བར་དོའི་ངོ་སྤྲོད་གསེར་གྱི་མེ་ལོང་བཞུགས། །
| འཕྲད། དམྱལ་བ་དང་ཡི་དྭགས་ཐུར་དུ་སྟོན་ཞིང་། ཕ་རོལ་སྣང་བའི་འཆར་ལུགས་ལ། དམྱལ་བ་ལ་སྡོང་དུམ། ཡི་དྭགས་ལ་ཆུའམ་དུ་བ། བྱོལ་སོང་ལ་ཁྲག་མཚོ། ལྷ་མིན་ལ་ཁ་ཆར་རྣམས་སུ་སྣང་བ་ནི། ད་གདོད་གནས་དེ་དག་ཏུ་སྐད་ཅིག་ལ་སྐྱེ་བའི་རྟགས་ཡིན་ལ། མངོན་གྱུར་དུ་ལྷ་ལ་ཁང་བཟང་དང་མེ་ཏོག་གི་ཚལ། ལྷ་མིན་ལ་དམག་འཁྲུགས་དང་རླུང་འཚུབ་ཀྱི་གསེབ། བྱོལ་སོང་ལ་སྤྱིལ་པོའམ་ན་བུན་གྱི་ནང་། ཡི་དྭགས་འདམ་རྫབས་སམ་གྲོག་པོ་ཕུག་རྡུགས། དམྱལ་བ་ལ་ས་དོང་ནག་པོའམ་ལྕགས་ཀྱི་གྲོང་ཁྱེར་མུན་ནག་གཏིབས་པ་སྟེ། དེ་དག་ཏུ་འཛིན་པ་ཞུགས་ནས་འཁོར་ཞིང་དེར་འདུག་པ་སྙམ་བྱེད་ན། ཕྱི་མའི་སྐྱེ་གནས་སུ་ཚུད་པ་ཉེ་བས་དེ་དག་ལ་མ་འཇུག། མིའི་སྐྱེ་གནས་ལ་རྟགས་མ་ངེས་པ་འབྱུང་སྟེ། ལུས་འཕགས་པོར་ངང་པས་བརྒྱན་པའི་མཚོ། དེ་བཞིན་དུ་བ་གླང་སྤྱོད་དུ་གླང་། སྒྲ་མི་སྙན་དུ་རྟས་བརྒྱན་པའི་མཚོ། འཛམ་གླིང་ལའང་ན་བུན་གྱི་ནང་དུ་འགྲོ་ན་མཐའ་འཁོབ། རབ་ཏུ་གྲང་བ་སྙམ་ན་མི་ལུས་ཙམ་པོ། རྨུགས་པའི་ནང་དུ་འགྲོ་ན་དབང་བོ་མི་ཚང་པ། སྐྱེ་བོ་འདུག་པའི་གསེབ་ན་འདུག་སྙམ་བྱེད་ན། མི་ལུས་རིན་པོ་ཆེའི་མངལ་དུ་ཚུད་པ་ཉེ་བའི་རྟགས་སོ། དེ་ཡང་འདོད་པར་སྐྱེ་ན་ཡུལ། གཟུགས་སུ་སྐྱེ་ན་འོད། གཟུགས་མེད་ལ་ཅི་ཡང་མེད་པའི་སེམས་གནས་ལ་དགའ་གདུང་སྟེ། གང་དུ་སྐྱེ་བའི་གནས་ཡིད་ལ་ལྷག་པ་འོང་ཞིང་ཆགས། དེ་ལས་གཞན་པ་ལ་སྡང་སྐྱེ་ཞིང་། རང་ཉིད་ཕོ་རུ་སྐྱེ་ན་མ་ལ་ཆགས་ཤིང་ཕ་ལ་སྡང་བ། མོ་རུ་སྐྱེ་ན་ཕ་ལ་ཆགས་ཤིང་མ་ལ་སྡང་བ་སྐྱེ་བའོ། མདོར་ན་སྲིད་པའི་བར་དོ་འདིར་ཆགས་སྡང་གཉིས་ཀྱིས་གནས་མཐོ་དམན་དུ་བརྒྱུད་པས། རབ་ཆགས་སྡང་རང་རིག་ཡེ་ཤེས་སུ་ངོས་བཟུང་ལ་སྐྱེ་གནས་ལས་བཟློག འབྲིང་གིས་སྒྱུ་མ་རྨི་ལམ་ཙམ་དུ་ཤེས་པར་བྱོས་ལ་བཟློག ཐ་མས་སྐྱེ་གནས་ངན་པ་བཀག་ཅིང་བཟང་པོ་འདམ་པ་བྱ་སྟེ། རྒྱུད་ལས། ཕ་རོལ་བར་དོར་ཆགས་སྡང་འཁྲུལ་བ་ཡིན། ཞེས་དང་། ཕ་རོལ་ཤེས་བཞིན་ཆགས་སྡང་ཡེ་ཤེས་བསྲེ། ཞེས་གསུངས་སོ། གང་དུ་སྐྱེ་གནས་བཞི་བོ་ལས་མི་འདའ་སྟེ། མངལ་སྒོང་རྫུས་དྲོད་གཤེར་གང་རུང་ལས་འགྲོ་དྲུག་སོ་སོའི་ལུས་སུ་སྐྱེའོ། དེ་ནས་སྲིད་པའི་བར་དོར་སྤར་ཆོག་ནི། འོ་རིགས་ཀྱི་བུ། ཁྱོད་རང་གི་སྤྱི་གཙུག་ཐད་ཀྱི་ནམ་མཁའ་ལ། སངས་རྒྱས་སྨོན་ལམ་མཐའ་ཡས་སྐུ་མདོག་དམར་པོ་ལོངས་སྤྱོད་རྫོགས་སྐུའི་ཆ་ལུགས་སུ་བཞུགས་པའི་ཐུགས་ཀར་འོད་ཀྱི་འཁོར་ལོའི་དབུས་སུ་ཨཱཿདཀར་པོར་བསམ། ཁྱོད་རང་གི་རྣམ་ཤེས་ཀྱང་ཨཱཿདཀར་པོ་གཅིག་ཏུ་གྱུར་ཏེ། སྨོན་ལམ་མཐའ་ཡས་ཀྱི་ཐུགས་ཀར་དབྱེར་མེད་གཅིག་གི་ངང་དུ་སངས་རྒྱས་པར་བསམ། གསོལ་འདེབས་ནི། ཨེ་མ་ཧོ། བོན་སྐུ་ཀུན་ཏུ་བཟང་པོ་ལ་གསོལ་བ་འདེབས། ། སངས་རྒྱས་སྨོན་ལམ་མཐའ་ཡས་ལ་ |
<< བདེར་བཤེགས་མཆོད་རྟེན་རྣམ་བརྒྱད་ཀྱི་ཐིག་རྩ་མདོར་བསྡུས་བཞུགས་སོ། །སྔོན་འགྲོའི་ངག་འདོན་བསླབ་གསུམ་རིན་ཆེན་འདྲེན་པའི་ཤིང་རྟ་ཞེས་བྱ་བ་བཞུགས་སོ། ། >>
དཔྱད་གཏམ་ཡོངས་ལ་གཟིགས་པ།
