བར་དོའི་ངོ་སྤྲོད་གསེར་གྱི་མེ་ལོང་བཞུགས། །
| རྟགས་སུ་སྨྲིག་རྒྱུ་ལྟ་བུ་འཆར། རི་རབ་དང་ཁང་ཁྱིམ་ཐམས་ཅད་སྟེང་དུ་འགྱེལ་ནས་བྱུང་སྙམ་པ་དང་སྣང་བ་ལ་འོད་སེར་པོ་ལམ་ལམ་འཆར་བ་དེ། གཞན་ནས་འཆར་བ་མ་ཡིན། ཁྱོད་རང་གི་རིག་པའི་རང་མདངས་ཡིན་པས། ཕྱི་ལྟར་ན་གསལ་བ་རང་བྱུང་། ནང་ལྟར་ན་ཁྲོ་གསས་མཁའ་འགྱིང་། གསང་བ་ལྟར་ན་གཡུང་དྲུང་མཁའ་འགྲོ། ཡང་གསང་ལྟར་ན་མེ་ལོང་ལྟ་བུའི་ཡེ་ཤེས་ཏེ། རང་གི་ཡི་དམ་གྱི་ལྷ་རུ་ཤེས་པར་གྱིས་ཤིག དེ་ནས་སའི་ནུས་པ་ཆུ་ལ་ཐིམ་པའི་ཚེ། ཕྱི་འབྱུང་བ་ཆུ་ལ་འཇིག ནང་མཁལ་མའི་རྩ་བསྡོགས། སྙིང་གའི་རྩ་འཁོར་ཞིག བཀྲག་མདངས་བསྐྱེད་པའི་རླུང་བྲོས། ཕྱི་རྟགས་སུ་ཁ་ལྕེ་སྐམ་ཞིང་སྣ་ཞོམ། ནང་རྟགས་སུ་ཤེས་པ་འཚུབས་ཤིང་ཚིག་པ་ཟ། གསང་རྟགས་སུ་དུ་བ་ལྟ་བུ་འཆར། ཆུ་བོ་རྦ་ཀློང་གིས་ཁྱེར་རོ་སྙམ་པ་དང་། སྣང་བ་ལ་འོད་སྔོན་པོ་ལམ་ལམ་འཆར་བ་དེ། གཞན་ནས་འཆར་བ་མ་ཡིན། ཁྱོད་རང་གི་རིག་པའི་རང་མདངས་ཡིན་པས། ཕྱི་ལྟར་ན་དགའ་བ་དོན་གྲུབ། ནང་ལྟར་ན་གཏུམ་གསས་མཁའ་འགྱིང་། གསང་བ་ལྟར་ན་རིན་ཆེན་མཁའ་འགྲོ ། ཡང་གསང་ལྟར་ན་མཉམ་པ་ཉིད་ཀྱི་ཡེ་ཤེས་ཏེ། རང་གི་ཡི་དམ་གྱི་ལྷ་རུ་ངོ་ཤེས་པར་གྱིས་ཤིག དེ་ནས་ཆུའི་ནུས་པ་མེ་ལ་ཐིམ་པའི་ཚེ། ཕྱི་འབྱུང་བ་མེ་འཇིག ནང་མཆིན་པའི་རྩ་བསྡོགས། མགྲིན་པའི་རྩ་འཁོར་ཞིག དྭངས་སྙིགས་འབྱེད་པའི་རླུང་བྲོས། ཕྱི་རྟགས་སུ་ལུས་ཀྱི་དྲོད་ཡལ། ནང་རྟགས་སུ་ཤེས་པ་གསལ་འགྲིབ་བྱེད། གསང་རྟགས་སུ་སྲིན་བུ་མེ་ཁྱེར་ལྟ་བུ་འཆར། མེ་རི་དམར་པོའི་ནང་དུ་ཚིག་གོ་སྙམ་པ་དང་། སྣང་བ་ལ་འོད་དམར་པོ་ལམ་ལམ་འཆར་བ་དེ། གཞན་ནས་འཆར་བ་མ་ཡིན། ཁྱོད་རང་གི་རིག་པའི་རང་མདངས་ཡིན་པས། ཕྱི་ལྟར་ན་བྱེ་བྲག་དངོས་མེད། ནང་ལྟར་ན་དབལ་གསས་མཁའ་འགྱིང་། གསང་བ་ལྟར་ན་པདྨོ་མཁའ་འགྲོ། ཡང་གསང་ལྟར་ན་སོ་སོར་རྟོགས་པའི་ཡེ་ཤེས་ཏེ། རང་གི་ཡི་དམ་གྱི་ལྷ་རུ་ངོ་ཤེས་པར་གྱིས་ཤིག དེ་ནས་མེའི་ནུས་པ་རླུང་ལ་ཐིམ་པའི་ཚེ། ཕྱི་འབྱུང་བ་རླུང་འཇིག ནང་གློ་བའི་རྩ་བསྡོགས། གསང་གནས་ཀྱི་རྩ་འཁོར་ཞིག ལས་ཀྱི་རླུང་བྲོས། ཕྱི་རྟགས་སུ་དབུགས་བརྩེགས་མ་རུ་ཆད། ནང་རྟགས་སུ་འཁྲུལ་སྣང་སྣ་ཚོགས་མཐོང་། གསང་རྟགས་སུ་མར་མེ་རླུང་བསྐྱོད་ལྟ་བུར་འཆར། རླུང་ནག་འཚུབས་མས་ཁྱེར་རོ་སྙམ་པ་དང་། སྣང་བ་ལ་འོད་ལྗང་གུ་ལམ་ལམ་འཆར་བ་དེ། གཞན་ནས་འཆར་བ་མ་ཡིན། ཁྱོད་རང་གི་རིག་པའི་རང་མདངས་ཡིན་པས། ཕྱི་ལྟར་ན་དགེ་ལྷ་གར་ཕྱུག ནང་ལྟར་ན་རྔམ་གསས་མཁའ་འགྱིང་། གསང་བ་ལྟར་ན་ཀརྨ་མཁའ་འགྲོ ། ཡང་གསང་ལྟར་ན་བྱ་བ་གྲུབ་པའི་ཡེ་ཤེས་ཏེ། རང་གི་ཡི་དམ་གྱི་ལྷ་རུ་ངོ་ཤེས་པར་གྱིས་ཤིག ། དེ་ནས་རླུང་གི་ནུས་པ་ནམ་མཁའ་ལ་ཐིམ་པའི་ཚེ། ཕྱི་འབྱུང་བ་ནམ་མཁའ་འཇིག ནང་སྙིང་གི་རྩ་བསྡོགས། སྤྱི་ |
<< བདེར་བཤེགས་མཆོད་རྟེན་རྣམ་བརྒྱད་ཀྱི་ཐིག་རྩ་མདོར་བསྡུས་བཞུགས་སོ། །སྔོན་འགྲོའི་ངག་འདོན་བསླབ་གསུམ་རིན་ཆེན་འདྲེན་པའི་ཤིང་རྟ་ཞེས་བྱ་བ་བཞུགས་སོ། ། >>
དཔྱད་གཏམ་ཡོངས་ལ་གཟིགས་པ།
