བར་དོའི་ངོ་སྤྲོད་གསེར་གྱི་མེ་ལོང་བཞུགས། །
| པ་ཟིན་ནས་ཀ་དག་གི་དབྱིངས་སུ་བོན་སྐུའི་ངང་དུ་སངས་རྒྱས་པར་ངེས་ཏེ། མངོན་སངས་རྒྱས་པའི་རྒྱུད་ལས། ཐལ་བ་དབུགས་ཐལ་སྲོག་ཆད་རིག་པ་བརྒྱལ། ཞེས་གསུངས། འདི་ལ་མོ་མཆེད་གྲོགས་རྣམས་ཀྱིས་ནན་ཏན་ཆེན་པོས་གདམས་ངག་ཐེབས་པ་གལ་ཆེ་སྟེ། སྔ་མ་ལས། སྐད་ཅིག་གཅིག་གིས་བསྐལ་པའི་སྐྱིད་སྡུག་ནུས། ། བཟང་བྱས་ངན་བྱས་མདོ་དོན་དབུགས་ཐག་གསུམ། ། ཆེ་བསགས་ཆུང་བསགས་བཞག་ནས་སྐད་ཅིག་གིས། ། ཡར་བསྒྱུར་མར་བོར་ལྡོག་པོ་འདི་ཡིས་བྱེད། ། ཅེས་དང་། ཡང་རྩེ་ལས། འོད་གསལ་འདི་ཡིས་ཕུང་གྱོང་བཏང་། ། འགྲོ་དྲུག་འཁོར་བ་འདི་ཡིས་བསྒྱུར། ། འདི་ལ་ནན་ཏན་བྱ་བ་གཅེས། ། ཞེས་གསུངས་སོ། ། ༆ ཐ་མལ་པ་སྤྱི་ལ་ཕྱི་དབུགས་མ་ཆད་གོང་དུ་ངོ་སྤྲོད་པའི་ཚུལ་ནི། འོ་སྐལ་ལྡན་རིགས་ཀྱི་བུ། ཁྱོད་ལ་འཆི་བ་མི་རྟག་པ་འོང་བ་ཡིན་ནོ། དེ་ཡང་མི་རྟག་པ་ནི་ཁྱོད་གཅིག་པུ་ལ་འོང་བར་མ་ཟད། དུས་གསུམ་རྫོགས་པའི་སངས་རྒྱས་ཀྱང་སྐུ་མི་རྟག་མྱ་ངན་ལས་འདས་པའི་ཚུལ་བསྟན། བླ་མ་དགེ་བའི་བཤེས་གཉེན་གྱི་གོ་ཡུལ་མཐོང་ཡུལ་ན་ཡོད་པ་རྣམས་ཀྱང་མི་རྟག་འཆི་བ་ལས་མ་ཐར་ཏེ། ད་ལྟ་མི་བཞུགས་པ་འདིས་ཀྱང་ཤེས། སྤྱིར་ཁམས་གསུམ་སེམས་ཅན། སྒོས་ཡུལ་ཁམས་འདིའི་ཕོ་མོ། ཡང་སྒོས་རང་གི་ཁྱིམ་གང་གི་མི་རྣམས་ཀྱང་སྔར་འཆི་ཕྱིས་འཆི་ལས་མེད་དོ། རྒྱུད་ལས། སྐྱེས་པའི་ཐ་མར་འཆི་བས་འགྲོ་ས་མེད། ། གཤིན་རྗེས་དབང་མ་བྱས་པའི་འགྲོ་བ་མེད། ། ཅེས་གསུངས་སོ། དེའི་ཕྱིར་ཁྱོད་འཆི་བ་ལ་མ་སྐྲག་དང་། བདག་འདྲེན་པའི་སློབ་དཔོན་གྱིས་འཇིགས་པ་ལས་སྐྱོབ་བྱེད། སྡུག་བསྔལ་ལས་དབུགས་དབྱུང་། བར་དོའི་སྣང་བ་རང་སྣང་དུ་ངོ་སྤྲོད། འཆི་ཁའི་བར་དོ་ལ་སྔར་འདྲིས་ཀྱི་མི་དང་འཕྲད་པ་ལྟ་བུའི་གདམས་ངག བོན་ཉིད་བར་དོ་ལ། མའི་པང་དུ་བུ་རྒྱུག་པ་ལྟ་བུའི་གདམས་ངག སྲིད་པའི་བར་དོ་ལ་དཔག་ཆེན་གྱི་མདའ་འཕེན་པ་ལྟ་བུའི་གདམས་ངག གལ་སྲིད་སྐྱེ་བ་ལེན་དགོས་བྱུང་ན་ལས་བཟང་གི་འཕྲོ་མཐུད་པ་ཡུར་བ་རྐང་ཆད་ལ་ཝ་འཛུགས་པ་ལྟ་བུའི་གདམས་ངག་བསྟན་ཏེ། འཁོར་བ་སྡུག་བསྔལ་གྱི་རྒྱ་མཚོ་ནས། ཐར་བ་བདེ་བའི་གྲོང་དུ་ཁྲིད་པ་ཡིན་གྱིས། དད་མོས་དྲག་པོ་བསྐྱེད་ཅིག རྗེས་སུ་ལུས་པའི་མི་དང་ཡུལ་མཁར་ཟས་ནོར་གང་ལའང་ཆགས་ཞེན་མེད་པར་བློས་ལིང་གིས་ཐོངས་ཤིག རྗེས་སུ་ཆགས་ཞེན་བྱེད་ན་ནི་ཕྱིས་འཁོར་བ་ལ་ལྷུང་བར་འགྱུར་ཏེ། མདོ་ལས། ཆགས་ཞེན་འདི་ནི་འཁོར་བའི་རྒྱུ། ། མ་ཆགས་པ་ནི་བོན་གྱི་མཆོག ། ཅེས་གསུངས། གཞན་ཡང་དགྲ་ལ་ཞེ་སྡང་མ་བསྐྱེད། གཉེན་ཉེ་འབྲེལ་བུ་ཚ་རྣམས་ལ་སེམས་མ་ཆགས། དེ་དག་ལ་ཆགས་སྡང་སྐྱེས་ན་དམྱལ་བར་སྐྱེ་བར་འགྱུར་ཏེ། རྒྱུད་ལས། ཆགས་སྡང་དམྱལ་བའི་ཡུལ་བས་ཕྱིན་ས་མེད། ། བསམ་ངན་སངས་རྒྱས་ཀྱིས་ཀྱང་སྐྱོབ་ |
<< བདེར་བཤེགས་མཆོད་རྟེན་རྣམ་བརྒྱད་ཀྱི་ཐིག་རྩ་མདོར་བསྡུས་བཞུགས་སོ། །སྔོན་འགྲོའི་ངག་འདོན་བསླབ་གསུམ་རིན་ཆེན་འདྲེན་པའི་ཤིང་རྟ་ཞེས་བྱ་བ་བཞུགས་སོ། ། >>
དཔྱད་གཏམ་ཡོངས་ལ་གཟིགས་པ།
