བོད་མེ་མོ་བྱ་ལོའི་ལོ་སར་ལེགས་སྐྱེས། རྡུང་ལེན།

དུས་ཀྱི་སྟོན་པ་བོན་བརྒྱ་བ།།

གཞས་ཚིག རེབ་སྐྱིད་ཡར་འཕེལ།
གཞས་གདངས། དམངས་ཁྲོད།
གཞས་པ། རྣམ་རྒྱལ།

གླུ་སྙན་མོའི་མཆོད་པ་དགུང་ལ་བླངས།།
དགུང་ཨ་སྔོན་དཀྱིལ་གྱི་ཉི་མར་འབུལ།།
གནས་འཇིག་རྟེན་ཡོངས་ཀྱི་མུན་པ་སེལ།།
མ་སེམས་ཅན་དད་ལྡན་འགྲོ་བ་རྣམས།།
ཕྱག་དད་པའི་མཆོད་པ་མ་ཆད་དང་།།
ངའི་བླ་མའི་གཟི་བྱིན་འདི་མོ་ཡིན།།

གླུ་སྙན་མོའི་མཆོད་པ་སྤྲིན་ལ་བླངས།།
སྤྲིན་དཀར་པོ་དཀྱིལ་གྱི་འབྲུག་ལ་འབུལ།།
ཆུ་ཆར་བའི་སྐོམ་གདུང་སེལ་ནས་ཡོད།།
མ་སེམས་ཅན་དད་ལྡན་བོན་འབངས་རྣམས།


ཆུ་གཙང་མའི་མཆོད་པ་མ་ཆད་དང་།།
ངའི་བླ་མའི་སྐུ་དྲིན་འདི་མོ་ཡིན།།

གླུ་སྙན་མོའི་མཆོད་པ་བོན་ལ་བླངས།།
བོན་སྐྱབས་མགོན་ཆེན་པོ་ཁྱེད་ལ་འབུལ།།
ངེད་གཤེན་ཚོགས་ཡོངས་ཀྱི་མགོན་སྐྱབས་ལ།།
སྐུ་མི་འགྱུར་བརྟན་པོར་བཞུགས་མཛོད་དང།།
བོན་བསྟན་པའི་རྒྱལ་མཚན་སྒྲེངས་ནས་ཡོང་།།
སྐུ་བསྐལ་བརྒྱར་བརྟན་པའི་སྨོན་ལམ་འདེབས།།

 

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།