བླ་ཆེན་ཡབ་སྲས་གསུམ་གྱི་གསོལ་འདེབས།

བླ་ཆེན་ཡབ་སྲས་གསུམ་གྱི་གསོལ་འདེབས་བར་ ཆོད་ཀུན་སེལ་བསམ་འགྲུབ་ནོར་བུ་ ཞེས་བྱ་བ་བཞུགས། སྐྱང་སྤྲུལ་ནམ་མཁའ་རྒྱལ་མཚན། ༄༅། །འཆི་མེད་རིག་འཛིན་བླ་ཆེན་ཡབ་སྲས་གསུམ།།མ་འོངས་འགྲོ་བ་སྐྱོབ་པའི་ཐུགས་དམ་ཅན།།ངེས་པས་དེང་དུས་དལ་འབྱོར་ལྡན་པའི་མིས།།རྩེ་གཅིག་མོས་པས་གསོལ་འདེབས་འདིར་འཇུག་རིགས། ། ཨེ་མ་ཧོ། བོན་ཉིད་མི་འགྱུར་མཁའ་སྤྱོད་བདེ་བ་ཆེ། །དུས་གསུམ་མི་ནུབ་གཡུང་དྲུང་དབྱིངས་ཆེན་ན། །བདེར་གཤེགས་རིག་འཛིན་མཁའ་འགྲོ་རྒྱ་མཚོའི་དབུས། །སྙིགས་མ་ལྔ་བདོའི་འགྲོ་བའི་དཔལ་མགོན་རྗེ། །བླ་ཆེན་ཁོད་སྤུངས་དྲན་པ་ཡབ་སྲས་གསུམ། །བདག་སོགས་དུས་ངན་འགྲོ་བ་ལས་ངན་གྱིས། །རེ་ལྟོས་གཞན་མེད་བླ་ཆེན་ཡབ་སྲས་མཁྱེན། །ཐུགས་རྗེ་ཚད་མེད་སྤྱན་གྱིས་འདིར་གཟིགས་ལ། །དུཿཁས་གཟིར་བའི་འགྲོ་རྣམས་བསྐྱབ་ཏུ་གསོལ། །

མ་རྒྱུད་ཐུགས་རྗེ་ཉི་མའི་ལམ་དྲུག་གི་དང་པོ་ཐབས་ལམ་ཁྱེར་གྱི་འགྲེལ་པ་བཞུགས།

 མ་རྒྱུད་ཐུགས་རྗེ་ཉི་མའི་ལམ་དྲུག་གི་དང་པོ་ཐབས་ལམ་ཁྱེར་གྱི་འགྲེལ་པ་བཞུགས། རྩོམ་ཁུངས།   གཡུང་དྲུང་བོན་དྲ་ཚིགས།     ༄༅། །གསང་མཆོག་བླ་མ་རྣམས་ལ་དེ་པ་ཧོ། གསང་བའི་མཁའ་འགྲོ་འདེགས་བྱེད་སྒྲོལ་མ་ལ་ཕྱག་འཚལ་ལོ། །སྤྱིར་ཡང་དག་པའི་དོན་ཚེ་གཅིག་ལུས་གཅིག་ལ་མངོན་པར་སངས་རྒྱས་པར་བྱེད་པ་ལ། གསང་སྔགས་ཐབས་དང་ཤེས་རབ་འབྲེལ་བའི་ལམ་མ་ཡིན་པས་མི་ནུས་ཏེ། ཕྱི་མདོ་མཛོད་འདུལ་བ་གསུམ་ལས་སོགས་པ་སྲས་རྒྱུད་ཐེག་པ་རིམ་པ་དགུ་ཡང་སྐས་གདང་ལྟ་བུ་མས་འཛེགས་ཀྱི་ལམ་ཡིན་ནོ། །ཕ་རྒྱུད་སྡོང་པོ་དགུ་འདུས་ཀྱང་ལྟ་བ་ཆེན་པོ་ལ་བཟླས་པས་ཐབས་དང་མ་འབྲེལ་པས་ལམ་ཡང་དག་པར་མི་འགྱུར་རོ། །དེས་ན་ཐབས་ཤེས་ཟུང་དུ་འབྲེལ་པ་མ་རྒྱུད་ཐུགས་རྗེ་ཉི་མ་འདི་བསྒོམ་པ་ལ། ལམ་ལྔ་ཐབས་དྲུག་ཁྲིད་བརྒྱད་དོ། །

སྙན་བརྒྱུད་ལྟ་སྒོམ་ཐག་ཆོད་དོན་གྱི་མན་ངག

སྙན་བརྒྱུད་ལྟ་སྒོམ་ཐག་ཆོད་དོན་གྱི་མན་ངག རྩོམ་པ་པོ། གསང་བདག་མུ་ལ་རང་གྲོལ་རྩལ། རྩོམ་ཁུངས། ཧི་མ་ལ་ཡའི་བོན། མཁའ་འགྲོ་ཟླ་འོད་འབར་མའི་སྙན་བརྒྱུད་ལྟ་སྒོམ་ཐག་ཆོད་དོན་གྱི་མན་ངག་བཞུགས། ༄༄།། གདོད་མའི་མགོན་པོ་ཀུན་ཏུ་བཟང་པོ་འཁོར་འདས་ཀུན་ཏུ་ཁྱབ་ལ་ཕྱག་འཚལ་ལོ༔    ཞང་ཞུང་ལྷོ་ནུབ་ཁ་ཡུག་རྒྱལ་པོའི་ཡུལ༔ ཁྱུང་ལུང་དངུལ་མཁར་རྒྱལ་བ་མཉེས་པའི་ཚལ༔ གཡུང་དྲུང་འོད་དུ་འཕྲོ་བའི་གསང་ཕུག་ན༔ བླ་ཆེན་དྲན་པ་ཡབ་ཡུམ་སྲས་དང་བཅས༔ བླ་མེད་ཡང་དག་ལྟ་བར་གནས་པའི་དུས༔ མཁའ་འགྲོ་ཡུམ་ཆེན་ཟླ་འོད་འབར་མ་ཡི༔ བྱུ་རུའི་འཁོར་ལོ་རྩེབ་བརྒྱད་འབར་བ་ལ༔ གཡུ་ཡི་གཡུང་དྲུང་རིས་སུ་བྲིས་པ་ཕུལ༔ སྐྱེ་མེད་དོན་རྟོགས་བླ་ཆེན་ཁོད་སྤུངས་ལགས༔

གཡུང་དྲུང་བོན་གྱི་སྐྱབས་འགྲོའི་ཚོགས་ཞིང་ངོ་སྤྲོད།

༡ ༽རྒྱལ་ཀུན་འདུས་པའི་བདག་ཉིད་བྱིན་གྱིས་བརླབས་པའི་སྟོན་པ་དཔལ་ལྡན་དྲིན་ཅན་ རྩ་བའི་བླ་མ་ཉིད་རྣམ་པ་ཀུན་བཟང་གཤེན་ལྷ་འོད་དཀར་གྱི་ཆ་ལུགས་སུ་བཞུགས་པ།  དེ་ཡང་ལོངས་སྤྱོད་རྫོགས་སྐུའི་ཕྱག་རྒྱ་ཉེར་ལྔ།ཞི་བའི་རྒྱན་བཅུ་གསུམ།ཚངས་ པའི་ཚུལ་དགུ།  མཚན་བཟང་པོ་སུམ་ཅུ་རྩ་གཉིས།དཔེ་བྱད་བཟང་པོ་བརྒྱད་ཅུ།ངེས་པའི་ཐོ་ཡིག་བཞི་ བཅུ།འོད་ཟེར་གྱི་ཕུང་པོ་བྱེ་བ་འཕྲོ་བའི་ཚུལ་དུ་བཞུགས་པ།

གནའ་དུས་ཞང་ཞུང་གི་ཡུལ་ལུགས་ཤོན་གྱི་སྐོར།

གནའ་དུས་ཞང་ཞུང་གི་ཡུལ་ལུགས་ཤོན་གྱི་སྐོར། ཡོངས་འཛིན་དཔོན་སློབ་བསྟན་འཛིན་རྣམ་དག    ༄༅། ། ཤོན་རྩེད་མི་གྲངས་ཉི་ཤུ་ནས་བརྒྱ་སྐོར་བར་གང་ཡོད་ཚོ་གསུམ་དུ་བཅད་དེ་ལག་བསྣོལ་བསྒྲིལ་མ་ཟླུམ་སྐོར་ཕྱི་ནང་རིམ་པ་མི་མང་ན་གསུམ་དུ་བྱེད། ཤོན་དཔོན་དང་པོ་དེས་ལག་གཡས་ཀྱིས་༼དྷོ་རིང་༽ཞེས་གཡག་དཀར་པོའི་རྔ་མ་དངུལ་གྱི་ཡུ་བ་ཅན་ཞིག་འཕྱར་བསྐོར་བྱེད་བཞིན་བཞིན་རྔ་ཆེ་ཆུང་དང་། དུང་། དུང་ཆེན། སུར་སྣ་འཁར་རྔ། སྦུབ་ཆོལ་སོགས་ཀྱི་སྒྲ་དང་བཅས།

སེམས་བསྐྱེད་ཀྱི་ཕན་ཡོན་བསྟན་པ།

སེམས་བསྐྱེད་ཀྱི་ཕན་ཡོན་བསྟན་པ། མ་ཧཱ་པཎྚི་ཏ་ཚུལ་ཁྲིམས་བསྟན་པའི་རྒྱལ་མཚན།     ༄༅། །དང་པོ་དོན་གྱི་སྒོ་ནས་བསྔགས་པ་ནི། བྱང་ཆུབ་ཀྱི་སེམས་རིན་པོ་ཆེ་རྒྱུད་ལ་སྐྱེས་པའི་གང་ཟག་དེའི་མིང་འཕོས་ནས་གཡུང་དྲུང་སེམས་དཔའ་འམ་རྒྱལ་བའི་སྲས་པོ་ཞེས་ཀུན་གྱིས་བསྔགས་པར་འོས་པ་ནི་མདོ་ལས། རྒྱས་སྲས་གཏོ་བུ་འབུམ་སངས་ལ་བདག་བས་གཞན་གཅེས་པའི་བྱང་ཆུབ་ཀྱི་སེམས་ཐུགས་ལ་འཁྲུངས་པ་ན། སངས་རྒྱས་ཀྱིས་ཀྱང་གཡུང་དྲུང་སེམས་དཔའི་མཚན་གྱིས་ཡོངས་སུ་བསྔགས་པ་དང་། དོན་འཕོས་ནས་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བའི་གནས་སུ་འགྱུར་ཏེ། གཞི་ལམ་འབྲས་བུའི་རྣམ་འབྱེད་ལས། སེམས་བསྐྱེད་ཙམ་གྱིས་ཉམ་ཐག་ཀྱང་། །རྒྱལ་བའི་སྲས་ཞེས་ཡོངས་ཀྱིས་བཀུར། ། ཞེས་གསུངས་པ་དང་།

བསྐོར་བ་གཡས་གཡོན་གྱི་ཁྱད་པར།

བསྐོར་བ་གཡས་གཡོན་གྱི་ཁྱད་པར། དཔྲ་སྟོན་ངག་དབང་བསྐལ་བཟང་བསྟན་པའི་རྒྱལ་མཚན།       ༄༅། །ཐོས་ཆུང་བ་འགའ་ཞིག་ནས་བོན་གྱི་བསྐོར་བ་ཡིན་ན་གཡོན་བསྐོར་དང་དེ་ཉིད་ཕྱི་བསྐོར་ཡིན་པས་གྲུབ་མཐའ་ཕྱི་པར་འགྱུར་བ་ཡིན་ནོ་ཞེས་ཟེར་སྐད། བཞིན་བཟང་། ཁྱིམ་དུ་མ་འཁུམ་པར་ཅུང་ཟད་ཕྱོགས་ཀུན་ལ་ལྟོས་ཤིག་དང་། འཛམ་གླིང་བྱང་ཕྱོགས་པ་རྣམས་གཡོན་ཕྱོགས་ཆེ་བར་བྱེད་པས་དེའི་གྲལ་མགོར་བཟུང་ནས་དེ་དང་མཐུན་པར་བྱང་བསྐོར་དང་། ལྷོ་ཕྱོགས་པ་རྣམས་གཡས་ཕྱོགས་ཆེ་བར་བྱས་པས་དེ་ཉིད་གྲལ་མགོར་བཟུང་ནས་དེ་དང་མཐུན་པར་ལྷོ་བསྐོར་བྱེད་དེ།

ཕྱག་ཁྲིད་ཉུང་ངུ་བརྗེད་ཐོར་བཀོད་པ།

ཕྱག་ཁྲིད་ཉུང་ངུ་བརྗེད་ཐོར་བཀོད་པ། རྗེ་བཙུན་ཚུལ་ཁྲིམས་བསྟན་པའི་རྒྱལ་མཚན།        ༄༅། །ན་མོ་གུ་རུ། ཕྱག་ཁྲིད་ཉུང་ངུ་བརྗེད་ཐོར་བཀོད་པ་ལ། ཐོག་མར་ཚོགས་ཞིང་རྒྱས་པ་སྐྱབས་འགྲོའི་སྐབས་ལྟར་གསལ་བཏབ་ལ། དེའི་མདུན་དུ་བདག་གི་གཡས་སུ་སྐྱེ་བ་ད་རེས་ཀྱི་ཕ་གཡོན་དུ་མ། བདུན་དུ་སྡང་བའི་དགྲ་གནོད་པའི་བགེགས། མཐའ་སྐོར་དུ་རིགས་དྲུག་གི་སེམས་ཅན་ཐམས་ཅད་མི་ཡི་རྣམ་པ་ཅན་དུ་ཁྲོམ་ཆེན་པོ་ལྟར་འཚོགས་པ། རང་གི་ལུས་ཞིང་གི་རྡུལ་སྙེད་དུ་སྤྲུལ་ནས་སྣ་དྲངས་ཏེ་སེམས་ཅན་ཐམས་ཅད་ཀྱི་ལུས་སྙེ་མ་རླུང་གིས་བསྐྱོད་པ་ལྟར་ཕྱག་འཚལ་བར་མོས།

མཆོད་རྟེན་སུམ་བརྒྱ་དྲུག་ཅུའི་ངོ་བོ་བསྟན་པ།

མཆོད་རྟེན་སུམ་བརྒྱ་དྲུག་ཅུའི་ངོ་བོ་བསྟན་པ། དཔོན་སློབ་བསྟན་འཛིན་རྣམ་དག་རིན་པོ་ཆེ།       གཟི་བརྗིད་ཉ༼༨༥༥༽སྐབས་འདིར་སྐུ་གདུང་བསྟན་པ་རྗེས་བཞག་གི་མདོ་ལྟར།  སྤྱིར་ན་བདེར་བཤེགས་སྐུ་གདུང་མཆོད་རྟེན་རིམ་པ་ལ། སྤྱིར་རུ་རྣམ་པ་གསུམ་དུ་དབྱེ། བོན་ཉིད་དབྱིངས་དང་རངབཞིན་མཁའ། ཀློང་ལས་སྤྲུལ་པ་རྣམ་པ་གསུམ། དེ་ལྟར་སོ་སོར་གྱེས་པ་ནི། རྣམ་གྲངས་བརྒྱ་དང་ཉི་ཤུ་རེ། སུམ་བརྒྱ་དྲུག་ཅུའི་གདགས་སྒོའི་མཚན།