ཟབ་ཡངས་སྤྲོས་བྲལ་ཀུན་ཏུ་བཟང་། །
འགག་མེད་ལོངས་སྤྱོད་ལྷུན་ལ་རྫོགས། །
བྱེ་བ་ཕྲག་བརྒྱའི་ཞིང་གི་མགོན། །
སྐུ་གསུམ་རྒྱལ་ལ་གུ་ཏུན་ཧྲུན། །
བདེར་བཤེགས་རྒྱུད་བསྐུལ་ཐུགས་ཀྱི་རྟེན། ། བདེར་བཤེགས་ཐུགས་རྗེའི་བྱིན་དབབས་ཕྱིར། ། བདེར་བཤེགས་མཆོད་རྟེན་རྣམ་བརྒྱད་ཀྱི། ། བདེར་བཤེགས་ཕོ་བྲང་བཞེངས་ཚུལ་སྤྲོ། ། དེ་ཡང་ཐོག་མར་མཆོད་རྟེན་གྱི་ལོ་རྒྱུས་མདོར་བསྡུས་ནི། མདོ་ལས། ལྷུན་གྲུབ་རྒྱན་བཟང་དཔེ་བྱེད་འཕགས། ། གཡུང་དྲུང་ཁྲི་བསྐོས་མཆོད་པའི་རྟེན། ། ཅེས་སོགས་ཀྱི་སྐབས་ནས་བསྟན་པའི་སྤྱིར་མཆོད་རྟེན་ལ་དབྱེ་ན་དབྱིངས་ན་ལྷུན་གྱིས་གྲུབ་པའི་མཆོད་རྟེན ༡༢༠ བོན་ཉིད་སྐུ་ཡི་རྟེན་དང་། མཁའ་ལ་རང་བཞིན་རྫོགས་པའི་མཆོད་རྟེན ༡༢༠ རྫོགས་སྐུའི་རྟེན་དང་། ཀློང་དུ་ཅིར་ཡང་སྤྲུལ་བའི་མཆོད་རྟེན་ ༡༢༠ སྤྲུལ་སྐུའི་མཆོད་རྟེན་ཡིན་པར་བཞེད་པ་དང་། གོང་མ་གཉིས་བསྐྱེད་རྫོགས་ཀྱི་གཞི་རུ་གྱུར་བ། མཆོག་ཐུན་གྱི་དངོས་གྲུབ་འབྱུང་བའི་གཞིའོ། ཞེས་དང་། འདིར་བཤད་རྒྱུ་ནི་སྤྲུལ་སྐུའི་མཆོད་རྟེན་ཡིན་ལ། དེ་ཡང་རྒྱལ་བའི་སྐུ་གསུང་ཐུགས་ཀྱི་རྟེན་བསམ་གྱིས་མི་ཁྱབ་པའི་ནང་ནས། ཐུགས་ཀྱི་རྟེན་ཡིན་པར་གསལ། དེ་ལའང་ཉན་ཐོས་སྡེ་བའི་ལུགས་ཀྱི་མཆོད་རྟེན་དང་། ཐེག་ཆེན་གཡུང་དྲུང་སེམས་དཔའི་ལུགས་ཀྱི་མཆོད་རྟེན་གཉིས་ཡོད་པ་ལས། འདིར་རྗེ་མཉམ་མེད་ཆེན་པོའི་དགོངས་པ་ལྟར་ཐེག་ཆེན་གྱི་ལུགས་སུ་བཤད་པ་ཡིན། འདི་ལ་རྩ་བ་མཆོད་རྟེན་རྣམ་བརྒྱད་དེ། དང་པོ་གཡུང་དྲུང་བཀོད་ལེགས་ཀྱི་མཆོད་རྟེན། གཉིས་པ་རྣམ་པར་རྒྱལ་བའི་མཆོད་རྟེན་དང་། གསུམ་པ་བཀྲ་ཤིས་སྒོ་མང་མཆོད་རྟེན། ལྔ་བ་པད་མ་སྤུངས་པའི་མཆོད་རྟེན། དྲུག་པ་རི་རྒྱལ་དབྱེན་ཟླུམ་གྱི་མཆོད་རྟེན། བདུན་པ་ལྷ་བབས་གློ་འབུར་གྱི་མཆོད་རྟེན། བརྒྱད་པ་མྱང་འདས་ཆིག་ཟླུམ་མཆོད་རྟེན་དང་བརྒྱད་དོ།། ྋ དེ་ཡང་མཆོད་རྟེན་རྣམས་ཀྱི་རྩ་བའི་ཐིག་རྩ་ནི་གཡུང་དྲུང་བཀོད་ལེགས་ཀྱི་མཆོད་རྟེན་ལ་བསྡུས་ནས་བཤད་པར་བྱ་སྟེ། མཆོད་རྟེན་ཆེ་ཆུང་གང་བྱེད་སྐར་ཆ་ཆེ་ཆུང་ལ་གཞིག་སྟེ། དཀྱིལ་གྱི་ཚངས་ཐིག་དམར་པོ་གཅིག་གདབ། གཡས་གཡོན་དུ་ཐིག་བཅུ་གཉིས་རེ་གདབ་པས་གྱེན་ཐིག་ཉེར་ལྔ་འབྱུང་ཆ་ཆེན་ཉེར་བཞི་ཡོད། དེ་ལ་འཕྲད་ཐིག་ཞེ་ལྔ་གདབ་པས་ཆ་ཆེན་ཞེ་བཞི་འབྱུང་། དེ་ནས་རྨང་གཞིའི་བཞི་བ་མཁའ་ཐིག་ནས། ཚངས་ཐིག་གི་ཞེ་ལྔས་འགྲུས་བར་གསང་ཐིག་གཉིས་གདབ། དེ་ནི་གདུང་ཆེན་བུམ་ལྟོ་སྟོབས་འཁོར་སོགས་ཀྱི་འདྲོང་ཐིག་ཡིན། ཡང་མཐའ་ཐིག་ནས་ཡར་བརྩིས་པས་ཉེར་བདུན་གྱི་དབུས་ཚངས་ཐིག་གི་འགྲུས་བར་དང་།
|
