆེར་གྱི་རྣམ་ཤེས་བདུན་ཕྲག་བདུན་དུ་སྡུམ་དང་སྡུམ་ཁྱིམ་གྱི་ཚུལ་དུ་འཁོར་བ་སྟེ། རྒྱུད་ལས། ཚེ་ཚད་བདུན་ཕྲག་བདུན་ནམ་བསྐལ་བ་བདུན། ཞེས་སོ། བདུན་ཕྲག་རེ་རེའི་མཚམས་སུ་སྐྱེ་ཤིའི་སྣང་བདུན་ཚིགས་ཀྱི་སྐབས་སུ་འཕོ་ཆོག་དང་སྨོན་ལམ་སོགས་གལ་ཆེའོ། བ་རེ་རེ་འབྱུང་ཞིང་། སྐྱེ་བ་ལེན་ན་ཡང་དེའི་དུས་སུ་ལེན་ལ། བདུན་དུ་སྐྱེས་ཡང་རྫུས་ནས་སྐྱེ་ལ་སྐྱེ་འཆི་སྐད་ཅིག་ལ་བྱེད་དོ། ལུས་ལེན་ན་སྐྱེ་བ་སྔ་རྟགས་སུ་འོད་ལམ་སོ་སོར་འཆར་ཏེ། ཡང་རྩེ་ལས། ལམ་དུ་འོད་ལྔ་འཛིན་པས་བཟུང་། ། སྔོན་གྱི་ལས་ཀྱིས་གང་མཐུན་དུ། ། སྐྱེ་ལུས་ལེན་ཞིང་ཁྲིད་པར་བྱེད། ། ཅེས་པས། འོག་གི་ལྟུང་སྒོ་འོད་ལམ་ནག་པོའི་ནང་དུ་མ་འགྲོ ། དམྱལ་བ་ཚ་གྲང་གི་ཡུལ་དུ་འགྲོ་བའི་ལམ་ཡིན། ནུབ་སྒོ་འོད་ལམ་དམར་པོའི་ནང་དུ་མ་འགྲོ། ཡི་དྭགས་བཀྲེས་སྐོམ་གྱི་ཡུལ་དུ་འགྲོ་བའི་ལམ་ཡིན། ཤར་སྒོ་འོད་ལམ་མཐིང་གའི་ནང་དུ་མ་འགྲོ། བྱོ་སོང་གླེན་ལྐུགས་ཀྱི་ཡུལ་དུ་འགྲོ་བའི་ལམ་ཡིན། ལྷོ་སྒོ་འོད་ལམ་སེར་པོའི་ནང་དུ་མ་འགྲོ། མི་བྲེལ་ཕོངས་ཀྱི་ཡུལ་དུ་འགྲོ་བའི་ལམ་ཡིན། བྱང་སྒོ་འོད་ལམ་ལྗང་གུའི་ནང་དུ་མ་འགྲོ། ལྷ་མིན་འཐབ་རྩོད་ཀྱི་ཡུལ་དུ་འགྲོ་བའི་ལམ་ཡིན། སྟེང་སྒོ་འོད་ལམ་སྐྱ་བོའི་ནང་དུ་མ་འགྲོ། ལྷ་ཕམ་ལྟུང་གི་ཡུལ་དུ་འགྲོ་བའི་ལམ་ཡིན། སྟེང་མཐོངས་འོད་ལམ་དཀར་པོ་དེ་ཐར་བའི་ལམ་ཡིན། ལམ་སྣེ་ན་འོག་མིན་བདེ་བ་ཆེན་པོའི་ཞིང་ཁམས་ཡོད། དེ་རུ་སྐྱབས་གནས་ཞི་ཁྲོ་ལྷ་ཚོགས་བཞུགས་པས་དེ་རུ་སོང་ཞིག དེ་དག་ལའང་ལས་དབང་གི་འགྲོ་མ་ཐུབ་ན། སྐྱེ་བ་ཕྱི་མའི་ལུས་ལེན་དུ་ཉེ་བས། དེའི་ཚེ། ཡང་རྩེ་ལས། ངན་སོང་གསུམ་དུ་སྐྱེ་འགྱུར་ན། ། ཐུར་ལ་འགྲོ་ཞིང་སྤྱི་ཚུགས་འགྲོ ། ལྷ་དང་ལྷ་མིན་སྐྱེ་འགྱུར་ན། ། གྱེན་ལ་འགྲོ་བའི་སྣང་བ་འབྱུང་། ། མི་ཡི་གནས་སུ་སྐྱེ་འགྱུར་ན། ། རྩིབས་དང་འཕྲེད་ལ་འགྲོ་བའི་སྣང་བ་འབྱུང་། ། ཞེས་དང་ཡང་ན་མགོ་ཡང་ལྷ་མིར་སྐྱེ་ན་གྱེན། ལྷ་མིན་དང་བྱོལ་སོང་ |
<< བདེར་བཤེགས་མཆོད་རྟེན་རྣམ་བརྒྱད་ཀྱི་ཐིག་རྩ་མདོར་བསྡུས་བཞུགས་སོ། །སྔོན་འགྲོའི་ངག་འདོན་བསླབ་གསུམ་རིན་ཆེན་འདྲེན་པའི་ཤིང་རྟ་ཞེས་བྱ་བ་བཞུགས་སོ། ། >>
དཔྱད་གཏམ་ཡོངས་ལ་གཟིགས་པ།
