གཡུང་དྲུང་བོན་གྱི་བཤད་སྒྲུབ་འདུས་སྡེའི་སྐབས་བབས་ཀྱི་སྦྱང་བྱའི་གཞུང་ཆེན་ཁག་དང་ཐུན་མོང་རིག་གནས་ཀྱི་སྐོར།

དཔལ་གཤེན་བསྟན་སྨན་རིའི་གླིང་གི་བཤད་སྒྲུབ་སློབ་གཉེར་བའི་སྦྱང་བྱའི་ཐུན་མིན་གབ་མཛོད་ས་གསུམ་གཙོས་པའི་ཡིག་ཆའི་སྐོར་ནི། བོན་གྱི་སྤྱན་ལྡན་ཆེན་པོ་འགྲོ་མགོན་བློ་གྲོས་དང་རྒྱལ་མཚན་དང་། རྒྱལ་བ་མཉམ་མེད་ཆེན་པོ། ཀུན་མཁྱེན་ཉི་མ་བསྟན་འཛིན་སོགས་ཀྱིས་མཛད་པའི་ཕྱི་ནང་གསང་བའི་གཞུང་ཆེན་ཁག་ཡིན།      དང་པོ། བསྡུས་གྲྭ། ཐུན་མོང་བསྡུས་གྲྭའི་རྣམ་བཞག་རིག་པའི་བློ་སྒོ་འབྱེད་པའི་ལྡེ་མིག་ཕས་རྒོལ་ལོག་ལྟ་འཇོམས་པའི་ཐོག་མདའ་གཤེན་བསྟན་པད་ཚལ་རྒྱས་པའི་ཉི་མ། ༼ཀུན་མཁྱེན་ཉི་མ་བསྟན་འཛིན་གྱིས་མཛད། ༽     གཉིས་པ་ཚད་མ་དང་ཐེག་རིམ། རྗེའི་ཚད་མ་རྣམ་འབྱེད་འཕྲུལ་གྱི་སྒྲོན་མེའི་རྩ་འགྲེལ་གཉིས། ཚད་མའི་དེ་ཁོ་ན་ཉིད་ཀུན་ལས་བཏུས་པ་རིག་པའི་གཏེར་མཛོད། ༼འགྲོ་མགོན་བློ་གྲོས་རྒྱལ་མཚན། ༽རྗེ་ཡི་ཐིག་འགྲེལ།     གསུམ་པ་ས་ལམ་དང་ཤེར་ཕྱིན། རྗེའི་ས་ལམ་འཕྲུལ་གྱི་སྒྲོན་མེའི་རྩ་འགྲེལ་གཉིས་དང་ཐར་ལམ་གསལ་བྱེད། ཐེག་པ་ཆེན་པོ་ས་དང་ལམ་གྱི་རིམ་པ་རིན་པོ་ཆེ་འཕྲུལ་གྱི་ལྡེ་མིག ༼འགྲོ་མགོན་བློ་གྲོས་རྒྱལ་མཚན།༽ ཀུན་མཁྱེན་ཉི་མའི་ཤེར་ཕྱིན་གྱི་རྣམ་བཤད་སྐབས་བརྒྱད། རྗེ་ཡི་སྡུད་འགྲེལ།        བཞི་བ་དབུ་མ། རྗེའི་ཐེག་པ་ཆེན་པོ་དབུ་མ་བདེན་གཉིས་ཀྱི་འགྲེལ་བ།      ལྔ་བ་མཛོད། རྗེའི་མཛོད་འགྲེལ་འཕྲུལ་གྱི་སྒྲོན་མེ། སྲིད་པའི་མཛོད་ཕུགས་ཀྱི་དེ་ཁོ་ན་ཉིད་གཏན་ལ་དབབ་པའི་འགྲེལ་བ། ༼འགྲོ་མགོན་བློ་གྲོས་རྒྱལ་མཚན། ༽     དྲུག་པ་འདུལ་བ། རྗེའི་འདུལ་བ་མདོར་བསྡུས་ཀྱི་འགྲེལ་བ་དང་བསྟན་པའི་སྲོག་ཤིང་འདུལ་བའི་བསླབ་བྱ་གསལ་བར་བྱེད་པའི་འགྲེལ་བ་འཕྲུལ་གྱི་སྒྲོན་མེ།       བདུན་པ་སྔགས། རྗེ་ཡི་ཐེག་འགྲེལ་གྱི་སྔགས་ཕྱི་ནང་གཉིས་དང་གསང་དོན་རྣམ་འབྱེད་འཕྲུལ་གྱི་ལྡེ་མིག རྗེའི་གསང་སྔགས་དམ་ཚིག་རྣམ་བཤད། འགྲོ་མགོན་གྱི་རྩ་རྒྱུད་གསང་བ་བསེན་ཐུབ་ཀྱི་འགྲེལ་བ་ཡིད་བཞིན་རྣམ་པར་བཀོད་པའི་རྒྱན་དང་སྐུ་གསུང་ཐུགས་ཀྱི་སྒྲུབ་ཐབས་ཀྱི་འགྲེལ་བ་གསལ་བྱེད་འཕྲུལ་གྱི་མེ་ལོང་།      བརྒྱད་པ་རྫོགས་ཆེན། རྗེའི་གབ་པའི་འགྲེལ་བ། རྗེའི་ཐེག་འགྲེལ་གྱི་རྫོགས་ཆེན། འགྲོ་མགོན་གྱི་གལ་མདོ་དྲི་མེད་གསལ་སྒྲོན། མཁས་བཞིའི་གབ་འགྲེལ། ཤ་རིའི་གལ་མདོ། ཨ་སྙན་རྫོགས་གསུམ། དྲན་པའི་ནམ་མཁའ་འཕྲུལ་མཛོད་ཀྱི་རྩ་འགྲེལ་གཉིས།

སྦྱང་བྱ་ཐུན་མོང་རིག་གནས་སྐོར།

དག་ཡིག བརྡ་སྤྲོད་ཉི་ཤུ་བདུན་པ། བརྡ་དག་རིན་ཆེན་གཏེར་ཁྱིམ། བརྡ་སྤྲོད་སྲིད་པའི་སྒྲོན་མེ། སྙན་ངག སྙན་ངག་དཔྱོད་ལྡན་ཡིད་འཕྲོག སྙན་ངག་རིན་ཆེན་ལྡེ་མིག འབྱུང་རྩིས། ནག་རྩིས་སྣང་སྲིད་མེ་ལོང་། གཤེན་གྱི་རྩིས་གསར་རྣམ་དག སྐར་རྩིས། རྩིས་གཞུང་རྟ་བདུན་དབང་བོ། རྩིས་ཀྱི་ལེགས་པར་བཤད་པ་སྣང་སྲིད་གསལ་བའི་སྒྲོན་མེ་ངོ་མཚར་འོད་ཟེར་འབུམ་ལྡན། དཔྱད་གསུམ་དག་རྩིས། སྒྲ་སྡེབ། སྡེབ་སྦྱོར་ཀླུ་དབང་གདེངས་ཀ། དབྱངས་ཅན་སྒྲ་མདོའི་འགྲེལ་བ་རྒྱལ་ཡུམ་བཟང་བཟའ་རིང་བཙུན་གྱི་དགོངས་བཅུད་དཔྱོད་ལྡན་བྱེ་བའི་མགུལ་རྒྱན་སྲིད་གསུམ་དགའ་བའི་སྙིང་ནོར། བཟོ་རིག བདེ་བར་གཤེགས་པའི་སྐུ་གདུང་སྐུ་གཟུགས་གཉིས་ཀྱི་ཐིག་རྩ་བཀོད་གནས་རང་གྲུབ། བཟོ་རིག་གསལ་བའི་རྒྱན། ཟབ་ལམ་དཀྱིལ་འཁོར་རྒྱ་མཚོའི་ཐིག་གི་རྣམ་བཤད། རྒྱལ་བའི་སྐུ་བརྙན་དང་མཆོད་རྟེན་གྱི་གཟུངས་རྫོང་དགོས་འབྱུང་གཏེར་གྱི་མཛོད་ཆེན། སྨན་སྐོར། ཐུགས་འབུམ་མཁའ་སྔོན་དང་། ཉེར་མཁོ་དཔག་བསམ་ལྗོན་ཤིང་།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།