དེང་དུས་ཚེ་ལོ་བརྒྱ་པ་དང་རྩོད་ལྡན་སྙིགས་མ་ལྔ་བདོ་ཟེར་དོན་ག་རེ་ཡིན་ནམ།

   ད་ལྟ་ཚེ་ལོ་བརྒྱ་པ་ཟེར་དོན་ནི། སྤྱིར་དུས་ཀྱི་འགྱུར་འགྲོས་ལ་མིའི་ཚེ་ལོ་ཡར་འཕེལ་དང་མར་འགྲིབ་གཉིས་ཡོད་པའི་ནང་ནས་ད་ལྟའི་བསྐལ་པ་འདི་ཚེ་ལོ་མར་འགྲིབ་ཀྱི་སྐབས་ཏེ་མི་རྣམས་དང་ཐོག་ཚེ་ལོ་དཔག་མེད་ཐུབ་པ་དང་།  དེ་ནས་རིམ་བཞིན་བྲི་སྟེ་ཚེ་ལོ་དཔག་མེད་ནས་འབུམ་པ་དང་།  འབུམ་པ་ནས་བརྒྱད་ཁྲི།   བརྒྱད་ཁྲི་ནས་དྲུག་ཁྲི།   དྲུག་ཁྲི་ནས་བཞི་ཁྲི།   བཞི་ཁྲི་ནས་གཉིས་ཁྲི།  གཉིས་ཁྲི་ནས་ཆིག་ཁྲི།  ཁྲི་ནས་སྟོང་། སྟོང་ནས་ད་ལྟ་ཚེ་ལོ་བརྒྱ་པའི་བར་དུ་རིམ་གྱིས་བྲི་བའོ།  

བོན་ལུགས་ལ་སྟོན་པ་ཤཱཀྱ་ཐུབ་པར་ངོས་འཛིན་ག་འདྲ་བྱེད་དམ།

   རྩོད་ལྡན་ཚེ་ལོ་བརྒྱ་པའི་དུས་སུ་སྟོན་པ་གཤེན་རབ་མི་བོའི་བསྟན་པ་སྐུ་གསུང་ཐུགས་ཀྱི་བསྟན་པ་རྣམ་གསུམ་ཡོད་པའི་ནང་ནས་མི་རྣམས་ཚེ་ཚད་བརྒྱ་ནས་བདུན་ཅུའི་བར་དུ་གཤེན་རབ་ཀྱི་སྐུའི་བསྟན་པས་འགྲོ་དོན་གཙོ་བོར་མཛད་པ་དང་།  དེ་ནས་མི་རྣམས་ཚེ་ཚད་བདུན་ཅུ་ནས་བཞི་བཅུའི་བར་ལ་གསུང་གི་བསྟན་པས་འགྲོ་དོན་གཙོ་བོར་མཛད་སྐབས་སུ།   ཤ་རིའི་གཏན་ཚིགས་ངེས་པའི་གལ་མདོ་ལས།   “སྟོན་པ་འདས་ཀྱང་བསྟན་པ་མི་ནུབ་ཕྱིར།། 

བོན་པོས་སྐོར་བ་གཡས་སྐོར་བྱ་དགོས་དོན་ག་རེ་ཡིན་ནམ།

    སྤྱིར་སྐོར་བ་གཡས་གཡོན་ཟེར་བ་ནི།  རིགས་པའི་སྒོ་ནས་བརྟགས་ན།  བསྐོར་བའི་ཡུལ་གྱི་གཡས་གཡོན་དང་།  སྐོར་མཁན་གང་ཟག་གི་གཡས་གཡོན་ཐོག་ནས་ངོས་འཛིན་སྟངས་ཤིག་ཡིན་པས་གཡས་གཡོན་ཁ་ཚོན་ཆོད་པ་ཞིག་དཀའ་ལ། ལུང་གི་སྒོ་ནས་བརྟག་ན་གཙོ་ཆེ་སྟེ་སོ་སོའི་གཞུང་ཚད་མ་ཁག་ནང་སྐོར་བ་གཡས་གཡོན་ལུང་གིས་ཟིན་ན་ཁུངས་བཙུན་པས་སྐོར་བ་ལ་གཡས་སྐོར་ཕྱག་རྒྱ་ཆེན་པོ་དང་།  གཡོན་སྐོར་རྫོགས་ཆེན་པོ་ཟེར་བ་གཉིས་ཡོད་ཀྱང་། བོན་ལུགས་གཡས་སྐོར་བྱ་དགོས་དོན་ནི་གཞུང་གི་དགོངས་པ་ཡིན་ཏེ། 

བོན་པོའི་ཆས་གོས་སྐོར་ག་འདྲ་ཡོད་དམ།

   སྤྱིར་ཆས་གོས་ལ་འདུལ་འཛིན་པ་རྣམས་ལ་འདུལ་ཆས་དང་།   སྔགས་པ་རྣམས་ལ་སྔགས་ཆས་དང་ཁག་གཉིས་ཡོད།  དང་པོ་འདུལ་ཆས་ཀྱི་བྱུང་ཁུངས་ནི་ཐོག་མར་སྟོན་པ་གཤེན་རབ་སྐུའི་ཆ་ལུགས་ལ་རྒྱལ་བུ་རྒྱལ་སར་མ་བཏོན་གྱི་བར་དུ་རྫོགས་སྐུའི་ཆ་ལུགས་དང་། རྒྱལ་སར་བཏོན་ནས་རབ་ཏུ་མ་བྱུང་གི་བར་དུ་རྒྱལ་པོའི་ཆ་ལུགས། རབ་ཏུ་བྱུང་བ་ནས་བཟུང་འདུལ་ཆས་ན་བཟའ་པད་ལོ་རིགས་དྲུག་གསོལ་ཏེ།   པད་ཞུ་དང་།  རྨད་གོས།  རྨད་འོག་གམ་གཟན།   སྟོད་གོས་སམ་སྟོད་འགག    སྨད་གཤམ་མམ་ཤམ་ཐབས།  པད་ལྷམ་དང་དྲུག་དེ་གསོལ་ནས་ཕྱི་རབས་རྗེས་འཛིན་པ་རྣམས་ལ་དཔེར་བསྟན་མཛད་པས་བོན་གྱི་འདུལ་འཛིན་པ་རྣམས་ཀྱིས་ན་གཟའ་པད་ལོ་རིགས་དྲུག་དེ་གཙིགས་ཆེར་འཛིན་དགོས་པ་མཐོང་།   འདུལ་ཆས་ཀྱི་ཁ་དོག་ལ་སྤྱིར་ན་བཟའ་སྔོན་དམར་སེར་གསུམ་གསུངས་ཡོད་ཀྱང་དེ… དེ་ལས་མང་།བོན་པོའི་ཆས་གོས་སྐོར་ག་འདྲ་ཡོད་དམ།

བོན་ལུགས་ལ་དམར་མཆོད་ཆོག་མིན་དང་དམར་མཆོད་ཟེར་བ་ག་རེ་ངོས་འཛིན་ནམ།

            སྤྱིར་སྟོན་མཆོག་གཤེན་རབ་མི་བོས་དགག་བྱ་དང་དགོས་པའི་དབང་གིས།   བོན་ལ་སྐྱབས་སོང་ཕྱིན་ཆད་འགྲོ་ལ་གནོད་འཚེ་སྤང་དགོས་གསུངས་པ་དང་གཅིག   བསྟན་པའི་ལས་ནི་སྙིང་རྗེ་གཞི་རྩ་འཛིན་དགོས་པ་དང་གཉིས།  ལུང་དུ་མ་ལས།  “གཅིག་བསད་གཅིག་གསོ་བྱ་བའི་བོན་ནི་བདག་གིས་མི་ཤེས་སོ།  དེ་ནི་ལོག་པ་ཡིན་པས་བྱ་རུ་མི་རུང་ངོ་”  ཞེས་གསུངས་པ་དང་གསུམ། 

བོན་པོའི་ལུགས་ལ་ཕྱི་པ་དང་ནང་པའི་ཁྱད་པར་གཙོ་བོར་ག་རེ་བྱེད་དམ།

      སྤྱིར་བོད་ལ་ནང་པའི་བསྟན་པ་སྔ་དར་བོན་དང་།  ཕྱི་དར་བན་གཉིས་བྱུང་བའི་སྔོན་མའི་ནང་པའམ་ནང་པ་རྙིང་པ་བོན་པོ་དང་།   རྗེས་མའི་ནང་པའམ་ནང་པ་གསར་པ་བན་དེ་ཞེས་ལོ་རྒྱུས་ཐོག་གཉིས་བྱུང་བའོ།། བོན་ལུགས་ལ་ཕྱི་པ་དང་ནང་པའི་ཁྱད་པར་གཙོ་བོར་སྐྱབས་འགྲོ་ཁྱད་པར་ཅན་ཡོད་མེད་ཀྱི་སྒོ་ནས་འཇོག་སྟེ་ཡུལ་ཁྱད་པར་ཅན་དཀོན་མཆོག་གསུམ་མམ་ཡུལ་མཆོག་གནས་བཞི་ལ་སྐྱབས་སུ་འགྲོ་ཞིང་ལྟ་བ་བཀའ་རྟག་གི་ཕྱག་རྒྱ་བཞི་ཁས་ལེན་མཁན་ནང་པ་དང་།

སྔར་ཞང་བོད་ཀྱི་ལྗོངས་སུ་རྒྱལ་གཤེན་རྣམས་ལ་དམིགས་བསལ་ཐོབ་ཐང་ག་རེ་ཡོད་དམ།

       སྔར་ཆབ་སྲིད་འཛིན་པའི་རྒྱལ་པོ་རེ་ལ། ཐོབ་ཐང་ནི་འདྲེན་པའི་སྐུ་གཤེན་རེ་དང་། སྐད་བསྒྱུར་གྱི་ལོ་པན་རེ།  ཐུགས་དམ་གྱི་བོན་སྒོ་རེ།  མཆོད་གནས་བྱ་ཐབས་ཀྱི་གསས་ཁང་ངམ་ལྷ་ཁང་རེ་སོགས་ཡོད་ལ། སྐུ་གཤེན་ལ་རྒྱལ་གྱི་གོང་ན་གཤེན་བཙུན་པའི་ཐོབ་ཐང་སྐུ་གསུང་ཐུགས་གསུམ་ལ་ཆེ་རྟགས་གསུམ་རེ་ཡོད་པ་ནི།  དང་པོ་སྐུའི་ཆེ་རྟགས་ལ་དབུ་སྐྲ་སིལ་མ་རྩེ་རྒྱལ་ལ་གཅོད་གཏུབ་མེད་པ་དང་གཅིག  དར་ལ་སེང་དཀར་པོའི་འགྱིང་ཐོད་ལ་བྱ་རྒྱལ་རྒོད་ཀྱི་ལྡེམ་ཕོད་བཙུགས་པ་དང་གཉིས།  གཡི་དཀར་དང་སྤྱང་དཀར་གྱི་སླག་པ་ལ་སྟག་གཟིག་གུང་གསུམ་གྱི་ཐོང་ཁ་བཏགས་པ་དང་། ཟ་འོག་གི་ལྷམ་ལ་དངུལ་དཀར་གྱི་ཆབ་སྒྲོག་བཏགས་པ་དང་གསུམ་མོ།།  གསུང་གི་ཆེ་རྟགས་ལ། གཤེན་ངག་ཚིག་གསུམ་མ་སྨྲས་བར་དུ་རྒྱལ་བློན་སྨྲ་བརྗོད་མི་བྱེད་པ་དང་གཅིག  … དེ་ལས་མང་།སྔར་ཞང་བོད་ཀྱི་ལྗོངས་སུ་རྒྱལ་གཤེན་རྣམས་ལ་དམིགས་བསལ་ཐོབ་ཐང་ག་རེ་ཡོད་དམ།

བོན་གྱི་འདུ་གནས་དང་བསྒྲུབ་གནས་འགངས་ཆེན་ག་འདྲ་ཡོད་དམ།

    སྔར་ཞང་བོད་སྟོད་སྨད་བར་གསུམ་ལ་བོན་གྱི་བསྒྲུབ་གནས་སུམ་ཅུ་སོ་དྲུག་དང་གནས་ཆེན་ཉེར་བཞི།   ཁྱད་པར་དུ་བོད་རྒྱལ་མུ་ཁྲི་བཙན་པོས་སྔགས་ཀྱི་སྒྲུབ་སྡེ་སུམ་ཅུ་རྩ་བདུན་བཙུགས་པ་དང་།  སྔར་རུ་བཞི་བོད་ཀྱི་ས་སྐོར་ལའང་འདུ་གནས་སོ་བདུན་ཡོད་པ་ནི་དབུས་རུ་ན་བཅུ་གསུམ།  གཡས་རུ་ལ་བདུན།  གཡོན་རུ་ལ་བརྒྱད།   རུ་ལག་ལ་དགུ་སྟེ་སོ་བདུན་ཡོད་པ་དང་།  དེ་བཞིན་སྟོད་སྨད་བར་གསུམ་ལ་གནས་རི་དང་བསྒྲུབ་གནས་ཇི་སྙེད་ཅིག་ཡོད་ཀྱང་ཞིབ་གསལ་དགོས་གལ་མཐོང་ཚེ་ཡིག་ཆ་གཞན་དག་དགོངས་དཔྱད་མཛད་གལ་ཆེའོ།། འགོ་བ་དགེ་བཤེས་བསྟན་འཛིན་འབྲུག་གྲགས།

ལོ་རྒྱུས་ཐོག་བོན་བསྟན་དར་ནུབ་ག་ཚོད་བྱུང་ངམ།

    གཤེན་རབ་སྐུ་མྱ་ངན་ལས་འདས་རྗེས་ལ་འདུལ་བསྟན་ཅུང་ཟད་ལྡིང་ཡང་གདུང་སོབ་མུ་ཆོ་བྱོན་ནས་འཛམ་གླིང་ཡུལ་གྲུ་ཁག་ལ་དར་སྤེལ་མཛད།   དེ་ནས་བོད་རྒྱལ་གནམ་གྱི་ཁྲི་བདུན་དཀྱིལ་ཙམ་བར་དུ་ཞང་བོད་གཉིས་ཀར་འདུལ་བསྟན་དང་སྔགས་བསྟན་དར་ཞིང་རྒྱས་ཀྱང་།   བོད་རྒྱལ་དིང་ཁྲི་བཙན་པོའི་དུས་ཙམ་ན་ཡ་གོང་དང་།   ཕམ་ཤིའི་བརྒྱུད་པ་དགོན་སྡེ་ནང་འཁྲུགས་བྱས་ཏེ་འདུལ་བསྟན་ནུབ་པས་བསྟན་པའི་ས་བོན་འཛིན་ཆེད་མུ་ཟི་གསལ་བཟང་ལོ་སྟོང་དང་བརྒྱད་བརྒྱར་འགོག་པར་བཞུགས་ཡུན་ཞང་བོད་གཉིས་ཀར་འདུལ་བསྟན་ནུབ་ལ།  

གྲྭ་ས་གོང་འོག་ཁག་གི་མཁན་རབས་བླ་བརྒྱུད་ག་འདྲ་བྱུང་ངམ།

  དུས་ཕྱིས་གཏེར་སྟོན་གཤེན་གྱེར་རྨ་དབྱིལ་ཞེས་པ་ནི་གཏེར་སྟོན་བརྒྱ་རྩའི་གཙོ་བོ་སྤྲུལ་པའི་སྐུ་མཆོག་གཤེན་ཆེན་ཀླུ་དགའ་དང་།   གྱེར་མི་ཉི་འོད།   རྨ་སྟོན་སྲིད་འཛིན།  དབྱིལ་སྟོན་ཁྱུང་རྒོད་རྩལ་བཅས་ཡིན་ལ་ཁོང་རྣམས་ཀྱིས་གཏེར་ཞལ་ཕྱེས་པ་ནས་བཟུང་བསྟན་པ་ཕྱི་དར་གྱི་དབུ་བརྙེས་ཤིང་།  དེ་དག་གི་ནང་ནས་གཏེར་སྟོན་གཤེན་ཆེན་ཀླུ་དགའི་བུ་སློབ་མང་པོ་ཡོད་ཀྱང་།  ཐུགས་སྲས་དམ་པ་བསྟན་པ་ལ་བཀའ་དྲིན་ཆེ་བ་ནི་བྲུ་ཆེན་ནམ་མཁའ་གཡུང་དྲུང་དང་།  བྲུ་ཤ་ཁྱུང་གི་རྒྱལ་མཚན།  དབང་ལྡན་ཞུ་ཡས་ལེགས་པོ།   སྤ་སྟོན་དཔལ་མཆོག་བཟང་པོ་བཅས་ལ་བྲུ་ཞུ་སྤ་གསུམ།