རྗེ་བོན་བརྒྱ་རིན་པོ་ཆེ་འཁོར་དང་བཅས་པ་གོང་མོ་གུར་ཁང་དུ་ཕེབས་པ།

རྗེ་བོན་བརྒྱ་རིན་པོ་ཆེ་འཁོར་དང་བཅས་པ་གོང་མོ་གུར་ཁང་དུ་ཕེབས་པ།
ཁྱུང་དཀར་ཟླ་བ།

༧ ཧོར་ཟླ་བཞི་བའི་ཚེས་བཅོ་ལྔའི་ཉིན་སྐྱབས་རྗེ་བླ་མ་བོན་བརྒྱ་རིན་པོ་ཆེ་གཙོ་བྱས་པའི་དགེ་འདུན་པ་རྣམས་དང་བོན་མང་སྔགས་འཆང་གི་སྐོར། སེར་སྐྱ་ཕོ་མོ་བཅས་བསྡོམས་པས་མི་གྲངས་སུམ་བརྒྱ་ལྷག་ཙམ་ཞིག ཇི་སྐད་དུ། བྱང་ཕྱོགས་གོང་མོའི་གུར་ཁང་ན། །བོན་སྟོན་དྲན་པ་ནམ་མཁའ་གྲུབ། །ཞེས་གསུངས་པ་ལྟར་རེབ་གོང་གྲུབ་གནས་བརྒྱད་ཀྱི་ཐོག་མ་གོང་མོའི་གུར་ཁང་དུ་ཕེབས་ནས་བླ་མ་ཚེ་དབང་རིག་འཛིན་གྱི་ཚོགས་འཁོར་རྒྱ་ཆེན་པོ་བསྐོར། གནས་དེར་འབྱོར་མ་ཐག་མཁའ་ལ་འཇའ་ཚོན་སྣ་ལྔས་གུར་ཕིབས་ཏེ་བཀྲ་ཤིས་རྟེན་འབྲེལ་ལེགས་པའི་མཚན་མ་ལམ་མེར་ཤར། རྗེ་བླ་མས་བསྟན་པ་དང་འགྲོ་བ་སེམས་ཅན་གྱི་ཆེད་དུ་ཐུགས་བསྐྱེད་རྒྱ་ཆེན་པོར་གནང་སྟེ་བླ་སྔགས་དང་དད་ལྡན་གྱི་སྐྱེ་ཕོ་མོ་ཡོངས་ལ་བཀྲ་ཤིས་ཤིས་བརྗོད་ཀྱི་ཚིག་དང་དགེ་བའི་བསྐུལ་མ་མང་དུ་གསུངས་ཤིང་། མཐར་འཁོར་གསུམ་དམིགས་མེད་བསྔོ་སྨོན་ཡང་དག་གིས་རྗེས་གདབ་དང་གྲུབ་སྟོན་ལེགས་པར་བྱས། ཉིན་དེར་རྗེ་བླ་མ་ཁོང་དང་བླ་གྲྭ་འགའ་ཞག་བཞུགས་གནང་ཞིང་ཚེས་བཅུ་དྲུག་ཉིན་ཕྱིར་རང་དགོན་དུ་ཕེབས།

110566125 112488485 113200109 1052211705 1054344813 1123244125 1128333329 1129144329 1130433921 1132411609 1133511109 1134522469 1135288049 1136522393 1137544813

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།