རྗེས་དྲན་སྙིང་གི་མིག་ཆུ།

རྗེས་དྲན་སྙིང་གི་མིག་ཆུ། རྩོམ་པ་པོ།  གངས་སྐྱེས། མཁས་གྲུབ་གཙུག་རྒྱན་དགེ་ལེགས་ཉི་མའི་མདངས།། སྐྱབས་གནས་དཀོན་མཆོག་ལྷུན་འགྲུབ་འཕྲིན་ལས་རྨད།། བདེ་ཆེན་ངོ་མཚར་རྒྱ་མཚོ་འཁྱིལ་བའི་གཞི།། སྐྱེས་ཆེན་དཔལ་དང་ལྡན་ལ་ཕྱག་མཚལ་ལོ།། མཁྱེན་བརྩེ་གངས་དཀར་ལྷུན་པོའི་གཟི་མདངས་ལ།། དགོངས་པའི་རི་མོ་ནམ་མཁའི་སྤྲིན་དང་ལྷག། བླ་མ་ཁྱེད་ནི་བདེན་དོན་གྲུབ་པའི་མཆོག། མདོ་སྨད་བོན་གྱི་སྲོག་དང་སྲོག་ཤིང་ཡིན།། ཁྱུང་ཆེན་གཤོག་པ་བརྐྱངས་འདྲའི་སྨན་རི་ལ།། ཁྱུང་དཀར་རུས་སུ་མཆེད་པའི་སྐྱེས་བུ་མཆོག། མི་རྟག་དབྱིངས་སུ་གཤེགས་པའི་འཇིག་རྟེན་འདིར།། སྡུག་གི་གཙང་བོ་འཕྱུར་བའི་རྦ་རླབས་འཕྱོ།། བཀའ་དང་གསུང་རབ་བརྩེགས་པའི་གསས་མཁར་ལ།། རྗེ་བཙུན་ཁྱེད་ཀྱི་སྐུ་གཟུགས་མི་མངའ་བས།། ཁོག་གི་སྙིང་དང་འདྲ་བའི་བོན་བརྒྱ… དེ་ལས་མང་།རྗེས་དྲན་སྙིང་གི་མིག་ཆུ།

༄༅།། ཀ་རྩོམ་མིག་ཆུའི་རླབས་སྒྲ།།

༄༅།། ཀ་རྩོམ་མིག་ཆུའི་རླབས་སྒྲ།། བོན་བརྒྱ་ཡི་དམ་རྒྱ་མཚོ་ནས། ཀ་དག་ལྷུན་གྱིས་གྲུབ་པའི་གནས་མཆོག་སུ།། ཁྭ་ཏ་ནག་པའི་གཏམ་ཞིག་ལྷང་ལྷང་སྒྲོག ག་ས་གང་དུ་ཆས་ཀྱང་གཏམ་དེ་མཆིས།། ང་ཡི་བླ་མ་ཞིང་དུ་གཤེགས་སོང་ཟེར།། ཅ་ཅའི་འུར་ལ་རྦད་དེ་དགའ་བོ་མེད།། ཆ་ལུགས་གཞན་ལ་ལྡང་རྒྱུར་མི་དགའ་བའི།། ཇ་ཁའི་མདངས་ལྟར་འགྱུར་བ་ཡེ་ནས་མེད།། ཉ་ཕྱིས་རྫས་ལས་བླ་མ་ཁྱེད་ཉིད་མཁོ།། ཏ་ལ་ཤིང་བཞིན་སླར་ཡང་འཁྲུངས་ན་སྙམ།། ཐ་སྙད་གང་མང་བོད་ལ་གནང་ན་ལེགས།། ད་ནི་སྙམ་པ་ལས་ཀྱང་གང་ཡང་མེད།། ན་འཆི་ཆོས་ཉིད་སུས་ཀྱང་བསྒྱུར་ཐབས་མེད།། པ་རྩལ་རྫུ་འཕྲུལ་སྟོང་ལྡན་བོན་བརྒྱ་བ།། ཕ་རོལ་ཞིང་དུ་གཤེགས་པས་ང་རང་སྐྱོ།། བ་ག་བོན་གྱི་འབངས་མི་དེ་ལས་སྐྱོ།། མ་དང་ཕ་ལས་བླ་མ་ཁྱེད་ཉིད་དྲན།། ཙ་ཀྲའི་ངར་ལྡན་འཛོམས་པའི་བོན་བརྒྱ་བ།། ཚ… དེ་ལས་མང་།༄༅།། ཀ་རྩོམ་མིག་ཆུའི་རླབས་སྒྲ།།

རྗེ་རིན་པོ་ཆེའི་མཛད་རྣམ་སྒྲིབ་གཉིས་སྐྱོན་དང་བྲལ་བའི་བསྟོད་ཕྱག་བྱིན་རླབས་ཆར་བབས་ཞེས་བྱ་བ་བཞུགས་སོ།

བླ་མ་དང་ལྷག་པའི་ལྷ་ལ་སྒོ་གསུམ་དད་པས་ཕྱག་འཚལ་ལོ།། རྩོམ་པ་པོ། ཀོ་བཙུན་ཤ་ཆུང་། བརྒྱ་པའི་སྲིད་པ་སངས་པོ་འབུམ་ཁྲིའི་མཚན།། འོལ་གླིང་ཞིང་དུ་ཡིད་ཀྱི་ཁྱེའུ་ཆུང་གྲགས།། གཤེན་རབ་འཁོར་དུ་གཡུང་དྲུང་གཙུག་གཤེན་རྒྱལ།། དུས་གསུམ་མཁན་པོ་ཁྱེད་ལ་ཕྱག་འཚལ་ལོ།། སྐུ་ཡི་ངོ་བོར་བྱེ་བྲག་དངོས་མེད་བསྟན།། གསུང་གི་ལྷ་མཆོག་ཤེས་རབ་སྨྲ་སེང་བྱོན།། ཐུགས་རྗེའི་སྤྲུལ་པ་ཀེང་ཙེ་ལན་མེད་བཞེངས།། སྐུ་གསུང་ཐུགས་རྗེ་མཆོག་ལ་ཕྱག་འཚལ་ལོ།། ལྷ་ཡི་ཞིང་དུ་སྣང་བ་མདོག་ཅན་གྲགས།། ཀླུ་ཡི་ཡུལ་དུ་ཡེ་ཤེས་སྙིང་པོ་ཞེས།། མི་ཡི་ཁམས་སུ་མི་ལུས་བསམ་ལེགས་མཚན།། སྲིད་པ་གསུམ་གྱི་ལྷ་ལ་ཕྱག་འཚལ་ལོ།། ཞང་ཞུང་ཕེབས་སྐབས་སྟོང་རྒྱུང་མཐུ་ཆེན་ཞེས།། རྒྱ་གར་བྱོན་དུས་གར་བ་པྲ་ཏི་བསྔགས།། བོད་ཡུལ་བཞུགས་ཚེ་དྲན་པ་ནམ་མཁའ་ཞུ།།… དེ་ལས་མང་།རྗེ་རིན་པོ་ཆེའི་མཛད་རྣམ་སྒྲིབ་གཉིས་སྐྱོན་དང་བྲལ་བའི་བསྟོད་ཕྱག་བྱིན་རླབས་ཆར་བབས་ཞེས་བྱ་བ་བཞུགས་སོ།

བསྟོད་པ་བདེན་བརྗོད་མ།

མཁས་པ་ལས་ཀྱང་རབ་མཁས་པ།། སྤྱན་ལྔ་ལྡན་པས་ཐམས་ཅད་གསལ།། རྒྱལ་བ་མཚན་ལྡན་གང་ཞབས་ལ།། ལྷ་ཕྱག་དང་བཅས་བསྔགས་པར་བྱ།། ཞེས་དབྱངས་ཨ་ངེས་པའོ།། མཚན་དཔེ་མེ་ཏོག་བཞད་པའི་དཔལ།། ཉིན་འདིར་བྱིན་ལྡན་གདན་ས་ཆེར།། ཉིན་ཡང་ཉི་ཟླ་སྐར་གསུམ་ཤར།། ས་ན་ཨུད་འབར་མེ་ཏོག་འཁྲུངས།། ཞེས་རྒྱལ་བ་མཉམ་མེད་ཆེན་པོ་སྐུ་འཁྲུངས་ཉིན་ཟླ་དང་པོའི་ཚེས་ལྔ་འདི་ལ་གདན་ས་ཆེན་པོ་སྨན་རི་ནས་ལོ་རེ་བཞིན་ཉིན་གུང་ཉི་ཟླ་སྐར་གསུམ་དུས་གཅིག་ཏུ་གསལ་ལེར་མཐོང་ཐུབ་པ་དང་། གླིང་བར་གྱི་ཕྱོགས་ཀུན་ཏུ་མེ་ཏོག་སྣ་ཚོགས་བཞད་པ་བཅས་ངོ་མཚར་བའི་བལྟས་བཟང་ཉག་གཅིག་གོ།  སུ་ཞིག་ཚུལ་འདིར་ཡིད་གྱ་གྱུའི་ཐེ་ཚོམ་ཡོད་ན་དུས་ཆེན་ཉིན་གནས་དེར་མཇལ་ན་རྩེ་གཅིག་དད་པའི་སྤུ་ལོང་གཡོ་བར་ངེས།།

བརྟན་བཞུགས་ཤིས་སྨོན།

བསྐལ་བཟང་བྱེ་བའི་བསོད་ནམས་ལས་འོང་པའི།། གཟུགས་སྐུའི་བཀོད་པ་ཆུ་ཤེལ་དྭངས་མའི་ཁམས།། བསྟན་དང་འགྲོ་བའི་དཔལ་དུ་ཤར་བའི་མགོན།། བོན་བརྒྱ་ཐམས་ཅད་མཁྱེན་གཟིགས་ཕྱག་བགྱིད་དོ།། ༧ཐོས་བསམ་གཡུ་རལ་གསིག་པའི་གདེངས་ཀ་ནས།། བཅུ་རིག་གད་རྒྱངས་སྒྲོགས་པའི་ཟིལ་ཤུགས་ཀྱིས།། སྨྲ་ངན་ལོག་ཚོགས་ཐལ་བར་བརླགས་དང་ལྷན།། རིམ་དགུའི་གངས་རིའི་རྩེ་ལ་མངོན་པར་འཕགས།།

ལོ་གསར་མཆོད་སྤྲིན།

རྐྱ་གྱེར་ར་ཐ་ཚན་ཀུན་ཤེས་ལ་ན་མོ།། རྗེ་བོན་བརྒྱ་ཐམས་ཅད་མཁྱེན་པ་ལ་ཕྱག་འཚལ་ལོ།། ཨ་དཀར་སྔགས་བཅས་རྒྱལ་བསྟན་རབ་དར་བ།། ཧ་ཅང་གནས་བཟང་གདན་ས་དམ་པ་ན།། ཨ་ལགས་མཚན་ལྡན་བླ་མ་གང་ཞབས་ལ།། ཧ་ཅང་དད་པས་སྙན་ངག་མཚམས་རྟགས་ཙམ།།

གཡུང་དྲུང་བོན་བཤད་སྒྲུབ་སློབ་གླིང་གི་མཉམ་བྲིས་སྙན་ངག

༢༠༡༧ལོའི་གཡུང་དྲུང་བོན་བཤད་སྒྲུབ་སློབ་གླིང་གི་ཨང་དང་པོའི་སུམ་བཟང་བྱ་དགའ་ཐོབ་མཁན་ས་ལམ་གོང་མའི་འཛིན་གྲྭ།   ༼    མཉམ་བྲིས་སྙན་ངག  ༽   སུམ་ལྡན་ལ་བསྟོད་དབྱངས་སུ་ཕུལ། འཆད་པའི་འགྲན་ཟླ་བྲལ་བའི་སློབ་གྲོགས་ལ།། རྩོད་པའི་རྨོངས་མུན་སེལ་བའི་ཤེས་རབ་འཁྲུངས།། རྩོམ་པའི་སྙན་ཤིང་འཇེབས་པའི་ཡིད་འགུག་མཁན།། སུམ་ལྡན་སློབ་གྲོགས་ཡོངས་རྫོགས་ངོ་མཚར་ཆེ།། རྣམ་དཔྱོད་རྩོད་པ་ཀུན་ལས་ཁྱད་དུ་འཕགས། ཀུན་སྤྱོད་ཡིད་འོང་ལྷ་ཡི་མཆོད་གནས་གྱུར།། གཤིས་ཀ་འཇམ་པོའི་འོད་སྣང་དྲོད་ཁོལ་ལྡན།། སུམ་ལྡན་སློབ་གྲོགས་ཡོངས་རྫོགས་ཨེ་མ་རྨད།། ལི་ཤེས་རིག་དཔའ་རྒོད།

༧རྗེ་སྨན་རི་བ་མཆོག་འཛམ་གླིང་བོན་པོ་ཡོངས་ཀྱི་སྙིང་དབུས་སུ་གཏན་དུ་གནས་ངེས་ཡིན།

ཡིད་སྐྱོ་བའི་གནས་ཚུལ། དེ་རིང་། ༢༠༡༧ལོའི་སྤྱི་ཟླ༡༡པའི་ཚེས་༤དང་བོད་ཟླ་༩ཚེས་༡༥ལ་འཁེལ་ཡོད་ཅིང་། གཞིས་བྱེས་བོན་པོ་ཡོངས་ཀྱིས་ཤ་ཡི་ཚ་ས་དང་རུས་ཀྱི་དུང་ས་ཞེས་པའི་དཔེ་ལྟར། རང་རང་གི་ས་ན་དད་འདུན་ཆེན་པོའི་སྙིང་སྟོབས་ཀྱི་རང་གཤིས་ཕྱི་ལ་མངོན་པར་བྱས་ཏེ། གསོལ་འདེབས་དང་སྨོན་ཚིག་གི་རླབས་སྒྲ་ས་སྒང་ཧྲིལ་བོའི་ཕྱོགས་བཞི་མཚམས་བརྒྱད་ལ་ཁྱབ་པར་བྱས། དེ་ནི་དུས་རབས་ཀྱི་ཁོར་ཡུག་དང་ལོ་རྒྱུས་ཀྱི་གཉན་འཕྲང་རིང་མོ་ཅི་འདྲ་རྒོད་ནའང་། དཀའ་སྤྱད་སྡུག་རུས་ཀྱི་བསམ་བློའི་ཐུགས་སྟོབས་ལ་འགྱུར་བ་གཏན་ནས་མེད་པ་དང་། ལག་ལེན་གྱི་སྤོབས་པའི་ངར་ཤུགས་མི་ཡུལ་གྱི་རྒྱན་དུ་བཞེངས་བསྐྲུན་མཛད་པའི་ཞི་བདེ་ཡི་སྲོག་ཤིང་ཆེན་མོ་ཞིག་སྟེ། རང་དོན་སྤུ་ཙམ་མེད་པའི་ཐོག་ནས་ཉིན་གཅིག་ལྟར་སྔ་འགྱུར་གྱེར་བསྟན་སྤྱི་… དེ་ལས་མང་།༧རྗེ་སྨན་རི་བ་མཆོག་འཛམ་གླིང་བོན་པོ་ཡོངས་ཀྱི་སྙིང་དབུས་སུ་གཏན་དུ་གནས་ངེས་ཡིན།

རྗེས་དྲན་དད་པའི་མཆོད་ཕྲེང་།།

  རྗེས་དྲན་དད་པའི་མཆོད་ཕྲེང་།།   ༡ རྒྱལ་ཀུན་མཁྱེན་པའི་ཡོན་ཏན་དཔལ་རྫོགས་བླ་མའི་བླ་མ་སྨན་རི་བ།། མཆོག་གི་སྐུ་ཉིད་མངོན་དགའི་ཞིང་ན་ཡེ་ནས་གཤེགས་བཞུགས་མ་མཆིས་ཀྱང་།། རྟག་འཛིན་འབངས་རྣམས་རྗེས་སུ་བཟུང་ཕྱིར་མི་རྟག་སྒྱུ་མའི་འདུ་བྱེད་ཀྱིས།། གྱ་དགུར་བཞེས་ནས་གཟུགས་སྐུ་མཚན་དཔེ་གཞི་ཡི་ཀློང་དུ་ལྷོད་དེ་བསྡུས།། ༢ རྣམ་འདྲེན་སྟོང་གི་བོན་སྒོ་ཕྱི་ནང་ཐུགས་ཀྱི་དཔལ་དབེའི་མཛོད་དུ་བལྟམས།། ཐུགས་བསྐྱེད་བླ་མེད་འཁོར་ལོའི་ཤུགས་ཀྱིས་ཕན་བདེའི་འཕྲིན་ལས་མཁའ་མཐར་ཁྱབ།། མཉམ་མེད་བླ་མའི་ཐུགས་སྒམ་གྲུབ་པའི་སྐྱབས་རྗེ་ལྷ་གཅིག་སྨན་རི་བ།། གཡུང་དྲུང་བོན་གྱི་བསྟན་པའི་གཙུག་རྒྱན་ས་གསུམ་བླ་མ་རྗེས་སུ་དྲན།།

རྩེ་དྲུག་བསྟན་འཛིན་འོད་ཟེར་མཆོག་གི་ཐུགས་འཕྲིན།

   ༧དུས་གསུམ་རྒྱལ་བ་ཀུན་གྱི་རྒྱལ་ཚབ་སྙིག་མའི་གདུལ་དཀའ་འདུལ་བའི་འདྲེན་པ་ཆེན་པོ་དཔལ་རྒྱལ་བ་སྨན་རི་བའི་མཁན་ཆེན་དམ་པ་༧ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་བསམ་བཞིན་བསྐལ་ཁུག་བསྟན་པའི་མེ་རོ་གྱེན་དུ་སྤར་མཛད་མཚན་དཔེ་སྐུ་ཡི་བཀོད་པ་མི་མཇེད་འཇིག་རྟེན་གྱི་ཁམས་སུ་བསྟན་ནས། མཁྱེན་རྩེ་ནུས་པའི་ཡོན་ཏན་གྱི་བཀོད་པ་བསམ་མཐའ་ཡས་པར་མཛད་དེ། ཞྭ་དཀར་བོན་གྱི་བསྟན་སྲོག་དམ་དུ་འཛིན་པའི་འཕྲིན་ལས་ཟླ་མེད་མངོན་པར་འཕག་ཅིང་ལྟོས་བཅས་བུ་སློབ་དུ་མར་ཐུགས་རྗེའི་བརྩེ་བ་ཆེས་པོས་ཉེ་བར་བཟུངས་ནས་ཡངས་པའི་ཐ་གྲུ་ཀུན་ཏུ་ཞང་ཞུང་རིག་གནས་སྤྱི་དང་ཁྱད་པར་མདོ་སྔགས་བླ་མེད་ཀྱི་བསྟན་པ་རིན་པོ་ཆེ་དར་ཞིང་རྒྱས་པར་མཛད་པ་སོགས་བསམ་མི་ཁྱབ་པའི་རླབས་ཆེན་གྱི་རྣམ་པར་ཐར་པ་བསྒྲངས་ལས་འདས་པར་སྐྱོངས་ཤིང་། … དེ་ལས་མང་།རྩེ་དྲུག་བསྟན་འཛིན་འོད་ཟེར་མཆོག་གི་ཐུགས་འཕྲིན།