རེབ་གོང་སྒྱུ་རྩལ་བཤམས་སྟོན་ཁང་དུ་བོན་གྱི་ཡི་དམ་དང་སྲུང་མའི་ནང་གཏོར་བཅུ་ཕྲག་ལྷག་བཞག་པ།

རྩོམ་པ་པོ། རེབ་སྐྱིད་ཡར་འཕེལ།  རྩོམ་ཁུངས། རེབ་གོང་བོན་མང་དྲ་བ།

IMG_4776སྤྱི་ལོ་2016ལོའི་རེབ་གོང་དམངས་སྲོལ་དུས་ཆེན་དྲུག་པའི་ཀླུ་རོལ་ཆེན་མོ་ཡིན་པས་རེབ་གོང་ཡུལ་དུ་ཡུལ་སྐོར་བའི་འཚང་ཁ་རྒྱག་བཞིན་ཡོད་ལ། རེབ་གོང་སྒྱུ་རྩལ་བཤམས་སྟོན་ཁང་དུ་ཡང་དམངས་སྲོལ་ལག་རྩལ་གྱིས་བཟོས་པའི་ཐང་ཀ་དང་འབག་སྐུ། རྡོ་བསྐོས་རི་མོ་དང་ཤིང་བསྐོས་སོགས་རིགས་མི་འདྲ་བ་མང་པོ་ཡོད་པ་དང་། ཞིབ་ཏུ་ཀློག རེབ་གོང་སྒྱུ་རྩལ་བཤམས་སྟོན་ཁང་དུ་བོན་གྱི་ཡི་དམ་དང་སྲུང་མའི་ནང་གཏོར་བཅུ་ཕྲག་ལྷག་བཞག་པ།

རེབ་གོང་བོན་བརྒྱ་དགོན་སྨན་རི་བཤད་སྒྲུབ་སྨིན་གྲོལ་གླིང་གི་ད་ལོའི་ཁྲི་མཆོད་ཆེན་མོ་ངོ་སྤྲོད་མདོར་བསྡུས་དང་ཞར་བྱུང་ངེད་བཤད་སྒྲུབ་སློབ་གླིང་གི་སློབ་བུ་ཚོར་བྱ་དགའ་གནངས་པའི་ཟུར་ཙམ་གླེང་བ།

རྩོམ་ཁུངས། རེབ་གོང་བོན་མང་དྲ་བ། རྩོམ་པ་པོ། བོན་བརྒྱ་བསྟན་འཛིན་མཆོག་སྒྲུབ།
IMG_4655
སྟོད་ན་བྱ་ཁྱུང་གངས་ཀྱི་ལྷུན་མཐུག་ཅིང་རྩེ་རྣོ་བ་ལ་སྤྲིན་དཀར་གྱི་ཚོགས་ལང་ལོང་འཁྱུད་ཅིང་སྨད་ན་དགུ་ཆུ་སྔོན་མོའི་ཀླུང་ཡངས་ཤིང་རྒྱུན་རིང་བ་ལ་ཆུ་གནས་ཀྱི་ཚོགས་བག་ཡངས་ཀྱིས་རྩེན་པ།རྒྱབ་ཕྱོགས་སུ་སྨན་ཀྱི་རི་ལ་རྩྭ་ཤིང་སྣ་ཚོགས་ཀྱི་ཚལ་རྒྱས་ཤིང་དྲི་ངད་ཕྱོགས་སུ་ལྡིང་བ། མདུན་ཕྱོགས་སུ་སྤང་བྲག་འདྲེས་མའི་ལྷུན་པོ་རལ་གྲིའི་དབྱིབས་དང་ལྡན་པ་ལ། པོ་ཏི་སྟེགས་སུ་བརྩིགས་དང་མཚུངས་པའི་ཞིང་ཚིགས་དུ་མའི་ཐེམ་བསྟར་བ། གཡས་ཕྱོགས་སུ་ཞོ་ལུང་ལྷུན་པོའི་སྟོད་སྨད་བར་གསུམ་ན་རི་དྭགས་དང་གཡུང་དྭགས་སྣ་ཚོགས་སོས་དལ་གྱིས་རྒྱུ་བ།དེའི་མདུན་ཞོལ་ན་འབྲོང་ཆུ་བསིལ་མ་ཤག་ཤག་དང་ལྷིང་ལྷིང་གིས་རྒྱུགས་པ། ཉེ་འཁོར་གྱི་ལྗོན་གསེབ་སྣ་ཚོགས་ན་བྱ་དང་བྱེའུ་མང་པོས་ཀྱུར་ཀྱུར་དང་དིར་དིར་གྱི་སྐད་སྙན་འདྲ་མིན་སྒྲོགས་པ། ཞིབ་ཏུ་ཀློག རེབ་གོང་བོན་བརྒྱ་དགོན་སྨན་རི་བཤད་སྒྲུབ་སྨིན་གྲོལ་གླིང་གི་ད་ལོའི་ཁྲི་མཆོད་ཆེན་མོ་ངོ་སྤྲོད་མདོར་བསྡུས་དང་ཞར་བྱུང་ངེད་བཤད་སྒྲུབ་སློབ་གླིང་གི་སློབ་བུ་ཚོར་བྱ་དགའ་གནངས་པའི་ཟུར་ཙམ་གླེང་བ།

༄༅།།རེབ་གོང་བོན་བརྒྱ་དགོན་ལྔ་རིག་གཞུང་ཆེན་སློབ་གླིང་གི་དབྱར་དུས་ཀྱི་རྒྱུགས་སྤྲོད་ཆེན་མོའི་རབ་བྱེད།

 རྩོམ་ཁུངས། རེབ་གོང་བོན་མང་དྲ་བ།  རྩོམ་པ་པོ། བོན་བརྒྱ་བསྟན་འཛིན་མཆོག་གྲུབ།

IMG_4586
དབྱར་ཟླ་དྲུག་པའི་ཡར་ཚེས་ཀྱི་ཉིན་བཟང་པོ་སྟེ་ཞོགས་པའི་ཉི་རྩེ་དང་ལྷན་དུ་ནམ་མཁའ་གཡའ་དྭངས་ཤིང་ས་གཞིར་རྡུལ་དག་པའི་དབེན་གནས་ཀྱི་རི་སུལ་དེ་ན་ཤེལ་གྱི་བྲག་རི་བཞིན་རྔམ་གྱིས་བརྗིད་པའི་རྩེ་མཆོག་གསུམ་མཆོད་པའི་ལྷ་ཁང་དང་ལྷོ་འདོད་པ་ཀུན་འབྱུང་གི་གསས་ཁང་།ཞོལ་བཀྲ་ཤིས་སྒོ་མང་མཆོད་རྟེན་དང་ཟུར་རྣམ་པར་རྒྱལ་བའི་ཟངས་སྐུ་ཆེན་མོ། ད་དུང་དེ་གའི་ཕྱོགས་ཕྱོགས་དང་མཚམས་མཚམས་ན་མུ་ཏིག་བཞིན་གང་སར་བརྡོལ་བའི་གྲྭ་ཤག་མང་པོ། ཞིབ་ཏུ་ཀློག ༄༅།།རེབ་གོང་བོན་བརྒྱ་དགོན་ལྔ་རིག་གཞུང་ཆེན་སློབ་གླིང་གི་དབྱར་དུས་ཀྱི་རྒྱུགས་སྤྲོད་ཆེན་མོའི་རབ་བྱེད།

རྒྱལ་སྤྱིའི་བོན་གྱི་བགྲོ་གླེང་ཚོགས་ཐེངས་བཞི་བའི་གནས་བསྡུས།

རྒྱལ་སྤྱིའི་བོན་གྱི་བགྲོ་གླེང་ཚོགས་ཐེངས་བཞི་པ་ལེགས་གྲུབ་བྱུང་བའི་གནས་བསྡུས།

01

རྒྱལ་སྤྱིའི་བོན་གྱི་བགྲོ་གླེང་ཚོགས་ཐེངས་བཞི་པ་ལེགས་གྲུབ་བྱུང་བའི་གནས་བསྡུས།

ཞིབ་ཏུ་ཀློག རྒྱལ་སྤྱིའི་བོན་གྱི་བགྲོ་གླེང་ཚོགས་ཐེངས་བཞི་བའི་གནས་བསྡུས།

ཤིས་ཚིག་པདྨ་དཀར་པོའི་རང་མདངས།

ཤིས་ཚིག་པདྨ་དཀར་པོའི་རང་མདངས།

འཇིགས་མེད་བཤད་སྒྲུབ་རྒྱ་མཚོ།

DSCF6491

རྨད་བྱུང་དགེ་མཚན་རྩིབས་སྟོང་འཁོར་ལོལེགས་བྱའི་སྤྲིན་གྱི་གདུགས་དཀར་པོ།།

འགག་མེད་གསུང་དབྱངས་གཡས་འཁྱིལ་དུང་སྒྲས་མཁས་རྒུའི་འཛིན་བྱེད་རྒྱལ་མཚན་མཐོ།།

ཟབ་གསང་ལྷུན་གྲུབདཔལ་བེའུའི་རི་མོ་ས་ཆེན་གསེར་ཉའི་བསྒྲོལ་ལམ་མྱུར།།

ཕན་བདེ་རྒྱ་མཚོའི་བཅུད་བལྟམས་བུམ་བཟང་ཏོག་ཆེན་པད་དཀར་མཛེས་པར་བཞད།། ཞིབ་ཏུ་ཀློག ཤིས་ཚིག་པདྨ་དཀར་པོའི་རང་མདངས།

སྟོན་པ་གཤེན་རབ་མི་བོའི་མཛད་པ་བཅུ་གཉིས་ཀྱི་སྐོར།

རྣམ་འདྲེན་བརྒྱད་པ་རྫོགས་པའི་སངས་རྒྱས་སྟོན་པ་གཤེན་རབ་མི་བོའི་མཛད་པ་བཅུ་གཉིས་ཀྱི་སྐོར།

སེང་སྤྲུལ་རིག་འཛིན་ཉི་མས་བསྒྲིགས།

B-19w    དེ་ཡང་བདག་ཅག་གི་མགོན་པོ་རྣམ་འདྲེན་བརྒྱད་པ་བདུད་བཞི་མ་ལུས་པ་བཅོམ་མཛད། རྫོགས་པའི་སངས་རྒྱས་སྟོན་པ་གཤེན་རབ་མི་བོ་དེ་ཉིད་ཀྱིས་དང་པོ་བྱང་ཆུ་མཆོག་ཏུ་ཐུགས་བསྐྱེད་ཅིང་བར་དུ་བསྐལ་པ་གྲངས་མེད་གསུམ་གྱི་རིང་ལ་སྒྲིབ་གཉིས་སྦྱོང་ཞིང་ཚོགས་གཉིས་རྫོགས་པར་བསགས། མཐར་སྟག་གཟིག་འོལ་མོ་ལུང་རིང་དུ་མངོན་པར་སངས་རྒྱས་ནས་མཛད་པ་ཆེན་པོ་བཅུ་གཉིས་དང༌། དྲུག་ཅུ་རྩ་བཞི། མཛད་ཕྲན་བརྒྱ་དང་རྩ་བརྒྱད་སོགས་ཀྱིས་ཕྲིན་ལས་མཐར་ཕྱིན་ནོ།། དེ་ཡང་སྟོན་པ་གཤེན་རབ་གནས་ངེས་པ་མེད་པ་རི་རྒྱལ་ལྷུན་པོ་དང་ཞང་བོད་སྟག་གཟིགས་སོགས་ལ་བྱོན་ནས་འགྲོ་དོན་མཛད། སྟོན་པ་མ་ངེས་པ་འཛམ་གླིང་བྱེ་བ་ཕྲག་བརྒྱར་སྤྲུལ་སྐུ་བྱེ་བ་ཕྲག་བརྒྱར་སྤྲུལ་ནས་འགྲོ་དོན་མཛད། བཀའ་མ་ངེས་པ་དྲང་དོན་དང་ངེས་དོན་ཐེག་པ་ཆེ་ཆུང་གི་བོན་སྒོ་བརྒྱད་ཁྲི་བཞི་སྟོང་གསུངས། འཁོར་མ་ངེས་པ་སོ་སྐྱེས་དང་འཕགས་པ་སོགས་བརྗོད་ལས་འདས་སོ། དུས་མ་ངེས་པ་དུས་གསུམ་ལ་སོགས་ལ་བཞུགས་ནས་འགྲོ་དོན་མཛད་དོ། སྟོན་པ་གཤེན་རབ་སྤྲུལ་སྐུའི་རྣམ་པར་མཛད་ནས་མདོ་སྡེའི་བོན་རྣམས་གསུང༌། ལོངས་སྐུའི་རྣམ་པར་མཛད་ནས་གསང་སྔགས་དང་རྫོགས་ཆེན་གྱི་བཀའ་འཁོར་བསྐོར་བ་མཛད་དོ། སྟོན་པ་གཤེན་རབ་མི་བོའི་མཛད་པ་རྒྱས་པ་དྲི་མེད་གཟི་བརྗིད་གླེགས་བམ་བཅུ་གཉིས་ཅན་དང་མདོ་གཟེར་མིག་སོགས་ལས་གསལ་ལོ། ཞིབ་ཏུ་ཀློག སྟོན་པ་གཤེན་རབ་མི་བོའི་མཛད་པ་བཅུ་གཉིས་ཀྱི་སྐོར།

སངས་རྒྱས་ཀྱི་དབུ་ཡི་གཙུག་ཏོར་སྐོར་ལ་ཐོག་མར་དཔྱད་པའི་གཏམ་མེས་པོའི་ཞལ་ལུང་།

རྩོམ་བྲིས་པ།  དགེ་གཤེན་ཚེ་ཚང་འོད་ཟེར་རྒྱལ་མཚན།

( མ་རྩོམ་ཡོང་ཁུངས། ལུག་ཚང་དཔལ་ཡོན།)

Ushnish-696x497   ཉེ་ཆར་བོན་དྲིས་ལན་ར་བར་དཔྱོད་ལྡན་འགའ་ཞིག་གིས་སངས་རྒྱས་ཀྱི་དབུ་ཡི་གཙུག་ཏོར་དེ་ཇི་ཞིག་ཡིན་པའི་དྲི་བ་དང་འབྲེལ། སྐབས་དེར་ལན་ཟུར་ཙམ་ཕུལ་ཡོད་ཀྱང་། ད་དུང་རང་འདྲའི་རྟོག་དཔྱོད་ལ་དགའ་བ་ཅན་འགའ་ཞིག་ལ་རྒྱས་ཙམ་ཞིག་དགོས་པར་སྙམ་སྟེ། ཉིན་ཤས་སློབ་གསེང་དང་ལས་ཀའི་ཞོར་ནས་འདིའི་སྐོར་སྣ་ཟིན་སྤུ་ཟིན་ཙམ་ཞིག་གླེང་རྒྱུ་ཡིན།

      བོད་སྐད་ཐ་སྙད་ནང་དུ་སངས་རྒྱས་དབུ་ཡི་གཙུག་ཏོར་ཞེས་པ་འདི་མ་གླེང་གོང་། སྤྱིར་བཏང་དབུ་ཡི་ཐོར་ཚུགས་སམ་ཐོར་ཅོག་སྐོར་ངེས་པར་གླེང་དགོས་པ་ཞིག་ཆགས་ཡོད། རྒྱུ་མཚན་ནི། དབུ་ཡི་གཙུག་ཏོར་དང་། ཐོར་གཙུག་གམ་ཐོར་ཚུགས། གཙུག་ཕུད། ཐོར་ཅོག ལྭ་ཐོད་སོགས་ཕན་ཚུན་དོན་གཅིག་མིན་གང་ལྟར་འབྲེལ་བ་ཟབ་མོ་ཡོད་པ་ཞིག་རེད་ལ། མི་རིགས་གཞན་གྱིས་ཀྱང་ཐོར་ཚུགས་སམ་ཐོར་ཅོག་བཅིང་བའི་ལུགས་རྒྱ་ཆེར་འབྱུང་བས་སོ།།  ཞིབ་ཏུ་ཀློག སངས་རྒྱས་ཀྱི་དབུ་ཡི་གཙུག་ཏོར་སྐོར་ལ་ཐོག་མར་དཔྱད་པའི་གཏམ་མེས་པོའི་ཞལ་ལུང་།

སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།

སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།

རྩོམ་པ་པོ། དགེ་བཤེས་བློ་གྲོས་རྒྱལ་མཚན། རྩོམ་ཁུངས། ཧི་མ་ལ་ཡའི་བོན།

1ccc4bf17f550f6e1a8ce4f99e3ecf8c

   བསིལ་ལྡན་ཁ་བ་རི་བའི་ལྗོངས་སུ་སྐུ་ཡི་སྐྱེ་བ་བཞེས་ཅིང་ཤེས་རིག་ནོར་བུའི་མཛོད་ལ་ལོངས་སུ་སྤྱོད་པའི་བསྟན་དང་འགྲོ་བའི་དོན་མཛད་སུ་དང་གང་ན་བཞུགས་པ་རྣམས་ལ་ཞུ་གསོལ། འུ་ཅག་བོད་མི་རིགས་ཀུན་གྱི་ཕྱི་མོ་གྲུབ་མཐའ་ཡོངས་ཀྱི་རྗེ་བོ་སངས་རྒྱས་གཡུང་ དྲུང་བོན་གྱི་བསྟན་པ་རིན་པོ་ཆེ་འདི་ལ་སྲིད་ཞུ་འམ་གུས་བཀུར་རེ་དམིགས་ཏེ། ངེད་༼   སྤ་ཚང་དགོན་དཔེ་ཚོགས་༽ཞེས་པ། སྤ་ཉི་མ་འབུམ་གསལ། མཁས་དབང་གཡུང་དྲུང་འབྲུག་གྲགསགཏེར་ཆེན་ཡེ་ཤེས་གཡུང་དྲུང་།རྟོན་ལྡན་ཤེས་རབ་ཕུན་ཚོགས་བཅས་གསུང་འབུམ་ཕྱོགས་སྒྲིག་བྱེད་བཞིན་ལགས་པས། དགོན་རི་ཁྲོད་སྤྱི་ལ་གང་ནུས་དཔེ་སྦྱིན་ཞུ་འཆར་ཡོད་ནའང་སྤྱིར་སྒེར་ཡོངས་སུ་ཐུགས་འདོད་བསྐང་ནུས་ཞན་སྟབས་ལྷག་བསམ་ཅན་སུ་དང་གང་ལ་མཁོ་ཚེ་དེ་ལུགས་ཀྱི་ བསླུ་ཉོ་གནང་བའི་རེ་བ་ཡོད་ལ། དཔེ་རྙིང་ལག་སོན་བྱུང་རིགས་གཤམ་གྱི་ཨང་མིང་བཀོད་བཞིན་གཟིགས་དཔྱད་དང་གལ་སྲིད་འཚོལ་བསྡུ་ཁོངས་སུ་མ་གཏོགས་པའི་ཕྱག་དཔེ་ཡོད་ཚེ་གང་མགྱོགས་གཡར་གནང་མཛད་པའི་རེ་བ་སྟོང་གིས་འབོད་པ་ཡིན།

ཞིབ་ཏུ་ཀློག སྤ་ཚང་དགོན་དཔེ་ཚོགས་དང་འབྲེལ་བའི་བརྡ་ཁྱབ།

འབོད་བསྐུལ་གྱི་གསལ་བརྡ།

འབོད་བསྐུལ་གྱི་གསལ་བརྡ།

རྩོམ་པ་པོ། མཁན་མོ་ཚུལ་ཁྲིམས་རྒྱལ་མོ། རྩོམ་ཁུངས། ཧི་མ་ལ་ཡའི་བོན།
01
ལྡོང་རྫོང་གཤེན་བཙུན་སྨིན་གླིང་ངམ་ལྡོང་རྫོང་རི་ཁྲོད།

གཅིག བོད་ ལྗོངས་ཆབ་མདོ་སྟེང་ཆེན་རྫོང་ལྡོང་རྫོང་གཤེན་བཙུན་སྨིན་གླིང་ངམ་ལྡོང་རྫོང་ རི་ཁྲོད་ཀྱི་བླ་མ་དང་འགན་འཛིན་དབུས་པའི་འདུས་སྤྱི་ནས་མི་རིགས་ཀྱི་རིགས་གནས་ སྤྱི་དང་ལྷག་པར་བུད་མེད་ཀྱི་ཁྱད་ཆོས་ལྡན་པའི་རིག་གཞུང་ཉམས་གསོའི་ཆེད་དུ། འདི་ལོར་ལྡོང་རྫོང་གཤེན་བཙུན་སྨིན་གླིང་དུ་བཙུན་མའི་ཚད་མ་རིག་སྒྲ་འཚོགས་ རྒྱུ་གཏན་ཁེལ་ཡོད། དེ་ནི་བོན་གྱི་སྤྱི་མགོན་རྒྱལ་བ་གཤེན་རིན་པོ་ཆེའི་ཐུགས་དགོངས་གཞིར་བཟུང་ ཐོག། རྩེ་སློབ་ལུང་རྟོགས་བསྟན་པའི་རྒྱལ་མཚན་མཆོག་ནས་མཛུབ་སྟོན་གནང་བ་བརྒྱུད། ལྡོང་རྫོང་མཁན་མོ་ཚུལ་ཁྲིམས་རྒྱལ་མོས་གཙོ་འགན་བཞེས་ཡོད།

ཞིབ་ཏུ་ཀློག འབོད་བསྐུལ་གྱི་གསལ་བརྡ།

གསང་སྔགས་ཀྱི་འཇུག་སྒོ་བཞུགས་སོ།།

༄༅། །གསང་སྔགས་ཀྱི་འཇུག་སྒོ་བཞུགས་སོ།།

རྩོམ་པོ་པོ། སེང་སྤྲུལ་རིག་འཛིན་ཉི་མ། 001tl5DDzy6TQ0mFoMVd1&690

   དེ་ལ་མདོ་ལུགས་ལྟར་ན་སྟག་གཟིག་འོལ་མོ་ལུང་རིང་དུ་སྐུ་བལྟམས་པའི་བདག་ཅག་གི་སྟོན་པ་རྣམ་པར་ཐམས་ཅད་མཁྱེན་པ། ཉོན་མོངས་པའི་གཡུལ་ལས་རྣམ་པའི་རྒྱལ་བ། སྟོང་གསུམ་འཇིག་རྟེན་འདུལ་བའི་སངས་རྒྱས་དང་གཤེན་རབ་རྣམས་ལས་མཆོག་གམ་རབ་ཏུ་གྱུར་བ། གང་ཟག་མིའི་གཟུགས་སུ་སྤྲུལ་པའི་སྐུ། དུས་གསུམ་གྱི་སྟོན་པ་ལས་ད་ལྟའི་ཚེ་ལོ་བརྒྱ་ཡི་སྟོན་པ་རྒྱལ་བ་གཤེན་རབ་མི་བོ་ཆེའམ།   གསང་སྔགས་ལུགས་ལྟར་ན་སུམ་བཅུ་རྩ་གསུམ་ལྷ་གནས་གཡུ་ལུང་ཤེལ་གྱི་བྲག་ཕུག་ཏུ་སྐུ་འཁྲུངས་པའི་སྟོན་པ་བློ་གསལ་འཆི་མེད་གཙུག་ཕུད་ཀྱི་བསྟན་པའི་སྒོར་འཇུག་པ་ལ་ཉམས་སུ་ལེན་བྱའི་བོན་ལ་ཐེག་པ་དགུ་དང་། ཐེག་པ་བཞི་བཅུ་རྩ་ལྔ། ཐེག་པ་བརྒྱ་དང་རྩ་བརྒྱད་སོགས་མང་ཡང་དོན་དུ་ཐེག་པ་གཉིས་སུ་ངེས་ཏེ། ། དེའང་གདུལ་བྱ་དབང་པོ་ཐ་མ་པ་རྣམས་ལ་སངས་རྒྱས་ཀྱི་གོང་འཕང་ཐོབ་བྱེད་ཀྱི་རྒྱུ་དང་རྐྱེན་ཐམས་ཅད་ལམ་དུ་འཁྱེར་ནས་གཙོ་བོ་བསྟན་པའི་རྒྱུ་མཚན་ཉིད་ཀྱི་ཐེག་པ་བཞི་དང༌། ། གདུལ་བྱ་དབང་པོ་འབྲིང་དང་རབ་རྣམས་ལ་སངས་རྒྱས་ཀྱི་གོང་འཕང་འཐོབ་བྱ་དེ་ལམ་དུ་འཁྱེར་ནས་གཙོ་བོ་བསྟན་པའི་འབྲས་བུ་གསང་སྔགས་ཕྱི་ནང་གཉིས་ཀྱི་ཐེག་པ་ལྔ་སྟེ། ཐེག་པ་རིམ་དགུ་སོགས་ཐེག་པ་ཐམས་ཅད་རྒྱུ་འབྲས་ཐེག་པ་རྣམ་པ་གཉིས་སུ་བསྟན་པར་ངེས་པའི་ཕྱིར་རོ། ། ཞིབ་ཏུ་ཀློག གསང་སྔགས་ཀྱི་འཇུག་སྒོ་བཞུགས་སོ།།