ཡིད་སྐྱོ་བའི་གནས་ཚུལ་གསལ་བསྒྲགས།

༄༅། །འགྲོ་བ་ལྷ་དང་བཅས་པ་ཡོངས་ཀྱི་སྐྱབས་མཆོག་དམ་པ་བོན་བརྒྱ་ཐམས་ཅད་མཁྱེན་པ་མཆོག་ཉིད། ཧོར་ཟླ་བདུན་པའི་ཚེས་དྲུག་གི་དགོང་མོའི་ཆུ་ཚོད་བཅུ་གཅིག་གི་སྟེང་དགོངས་པ་བོན་དབྱིངས་སུ་གཟིམས་པའི་ཚུལ་བསྟན་ཉིན་དེ་ནས་བཟུང་བླ་མ་ཁོང་གི་སྲས་ཀྱི་ཐུ་བོར་གྱུར་བ་ཤར་རྫའི་རྒྱལ་ཚབ་འཇིགས་མེད་དབང་ཕྱུག་དང་། སྐྱང་སྤྲུལ་ནམ་མཁའ་བསྟན་འཛིན། བྱང་སྟོན་དྲི་མེད་ཉི་མ་དང་། སྐྱབས་རྗེ་ཁོང་གི་ཐུགས་སྲས་གང་མང་ཞིག་གིས་གསལ་འདེབས་ཀྱི་ཚུལ་དུ་བླ་མའི་རྣལ་འབྱོར་དང་ཚེ་དབང་བོད་ཡུལ་མ་སོགས་ལ་བརྩོན་ལེན་གནད་སྨིན་གྱིས་བསྒྲུབས་ནས་བླ་མ་རིན་པོ་ཆེ་ཚང་གི་དགོངས་བཞེད་ཇི་བཞིན་དུ་གསང་རྒྱ་དམ་པོར་བསྲུང་བ་ཡིན། ཚེས་བཅུ་གཉིས་ཉིན་གྱི་ཞོགས་པ་ནས་གསང་རྒྱའི་རིམ་པ་གྲོལ་ཏེ་ཀུན་ལ་ཁྱབ་བསྒྲགས་བྱས་པ་ཡིན་པས་སྡིག་སྤོང་དགེ་སྒྲུབ་དང་ཚོགས་བསགས་ཉམས་ལེན་གྱི་རིམ་པ་ལ་ཅི་ནུས་ཀྱིས་འབད་པར་འཚལ་ཅེས་བོན་བརྒྱ་དགོན་དང་བོན་མང་འདུས་སྤྱི་ནས་ཟླ༧པའི་ཚེས༡༢ལ།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།