རྨ་ལྷོ་བོད་རིགས་རང་སྐྱོང་ཁུལ་དུ་ནང་བསྟན་དང་སྤྱི་ཚོགས་རིང་ལུགས་སྤྱི་ཚོགས་མཐུན་སྦྱོར་ཡོང་བའི་གླེང་སྟེགས་སྐབས་དང་པོ་བསྡུས།

རྨ་ལྷོ་བོད་རིགས་རང་སྐྱོང་ཁུལ་དུ་ནང་བསྟན་དང་སྤྱི་ཚོགས་རིང་ལུགས་སྤྱི་ཚོགས་མཐུན་སྦྱོར་ཡོང་བའི་གླེང་སྟེགས་སྐབས་དང་པོའི་སྟེང་རེབ་གོང་བོན་བརྒྱ་དགོན་པའི་གྲྭ་བཙུན་བསྟན་འཛིན་མཆོག་སྒྲུབ་ལགས་ལ་ཕུལ་བྱུང་བྱ་དགའ་ཐོབ་པ། །

778ec4ed1ab30e431f2c869a06c19c63

ཟླ་བདུན་པའི་ཚེས་ཉེར་བདུན་ཉིན། རྨ་ལྷོ་བོད་རིགས་རང་སྐྱོང་ཁུལ་དུ་ནང་བསྟན་དང་སྤྱི་ཚོགས་རིང་ལུགས་སྤྱི་ཚོགས་མཐུན་སྦྱོར་ཡོང་བའི་གླེང་སྟེགས་སྐབས་དང་པོ་བསྡུས། གླེང་སྟེགས་འདི་ནི་རྨ་ལྷོ་ཁུལ་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་། རྨ་ལྷོ་ཁུལ་ནང་བསྟན་མཐུན་ཚོགས་གཉིས་ཀྱིས་གཙོ་སྒྲུབ་བྱས་ཏེ་རྨ་ལྷོ་ཁུལ་མགྲོན་ཁང་གི་ཚོགས་འདུ་ཁང་དུ་སྤེལ་བ་དང་། གླེང་སྟེགས་ལ་ལཱ་མོ་བདེ་ཆེན་དགོན་པའི་སྤྲུལ་སྐུ་ཞབས་དྲུང་དཀར་པོ་ཚང་གིས་མགོ་འཛིན་བྱས། ཚོགས་ཐོག་ཏུ་མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ་དང་རེབ་གོང་ནང་བསྟན་མཐུན་ཚོགས་ཀྱི་ཀྲུའུ་ཞི། རོང་བོ་དགོན་པའི་དགོན་བདག་བླ་མ་ཤར་ཚང་། རྨ་ལྷོ་ཁུལ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་མགོན་པོ་བཀྲ་ཤིས་བཅས་ཀྱིས་ཤིས་ཚིག་ཕུལ། གླེང་སྟེགས་ལ་ཞིང་ཆེན་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་རྒྱ་བཟའ་དང་ཚེ་བརྟན། དགར་བ་སོགས་དང་རྨ་ལྷོ་ཁུལ་གྱི་བླ་སྤྲུལ་དང་དགེ་བཤེས་བརྒྱ་ལྷག་ཞུགས་ཡོད་པ་དང་།

7d908d1d7bc2b053cba4074dfa54019b

རྨ་ལྷོ་ཁུལ་གྱི་ནང་བསྟན་དགོན་པ་དང་ནང་བསྟན་ཆོས་ལུགས་མི་སྣའི་ཁྲོད་དུ་དཔྱད་རྩོམ་བསྡུ་བའི་བྱ་འགུལ་སྤེལ་བའི་ཁྲོད་ཀྱི་དཔྱད་རྩོམ་བཅུ་ཚོགས་ཐོག་ཏུ་སྒྲོག་འདོན་དང་བྱ་དགའ་ཐོབ་པའི་དཔྱད་རྩོམ་ཉི་ཤུ་ལ་བྱ་དགའ་ཨང་རིམ་བཀར་བའི་ཁྲོད་རེབ་གོང་བོན་བརྒྱ་དགོན་སྨན་རི་བཤད་སྒྲུབ་སྨིན་གྲོལ་གླིང་གི་གྲྭ་བཙུན་བསྟན་འཛིན་མཆོག་སྒྲུབ་ལགས་ལ་ཐེངས་འདིའི་དཔྱད་རྩོམ་འགྲན་ཚོགས་ཁྲོད་ཕུལ་བྱུང་བྱ་དགའ་ཐོབ་པ་དང་།  ཐེངས་འདིའི་བྱ་འགུལ་ཁྲོད་གྲྭ་བཙུན་ཁོ་རང་ནི་ལོ་ན་ཆེས་གཞོན་པ་ཡིན་པས་གོང་རིམ་འགོ་ཁྲིད་དང་དགེ་རྒན་རྣམ་པས་ཁོ་ལ་བསྔགས་བརྗོད་དང་མ་འོངས་བར་རེ་བ་ཆེན་པོ་འདུག་པའི་ཡིད་ཆེས་ཀྱི་བྱ་དགའི་ལག་རྟགས་དང་ཕྱག་འཇུ་གནང་།

031 731 22

མཇུག་མཐར་རྨ་ལྷོ་ཁུལ་ཨུའི་ཧྲུའུ་ཅི་ཅུའུ་ཁི་ཀྲུང་གིས་རེབ་གོང་གི་ཆོས་ལུགས་མི་སྣ་དག་གིས་རྒྱལ་གཅེས་ཆོས་གཅེས་དང་སྡོམ་སྲུང་ཁྲིམས་བརྩིའི་སྒོ་ནས་བོད་བརྒྱུད་ནང་བསྟན་གོང་སྤེལ་དང་མི་རིགས་སོ་སོར་མཐུན་སྒྲིལ་དམ་པོ་བྱེད་དགོས་པའི་བླང་བྱ་བཏོན་པ་ལྷན་འདུ་ཚོགས་ཡོངས་སུ་མཇུག་རྫོགས། །

c2b387ecff16df14bae1d082de281dd8

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།