བོན་བསྟན་སྔ་དར་སྐབས་བོན་པོའི་གྲྭ་ས་གཙོ་བོ་ག་རེ་ཡིན་ནམ།

   བསྟན་པ་སྔ་དར་ཐོག་མར་ཞང་ཞུང་གི་ཡུལ་དུ་འདུལ་བསྟན་དར་ཞིང་རྒྱས་སྐབས་མཁན་པོ་རྫུ་འཕྲུལ་ཡེ་ཤེས་དང་།   དེའི་མཁན་བུ་ཡེ་ཤེས་ཚུལ་ཁྲིམས་བླ་སློབ་གཉིས་ཀྱིས་ཕྱག་བཏབ་པ་སྤོས་རི་ངད་ལྡན་གྱི་ཤར་རྒྱུད་ལ་ཡོད་པའི་དྲུང་མུ་ལྷ་རྩེའི་ལྷ་སྡེ་ཆེན་པོ་དང་།  གཡུང་དྲུང་ཚུལ་ཁྲིམས་ཀྱིས་ཕྱག་བཏབ་པ་མཚོ་མ་པང་(བོན་གཞུང་དུ་མཚོ་མ་ཕམ་ལ་མཚོ་མ་པང་ཟེར་སྲོལ་ཡོད)གི་ཤར་ངོས་ལ་ཡོད་པའི་གཡུང་དྲུང་ལྷ་རྩེའི་འདུས་སྡེ་ཆེན་པོ།  གཙུག་ཕུད་ཚུལ་ཁྲིམས་ཀྱིས་ཕྱག་བཏབ་པ་ལྷོ་ཕྱོགས་ཧྲོམ་པོ་དཔལ་(གྲམ་པ་དཔལ་ཞེས་སྣང་)གྱི་རི་ལ་གཡུང་དྲུང་བརྩེགས་པའི་འདུས་སྡེ་ཆེན་པོ།  ཁྲི་འབར་གཙུག་ཕུད་ཀྱིས་ཕྱག་བཏབ་པ་སྤོས་རི་ངད་ལྡན་གྱི་ནུབ་ཕྱོགས་དཔལ་ཕུའི་རི་སྡེབས་སུ་ཡོད་པའི་གཡུང་དྲུང་མཆོག་སྟེང་དགོན་པ་བཅས་དེ་བཞི་ནི་སྔར་ཞང་ཞུང་ཡུལ་གྱི་གདན་ས་གཙོ་བོ་ཁག་བཞི་དེ་ཡིན་ནོ།།

འགོ་བ་དགེ་བཤེས་བསྟན་འཛིན་འབྲུག་གྲགས།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།