༄༅།། གཡུང་དྲུང་བོན་གྱི་བཀའ་འགྱུར་དཀར་ཆག་བསྡུས་པ།

རྩོམ་ཁུངས། རེབ་གོང་བོན་མང་དྲ་ཚོགས། སྒྲིག་པ་པོ། ཁྲི་བདེ་མཆོག

ལོ་རྒྱུས་ཀྱི་ཕུགས་ཐག་རིང་ཞིང་ཞང་བོད་མཐོ་སྒང་གི་ས་སྐྱེས་རྡོ་སྐྱེས་ཀྱི་ཕ་ནོར་༧གཡུང་དྲུང་བོན་གྱི་བསྟན་པ་རིན་པོ་ཆེ་གངས་ཅན་ཁ་བའི་ལྗོངས་སུ་དར་གུད་རིམ་པ་བྱུང་ཡང་གསུང་རྟེན་ཁྱད་པར་ཅན་བཀའ་འགྱུར་རམ་རྒྱལ་བའི་བཀའ་རིན་པོ་ཆེ་དྲི་མ་མེད་པ་ཞིང་འདིར་དར་ཚུལ་གྱི་དབང་དུ་བྱས་ན་བཀའ་གཏེར་སྙན་བརྒྱུད་ཅི་རིགས་ལ་བརྟེན་ནས་བསམ་གྱིས་མི་ཁྱབ་པ་ཞིག་བྱུང་ཡོད་ཅིང་མཁས་པ་རྣམས་ཀྱིས་བཀའ་བརྟེན་འགྱུར་སྒྲིག་ཚུལ་གྱི་པོད་གྲངས་ལའང་མང་ཉུང་ཐད་གཅིག་གྱུར་ཞིག་བྱུང་མེད། ཡིན་ན་ཡང་གཙོ་རྒྱུགས་ཆེ་བ་ཀུན་མཁྱེན་ཉི་མ་བསྟན་འཛིན་མཆོག་གིས་མཛད་པའི་བཀའ་འགྱུར་བརྟེན་འགྱུར་གྱི་སྡེ་ཚན་སྒྲིག་ཚུལ་ལས་རྒྱས་པར་གསུངས་ཡོད་པ་དེ་ཉིད་ཡིན་ལ། ཕྱིས་སུ་ཕྱི་ལོ་1999ལོར་ཀུན་གྲོལ་ལྷ་སྲས་མཆོག་གིས་རྒྱ་ནག་ཁྲིན་འདུ་རུ་དཔར་བསྐྲུན་ཞུས་པའི་བཀའ་འགྱུར་པོད་གྲངས་བརྒྱ་དང་བདུན་ཅུ་དོན་བརྒྱད་ཅན་དེ་དང་བཀའ་འགྱུར་རིན་པོ་ཆེའི་བརྒྱུད་རིམ་དཀར་ཆག་དང་བཅས་པ་རྒྱས་པ་ཐོག་མཐའི་མཚམས་སྦྱོར་དཔྲ་སྟོན་བསྐལ་བཟང་བསྟན་པའི་རྒྱལ་མཚན་གྱིས་མཛད་པ་ཅན་པོད་གཅིག་བཅས་འཕགས་ཡུལ་༧དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་དང་ཨ་རིའི་(BDRC. Lib)གཉིས་ཀྱིས་མཉམ་འབྲེལ་བཤེར་འབེབས་(Scan)ཞུས་པའི་དབྱིན་ཨང་(W21872-6141-6318.pdf)བར་ཅན་གྱི་བཀའ་འགྱུར་རྒྱ་ཆེའི་དད་ལྡན་ཀློག་པ་པོ་ཡོངས་དང་ལོ་རྒྱུས་ཉམས་ཞིབ་པ་རྣམས་ལ་དུས་རབས་དང་འཚམས་པའི་དྲ་རྒྱ་(བོད་ཀྱི་ནང་བསྟན་དཔེ་ཚོགས་ལྟེ་གནས།)གློག་ཀླད་ཁ་པར་སོགས་ནས་གཟིགས་ཀློག་བཙལ་འཚོལ་སྟབས་བདེ་ཡོང་ཆེད་དུ་གཡུང་དྲུང་བོན་གྱི་དཔེ་མཛོད་ཁང་དུ་ཕྱི་ལོ་2020ཟླ་07ཚེས་5ཉིན་ཁྲི་བདེ་མཆོག་ཏུ་འབོད་པས་བསྐྱར་བསྒྲིགས་གྲུབ་པ་དགེའོ།། ཐ་ཚན་མུ་ཙུག་སྨར་རོ།།

རྩོམ་སྒྲིག་པ། རེབ་སྐྱིད་ཡར་འཕེལ།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།