བོན་བསྟན་ཕྱི་དར་སྐབས་བོན་གྱི་གྲྭ་ས་གཙོ་བོ་ག་རེ་ཡིན་ནམ།

   བསྟན་པ་ཕྱི་དར་སྐབས་དང་ཐོག་བྲུ་ཞུ་སྤ་རྨེའུ་གཤེན་ལྔའི་གྲྭ་ས་ཡ་བཞི་ཟུང་བརྒྱད་ཡོད་པའི་ཡ་བཞི་ནི།  བྲུའི་གདན་ས་གཙོ་བོ་གཡས་རུ་དབེན་ས་ཁ་དང་།   ཞུའི་གདན་ས་དབང་ལྡན་ལྷུན་གྲུབ་སྒང་།  སྤའི་གདན་ས་ལ་ཕུགས། རྨེའུའི་གདན་ས་དཔལ་ལྡན་བཟང་པོ་རི་དང་བཞིའོ།། དེ་སྟེང་གཤེན་གྱི་གདན་ས་འཇེད་དར་ལྡིང་དང་ཁྲི་བརྟན་ནོར་བུ་རྩེ།  ཕྱིས་བོན་གྱི་གྲྭ་ས་གོང་མ་མཉམ་མེད་ཤེས་རབ་རྒྱལ་མཚན་གྱིས་ཕྱག་བཏབ་པ་གཙང་བཀྲ་ཤིས་སྨན་རི་དགོན།   གྲྭ་ས་བར་མ་འགྲོ་མགོན་ཤེས་རབ་གཡུང་དྲུང་གིས་ཕྱག་བཏབ་པ་མཁར་སྣ་བསམ་བརྟན་གླིང་།  གྲྭ་ས་འོག་མ་སྣང་སྟོན་ཟླ་བ་རྒྱལ་མཚན་གྱིས་ཕྱག་བཏབ་པ་རབ་ལེགས་གཡུང་དྲུང་གླིང་བཅས་བརྒྱད་དོ།།

འགོ་བ་དགེ་བཤེས་བསྟན་འཛིན་འབྲུག་གྲགས།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།