སྐྱབས་རྗེ་བླ་མ་བོན་བརྒྱ་རིན་པོ་ཆེའི་གདུང་རུས་གདན་འདྲེན་སྐོར་གྱི་གནས་ཚུལ་རགས་བསྡུས།

༄༅། །དེ་རིང་ནི་སྤྱི་ལོ༢༠༡༨ལོའི་ཟླ༩བའི་ཚེས༢དང་ཧོར་ཟླ༧པའི་ཚེས་ཉེར་གསུམ་སྟེ་ཡབ་རྗེ་བླ་མ་རིན་པོ་ཆེ་དགོངས་པ་བོན་དབྱིངས་སུ་གཟིམས་ནས་ཉིན་བཅོ་བརྒྱད་པ་ཡིན། ཞོགས་པའི་ཆུ་ཚོད་བརྒྱད་པའི་སྟེང་སྐྱང་སྟོན་རྒྱལ་བའི་དབང་པོ་ནམ་མཁའ་བསྟན་འཛིན་རིན་པོ་ཆེ་དང་མཆོག་སྤྲུལ་དྲི་མེད་ཉི་མ། སྤྲུལ་སྐུ་གཡུང་དྲུང་དབང་རྒྱལ། བོན་སླེབ་སྤྲུལ་སྐུ་བསྟན་པ་རབ་རྒྱས། མཁན་པོ་བསྟན་པའི་ཉི་མ། དགེ་སློང་བསྟན་པ་དར་རྒྱས། ཁྲི་ལྷ་རྗེ་བླ་མ། དགེ་སློང་གཡུང་དྲུང་། དགེ་སློང་བློ་གྲོས་དཔལ་ལྡན། དགེ་སློང་བསྟན་འཛིན་སོགས་བླ་སྤྲུལ་དགེ་སློང་བཅུ་གྲངས་ལྷག་གདུང་ཞུགས་འབུལ་གྱི་གནས་སམ་ཤར་མངོན་པར་དགའ་བའི་མདུན་རིའི་རྩེར་ཕྱག་ཕེབས་གནང་སྟེ་ཁྲོ་རྒྱལ་གོང་འོག་ནས་མཚམས་གཅོད་དང་སྒོ་དབྱེ་སོགས་ནས་ཁྲུས་ཀྱི་རིམ་པ་སོགས་ལེ… དེ་ལས་མང་།སྐྱབས་རྗེ་བླ་མ་བོན་བརྒྱ་རིན་པོ་ཆེའི་གདུང་རུས་གདན་འདྲེན་སྐོར་གྱི་གནས་ཚུལ་རགས་བསྡུས།

གླིང་བརྒྱའི་བོན་ཚང་མའི་གསས་ཁང་མདོ་སྔགས་ཕུན་ཚོགས་དར་རྒྱས་གླིང་ནས་རྗེ་བླ་མར་གདུང་མཆོད་ཕུལ་བའི་རྣམ་པ།

གླིང་བརྒྱའི་བོན་ཚང་མའི་གསས་ཁང་མདོ་སྔགས་ཕུན་ཚོགས་དར་རྒྱས་གླིང་ནས་རྗེ་བླ་མར་གདུང་མཆོད་ཕུལ་བའི་རྣམ་པ། ༄༅། །  དེ་ཡང་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན།  བདག་ཅག་གི་བཀའ་དྲིན་སུམ་ལྡན་གྱི་རྩ་བའི་བླ་མ་མཚན་ནས་བརྗོད་པར་དཀའ་བ་དོན་གྱི་བསླད་དུ་བརྗོད་ན༧བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་མཆོག་རེ་ཞིག་དགོངས་པ་བོན་དབྱིངས་སུ་གཟིམས་པའི་བརྡ་ཐོས་མ་ཐག  རང་སྡེ་གླིང་བརྒྱའི་བོན་ཚང་མའི་རྒན་མགོ་དཀར་མན་ཆད་དང་གཞོན་སོ་དཀར་ཡན་ཆད་ཀྱི་སྐྱེ་ཕོ་མོ་ཡོངས་སྡུག་བསྔལ་གྱི་རྒྱ་མཚོར་ལྷུང་ཞིང་སྐྱོ་གདུང་གི་མཆི་མ་དབང་མེད་དུ་བཞུར་བཞིན་གདུང་མཆོད་ཀྱི་ཉིན་དང་པོ་ནས་བཟུང་མདོ་སྔགས་ཕུན་ཚོགས་དར་རྒྱས་གླིང་ནས་མི་འཇིག་གདོང་ལྔའི་ཁྲི་སྟེང་དུ་བླ་མའི་སྐུ་པར་མཐོང་གྲོལ་ཆེན་མོ་བཤམས་ལ།   མ… དེ་ལས་མང་།གླིང་བརྒྱའི་བོན་ཚང་མའི་གསས་ཁང་མདོ་སྔགས་ཕུན་ཚོགས་དར་རྒྱས་གླིང་ནས་རྗེ་བླ་མར་གདུང་མཆོད་ཕུལ་བའི་རྣམ་པ།

མག་གསར་ཁྱུང་པོ་གཡུང་དྲུང་དར་རྒྱས་གླིང་གིས་བོན་བརྒྱ་རིན་པོ་ཆེར་འདས་མཆོད་ཕུལ་པའི་རྣམ་པ།

དུས་གསུམ་སངས་རྒྱས་ཀུན་གྱི་མཁྱེན་པ་དང་བརྩེ་བའི་མེ་ཏོག་གི་ཆུན་པོ། སྲིད་ཞིའི་དབྱིངས་ན་ཉི་ཟླ་དཔག་བསམ་ཡིད་བཞིན་ནོར་བུའི་མཆོད་ཟླར་འབར་ཞིང་ལྷ་དང་ལྷ་མ་ཡིན་གྱི་གཙོ་བོའི་བྱེ་བྲག་བརྒྱ་ཡི་ཅོད་པན་གྱིས་མངོན་པར་བདུད་པ།    སྔ་འགྱུར་གཡུང་དྲུང་བོན་གྱི་བསྟན་པ་རིན་པོ་ཆེ་ནམ་མཁའི་མཐའ་རུ་གསལ་ཞིང་རྒྱས་པར་བྱས་པའི་དེད་དཔོན།   

དཔལ་གཤེན་བསྟན་སྨན་རིའི་གླིང་ནས་ཨ་ལགས་བོན་བརྒྱ་རིན་པོ་ཆེའི་གདུང་ཞུགས་མཆོད་འབུལ་ཉིན་མཉམ་མེད་ཚོགས་འཁོར་རྒྱས་འབུལ་ཞུས་གནང་བ།

༧དཔལ་གཤེན་བསྟན་སྨན་རིའི་གླིང་ནས་ཨ་ལགས་བོན་བརྒྱ་རིན་པོ་ཆེའི་གདུང་ཞུགས་མཆོད་འབུལ་ཉིན་མཉམ་མེད་ཚོགས་འཁོར་རྒྱས་འབུལ་ཞུས་གནང་བ། གཤེན་གྱི་འབྱུང་ལྡན་༣༠༡བོད་ས་ཁྱི་ལོའི་སྟོན་ཟླ་དང་པོ་གྲོ་བཞིན་ཟླ་བའི་དམར་ཕྱོགས་བཟང་བ་དང་པོའི་ཉིན་ཏེ། ཕྱི་ལོ་༢༠༡༨ཟླ་༨ཚེས་༢༨ཉིན་གྱི་ཞོགས་པར་༧སྐྱབས་རྗེ་༧རྒྱལ་བ་སྨན་རིའི་མཁན་སློབ་རྣམ་གཉིས་ཀྱི་བཀའ་དགོངས་གཞིར་བཟུང་ཐོག འདི་ག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧མཁས་གྲུབ་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་གི་སྐུ་གདུང་ཞུགས་འབུལ་ཞུ་བཞིན་པའི་དུས་ཚེས་ཁྱད་པར་ཅན་དང་བསྟུན་མཉམ་མེད་བླ་སྒྲུབ་ཀྱི་ཚོགས་མཆོད་རྒྱས་འབུལ་ཞུས་གནང་། དེ་ཡང་༧སྐྱབས་རྗེ་མཁན་སློབ་རྣམ་གཉིས་ཀྱི་བཀའ་དགོངས་ལྟར… དེ་ལས་མང་།དཔལ་གཤེན་བསྟན་སྨན་རིའི་གླིང་ནས་ཨ་ལགས་བོན་བརྒྱ་རིན་པོ་ཆེའི་གདུང་ཞུགས་མཆོད་འབུལ་ཉིན་མཉམ་མེད་ཚོགས་འཁོར་རྒྱས་འབུལ་ཞུས་གནང་བ།

གདུང་རིན་པོ་ཆེ་ཞུགས་འབུལ་སྐབས་ཀྱི་གནས་ཚུལ་རགས་བསྡུས། ༧

༄༅། །དེ་རིང་ནི་སྤྱི་ཟླ་བརྒྱད་པའི་ཚེས་ཉེར་བརྒྱད་དང་ཧོར་ཟླ་བདུན་པའི་ཚེས་བཅོ་བརྒྱད་དེ་འཛམ་གླིང་མཁས་པའི་གཙུག་རྒྱན་དམ་པ་མདོ་སྨད་སྨྲ་བའི་སེང་ཆེན། སྲིད་གསུམ་སྐྱེ་འགྲོ་ཡོངས་ཀྱི་འདྲེན་སྟོན་ཆེན་མོ་སྐྱབས་རྗེ་བླ་མ་བོན་བརྒྱ་ཐམས་ཅད་མཁྱེན་པ་མཁས་གྲུབ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་རེ་ཞིག་འགྲོ་དོན་མཐར་ཕྱིན་ནས་དགོངས་པ་བོན་ཉིད་ཀྱི་དབྱིངས་སུ་བསྡུས་པའི་ཉིན་བཅུ་གསུམ་པ་སྟེ་གདུང་རིན་པོ་ཆེ་ཞུགས་འབུལ་གྱི་དུས་ཚེས་ཁྱད་པར་ཅན་ལགས་པས། ཞོགས་པའི་ཆུ་ཚོད་བདུན་པ་ནས་མདོ་སྨད་སྨྲ་སེང་རྣམ་གསུམ་གྱི་ཡ་གྱལ་སྐྱང་ཚང་དྲི་མེད་འོད་ཟེར་རིན་པོ་ཆེ་སྐུ་གདུང་ཞུགས་འབུལ་གྱི་སར་ཕྱག་ཕེབས་གནང་ཞིང་། སྐུ་གདུང་གདན་འདྲེན་གྱི་རིམ་པ་ལ། རྩེ་སྒྲུབ་གྲྭའི་ལྷ་ཁང་ནས་ཤར་ཕྱོགས་མངོན་པར་དགའ་བའི… དེ་ལས་མང་།གདུང་རིན་པོ་ཆེ་ཞུགས་འབུལ་སྐབས་ཀྱི་གནས་ཚུལ་རགས་བསྡུས། ༧

     དེ་རིང་གི་གདུང་མཆོད་གནས་ཚུལ་རགས་བསྡུས། ༦

༄༅། །དེ་རིང་ནི་འཛམ་གླིང་མཁས་གྲུབ་བྱེ་བའི་གཙུག་རྒྱན་དམ་པ་སྐྱབས་རྗེ་བླ་མ་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་ཁོང་ཉིད་སྐུ་མི་རྟག་ཚུལ་བསྟན་དགོངས་པ་བོན་ཉིད་ཀྱི་དབྱིངས་སུ་གཟིམས་ནས་ཉིན་བཅུ་གཉིས་པ་ཡིན་ལ། ཞོགས་པའི་ཆུ་ཚོད་བརྒྱད་པའི་སྟེང༧དཔལ་སྐྱང་སྤྲུལ་ནམ་མཁའ་བསྟན་འཛིན་རིན་པོ་ཆེ་དང་ཁྲི་ལྷ་རྗེ་བླ་མ། དགེ་སློང་བློ་གྲོས་དཔལ་ལྡན་སོགས་དགེ་སློང་བཅུ་ཕྲག་ལྷག་གིས་བདེ་ཆེན་རྒྱལ་པོ་དང་མཛད་བཅུ། རྣམ་དག་འགྱུར་མེད་སོགས་གསུངས་རྗེས་གདུང་ཁྲུས་ལེགས་པར་མཛད།

དེ་རིང་གི་གདུང་མཆོད་གནས་ཚུལ་རགས་བསྡུས། ༥

དེ་རིང་ནི་འཛམ་གླིང་མཁས་གྲུབ་ཆེན་མོ་སྐྱབས་རྗེ་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་ཁོང་ཉིད་གཟུགས་སྐུའི་བཀོད་པ་བོན་ཉིད་ཀྱི་དབྱིངས་སུ་བསྡུས་ནས་ཉིན་བཅུ་གཅིག་པ་ཡིན་ལ། ཞོགས་པའི་ཆུ་ཚོད་བརྒྱད་པའི་སྟེང་དགོན་གོང་མའི་བྱ་འཕུར་ཀུན་བཟང་རྒྱལ་མཚན་དང་བོན་བརྒྱའི་མཆོག་སྤྲུལ་དྲི་མེད་ཉི་མ། སྤྲུལ་སྐུ་འཇིགས་མེད་རིག་པའི་བློ་གྲོས། མཁན་པོ་གཡུང་དྲུང་ཉི་རྒྱལ། ཁྲི་ལྷ་རྗེ་བླ་མ། དགེ་སློང་བློ་གྲོས་དཔལ་ལྡན་སོགས་གྲྭ་བཙུན་བདུན་ཕྲག་གཅིག་གིས་བླ་མའི་གསོལ་འདེབས་དང་གདུང་ཁྲུས་ལེགས་པར་གསོལ་ནས་གདུང་མཆོད་ཀྱི་དབུ་ཚུགས།

ཁྱུང་མོ་སྤྲུལ་སྐུས་བོན་བརྒྱ་དགོན་ནས་གདུང་མཆོད་ཕུལ་བའི་རིམ་པ།

གདུང་མཆོད་མར་མེ་འོད་གསལ་གླིང་། གདུང་མཆོད་དུ་མར་མེ་སྟོང་ཕྲག་གཅིག་ཕུལ་བ། ཁྱུང་མོ་སྤྲུལ་སྐུ་སྟོབས་ལྡན་དབང་ཕྱུག་མཆོག་༧རྗེ་བོན་བརྒྱ་བླ་མའི་གདན་སར་ཕེབས་ནས་གདུང་མཆོད་ལ་མར་མེ་སྟོང་ཕྲག་གཅིག་དང་མཚན་ཐུབ་ཆེ་ལེགས་ཉི་ཤུ་བཅས་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་ཕུལ།     ཕྱི་ཉིན་སྤྲུལ་སྐུ་ཁྱུང་མོ་སྟོབས་ལྡན་དབང་ཕྱུག་དང་དགེ་བཤེས་ལུང་རྟོགས་རྒྱ་མཚོ། དགེ་བཤེས་བཟོད་པ་འགྱུར་མེད་སོགས་སྐུ་འཁོར་ལྷན་རྒྱས་ནས་རྗེ་བླ་མའི་གདུང་མདུན་ནས་རྗེ་བླ་མའི་གསོལ་འདེབས་དང་། བསྟན་པ་རྒྱས་པའི་སྨོན་ལམ་སོགས་རྒྱ་ཆེར་གསུངས། སྤྲུལ་སྐུ་ཁྱུང་མོ་སྟོབས་ལྡན་དབང་ཕྱུག་མཆོག་གི་ཐུགས་བཀོད་ལྟར་ཁྲི་ཀ་ཁྱུང་མོ་དགོན་ནས་གདུང་མཆོད་བྱེད་བཞིན་པའི་ཚུལ། གདུང་མཆོད་སྐབས་ཀྱི་མཆོད་སྒྲིག འཕྲོ་འདུ་ལོངས་སྤྱོ… དེ་ལས་མང་།ཁྱུང་མོ་སྤྲུལ་སྐུས་བོན་བརྒྱ་དགོན་ནས་གདུང་མཆོད་ཕུལ་བའི་རིམ་པ།

དེ་རིང་གི་གདུང་མཆོད་གནས་ཚུལ་རགས་བསྡུས། ༤

དེ་རིང་ནི་སྐྱབས་རྗེ་བླ་མ་བོན་བརྒྱ་རིན་པོ་ཆེ་ཁོང་ཉིད་གཟུགས་སྐུའི་བཀོད་པ་བོན་ཉིད་ཀྱི་དབྱིངས་སུ་བསྡུས་ནས་ཉིན་བཅུ་བ་ཡིན་ལ། ཞོགས་པའི་ཆུ་ཚོད་བརྒྱད་པའི་སྟེང་དཔལ་སྐྱང་སྤྲུལ་ནམ་མཁའ་བསྟན་འཛིན་རིན་པོ་ཆེ་དང་དགོན་གོང་མའི་བྱ་འཕུར་ཀུན་བཟང་རྒྱལ་མཚན། སྤྲུལ་སྐུ་འཇིགས་མེད་རིག་པའི་བློ་གྲོས། མཁན་པོ་གཡུང་དྲུང་ཉི་རྒྱལ། ཁྲི་ལྷ་རྗེ་བླ་མ། དགེ་སློང་བློ་གྲོས་དཔལ་ལྡན་སོགས་གྲྭ་བཙུན་བདུན་ཕྲག་གཅིག་གིས་གདུང་ཁྲུས་ལེགས་པར་མཛད་ཅིང་བོན་སྐུའི་སྨོན་ལམ་གསུངས།

རྫ་སྟེང་ཆེན་དགོན་གྱིས་བོན་བརྒྱ་རིན་པོ་ཆེར་གདུང་མཆོད་འབུལ་བ།

རྫ་སྟེང་ཆེན་དགོན་དཔལ་གཤེན་བསྟན་མདོ་སྔགས་བསྟན་རྒྱས་གླིང་གི་འདུས་པ་སྤྱི་ནས་བོན་བརྒྱ་རིན་པོ་ཆེ་དགེ་ལེགས་ལྷུན་གྲུབ་རྒྱ་མཚོ་མཆོག་གི་གདུང་མཆོད་རྒྱས་འབུལ་མཛད་པ།