མཛངས་ཡོན་ཤེས་ལྡན་གྱི་བོན་བློན་ཆེན་པོ་ངམ་སྟག་ར་ཀླུ་གོང་གི་དངོས་ཡོད་ལོ་རྒྱུས་རགས་ཙམ་བཀོད་པ།

རྩོམ་པ་པོ། བཀའ་རམས་པ་ཤེས་རབ་རྒྱ་མཚོ། ༼ བགྲེས་པོའི་འབེལ་གཏམ ༽ སྤྱི་དེབ་བདུན་པ་ལས་བཤུས། ངམ་སྟག་ར་ཀླུ་གོང་ཞེས་གྲགས་ཅན་གྱི་མི་སྣ་དེ་བོད་རྒྱལ་ཁྲི་སྲོང་ལྡེ་བཙན་གྱི་བཀའི་བློན་ཆེན་ཞིག་ཡིན་ཞིང་། བོད་རྒྱལ་ཁྲི་སྲོང་ལྡེ་བཙན་འཁྲུངས་པའི་དུས་སྐབས་འདི་ནི་བན་བོན་ཕྱོགས་གཉིས་ཆ་ནས་བལྟས་ནའང་བོད་ཀྱི་རྒྱལ་རབས་ནང་གི་གྲགས་ཆེ་བའི་དུས་ཀྱི་ལ་ཚིགས་ཆེན་པོ་ཞིག་ཏུ་ངོས་འཛིན་བྱེད་པ་བོད་ཀྱི་རྒྱལ་རབས་ལ་མཁྱེན་དཔྱོད་ཡངས་པ་ཙམ་དུ་མ་ཟད། བཤད་སྒྲོས་དང་གོ་ཐོས་ཡོད་པ་དག་གིས་ཀྱང་དེ་ལྟར་ཉིད་དུ་ངོས་འཛིན་པ་ཤེས། འོན་ཀྱང་བོན་གཤེན་དང་བོན་པོ་དག་གི་ངོས་ནས་བལྟས་ན། དུས་སྐབས་དེ་ནི་བསྐལ་བ་མར་འགྲིབ་དང་། སེམས་ཅན་ཐུན་མོང་གི་བསོད་ནམས་བྲི་བ་དང་། སངས་རྒྱས་བསྟན་པ་བསྣུབས་པའི་དུས་སྙིགས་དྲག་རྩུབ་ཀྱི་… དེ་ལས་མང་།མཛངས་ཡོན་ཤེས་ལྡན་གྱི་བོན་བློན་ཆེན་པོ་ངམ་སྟག་ར་ཀླུ་གོང་གི་དངོས་ཡོད་ལོ་རྒྱུས་རགས་ཙམ་བཀོད་པ།

གཡུང་དྲུང་བོན་གྱི་ལོ་རྒྱུས་ལས་ཀོང་ཙེ་འཕྲུལ་རྒྱལ་དང་དཀར་ནག་བཀྲ་གསལ་གྱི་ཐོག་མའི་གཞི་གང་ཡིན་ལ་རྩད་ཞིབ་ཞུས་པ།

དེ་ཡང་《མདོ་དྲི་མེད་གཟི་བརྗིད》་ནང་གསལ་བ་ལྟར་ན། གཡུང་དྲུང་བོན་གྱི་ལོ་རྒྱུས་ནང་གལ་འགངས་ཆེ་བའི་མི་སྣ་“ཀོང་ཙེ་འཕྲུལ་རྒྱལ”ཞེས་པ་ཞིག་ཡོད་པ་དང་། ཁོང་གིས་“འོལ་མོ་ལུང་རིང་”གི་ནུབ་ཕྱོགས་སུ་གསས་ཁང་“དཀར་ནག་བཀྲ་གསལ”ཞེས་པ་ཞིག་བཞེངས་ཡོད། ལོ་རྒྱུས་ཀྱི་རྒྱུ་ཆ་དུ་མར་ལྟར་ན་“དཀར་ནག་བཀྲ་གསལ”ནི་ད་ལྟའི་ཆར་ཀྲུང་གོའི་ཀན་སུའུ་ཞིང་ཆེན་ལིན་ཞ་ཀྲའུ་ཡུང་ཅིང་རྫོང་རྡོ་ཕུང་རི་ཆུང་སྟེང་གི་འབུམ་གླིང་དགོན་པ་སྟེ། བོད་ཡིག་གི་ནང་དུ་“ཀ་ཆུ”ཞེས་འཁོད་པའི་ས་དེ་ཡིན། ད་ལྟ་ཡང་བོད་པ་ཚོས་ས་ཁུལ་དེ་ལ་“ཀ་ཆུ”ཞེས་འབོད་ཀྱི་ཡོད།《མདོ་སྨད་ཆོས་འབྱུང་》ལས་དགོན་པ་འདི་ན་ཡོད་པའི་བྱམས་པའི་སྐུ་བརྙན་ཆེན་པོ་ནི་ཀོང་ཙེས་བཞེངས་པ་སྟེ་ཐོག་མར་བོན་གྱི་སྟོན་པ་གཤེན་རབ་མི་བོ་ཆེའི་སྐུ་བརྙན་ཡིན་པ་ལ་ཕྱིས་སུ་བན་དེ་… དེ་ལས་མང་།གཡུང་དྲུང་བོན་གྱི་ལོ་རྒྱུས་ལས་ཀོང་ཙེ་འཕྲུལ་རྒྱལ་དང་དཀར་ནག་བཀྲ་གསལ་གྱི་ཐོག་མའི་གཞི་གང་ཡིན་ལ་རྩད་ཞིབ་ཞུས་པ།

གྲུབ་ཐོབ་ཆེན་པོ་སྤྱི་རྟིང་འཁོར་ལོས་བསྒྱུར་བའི་བརྒྱུད་འཛིན་རིམ་བྱུང་།

གྲུབ་ཐོབ་ཆེན་པོ་སྤྱི་རྟིང་འཁོར་ལོས་བསྒྱུར་བའི་བརྒྱུད་འཛིན་རིམ་བྱུང་། སྐྱབས་རྗེ་བླ་མ་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ།   རེབ་གོང་གྲུབ་ཐོབ་གསུམ་ཞེས་སྐུ་མཆེད་རྣམ་པ་གསུམ་གྱི་ཆེ་བ་སྤྱི་རྟིང་འཁོར་ལོས་བསྒྱུར་བ་ནི། རུས་ཁྱུང་དཀར་ཡིན་པ་དང་།  ཡུལ་སྡེ་བ་སྐྱིད་གཤོང་ངམ་སྤྱི་ཚང་༼ འདི་སྐབས་འགར་སྐྱིད་ཚང་ཞེས་བྲིས་ཡོད ༽ཡིན་ཕྱོགས་འདིར་བྱོན་ཚུལ་དང་བྱོན་པའི་དུས་གོང་དུ་བཤད་ཟིན་ལྟར་ལ་ཐོག་མར་ཤར་ཕྱོགས་སྟག་མོ་ཉལ་བ་འདྲ་བའི་རི་རྒྱུད་ཀྱི་སྒང་དུ་གཞི་བཟུང་།  རྡོ་ཨ་རྒ་ཟེར་བའི་ཕ་བོང་གི་སྟེང་དུ་ལྷ་བསང་ཕུལ།  སྡེ་དེ་ལ་སྤྱི་ཨ་རྒ་སྟེང་ཞེས་མིང་ཆགས་། ལོ་ཚིགས་གསལ་བོར་མི་ཤེས་ནའང་། གྲུབ་ཐོབ་གསུམ་ནི་བོད་རྒྱལ་དར་མའི་སྐབས་བྲོས་བྱོལ་ཚུལ་དུ་བྱོན་པར་གཞལ་ན། མི་ལོ་ཆིག་སྟོང་ཆིག་བརྒ… དེ་ལས་མང་།གྲུབ་ཐོབ་ཆེན་པོ་སྤྱི་རྟིང་འཁོར་ལོས་བསྒྱུར་བའི་བརྒྱུད་འཛིན་རིམ་བྱུང་།

གྲུབ་ཆེན་ཁྱུང་དཀར་ཚངས་པའི་བརྒྱུད་འཛིན་རིམ་བྱུང་།

གྲུབ་པའི་འཁོར་བསྒྱུར་ཆེན་པོ་ཁྱུང་དཀར་ཚངས་པའི་བརྒྱུད་འཛིན་རིམ་བྱུང་། སྐྱབས་རྗེ་བླ་མ་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ། ༄༅། ། རེབ་གོང་གྲུབ་ཐོབ་རྣམ་པ་གསུམ་གྱི་ནང་ཚན་སྐུ་མཆེད་ཆུང་བ་ནི། གྲུབ་པའི་དབང་ཕྱུག་ཁྱུང་དཀར་ཚངས་པ་ཞེས་མཚན་སྙན་ཡོངས་སུ་གྲགས་པ་དེ་ཉིད་ཀྱིས་གསེར་ལྗོངས་བྱང་ཕྱོགས་ཀྱི་རི་ཁྱུང་ཆེན་དར་མ་མཁའ་ལ་ལྡིང་བ་ལྟ་བུའི་བྱ་རྒྱབ་ཏུ་གཞི་བཟུང་ནས་གདུང་རྒྱུད་སྤེལ་བ་དང་ལྷན་ཅིག་སྒྲུབ་སྡེ་ཁྱད་པར་འཕགས་པའི་དགོན་སྡེ་ཕྱག་བཏབས་པ་ལ་ཁྱུང་བོ་དར་ལྡིང་དགོན་ཞེས་སུ་གྲགས། དེ་ཡང་འདུལ་བའི་སྡེ་མ་ཡིན་ལ། གསང་སྔགས་རིག་པ་འཛིན་པའི་འདུས་སྡེ་རྨད་དུ་བྱུང་བ་ཞིག་ལགས། མི་ལོ་སྟོང་ཕྲག་ལྷག་གི་སྔོན་ནས་བཟུང་། བསྟན་པ་ཕྱི་དར་གྱི་དབུ་བརྙེས་པའི་བར་དུ། གཏེར་དུ་མ་སོང་བའི་དབལ་རམ་འབུ… དེ་ལས་མང་།གྲུབ་ཆེན་ཁྱུང་དཀར་ཚངས་པའི་བརྒྱུད་འཛིན་རིམ་བྱུང་།

གྲུབ་ཐོབ་ཆེན་པོ་ངོ་མོ་ཡེ་ཤེས་མཚོ་རྒྱལ་གྱི་བརྒྱུད་འཛིན་རིམ་བྱུང་།

 གྲུབ་ཐོབ་ཆེན་པོ་ངོ་མོ་ཡེ་ཤེས་མཚོ་རྒྱལ་གྱི་བརྒྱུད་འཛིན་རིམ་བྱུང་། རྩོམ་པ་པོ།    བོན་བརྒྱ་དགེ་ལེགས་ལྷུན་གྲུབ་རྒྱ་མཚོ། སྤང༷ས་པ་ཉོན་མོངས་དུག་ལྔ་རང་གྲོལ་སྤང༷ས། ། རྟོག༷ས་པ་ཡེ༵་ཤེས༵་ལྔ་ལྡན་སྐུ་ལྔར་རྟོག༷ས། ། གཤེ༷ན་བསྟན་རྒྱ༵་མཚོ༵་རྒྱས་མཛད་སྒྲུབ་པའི་གཤེ༷ན། ། རྒྱ༷ལ་བ་དགྱེས་པའི་རིག་འཛིན་རིམ་བྱོན་རྒྱ༷ལ། ། ད་ནི་གྲུབ་ཐོབ་རྣམ་གསུམ་གྱི་སྐུ་མཆེད་འབྲིང་བོ་ངོ་མོ་གྲུབ་ཆེན་ཡེ་ཤེས་མཚོ་རྒྱལ་གྱི་གདན་ས་སྒྲུབ་སྡེ་བྱུང་ཚུལ་ནི། ཁོང་རིགས་རུས་ཁྱུང་དཀར་ཡིན་པ་དང༌། དུས་ནི་བོད་རྒྱལ་དར་མའི་དུས་དང༌། རྐྱེན་དབུས་ནས་བསྟན་པ་ལ་འཚེ་བ་བྱུང་བས་ཕྱོགས་འདིར་བྱོན་པ་སོགས་ནི་གོང་དུ་བཤད་ཟིན་པ་ལྟར་རོ། །

སློབ་དཔོན་ཆེན་མོ་མཁས་དབང་མཁར་རྨེའུ་བསམ་གཏན་རྒྱལ་མཚན་མཆོག་གི་ལོ་རྒྱུས་སྙིང་བསྡུས་དང་ཁོང་གི་གསུང་རྩོམ་ངོ་སྤྲོད།

རྩོམ་པ་པོ། བློ་བཟང་བསྟན་པ། དེང་གི་ཆར་མཁར་རྨེའུ་བསམ་གཏན་རྒྱལ་མཚན་མཆོག་ནི་ཕྷཱརནྶཱིའི་(France)རྒྱལ་ས་པཱེ་རཱིས་(Paris)སློབ་གྲྭ་ཆེན་མོ་ནས་རྒན་ཡོལ་ཐོན་ནས་དེ་གར་བཞུགས་ཤིང་། ད་ལྟ་དགུང་ལོ་ ༧༨ ལ་ཕེབས་བཞིན་འདུག ཁོང་ནི་བོད་མདོ་སྨད་ཨ་མདོའི་ལྷོ་ཤར་དུ་ཡོད་པའི་ཤར་ཁོག་གམ་ཟུང་ཆུ་ཡུལ་གྱི་ ཀི་ཚལ་གྲོང་གསེབ་ཏུ་སྤྱི་ལོ་ ༡༩༣༦ ལོར་མཁར་རྨེའུ་ཚང་གི་ཡབ་ཚེ་དགའ་དང་ཡུམ་ཟིན་མོ་གཉིས་ཀྱི་སྲས་གཉིས་ལས་གཏེར་བརྒྱ་དགའ་དབང་ཞེས་གཅེན་པོར་སྐུ་འཁྲུངས། དགུང་ལོ་བརྒྱད་ནས་བོད་ཡིག་འབྲི་ཀློག་འགོ་རྩམས་པ་ན་ཡུལ་གྱི་ཉེ་འགྲམ་དུ་བོན་ལུགས་ཀྱི་སྣ་སྟེང་དགོན་པ་ཞེས་པར་གྲྭ་བཞུགས་གནང་། དགོན་སྡེ་དེར་དགུང་ལོ་བཅུ་གསུམ་བར་དུ་བསླབ་པ་སློབ་གཉེར་མཛད། དགུང་ལོ་བཅུ་བཞིའི་ཐོག་བོན་གྱི་སྐྱང་ཚང་དགོན་པར་བོན་སླ… དེ་ལས་མང་།སློབ་དཔོན་ཆེན་མོ་མཁས་དབང་མཁར་རྨེའུ་བསམ་གཏན་རྒྱལ་མཚན་མཆོག་གི་ལོ་རྒྱུས་སྙིང་བསྡུས་དང་ཁོང་གི་གསུང་རྩོམ་ངོ་སྤྲོད།

དཔྱད་གཏམ་སྣང་བའི་དགའ་སྟོན།

བདེ་ཆེན་རྒྱལ་པོ་ཀུན་བཟང་རྒྱལ་བ་འདུས།། མི་བརྗེད་གཟུངས་ལྡན་ཤེས་རབ་སྨྲ་བའི་སེང།། འཛམ་གླིང་བོན་གྱི་གཙུག་རྒྱན་མཉམ་མེད་པ།། ཤེས་རབ་རྒྱལ་མཚན་ཞབས་ལ་གསོལ་བ་འདེབས།། ཞེས་རང་རེའི་ཞྭ་དཀར་རིང་ལུགས་འཛིན་པ་རྣམས་ཀྱིས་རྣམ་ཀུན་མཆོད་པའི་གནས་དང་བཀུར་བའི་ཞིང་དུ་གྱུར་པའི་སྙིགས་དུས་ཀྱི་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་མཆོག་གི་བསྟོད་ཕྱག་སྐུ་གསུམ་ལྷུན་གྲུབ་ཏུ་བསྔགས་པ་འདི་ཉིད་ཀྱི་མཛད་བྱང་མ་གསལ་བས།  སུ་ཞིག་གིས་བརྩམས་པ་ཡིན་མིན་འཐད་ཁྲུན་ཐག་བཅད་ནས་གསུང་མི་ཐུབ་པ་དང།  རང་གཞན་གྱི་མཁས་གྲུབ་གང་ཞིག་གིས་ཕུལ་བ་ཡིན་མིན་གྱི་སྐོར་གསུང་སྲོལ་མི་འདྲ་བ་ཡང་སྣང་བར་བརྟེན།   དངོས་བདེན་གང་ཞིག་ཡིན་མིན་གྱི་ཐད་རྟོག་དཔྱོད་ཀྱི་ལམ་ནས་འཇུག་འདོད་ཀྱི་འདུན་པ་དྲག་པོས་མདུན་ནས་བསུས་ཏེ་རེ་ཞིག… དེ་ལས་མང་།དཔྱད་གཏམ་སྣང་བའི་དགའ་སྟོན།

རེབ་གོང་གི་བོན་བསྟན་བྱུང་འཕེལ་མདོར་བསྡུས།

རེབ་གོང་གི་བོན་བསྟན་བྱུང་འཕེལ་མདོར་བསྡུས། འགྲེལ་བཤད་པ།  བཀྲ་ཤིས་དབང་ཕྱུག

བོན་གྱི་སྐོར་ངོ་སྤྲོད་རགས་བསྡུས།

གཅིག  སྟོན་པ་གཤེན་རབས་ཀྱི་འཁྲུངས་རབས་སྐོར། སྟོན་པ་ཁྲི་གཙུག་རྒྱལ་བའམ་གཤེན་རབ་མི་བོ་ཆེ་ནི་ཞང་ཞུང་འོལ་མོ་ལུང་རིངས་མཁར་བར་པོ་སོ་བརྒྱད་དུ་ཡབ་དམུ་རིགས་རྒྱལ་བོན་ཐོད་དཀར་དང༌། ཡུམ་ཡོ་ཕྱི་རྒྱལ་བཞད་མ་གཉིས་ཀྱི་སྲས་སུ་སྐུ་འཁྲུངས། 《སྲིད་དོན》ལས། གཤེན་རབ་མི་བོ་ཆེ། སྐུ་མདངས་དུང་ཟླ་འདྲ། འཛུམ་མདངས་མེ་རེ་རེ། སྐུ་ལྟོས་རི་ལས་བརྗིད། མུ་ཐིང་རལ་པ་ནི། མུ་འོལ་ཕྱུགས་སེ་ཕྱུགས། སྐུ་ལ་ཅི་གསོལ་ན། རྒོད་ཐམ་ལྷམ་སེ་ལྷམ”ཞེས་གསུངས། གཤེན་རབ་མི་བོ་ཆེ་ནི་བཞིན་གྱི་དཀྱིལ་འཁོར་ཉ་རྒྱས་ཟླ་ལྟར་མཚུངས་པ།  དབུ་ལ་སྔོ་མཐིང་རལ་པས་བརྒྱན་པ། ཐུགས་དལ་ཞིང་རབ་ཏུ་ངག་འཇམ་པ། དགའ་སྤྲོའི་ཉམས་བཟང་ལྡན་པ། སྐུ་སྟོབས་རི་ལས་བརྗིད་པ། སྐྱེ་བོ་ཀུན་ལས་ཁྱད་དུ་འཕགས་པ། མཚན་བཟང་དང་ལྡན་པ་ཞིག་ཡོད། 

སྲིད་རྒྱལ་དགོན་ཆེན།

     དེ་ཡང་བསྟན་པ་ཕྱི་དར་དུས་སུ་ཀོང་ཡུལ་འདིར་གཡུང་དྲུང་བོན་ལ་སྤྱོད་པ་གཅིག་ཀྱང་མེད་པ་དང་མཐའ་ན་ཐུགས་སྤྲུལ་བོན་རི་ཆེན་པོའང་གང་ཡིན་མི་ཤེས་པའི་དུས་སུ་རྟོགས་ལྡན་རི་པ་འབྲུག་གསས་མཆོག་ཀོང་པོར་ཕེབས་ནས་གནས་མཆོག་བོན་རིའི་གནས་སྒོ་ཕྱེས་ཏེ་སྲིད་རྒྱལ་དགོན་ཆེན་འདི་ཉིད་བཏབ་མཛད་ནས་སངས་རྒྱས་གཡུང་དྲུང་བོན་གྱི་བསྟན་པ་རྒྱ་ཆེར་སྤེལ། རིག་གསར་རྗེས་སྤྱི་ལོ༡༩༨༢ལོ་ནས་རྣལ་འབྱོར་བ་ཆེན་པོ་ནོར་སྐྱབས་རིན་པོ་ཆེའམ་གཞན་ཕན་བརྩོན་འགྲུས་དང་མཁས་གྲུབ་ཉི་མ་རིན་པོ་ཆེ་རྣམ་གཉིས་ཀྱིས་ཐུགས་འགན་བཞེས་ཏེ་ཉམས་གསོ་མཛད།